bütün dünya inqilabı fırtınasında qərq olmaq istəmirsinizsə,
Rusiya fəhlə və kəndlilərinin qızıl bayrağı altında sıx birləşin».
N.Nərimanov 1917-ci ilin aprel-dekabr aylarında Hümmət
təşkilatının iclaslarına sədrlik etmiş, komitəsinin sədri seçilmiş,
onun redaktorluğu altında «Hümmət» qəzeti nəşr olunmuş, Bakı
şəhər dumasına seçilmiş, Oktyabr inqilabı münasibətilə Azadlıq
meydanındakı mitinqdə çıxış etmiş, o eyni zamanda Balaxanı,
Sabunçu mədən fəhlələri xəstəxanalarında, Ümumqafqaz tələbə
cəmiyyətində siyasi vəziyyətlə əlaqədar məruzə etmiş «Hüm-
mət», «Bakinskiy raboçi», «Kaspiy» və s. qəzetlərdə məqalələri
dərc olunmuşdur. O, bu məqalələrində və əhali qarşısındakı
çıxışlarında rus inqilablarının Azərbaycan xalqının və bütün
Şərq xalqlarının azadlığa çıxmasında böyük rol oynadığını qeyd
etmişdir.
1918-ci il martın 17-dən (30-a) – 20-sinə (aprelin 1) kimi
Bakıda mart qırğını baş vermişdir. Başda S.Şaumyan olmaqla
bolşevik-daşnak qüvvələri sovetləri möhkəmləndirmək pərdəsi
altında mart qırğınını törətmişdilər. Martın 30-da silahlı to-
qquşmaya rəhbərlik etmək üçün Bakı Sovetinin İnqilabi
Müdafiə Komitəsi təşkil olunmuşdur. Onun tərkibinə
S.Şaumyan, P.Çaparidze, Q.Korqanov və b. yanaşı
N.Nərimanov da daxil edilmişdir. N.Nərimanov ilk gündən bu
qanlı qırğının qarşısını almağa çalışmış, öz mənzilində
S.Şaumyanın, M.Əzizbəyovun və b. bolşeviklərin iştirakı ilə
müşavirə çağırmış və onlardan tezliklə bu əksinqilabi milli
qırğının dayandırılmasını tələb etmişdir. Onun «Hümmət»
qəzetində çap olunmuş «Bakı, 1 Aprel», «Bizi aldatmışlar və
aldadırlar» məqalələrində və «S.Şaumyana və P.Çaparidzeyə»
göndərdiyi açıq məktubunda onların daşnak silahlı
qüvvələrindən istifadə etmələrini, müsəlmanlara –
azərbaycanlılara qarşı düzgün siyasət yeritməmələrini və sovet
hakimiyyəti ilə qorxutduqlarını kəskin tənqid edərək yazırdı:
«… Bu sovet hakimiyyətinə ləkədir və adına xələl gətirir. Əgər
Siz yaxın vaxtlarda bu qara pərdəni cırıb və bu ləkəni
31
silməsəniz, bolşevik fikri və Sovet hakimiyyəti burada qala
bilməz.
Sizə məlumdur ki, silah gücünə əldə edilmiş hakimiyyəti
xalq müdafiə etməsə, yaşaya bilməz».
N.Nərimanov bu dövrdə Bakı şəhəri İnqilabi Müdafiə
Komitəsinin tapşırığı ilə milli toqquşmanın qarşısını almaq üçün
zəhmətkeşlərə daha yaxın olan müsəlman sosialist partiyalarının
bürosunu təşkil etmiş, S.Şaumyan və b. komissarlarla birlikdə
Bakı və onun regionlarında erməni silahlı qüvvələrini tərksilah
etmək üçün Erməni Milli Komitəsinə göndərilən əmri imzala-
mış, Təzəpir məscidində Bakı zəhmətkeşlərinin mitinqində çıxış
etmişdir. O, eyni zamanda «Hümmət» qəzetinin səhifələrində
«Biz ayıq olmalıyıq», «Çağırış», «Bakı, 18 aprel», «İnqilab və
əksinqilab, inqilabçılar və əksinqilabçılar» məqalələrlə çıxış
edərək Bakıda, istərsə də Azərbaycanın başqa yerlərində baş
vermiş milli qırğını törədənləri kəskin tənqid etmiş və
milliyyətindən asılı olmayaraq Azərbaycan zəhmətkeşlərini
qardaşlığa, dostluğa və həmrəyliyə çağırmışdır.
