125
İslam alimlərinin gözü ilə hədis elmində
Vaqqas haqqında nə deyir: “O, insanlar arasında ədalətli
davranmır. Səriyyələrlə savaşa qatılmır. Qənimət mallarını
ədalətli şəkildə bölmür”. Halbuki, Sad Bədr döyüşündə
iştirak etmişdir. Cənnətlə müjdələnən 10 məşhur səha bə-
dən, Hz. Ömərin şurada vəzifələndirdiyi 6 şəxsdən biridir.
Eləcə də Hz. Ömərin “Hz. Peyğəmbər ondan razı olaraq
vəfat etmişdir”, − dediyi şəxsdir.
Rəvayət edildiyinə görə, Musa peyğəmbər belə dua et-
miş dir:
“Allahım! Məni İsrail oğullarının dillərindən qoru!” Allah
da ona belə vəhy etmişdir:
“Ey Musa! Mən Özümü bundan qorumadığım halda,
səni necə qoruya bilərəm?”
İnsanlar qeybət və tənqiddə o qədər həddi aşdılar ki, alim -
lər yerinə cahillərin qeybətini etməklə belə kifayətlənmədilər.
Bu tamamilə cəhalət və qısqanclıqdan irəli gəlir.
İnsan bundan çəkinər və bu cür xəbərlərə etibar etməzsə,
Allah da ona hidayət nəsib edər və heç vaxt belə şeylərə
qulaq asmaz. Ədalətli, hədis elmi ilə məşğul olan, böyük
günahlardan uzaq duran imam haqqındakı bu cür xəbərləri
qəbul etməmək lazımdır. Bu, dəlili olmayan heç bir şəxsin
sözünün qəbul edilməyəcəyi bir mövzu, əksi mümkün
olmayan həqiqətdir.
Səid ibn əl-Müsəyyəbi, tabeun və digər imamları
tərifləyənlərin sayı sayılmayacaq qədər çoxdur. Bəzi
insanlar onların fəziləti ilə əlaqəli nəqlləri bir yerə toplayaraq
kitablar yazmışlar. Kim səhabə və tabeundan sonra Malikin,
Şafeinin, Əbu Hənifənin fəzilətlərini oxuyar, bunlara
əhəmiyyət verər və İslamı gözəl şəkildə yaşamalarını örnək
alarsa, bu onun üçün gözəl bir əməl sayılar. Allah onlara
olan sevgimizə görə bizi mükafatlandırsın.
Sevri belə demişdir: “Səhabələr anıldıqda rəhmət enər.
Amma hər kim onların fəzilətlərinə əhəmiyyət verməz,
126
İmam Əbu Hənifə
gözəl xəbərlərini görməz, sadəcə qısqanclıq və təəssübkeşlik
səbəbiylə bir-biriləri haqda dediklərini yadda saxlamağa
çalışarsa müvəffəq ola bilməz. Etdiyi isə qeybət olar və yol-
dan azar. Uca Allah sizi və bizi eşitdiyi sözlərin ən gözəlinə
tabe olan qullarından eləsin.
Bu mövzuya Hz. Peyğəmbərin, “Sizdən əvvəlki ümmətlərin
xəstəliyi olan qısqanclıq və nifrət sizə də sirayət etdi»
202
hədisi
ilə başlamışdım. Bu, məqsədi izah etməyə kafidir. Arifə bir
işarə bəsdir. Mənim nailiyyətim də, əlbəttə, Allahdandır. O,
nə gözəl vəkildir.
Əbu Davud Süleyman ibn Əşas belə demişdir: “Allah,
Ma likə rəhmət eləsin. O, imamdır. Allah Şafeiyə rəhmət elə-
sin. O da imamdır. Allah Əbu Hənifəyə rəhmət eləsin. O da
imam dır”.
203
İbn Əbdilbərr “Cəmiu bəyənil-ilm” əsərində bunları yazır:
“Əbu Racə nəql edir: Yuxumda Muhəmməd ibn Həsəni
gör düm.
Nə ilə qarşılaşdın? − deyə soruşdum.
− Bağışlandım. Sonra mənə deyildi ki: Sənə bu elmi
səni bağışlamaq istəməyimizə görə lütf etmişdik, − cava-
bını verdi.
− Əbu Yusif nə edir? − deyə soruşdum.
− Bizdən bir dərəcə yuxarı qalxdı, − dedi.
− Bəs Əbu Hənifə? − dedim.
− O, ən yüksək məqamdadır, − cavabını verdi”.
204
202. tirmizi, ıV, 2628.
203. İbn əbdilbərr, “Cəmiu bəyənil-ilm”, ıı, 152-163.
204. İbn əbdilbərr, “Cəmiu bəyənil-ilm”, ı, 47-213.
127
İslam alimlərinin gözü ilə hədis elmində
Hafiz İbnut-Türkməninin imamın cərh
edilməsinə cavabı
İbnut-Türkməni adı ilə tanınan baş qazı, imam, hafiz, us-
tad Ələddin Əli ibn Osman əl-Mərdini “ əl-Cəvhərun-nəqi fir-
rəd aləl-beyhəqi” adlı əsərində İbn Abbasın “Din dəyişdirən
qadınları öldürmək olmaz”, − sözünü şərh edərkən belə
deyir:
“Bəziləri bəyənməsə də, bir çox alim Əbu Hənifənin eti-
bar lı oldu ğunu söyləmişdir. İbn Hibban onun rəvayətini
“Səhih” əsərində nəql etmiş
205
Hakim də “ Müstədrək” əsərin-
də dəlil olaraq göstərmişdir”.
