2.2. Quruda neftqazçıxarma sənayesində istehsal
xərclərinin strukturu və xarakterik xüsusiyyətləri
İqtisadi ədəbiyyatlarda istehsal xərclərinin təbiətinə aid
bir sıra maraqlı konsepsiyalar mövcuddur. Plamlı sosialist
iqtisadiyyatına dair nəşr olunmuş əsərlərdə istehsal xərcləri
məhsul istehsalına çəkilmiş xərclər kimi baça düşülür. Böyük
Sovet Ensiklopediyasında istehsal xərclərinin mahiyyəti isə
belə açıqlanmışdır; «istehsal xərcləri-məhsul istehsalına
çəkilən məcmu əmək məsrfləridir»
6
. Bu ensiklopediyada
həmçinin burjua cəmiyyəti və planlı sosializm cəmiyyətində
istehsal xərclərinin təbiətinin bir-birinə antoqonist ziddiyət
təşkil etdiyi xüsusi olaraq qeyd edilmişdir.
Qərb iqtisadi ədəbiyyatlarında istehsal xərclərinin
mahiyyətinə dair aşağıdakı fikirlər diqqəti cəlb edir: «İstehsal
xərcləri, firmanın bazara məhsul çıxarmaq qabiliyyətini və
cəhdini müəyyən edən ən mühüm amillərdən biridir»
7
. Qərb
iqtisadçılarının fikrincə istehsal xərcləri resursların nadirliyinə
və alternativ istifadə edilməsi faktlarına da əsaslanır. Ona görə
də bu və ya digər məhsulun istehsalı üçün müəyyən resursların
ayrılması hansısa alternativ məhsulun istehsalının qeyri
mümkünlüyünü göstərir. Müəlliflər oxucunu bu fikirə
inandırmaq üçün daha sadə bir misal gətirirlət: «Bu kitabın
oxunuşu zamanı sizin çəkdiyiniz xərclər sizin vaxtınızın
istifadə olunmasının alternativ variantlarından asılıdır ki,
onlardan da sizin imtina etməyiniz lazım gələcəkdir»
8
.
Azad iqtisadiyyat qurmuş ölkələrdə istehsal xərcləri
təsnifləşdirilərkən onların daimi, dəyişən və ümumi xərclər
kateqoriyalarını fərqləndirirlər. Bu gün yeni iqtisadi sistemə
keçiddə, milli iqtisadiyyat quruculuğuna azad iqtisadi
münasibətlərin inkişafında böyük nailiyyətlər qazanmış qərb
6
«Большая Советская Энсиклопедия». М.: 1985.
7
К.Л.Моконелл, С.Л.Брью «Экономикс». М.: 1992. cəh 45.
8
Yenə orada.
53
iqtisadiyyatında istehsal xərcləri problemi bütünlükdə iqtisadi
inkişafın elementləri, prinsiplərinin öyrənilməsi elmi
əhəmiyyət kəsb edir. Bunu dərk etmədən, öyrənmədən
işgüzarlıq, məhsuldarlıq, sahibkarlıq sahəsində uğur qazanmaq
mümkün deyildir. Keçmiş planlı sistemdə də istehsal xarcləri
probleminin əhəmiyyəti həmişə vurğulanırdı, lakin bu
problemin həllində müəyyən sünilik, sərt idarəetmə
metodlərının təsiri özünü göstərirdi. Qiymət, əmək haqqı
siyasətindəki ideoloji prinsilərin üstünlüyü istehsal xərclərinin
dəyişməsinin obyektiv meyllərini, istiqamətlərini müəyyən
etməyə imkan vermirdi. İstehsal xərcləri elə bir kateqoriyadır
ki, bazar münasibətlərinə keçid mərhələsində onun dünya
təcrübəsində istifadə olunan prinsipləri və metodları əsasında
tədqiqinə böyük ehtiyac vardır. Bu sahədə müəyyən addımlar
atılmalıdır. Qərb şirkətlərinin Azərbaycanda iş qurmaları, o
cümlədən quruda neftqazçıxarma sənayesində təşkil edilmiş
xarici kapitalın müştərək müəssisələrin fəaliyyətində bu
problemə diqqətin artırılması zərurətini tələb edir. Təbii ki,
bunula yanaşı neftqazçıxarma sahəsində də istehsal xərclərinin
dünya təcrübəsində toplanmış, qəbul edilmiş təsnifatı,
göstəriciləri və prinsiplərdən gələcəkdə istifadə edilməsinə
hazırlıq görülməlidir. Təhlil göstərir ki, bu sahədə əsas maneə
yeni iqtisadi sistemin ideologiyasının hələ də tam
yaradılmaması ilə bağlıdır. Lakin gözləmədən, burada daha
cəsarətli addımlar atılmalıdır. Çünki, istehsal xərclərinin
azaldılması bazar iqtisadiyyatının özünün təbiətindən doğur və
bu sahədə atılan hər bir addım mənfəətin artırılmasına
yönəldilir.