1918-ci il aprelin 25-də Bakı fəhlə, əsgər və matros
Sovetinin iclasının qərarı ilə Bakı Xalq Komissarları Soveti
yaradıldı. Azərbaycanda və bütün Zaqafqaziyada ilk sovet
hakimiyyəti olmuş Bakı Xalq Komissarları Sovetinin tərkibinə
S.Şaumyan, P.Çaparidze, İ.Fioletov və b. ilə yanaşı
N.Nərimanov da daxil olmuş və ona şəhər təsərrüfatı komissarı
vəzifəsi tapşırılmışdır. N.Nərimanov ilk gündən bir komissar
kimi şəhərin sanitar vəziyyəti ilə tanış olmağa başlamış,
xəstəxanalara, məktəblərə, müəssisələrə getmiş, Bakı
dəmiryolunun II stansiyasında məskunlaşmış Quba və Muğan
qaçqınlarının vəziyyəti ilə tanış olmuş, əmək intizamını
möhkəmləndirmək haqqında şəhər xalq təsərrüfatı komissarlığı
üzrə əmri imzalamışdır.
1918-ci il mayın 26-28-də Bakı qəzası kəndli deputatları
sovetlərinin qurultayı keçirildi. N.Nərimanov qurultaya sədrlik
etmiş, onu təbrik nitqi ilə açmış, ikinci iclasında hakimiyyət
32
məsələsi haqqında məruzə etmişdir. O, məruzəsində qeyd etmiş-
dir ki, indiki hökuməti hiss etmək üçün köhnə hökumətin
fəaliyyətinə nəzər salmalıyıq. Köhnə hökumət istibdad hökuməti
idi, «heç müstəbid istəməz ki, onun əlinin altında olan əhali
gözüaçıq olsun». Sonra o, Rusiya inqilabının köhnə hökumətin
iç üzünü açması və onları devirmələri, yeni hökumətin yaradıl-
ması haqqında kəndlilərə məlumat vermişdir. N.Nərimanov
məruzəsində inqilabın hakimiyyəti yeni hökumətə – bolşeviklərə
verdiyini qeyd edərək deyirdi: «İxtiyar və hökumət biz
bolşeviklərin, yəni camaatın əlinə keçdi. Bu hökumət nə tələb
edir? Bu hökumət çalışır ki, Rusiyada inqilab hiss olunsun,
camaata yer verilsin; fəhlələr 8 saat işləsinlər, çox məvacib
alsınlar,.. fabriklər milliləşdirilsin». Qurultay Bakı qəzası kəndli
deputatları sovetinin 15 nəfərdən ibarət İcraiyyə Komitəsini
seçdi. Onun tərkibinə M.Əzizbəyov, D.Bünyadzadə, M.Vəzirov
ilə yanaşı N.Nərimanov da daxil olmuşdur.
Xalqının azadlığa çıxması və müstəqilliyi uğrunda gərgin
mübarizə aparmış N.Nərimanov 1918-ci ilin iyununda ağır xəs-
tələnərək xəstəxanaya düşmüşdür. Bu vaxt onun xəstələnməsi
haqqında «Hümmət» qəzeti məlumat vermişdir. N.Nərimanov
xəstəliyinin ağırlığına görə həkimlərin məsləhəti ilə Həştərxana
getmişdir.
1918-1919-cu illərdə N.Nərimanov Həştərxan şəhərində
fəaliyyət göstərmişdir. N.Nərimanov Həştərxan Quberniya İcra-
iyyə Komitəsinin hərbi-sanitar, maarif şöbələrinin müdiri,
Həştərxanda təşkil edilmiş Zaqafqaziya müsəlmanları işləri üzrə
komissar vəzifəsinə təyin olunmuşdur.
N.Nərimanov Hümmət təşkilatının Həştərxan bürosunu
yaratmış və ona başçılıq etmiş, eyni zamanda 1919-cu ilin ma-
yından 1920-ci ilin mayına qədər Həştərxanda çap olunmuş
«Hümmət» qəzetini redaktə etmişdir.
N.Nərimanov Həştərxanda dəfələrlə müsəlman qızıl əsgər-
ləri, kommunistləri, qadınları, ruhani və müəllimləri qarşısında,
fəhlələrin iclaslarında, yığıncağında, kurslarında müxtəlif
33
Dostları ilə paylaş: |