AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
7
25-də Yasamal rayon Məhkəməsi (hakim Azər Tağıyev) Əliyevin barəsində 3 aylıq
həbs qət imkan tədbiri seçmişdir.
Jurnalistə qarşı vergidən yayınma, vəzifə səlahiyyətlərindən sui-istifadə və qanunsuz
sahıbkarlıq ittihamları 2014-cü ildə hüquq müdafiəçilərinə və QHT-lərə qarşı irəli
sürülmüş əsassız və nəticədə sübut edilməyən ittihamlarla eynilik təşkil edir.
Qanunsuz sahibkarlıq yalnız qeydiyyatsız fəaliyyətin nəticəsində yarandığı halda və
Turan agentliyinin qeydiyyata alınmış qurum olduğunu nəzərə aldıqda bu ittihamın
absurd olması üzə çıxır. 2016-cı il üzrə agnetliyin heç bir vergi borcunun olmaması
ilə bağlı Vergilər Naziriyinin Aktı olmasına baxmayaraq və səyyar yoxlama ilə bağlı
heç bir akt tərtib olunmadan yenidən vergidən yayınma ittihamının irəli sürülməsi bu
işdə siyasi sifarişin olduğunu bir daha nümayiş etdirir.
Bank hesablarının dondurulması, sənədlərin müsadirə edilməsi və Əliyevin həbsi ilə
“Turan” İnformasiya Agentliyi fəaliyyətini dayandırmaq məcburiyyətində qalıb.
ATƏT-in Media Azadlığı üzrə Nümayəndəsi Mehman Əliyevin
dərhal və qeyd-şərtsiz
azadlığa buraxılması çağırışını əks etdirən bəyanatla çıxış edib
3
. Avropa Şurasının
Baş Katibi ABŞ Dövlət Departamenti və Fransanın Xarici İşlər Nazirliyi bu həbsi
qınayan bəyanatlar
4 5
səsləndiriblər. Freedom House və Jurnalistləri Beynəlxalq
Müdafiə Komitəsi Əliyevin həbsini azad medianın boğulmasına yönəlik addım kimi
qiymətləndiriblər
67
.
2.
Nicat Nazim oğlu
ƏLİYEV
Saxlanma tarixi: 21 may 2012-ci il
© www.azadxeber.net
İttiham: CM-in 167.2.2.1
(qabaqcadan əlbir olan bir qrup şəxs və ya mütəşəkkil
dəstə tərəfindən müvafiq razılıq olmadan dini təyinatlı ədəbiyyatı, əşyaları və dini
məzmunlu başqa məlumat materiallarını istehsal etmə, satış və ya yayma məqsədi ilə
idxal etmə, satma və ya yayma), 234.1
(qanunsuz olaraq narkotik vasitələri, psixotrop
maddələri və ya prekursorları hazırlama, istehsal etmə, əldə etmə, saxlama, daşıma,
göndərmə və ya satma), 281.2
(bir qrup şəxs tərəfindən hakimiyyətin zorla ələ
keçirilməsinə, zorla saxlanılmasına və ya Azərbaycan Respublikasının konstitusiya
quruluşunun zorla dəyişdirilməsinə və ya ərazi bütövlüyünün parçalanmasına yönələn
açıq çağırışlar etmə, habelə bu cür məzmunlu materialları yayma) və 283.2.3-cü
3
http://bit.ly/2wf1nk0
4
http://bit.ly/2wzfhAd
5
http://bit.ly/2xmWqpv
6
http://bit.ly/2w8sYVF
7
http://bit.ly/2vlC5zn
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
8
(mütəşəkkil dəstə tərəfindən milli, irqi, sosial və ya dini nifrət və düşmənçiliyin
salınmasına, milli ləyaqətin alçaldılmasına, habelə milli, irqi və ya dini
mənsubiyyətindən asılı olaraq vətəndaşların hüquqlarının məhdudlaşdırılmasına və
ya üstünlüklərinin müəyyən edilməsinə yönələn hərəkətlər, aşkar surətdə və ya kütləvi
informasiya vasitələrindən istifadə olunmaqla törədildikdə) maddələri
Saxlandığı yer: 2 saylı Cəzaçəkmə Müəssisəsi
İş üzrə qısa arayış: Nicat Əliyev dini yönümlü tənqidi www.azadxeber.az veb-
səhifəsinin baş redaktorudur. N.Əliyevin həbsindən qabaq bu saytda hökumətin din
siyasətini, habelə Avroviziya-2012 mahnı yarışmasına həddən artıq maliyyənin
ayrılmasını, o sıradan Bakıda gey-paradın keçirilmə ehtimalını tənqid
edən materiallar
çap edilib. Mahnı yarışması ərəfəsində bu materialları, o sıradan ruhanilər Abgül
Süleymanov və Tale Bağırovun çıxışlarını əks etdirən diskləri şəhərin müxtəlif
yerlərində yaydıqdan dərhal sonra N.Əliyev və onunla birlikdə daha bir neçə nəfər
həbs edilib.
