Sosial mənafe subyektin obyektə qarşı münasibətidir. Bu
münasibətin təzahürü zamanı aşağıdakı 4 hadisə baş verir:
1.
tələbatların qruplaşdırılması;
2.
onların ödənilməsi üçün vasitə olan obyektlərin müəyyən
edilməsi;
3.
subyektin həyat fəaliyyətinin sosial şəraiti (mühit);
4.
bu və ya digər tələbatların ödənilməsi üsullarının
müəyyənləşdirilməsi.
Təbliğat işinin çox vaxt lazımi səmərə verməməsi məhz
mənafelərin nəzərə alınmamasından irəli gəlir. Bu isə son nəti-
cədə sosial gərginliyə, oradan isə ziddiyyətə aparır. Vətən-
daşların fəal həyat mövqeyi yüksək inkişaf səviyyəsinə çatmış və
humanist yönümə malik şüur sayəsində mümkün olur.
Deyilənlərdən bu qənaətə gəlmək olar ki, ideologiya ictimai
münasibətlərin bir növü və siyasi şüur forması kimi, hər şeydən
əvvəl, ayrı-ayrı ictimai qrupların mənafelərinin reallaşdırılmasına
xidmət edir. Bütün formalarda və xarakterdə (milli, şovinist,
sosialist, faşist və sairə) meydana gələn ideologiyalar ilk
başlanğıcda böyük əksəriyyətin maraqlarının carçısı kimi çıxış
etsə də, son nəticədə həmişə müəyyən qrupların mənafelərindən
ibarət olduqlarını gizlədə bilməmişlər. Çünki, mahiyyətcə onlar
bir çox sosial qrupların təfəkkürünün məhsulu kimi yaranır.
2. İctimai münasibətlər və
insanların sosial fəaliyyəti
İdeoloji təsəvvürlər ideoloji prosesin ən mühüm struktur
komponentlərindən biridir. Onlar fərdlərin, habelə sosial bir-
liklərin nəzəri və empirik şüurunun dialektik vəhdətini yaradırlar.
Bu təsəvvürlər cəmiyyətin iqtisadi, sosial, siyasi və mənəvi
inkişafı prosesinin mahiyyət səciyyələnrinin mənimsənilməsi
prosesində meydana gələrək formalaşırlar.
Məhz buna görə də ideoloji təsəvvürlər sistemi aşağıdakı
münasibətlərin məcmusundan doğur: iqtisadi, sosial, siyasi,
əxlaqi, dini və milli.
207
İdeoloji təsəvvürlər sosial fəaliyyətin müvafiq formalarında
aktuallaşır. Bu və ya digər sosial təşkilatların üzvü olmaqla
zəhmətkeşlər artıq formal olaraq sosial-siyasi fəaliyyətə
qoşulurlar.
İnsanların hər bir konkret ictimai-iqtisadi formasiyada,
yaxud cəmiyyət tipində iqtisadi, sosial, ideoloji və siyasi mü-
nasibətləri onların iradəsindən və şüurundan asılı olmayaraq
obyektiv mövcud olur. Eyni zamanda yalnız insan ictimai
münasibətlərin real daşıyıcısıdır.
İqtisadi, sosial, ideoloji və siyasi münasibətlər insanların
şüurunda və davranışında tarixən müəyyən cəmiyyət tipi əsasında
təzahür tapır, əmələ gəlir və bununla da hər bir insanın sosial
keyfiyyətini, onun sosial fəaliyyətinin xarakterini müəyyən edir.
Sosial keyfiyyət, ardıcıl olaraq insanın sosial fəaliyyəti bir sıra
obyektiv və subyektiv amillərdən və onların konkret şəraitdə
fərqli birləşməsindən asılıdır. Bu amillərə aşağıdakılar aiddir:
-
İnsanın həyat fəaliyyətinin ümumi və spesifik şəraiti və for-
maları. Bir tərəfdən, insan bu şəraitin, onun təbii təşkilinin,
digər tərəfdən, onu bütün həyatı ərzində əhatə edən şərtlərin
təsirinin məhsuludur;
-
Siniflər, sosial və sosial-psixoloji qruplar və ayrılıqda fərdlər.
