N.Nərimanov 1921-ci il noyabrın 15-16-da Azərbaycan
MİK rəyasət heyətinin və Azərbaycan XKS iclasında iştirak et-
mişdir. İclasda «Zaqafqaziya respublikalarının vahid siyasi-iqti-
sadi ittifaqda birləşməsi» məsələsi müzakirə olunmuşdur. Rəya-
sət heyəti N.Nərimanov başda olmaqla komissiya yaratmış və
konstitusiyanın layihəsini hazırlamağı tapşırmışdır.
1921-ci il dekabrın 30-da türk əlifbası komitəsinin I kon-
fransı keçirilmişdir. Giriş sözü ilə konfransı açan N. Nərimanov
yeni əlifbanın üstünlüklərindən və əhəmiyyətindən, ərəb
əlifbasının nöqsanlarından danışaraq demişdir: «Hərgah biz indi
bu əlifbaya keçməsək, o zaman 10 ildən sonra bu əlifba öz-özünə
itəcək. Odur ki, indi keçməli və elə etməli ki, on ildən sonra
olacaq zəhmətkeş ədəbiyyatını zəhmətkeş balaları oxuya bilsin».
N.Nərimanov Azərbaycanda məktəb
şəbəkəsinin
genişləndirilməsi, onlara azərbaycanlı balalarının cəlbi və
məktəblərdə Azərbaycan dilində dərslərin çoxaldılması sahəsinə
çox fikir verirdi. Lakin bəzi rəhbər işçilər buna maneçilik törədir
və mətbuatda çıxış edərək məktəblərdə Azərbaycan dilində
dərslərin azaldılmasını irəli sürürdülər. N.Nərimanov onları
tənqid edərək 1922-ci il iyunun 15-də «Bakinski raboçi» və
iyunun 18-də «Kommunist» qəzetlərində «Bir neçə yoldaşlara
cavab» məqaləsi ilə çıxış etmişdir. O, yazırdı: «Azərbaycanda
hakimiyyət kimin əlindədir? Fəhlə və yoxsul kəndlilərin
əlindədir. 2/3 savadsız, məzlum, avam və şüursuz yoxsul kəndli
və fəhlə türkdür; 1/3 başqa millətlərdir – ruslar, ermənilər,
yəhudilər, savadlılıq münasibətində
və ümumiyyətlə,
mədəniyyət cəhətdən yüksəkdə dururlar.
Türk fəhlə və kəndlisinin uşaqlarını başqa millətlərin
uşaqlarını hansı dilə yaxınlaşdırmaq istəyirsiniz?…
Burada i üzərinə nöqtə qoyaq, deyək: mənim rus dili xo-
şuma gəlir, rus dilində hər şey mənə yüngül və başa düşüləndir,
Puşkinin gözəl şerləri bu dildə yazılmışdır. Mən istəyirəm ki,
türk uşaqları bunu bilsinlər.
Türk uşaqları ancaq Puşkinin şerlərini deyil, Şekspiri,
Şilleri də bilməlidirlər. Ancaq, əvvəlcə onlar əsil proletar şairi
40
Sabirin acıqlı, mübariz şerlərini, Vaqif, Zakir, Vidadi kimi xalq
şairlərini bilməlidirlər…»
1922-ci il yanvarın 27-də Moskvada çağırılmış Ümumru-
siya MİK fövqəladə sessiyasında İtaliyanın Genuya şəhərində
keçiriləcək konfransa gedəcək nümayəndələr seçilmişdir.
Nümayəndə heyətinin tərkibinə Azərbaycandan N.Nərimanov
daxil edilmişdir.
1922-ci il martın 11-12-də Tiflisdə Azərbaycan, Gürcüs-
tan, Ermənistan Mərkəzi İcraiyyə Komitələrinin səlahiyyətli
konfransında Zaqafqaziya Sovet Sosialist Respublikaları Federa-
tiv İttifaqı (ZSSRFİ) təşkil edildiyi bildirilmiş, ZSSRFİ-nin
rəyasət heyəti seçilmişdir. Onun tərkibinə N.Nərimanov da daxil
olmuşdur. Sonra konfrans ZSSRFİ-nin N.Nərimanov,
A.Bekzadyan və P.Midvanidən ibarət Mərkəzi İcraiyyə
Komitəsinin üç sədrini seçdi. Onlar növbə ilə Zaqafqaziyanın
bütün işlərinə rəhbərlik etmişlər.