Jurnalistə ilkin olaraq, adətən fəallara qarşı “növbətçi” ittiham kimi istifadə edilən
narkotik maddə ittihamı irəli sürülüb. Həbsindən yalnız 8 ay sonra, 2013-cü ilin
yanvarın 23-də AŞPA siyasi məhbuslar üzrə məruzəçi cənab Ştrasserin siyahısının
əleyhinə səs verdikdən və nəticədə, məruzəçi mandatı dayandırıldıqdan 2 gün sonra,
yanvarın 26-da N.Əliyevə qarşı daha ağır üç yeni ittiham irəli sürülüb.
Bakı Ağır Cinayətlər Məhkəməsinin 9 dekabr 2013-cü il tarixli qərarı ilə Nicat
Əliyev 10 il azadlıqdan məhrumetmə cəzasına məhkum olunub (prokuror çıxışında
jurnalistin məhz 10 il azadlıqdan məhrum edilməsini istəmişdi ki, məhkəmə də bu
istəyi olduğu kimi təmin edib). Bakı Apellyasiya Məhkəməsi 27 iyun 2014-cü ildə bu
hökmü dəyişdirmədən qüvvədə saxlayıb. Ali Məhkəmə isə 07 aprel 2016-cı ildə
apellyasiya məhkəməsinin qərarından verilmiş şikayəti təmin etməyib.
Dini Qurumlarla İş üzrə Dövlət Komitəsinin əməkdaşı Nahid Məmmədov ekspert
kimi işə cəlb olunub. Yayılan disklərdəki çıxışlarda milli ədavəti qızışdıran nüanslar
olduğunu müəyyənləşdirib, bununla belə, ekspert bu nüansların detallarını
məhkəmədə izah edə bilməyib. Belə nüanslar olduğu hallarda həmin çıxışları jurnalist
deyil, işdə adı keçməyən başqa şəxslər edib, bununla belə jurnalist bu cür çıxışlar
etməkdə təqsirli bilinib. Jurnalistin evindən götürülən və dini ekstremizmi təbliğ
etdiyi iddia olunan Ərşad Əzimzadənin “Möcüzəsiz möcüzə” kitabı isə insan
orqanizminin ac qalmaqla müalicəsi barədədir. Kitab Azərbaycanda çap edilib və
rəsmi şəkildə qadağan olunmayıb. Bununla belə, ekspertiza bu kitabın idxal edildiyini
və dini ekstremizmə çağırışları əks etdirməsi ilə bağlı jurnalistin əleyhinə olan rəy
verib. Məhkəmə prosesində ekspertiza rəyi elan edilərkən və ekspert suallara cavab
verərkən rəyin sifarişlə hazırlandığı açıq şəkildə müşahidə olunub. Məhkəmə
prosesləri zamanı jurnalistin özü, o sıradan vəkili Yalçın İmanov da N.Əliyevin həbs
edilən zaman polisin işgəncələrinə məruz qaldığını, ağır xəsarətlər aldığını bildirsələr
də, bu iddialar araşdırılmayıb.
Nicat Əliyev ailəlidir, toyundan cəmi 23 gün sonra həbs edilib. Amnesty İnternational
təşkilatı jurnalistə qarşı ittihamları şübhəli adlandırıb
8
.
8
http://bit.ly/P8Z9vo