İnsan nə dərəcədə fərdi keyfiyyətlərə malik olsa da, yenə də o
birbaşa, yaxud dolayı halda onu əhatə edən cəmiyyətlə və
onun müxtəlif struktur elementləri ilə ünsiyyətdə olur;
-
Əməyin bölgüsünün, ictimai həyatın əsas sferalarının (isteh-
sal, siyasət, ideologiya), həmçinin bu sferaların daxili
strukturunun (sənaye, kənd təsərrüfatı, elm, incəsənət,
mədəniyyət və i.a.) insanların həyat fəaliyyətinə təsiri. İn-
sanlar öz fəaliyyətlərini cəmiyyət həyatının müxtəlif sfera-
larında həyata keçirərkən, əməyin bölgüsünün xüsusi sa-
hələrinə məxsus olurlar ki, bununla onlar özlərini sanki
müstəqil sahələrdə görurlər. Əslində isə insanlar cəmiyyət
həyatının müxtəlif sferalarına həm də təsir göstərmək im-
kanlarına malikdirlər.
208
Hər bir insanın davranışında və fəaliyyətində mənəvi
başlanğıcın təsdiqi cəmiyyət həyatının mənəvi sahəsinin çox-
saylı komponentləri – elm, təhsil, tərbiyə, əxlaq, incəsənət, din və
ilaxır vasitəsilə reallaşır.
İnsanların sosial fəaliyyətini sadəcə ictimai münasibətlərlə
məhdudlaşdırmaq olmaz. Klassik sosioloqların əksəriyyəti hesab
edir ki, ideoloji münasibətlərin təzahürü bilavasitə konkret
cəmiyyətin iqtisadi bazisinin və üstqurumunun müxtəlif növlərinin –
siyasi, hüquqi, dini və i.a. məcmusu ilə bağlıdır. Bu bir sıra
amillərlə şərtlənir. Birincisi, ideoloji münasibətlər hər bir
cəmiyyətdə konkret olur və o, mövcud quruluşun bütövlükdə
ictimai münasibətlərinin qorunmasına xidmət edir. Buna görədir ki,
quldarlığın, feodalizmin, kapitalizmin, sosializmin ideoloji
münasibətləri biri digərindən fərqlənir və ona əks olaraq yaranmış-
dır. İkincisi, sözügedən cəmiyyət tiplərində ideoloji münasibətlərsiz
cəmiyyətdaxili münasibətlərin və sosial normaların yaradılmasının
və saxlanmasının mümkünsüzlüyüdür. Bu cəhət özünü daha çox
müxtəlif sosial qruplar, siniflər və etnik tərkiblərlə bağlı olaraq
göstərir. Nəhayət, üçüncüsü, insanların sosial fəaliyyətinin bilavasitə
ideoloji münasibətlərlə bağlı reallaşmasıdır. Bu şərt isə onu təsdiq
edir ki, hər bir cəmiyyətdə insanların razı qalıb-qalmamasından
asılı olmayaraq hamılıqla özlərinin sosial fəaliyyətini konkret
ideoloji münasibətlər əsasında qururlar.
İdeoloji münasibətlərin əsas funksiyası onun cəmiyyətin
ictimai münasibətlərinə, ictimai varlığına və ictimai şüuruna fəal
təsiridir. İctimai şüurda ən aparıcı yeri ideologiya tutur. Hər bir
cəmiyyətdə təhsil, elm, mədəniyyət, əxlaq, hüquq, dini
münasibətlər siyasətdən nə dərəcədə asılıdırsa, bütün bunlar
birlikdə ideoloji münasibətlərdən o dərəcədə asılıdır. Bu belə
olmasaydı, onda cəmiyyətin sosial strukturunun daxili
elementlərini və onların idarə olunması prosesini həyata keçirmək
mümkün olmazdı.
İctimai şüurun ideoloji münasibətlərlə struktur komponenti
cəmiyyətin sosial qüvvələrini – sosial qrupları, kollektivləri,
sinifləri, milləti, ayrı-ayrı şəxsləri fəaliyyətə gətirir ki, bu
209
Dostları ilə paylaş: |