Bu və ya digər regionda istehsal xərclərinin səmərəliyinin
müqayisəli materialarla müraciət etdikdə daha düzgün nəticə
çıxarmağa əsas verir. Beləki, respublikanın neftqazçıxarma
mədənlərinin uzun müddət istismar edilməsinə baxmayaraq,
burada hasilat göstəriciləri yüksəkdir. Dünya üzrə neft quyuları
fondunun 80%-i ABŞ-nın payına düşdüyü halda, neft
54
hasilatında bu ölkənin payı cəmi 15% həcmindədir. Yaxın
Şərqdə hər qazılmış quyuya 225 min ton ehtiyat düşdüyü halda,
bu rəqəm ABŞ-da 5-7 dəfə azdır. Bundan başqa hər bir quyuya
düşən neft ehtiyatı ABŞ-da 26040 min ton, quyuların gündəlik
debiti isə 1,8 ton təşkil edir ki,bunlar da aşağı göstəricilər
sayılır.
Quruda neftqazçıxarma kompleksində sahə strukturu
Sənaye, Qazma, Tikinti, Geologiya, Geologiya, Elm, Təchizat,
Ticarət bölmələrini əhatə edir. Anoloji struktur DNQÇİB-də
mövcuddur.
Son 5-6 ildə bu bölmələr arasında nisbət dəyişməyə
məruz qalmışdır. Qazma üzrə xərclər azalmış, tikintidə sürətli
xərc artımı baş vermişdir.
Hər bir neftqazçıxarma, qazma, tikinti, nəqliyyat və sair
sahələr üzrə istehsal xərclərinin strukturu spesifik və
müxtəlifdir. Müvafiq sahələr üzrə istehsal xərcləri QNQÇİB-də
ümumiləşdirərək 1 ton neftin və 1000 m
3
qazın faktiki maya
dəyərini müəyyən edir Neftin və qazın istehsal xərclərində
vergilərin xüsusi çəkisi də böyükdür. Bəzən gəlir və xərclərin
səviyyəsi bir neçə il ərzində o qədər intensiv dəyişır ki,
müəyyən qanunauyğunluğu aşkar etmək çətinlik törədir.
Məsələn, 1994-cü ildə İstehsalat Birliyi üzrə bütün xərclərin
75,5%-i sənayenin, 16,1%-i qazma sahəsinin payına düşdüyü
halda, 1995-ci ildə bu rəqəmlə müvafiq olaraq 81,0% və 10,9%
təşkil etmişdir. Tikinti və təchizat sahələrində də yüksək
dəyişkənlik tempi müşahidə olunmuşdur.
Aşağıdakı cədvəllərdən QNQÇİB-nin 1994-1996-cı illər
ərzində ümumi gəlir və xərclərdə ayrı-ayrı istehsal sahələrinin
xüsusi çəkisi öz əksini tapmışdır.
55
Dostları ilə paylaş: |