513
olduğunu bilmədiyi kimi, kitab üzü açmaq vərdişi olmayan
tələblərimiz də var. Şəhərin - Bakının yükü az qala iki qat, üç qat
artıb. Bahalıq, qıtlıq... Yaşayış vasitələri çətin tapılır. Bir yumurta 40
manatdan artıqdır. Valideynlər öz boğazlarından kəsib şəhərdəki
tələbə övladlarına göndərir - mənzil haqqı, yemək haqqı, geyim üçün.
Dövlət orduya sərf edəcəyi pulun bir hissəsini tələbə təqaüdünə ayırır,
oxuyub mütəxəssis olmaq üçün onlara bron verir. Lakin
tələbələrimizin hamısı bu vəzifəni, bu qayğını başa düşürmü, öz
vəzifələrini dərk edə bilirmi? ”Mənim oxuyub-oxumamağımın erməni
işğalına nə dəxli var?” deyən tələbələrimiz bizim yox, mən deyərdim,
düşmənimizin dostudur. Gəncliyi savadsız olan, mütəxəssisi naşı olan
bir xalqın, Yusif Səmədoğlu demiş, yüz qalasını alar düşmən. Gənclik
qarşıdan gələn semestr imtahan və zaçotları üzərinə zəfərlə
yeriməlidir, heç bir başqa vasitə, əlavə kömək axtarmadan birbaşa
yeriməlidir! Və bu borcunu dərk etməlidir. Hansı sahədə, hansı
vəzifədə oluruq-olaq, ayıq olmalıyıq, tam səfərbər olmalıyıq, zəfərli
yürüşdə olmalıyıq.
Bütün informasiya vasitələri bir hədəfə vurmalıdır. Cəbhə bir
mişen kimi göz qabağında durmalıdır. Lakin bizim qəzetlərin bir
çoxunu elə bil, erməni redaktə edir.
Yadıma düşdükcə məni ağrıdan bir epizodu yenə xatırlayıram.
Heydər Əliyevin hakimiyyətə gəldiyi ilk günlərdə qəzetlərdən biri
Petrosyana müraciətlə yazırdı ki, bizim yeni lider tanklardan zireh
geyib, tutduğun Qarabağ torpaqlarını əlindən alacaq - başına indidən
çarə qıl. Qəzet bunu Petrosyana yox, özümüzünkünə kinayə ilə
yazırdı. Mən başa düşə bilmirəm: azərbaycanlı olan şəxs üçün
tanklardan, toplardan, təyyarələrdən zireh geyib, murdar erməni
doğulmuşları torpağa qarışdırıb, sonra da həmin torpaqla birlikdə
sərhədin o tayına kürüyüb tökməkdən də böyük arzu, böyük istək ola
bilərmi?
Şəhərlərimizin çoxu xəyanətlə getdi. Ölkəmiz xəyanət
nəticəsində talandı. Mən Azərbaycan tarixini çox sevirəm və çox
öyrənirəm. Tarixin o qaranlıq səhifələrində də, quldarlıq və feodal
dünyasında da vətən torpağını satmaq, vətəndaş qırğını törətməklə
varlanmağa, kilo-kilo qızıllar əldə etməyə çalışanlar barədə məlumat
yadıma gəlmir. Qəzetlərimiz bütün şəxsi münasibətləri unudub bir
hədəflə - cəbhə və qələbə problemləri ilə məşğul olmalıdır. ”Böyük
Vətən müharibəsi” adlandırılan müharibənin başlandığı ilk günlərdə
mən ”Kommunist” qəzetinin timsalında mətbuatın, ziyalılarımızın,
alim və şairlərimizin müharibəyə münasibəti barədə bir neçə nümunə
514
göstərib fikrimi tamamlamaq istəyirəm.
1941-ci il iyunun 22-də səhər saat 4-də müharibə başlananda
qəzetlərin çoxu çıxmışdı və ona görə də həmin günün qəzetlərində
müharibə barədə (axşam qəzetləri müstəsna olmaqla) danışılmır. 23
iyunda ”Kommunist” yalnız müharibədən yazır. İlk səhifə ”Sovet
xalqı müqəddəs vətənimizin sərhədlərinə qəsd edən düşməni
darmadağın edəcəkdir” böyük rubrikası ilə nəşr olunmuşdur. İlk
səhifədə Xalq Xarici İşlər Komissarı Molotovun bəyanatı, hərbi
səfərbərlik haqqında və ölkənin bəzi ərazilərində hərbi vəziyyət
yaradılması barədə fərman verilmiş, müharibə ilə bağlı başqa yazılar
dərc olunmuşdur. Birinci səhifənin sağ yarısında səhifənin dörddə biri
boyda Stalinin böyük şəkli. Bu o demək idi ki, rəhbər bizimlədir,
özünü itirmək olmaz, möhkəm durmaq lazımdır. Sonrakı səhifələrdə
alim də, kolxozçu da, ziyalı da, fəhlə də, gənc də, qoca da ancaq
qələbədən danışır. Bütün Avropada Hitlerin qarşısında duran olmayıb,
bizim qəzetlər müharibənin səhəri günü tam inamla qələbədən danışır,
ilk qəzetlər ”Qələbənin altı şərti” məqaləsini dərc edir.