1922-ci il aprelin 10-dan mayın 19-dək İtaliyanın Genuya
şəhərində iqtisadi və maliyyə məsələləri üzrə beynəlxalq kon-
frans çağırılmışdır. Konfransda sovet nümayəndə heyəti də
iştirak etmişdir. Sovet nümayəndə heyətinin tərkibinə: G.Çiçe-
rin, L.Krasin, M.Litvinov, A.İoffe, V.Vorovski, Y.Rudzutak,
X.Rakovski, N.Nərimanov, B.Mdivani, A.Bekzadyan, A.Şlyap-
kin daxil idi. Azərbaycan hökuməti ona bəyanat vermək, çıxış
etmək və sənəd imzalamaq üçün səlahiyyət vəsiqəsi – mandat
vermişdir. Vəkalətdə oxuyuruq: «Nəriman Nərimanov
ümumsovet nümayəndələrinin tərkibində Azərbaycan Sovet
Sosialist Respublikasının mənafeyini təmsil etməyə, Azərbaycan
sovet hökuməti adından hər cür bəyanat verməyə, konfransda
müzakirə olunacaq məsələlər üzrə qərarlar qəbul etməyə,
Azərbaycan hökuməti adından sazişlər, müqavilələr, konvensi-
yalar, müşahidələr və s. bağlamağa vəkil edilmişdir».
N.Nərimanov aprelin 10-dan mayın 6-a kimi Genuya kon-
fransında iştirak etmiş, sovet nümayəndələrinin mövqeyində
durmuş, Bakı neftinə sahib olmağa çalışan kapitalist
41
dövlətlərinin hər bir cəhdini rədd etmişdir. O, Bakı neft
mədənlərinin bir qisminin xaricilərə konsessiyalara verilməsinə
tərəfdar olmuşdur. Nərimanov Genuya konfransından sonra bir
sıra qəzetlərin müxbirlərinə müsahibələr vermiş, konfranslarda,
qurultaylarda, iclas və müşavirələrdə çıxış edərək konfrans
haqqında, sovet nümayəndələrinin mövqeyi haqqında məlumat
vermiş və yazdığı «Əqil sərmayənin cəngində», «Genuya 10
aprel 1922 q.» məqalələrdə hərtərəfli izah etmişdir.
N.Nərimanov sonralar ziyalıların, fəhlələrin və kəndlilərin bu
məsələyə marağını nəzərə alaraq verdiyi müsahibələri,
bəyanatları, çıxışları və məqalələrini bir yerə toplayıb, «Genuya
nədir?» adlı 6 fəsillik kitabça hazırlamış, lakin nəşr
etdirməmişdir. Kitabça Azərbaycan Respublikası Siyasi Partiya-
lar və İctimai Hərəkatlar Dövlət arxivində N.Nərimanovun
fondunda saxlanır.
1922-ci il noyabrın 8-də Bakıda Sabir adına bağda
M.Sabirin heykəli qoyulmuşdur. Onun açılışında Azərbaycan
dövlət və ictimai xadimləri, ziyalılar, tələbələr iştirak etmişdir.
Həmin vaxt Bakıda olan N.Nərimanov da heykəlin açılışında
iştirak etmiş və nitq söyləmişdir. N.Nərimanov M.Sabirin
yaradıcılığına böyük qiymət verib yalnız fəhlə və kəndli
hökuməti tərəfindən ona heykəl qoyulduğunu qeyd edərək de-
mişdir: «Sabir Nikolay hökumətinin ən qorxulu günlərində heç
kəsdən qorxmayıb özünün kəndli və fəhlə tərəfdarı olduğunu
hamıya bildirdi. Öz şerləri və yazıları ilə kəndlilərin və
fəhlələrin haqlarını müdafiə edirdi… Buna görə heç kəs təəccüb
etməsin ki, ilk dəfə Sabiri yad edən və ona yadlıq (heykəl)
dikəldən biz kəndli və fəhlə tərəfdarı oldu!».
1922-ci il dekabrın 10-13-də Bakıda Zaqafqaziyanın Bir-
inci sovetlər qurultayı toplandı. Qurultayı giriş nitqi ilə
N.Nərimanov açaraq demişdir: «Bu təntənəli tarixi gündən
bütün Zaqafqaziya zəhmətkeşlərinin ürəkləri sevinclə döyünür,
çünki bu gün elə bir evin təməli qoyulur ki, həmin evdə
Zaqafqaziyanın bütün zəhmətkeşləri öz kədər və sevinclərini
bölüşdürəcəklər…
42
Dostları ilə paylaş: |