BabəK-İ XÜRRƏMDİn toplusu

 
 
  
72
GÖRƏNƏ MİNNƏT                             1985/11/09 
 
 
 
 
 
 
Pərişanlıq geyib,  
                          əyinlər..... başlar 
kas güzgü dalında,  
                         əmlik gözəlliklər,  
    - oturub ağrılar üstündə, ağrın.  
çiçəklər... ürəklər,  
                         düyünlü...... asılı,  
                           zaman qaşından 
...və qatbaqat bulud,  
                               gözləri yaşlar 
bir dəniz iradə üstə hamaşlar, 
                miniblər gecənin qaranlığında 
                                           uca dalğalara,           
........ birgə gedirlər 
              gətirsinlər aydın gündüzü, əlbət  
...................................... görənə, minnət! 

---

 
 
  
73
ŞƏHADƏT GECƏSİ                           1996/01/18 
 
 
 
Bəz, o gecə, təklifini 
                 Cavidanın yaralanan cınağından götürürdü 
bir qurtum; hum, və bir tikə quru çörək  
                                       o təklifi, Babəkiçin tapşırırdı 
.........ilqar deyə, ürək- ürək, döyünənlər 
                                                   verirdilər söz eşqiçin: 
( toprağımdan üzüm dönsə; ömür mənə, haram olsun 
eldən- dildən, dilim dönsə; həyat, mənə tamam olsun) 
o bir gecə, bütün Xürrəmdin-ləriçin, 
                                           şəhadətin gecəsiydi 
o bir gecə, nəfəslərin ağırlığı, ürəkləri ağrıdırdı 
.....və gedirdi, dalğalarda boğulduğu cərəyanlar, 
 - "on iki yüz ildən sonr" baxışımda qanad açsın     
xatıralar gözəsində yorulduğu, öldürülmüş qürur, 
      bu gün; mənə doğru, sənə doğru, - durub qaçsın     
bəhe...y, qardaş;  
                  bu gününün nəticəsi, olmuşam; mən 
daşı - daşı, kötücənçin, o qüruru 
                                               ....... sabahda, sən. 

---

 
 
  
74
DÖNMƏZİN İNAM                                   1996/01/25 
 
 
 
 
 
 
Ürəkdən ürəyə, getdin, ...və getdin 
                         gəzdin, zaman- zaman; ucalıqları   
                             - durdun, tarixlərin üfüqlərində 
aldın zamanları,...... yenə yeridin 
                          verdi qaynarlığı, qanlara; şövqün  
                         - canlarda, bir yeni yer açdı eşqin 
volkanlı könüllər mülkünü aldın 
 .....sınmaz, iradəndə;   
                        sönməzin od olaq, dönməzin inam 
bitir...bitir..., itgin dərdini; məndə 
                         açaraq qol- qanad, calanım səndə,    
                                yetirim, paylayım ulduzlarına 
.............onlar, atəş açsa; doğular səhər 
deyərəm: zülmətsiz uğrumda, dur gəz 
hər ulduz, bir günəş 
- hər günəş, bir Bəz 

---

 
 
  
75
UZUN SƏFƏR                                        1989/12/12 
 
 
 
 
Gecə gözü hardayamsa: 
           bir qurtumluq nəfəs ara   
           - ayağımı dərə- dərə, uzun səfər başlamışam. 
bu keçiddə, baxımım; bir dalayıdır 
                                      ......istəklərim; dəniz- dəniz 
mən; kiməmsə, 
            eşidirəm zaman səsin, körpələrin həvəsində! 
                                   izləyirəm gələcəyi, gedişlərdə 
yaşayıram, ataların röyasında 
            qoçaqların qıyhasında 
gecə gözü hardayamsa: 
                          məzlumların, harayında görsənərək, 
                                  qocaların, ürəyində diksinirəm 
daşıyıram gözlərimdə, 
                 qazamatlar qoltuğunda, dəxil düşən  
                                             niyazları- arzuları 
mən; kiməmsə, tam külilə, içi dolu qocalığam 
qızışıram öz közümdə, səssiz .............. səssiz. 

---

 
 
  
76
ALINMAZIN UCALIQ                             1996/01/25 
 
 
 
Onlar;  
            alınmazın ucalıqdılar! 
onlar;  
          ürəkdilər, eşqə- niyyətə 
inanın, .... inanın, bu həqiqətə. 
ölümü; dananlar, o ölməzinlər 
                            bu gün, oyaqdılar qeyrətimizdə  
ölümü; öldürən, ürəyimizdə 
                              onların; közüdür, 
                                  .... eşqin, atəşi    
yaşamı güldürən həyatımızda, 
                                   onların səsidir    
                              .... eşqin nəğməsi   
inanın, ..... inanın, bu həqiqətə. 
dünənlər; 
                          bu günün addımlarıyla, döyünür 
                                           qonuşsun gələcəyizlə  
kökünü istəsən aydınlayasan 
                             bütün zamanlarda, özünü izlə. 

---

 
 
  
77
ƏBRƏŞTƏVEYM                        1996/02/24 
 
 
 
 
 
Əyləşmişdi vüqarında Əbrəştəveym 
Ucalığı; 
         gizlətmişdi öz içində dərinliyin 
                   yad gözündə, oxunmasın 
qaşqabağı, yayılmışdı ormanlara 
     bədnəzərlər gözlərinə toxunmasın 
.... uduzmuşdu imanını, qarşısında, Əyon oğlu-(14) 
Əbrəştəveym: gecələri;  
              ulduz- ulduz yeriyərdi ürəklərin səmasında    
                  - gündüzləri;  
                     dodaqlarda, nəğmə- nəğmə; oynayırdı 
..... gül- çiçəklər qanadıyla, ətək- ətək, 
                            alırdı gül, satırdı gül 
əyləşmişdi vüqarında, El namusu 
            kənarında; yaz ordusu, ehtişamlı qulluqçusu 
Əbrəştəveym, ilham dağı 
......................... el dayağı. 

---