Qəzet ikinci səhifədə Səməd Vurğunun ”Vətən keşiyində”
şerini dərc etmişdir. Bu şeri mən müharibə dövrü poeziyamızın
proloqu adlandırardım:
Bilsin ana torpaq, eşitsin vətən,
Müsəlləh əsgərəm mən də bu gündən.
Bu gün bir süngüdür əlimdə qələm,
Mənim bayrağıma göz dikir aləm.
Əzizim Stalin, arxayın ol sən,
Sənin hər əmrinə hazırdır vətən!
24 iyun. Qəzet yalnız müharibədən yazır. Rubrika: ”Xalqımız
vətən uğrunda, Stalin uğrunda düşmənə qarşı döyüşlərə həmişə
hazırdır!” Qəzetin böyük, kiçik bütün yazarları hər dəqiqə rəhbəri
xatırladır. Rəhbərə inam heç bir ordu ilə müqayisə olunmaz. Amma,
şübhəsiz, bu inamı qazanmaq lazımdır.
Qəzetin bu nömrəsində S.Vurğunun ”Ananın öyüdü” şeri dərc
olunmuşdur. Şerin altındakı qeyddən aydın olur ki, 23 iyunda yazılıb.
Deməli, müharibənin səhəri günü S.Vurğun iki klassik şeir yazıb.
Bütün oxucular bilir ki, bu şeir - ”Ananın öyüdü” cəbhəçilərə bir ordu
qədər təsir edib:
Geyib əsgər paltarını, silahlandı qəhrəman,
Onun polad sinəsinə sığışmadı ürəyi...
515
Ana, getdim, salamat qal, deyib öpdü qarını,
Ana doğma balasına açdı öz qollarını.
25 iyun. Qəzet müharibədən yazır. S.Vurğunun ”Şəfqət
bacısı” şeri dərc olunmuşdur:
Gəl, ana yurdumun qızı, gəlini,
İndi namus vaxtı, qeyrət dəmidir...
Cəbhələr çağırır, gəl düşək yola,
Zəfər bizimkidir, uğurlar ola!. .
Quduz hitlerçilərin hücumunun üçüncü günü Səməd Vurğun
”Zəfər bizimkidir, uğurlar ola” deyirdi. Qələbəyə inam yaradılırdı.
Qəzetin həmin nömrəsində Məmməd Rahim müharibəyə mü-
nasibətini, vətənə məhəbbətini, qələbə inamını ”Stalin yoldaşa” şeri ilə
ifadə edirdi:
Sinəm xalqın hasarıdır, düşmən yıxıb keçə bilməz,
Bu torpağın çaylarından yad atları içə bilməz.
26 iyun. Qəzet S.Vurğunun ”Qızıl şahinlər” şerini dərc etmiş-
dir. Təyyarələrimiz hələ müharibənin ilk günlərində, şaşqınlıq
günlərində bir iş görə bilmədiyi halda, S.Vurğun onların şücaətindən
danışır, onlara vətənin ümidi kimi baxırdı:
Tərlan kimi qıy vuraraq buludlardan buludlara,
Uçub gedir şahinlərim dumanları yara-yara.
Uçun, qızıl şahinlərim, göylər olsun məskəniniz,
Arxanızca göz dikmişdir sizin böyük vətənimiz.
Məmməd Rahimin ”And içirəm” şeri də bu nömrədədir.
27 iyun. Qəzet M.Dilbazinin ”Möhkəm yapış silaha”, Bəbir
Məmmədzadənin ”Partizan tüfəngi” şeirlərini və Kiçikin adlı
birisindən Mirzə İbrahimovun tərcümə etdiyi ”Döyüşçünün andı”
şeirlərini dərc etmişdir.
28 iyun. S.Vurğun qəzetdə dərc etdirdiyi ”Qoca qəhrəmanın
çıxışı” şerində qoca qəhrəmanın dili ilə deyir ki, mən bir qolumu
itirsəm də, bir əlimlə tutduğum bu qılıncla düşməni biçib-tökmək üçün
yenidən cəbhəyə gedirəm.
29 iyun. Qəzet Mirzə İbrahimovun ”Vətən eşqi” şerini dərc
etmişdir. Gənc ər və qadın öz körpə uşaqlarını başqalarına tapşırıb kö-
Dostları ilə paylaş: |