Əbu Hənifə kimi şəxsiyyətlərin etibarı atılan iftiralarla
zə dələnməz. Bir çox sələf alimi də imamın düşməni çox
olduğunu bildirmişdir. Əbu Ömər ibn Əbdilbərr “əl-İntiqa
fi fədailis-sələsətil-fuqaha” adlı əsərində Xatim ibn Davuddan
bunu nəql etmişdir: “Fadl ibn Musaya, Əbu Hənifə
haqqında danışanlar barədə nə fikirləşirsiniz?” − deyə
soruşdum. Mənə dedi: “Elmdə Əbu Hənifənin səviyyəsinə
çata bilmədiklərinə görə ona həsəd aparırlar””.
206
Əbu Hənifənin hədis və ərəbcə biliyindən şübhə
edənlərə İbnul-Vəzir əl-Yəmaninin cavabı
İmam, hafiz, alim Əbu Abdullah Muhəmməd ibn İbra-
him ibn əl-Vəzir əl-Yəmani “ ər-Ravdul-bəsim fiz-zəbbi an
sünnəti Əbil-Qasim» adlı əsərində Əbu Hənifənin hədis və
205. Üstəlik, İbn Hibban, “kitəbus-Siqat” əsərində (Vııı, 467) hədislərinə
etibar edilə biləcəyini qeyd etdiyi əli ibn Mabəd ibn şəddad əl-abdi əl-Mis-
rinin tərcümeyi-halında bunları yazır: aməş, əbu Hənifəyə: − “Bu məsələ
haqqında nə deyirsən?” − deyə soruşdu. o da buna cavab verdi. aməş, “Bunu
nəyə əsasən deyirsən?” − deyincə, − “axı sən bizə filankəsdən belə bir hədis
nəql etmisən”, − cavabını verdi. Bunu eşidən aməş: “Ey fəqiflər! Sizlər həkim,
biz isə əczaçıyıq”, − dedi.
206. osman əl-Mərdini, “əl-Cəvhərun-nəqi fir-rəd aləl-Beyhəqi”, Vııı, 203.
128
İmam Əbu Hənifə
ərəbcə biliyindən şübhələnən Seyid Cəmaləddin Əli ibn
Muhəmməd ibn Əbil-Qasıma verdiyi cavabda yazır:
“Bu tənqidçi, İmamın bu sahənin mütəxəssisi olaraq fitva
verdiyini, sələf və xələf alimlərinin onun ictihadlarını nəql
etdiklərini ya inkar, ya da qəbul etməlidir. Əgər inkar etsə
həqiqəti inkar etmiş olar ki, bu təqdirdə onunla münazirə
etməyin mənası yoxdur. Əgər qəbul edərsə, bu da Əbu
Hənifənin ictihad etdiyini (müctəhidliyini) sübut edir.
Mən burada, onun müctəhid olduğunu qaydalar şəklində
yazacam:
Birinci qayda: Əbu Hənifənin fəziləti, dürüstlüyü, təqva
və əmin şəxs olması təvatürlə sabitdir. Əgər Əbu Hənifə
bilmədən fitva vermiş olsaydı, etibarını itirər, özünə olan
inama xələl gələr, əqlində və şəxsiyyətində nöqsanlar
olduğu ortaya çıxardı. Çünki, haqqını verə bilmədiyi bir
işlə məşğul olmaq, bilmədiyi halda anladığını iddia etmək
səfeh insanlara məxsusdur. Əbu Hənifəyə gəlincə, onun
həyatı bu cür nöqsanlardan tamamilə uzaqdır.
İkinci qayda: Alimlərin Əbu Hənifənin fikirlərinə müra-
ciət etməsi, kitablarda, İslami əsərlərdə onun fitvalarının
yazılması onun müctəhidliyinin qəbul edildiyinə dəlildir.
Çünki, bir insanın elmi səviyyəsini təsbit etmədən fikirlərini
nəql etməzlər.
Üçüncü qayda: Bəziləri qəbul etməsə də, Əbu Hənifənin
müctəhidliyi icma ilə sabitdir. Bu, vəfatından sonra da
davam etmişdir. Əsasım budur: Tabeun dövründən, yəni
hicri 150-ci ildən etibarən bu günə − hicri doqquzuncu əsrin
əvvəllərinə qədər, onun ictihadlarına görkəmli İslam alimləri
tərəfindən müraciət edilməkdə, İslam coğrafiyasında
bunlarla əməl edilməkdədir. Müsəlmanların bir qismi onun
ictihadları ilə əməl edir, etməyənlər isə onu təqlid edənləri
tənqid etmir. Əksər mövzulardakı icma iddiası da məhz bu
yolla sübuta yetirilir.
Dördüncü qayda: Çoxsaylı imam və alim belə demişdir:
Dostları ilə paylaş: |