3
Vətəndaş Cəmİyyətİ üçün Praktİkİ təlİmat
2. İcranın izlənməsi nə deməkdir və nə üçün
vacibdir?
İcranın izlənməsi hər kəsin bütün insan hüquqlarına daha çox hörmət bəslənməsi, onların
qorunması və həyata keçirilməsi üçün insan hüquqları sahəsində mexanizm və qurumların
verdiyi tövsiyə və qərarların icra olunduğunu təmin etmək məqsədi güdür.
BMT-nin insan hüquqları sahəsindəki mexanizm və qurumları bütün dünya ölkələrində
insan hüquqlarının həyata keçirilməsi prosesini təkmilləşdirməyə çalışır. İnsan Hüquqları
Şurasının qətnamələri, İstintaq Komissiyalarının əldə etdiyi məlumatlar, saziş qurumlarının
tövsiyələri, xüsusi prosedurlar və Universal Dövri İcmal, fərdi işlərlə bağlı saziş qurumlarının
verdiyi qərarlarda məqsəd müdafiədə olan boşluqları aradan qaldırmaq, insan hüquqlarının
tam şəkildə həyata keçirilməsinə doğru irəliləmək üçün Dövlətlərə və digər iştirakçı tərəflərə
yol göstərməkdir. Bütün bu məlumatlar, tövsiyələr və qərarlar hüquq subyektlərinin
həyatını yaxşılığa doğru dəyişmək məqsədi güdür. Əsas öhdəlik bu dəyişikliklər üçün
cavabdehliyin insan hüquqlarına hörmət etmək, onları qorumaq və həyata keçirmək
vəzifəsi daşıyan Dövlətlərin üzərinə qoyulmasıdır. Hər bir halda, cəmiyyətin bütün üzvlərinin,
fərdlərdən tutmuş özəl sektoradək, beynəlxalq icma və VCİ-lərın insan hüquqlarının həyata
keçirilməsində rolu vardır. Xüsusilə də vətəndaş cəmiyyəti insan hüquqları üzrə tövsiyələrin
həyata keçirilməsində vacib rol oynaya bilər.
5
Vətəndaş Cəmİyyətİ üçün Praktİkİ təlİmat
3. Nəyi izləməli?
BMT-nin insan hüquqları üzrə mexanizm və qurumlarının çoxsaylı məlumatlar əldə etmiş
və tövsiyələr vermişdir. Vətəndaş cəmiyyəti onların məqsəd və fəaliyyət sahəsinə uyğun
tövsiyələrin icra durumunu izləyir. Bu aşağıdakılar ola bilər:
• Üzv dövlətin insan hüquqları üzrə sazişi necə həyata keçirməsini yoxladıqdan sonra
saziş qurumlarının yekun qeydlərində verilən tövsiyələr;
• Ölkəyə səfərlər, tematik hesabatlar və fərdi işlər üzrə informasiya mübadiləsində qeyd
edildiyi kimi İnsan Hüquqları Şurasının xüsusi prosedurları ilə verilən tövsiyələr;
• İnsan Hüquqları Şurasının Universal Dövri İcmalından (UDİ) irəli gələn tövsiyələr;
• İnsan Hüquqları Şurasının və Baş Assambleyanın qətnamə və qərarları;
• İnsan Hüquqları Şurasının Müşavirə Komitəsi, şikayətvermə proseduru, yerli əhalilərin
Hüquqları üzrə Ekspert Mexanizmi, azlıqlarla bağlı məsələlər üzrə Forum, Sosial forum
və biznes və insan hüquqları Forumu kimi ikinci dərəcəli qurumların işi;
• İstintaq komissiyaları, fakt-araşdırıcı missiyalar və İnsan Hüquqları Şurası, İnsan
Hüquqları üzrə Ali Komissar və ya BMT-nin Baş Katibi tərəfindən insan hüquqları
sahəsində müəyyən edilmiş digər xüsusi araşdırıcı mexanizmlərin tövsiyələri;
• BMT-nin İnsan Hüquqları üzrə Ali Komissarının hesabat və tədqiqatlarında verilən
tövsiyələr (yəni yerlərdə fəaliyyət haqda hesabatlar; İnsan Hüquqları Şurasının verdiyi
mandatla ölkə və tematik vəziyyətlərə dair hesabat və tədqiqatlar);
• İnsan Hüquqları üzrə Ali Komissarın və insan hüquqları sahəsində müstəqil ekspertlərin
ictimai bəyanatlarda Dövlətlərə və ya beynəlxalq icmaya etdikləri müraciətlər.
Bu, Dövlət və vətəndaş cəmiyyəti tərəfindən həyata keçirməsi üçün verilən tövsiyələrin
natamam siyahısıdır. BMT mexanizmlərindən başqa, insan hüquqları üzrə regional və milli
mexanizmlər də insan hüquqlarının yerinə yetirilməsini yaxşılaşdırmaq məqsədi güdən
hesabat və tövsiyələr verir.
Diqqətin hansı məsələlərə yönələcəyinə dair qərar verərkən izləmə tədbirlərinin
parçalanmış və ya hissələrə bölünmüş şəkildə aparılmasına yol verməmək mühümdür. Bu
Təlimatın 5-ci hissəsində təsvir edildiyi kimi insan hüquqları üzrə müxtəlif mexanizmlərin
öz izləmə prosedurları və təcrübələri olduğu halda, vəziyyətin monitorinqinə kompleks
yanaşma tətbiq etmək vətəndaş cəmiyyətinin töhfə verə biləcəyi əlavə dəyərdir.
Kompleks yanaşma zamanı insan hüquqları mexanizmlərinin yalnız birinin verdiyi
tövsiyələrə diqqət yönəlmir, bir sıra mexanizmlərdən istifadə olunur. Bu zaman fəaliyyətin
bütün mərhələlərində insan hüquqları mexanizmləri ilə iş aparılır. İnsan hüquqları mexanizmləri
növbəti mərhələlərə bölünə bilən dövrlərlə işləyir: informasiyanın toplanması, hesabatvermə,
maraqlı Dövlətlə dialoq, tövsiyələr və onların yerinə yetirilməsi.
Beləliklə, vətəndaş cəmiyyəti bütün prosesə cəlb olunduqda tövsiyələrin yerinə
yetirilməsində onun gördüyü iş daha səmərəli olur. İnsan hüquqları mexanizmlərinin tədbirlər
6
BİRLƏŞMİŞ MİLLƏTLƏR TƏŞKİLATININ TÖVSİYƏLƏRİNƏ NECƏ ƏMƏL ETMƏLİ
dövrünün bütün mərhələlərində davamlı iştirakın daha çox nəticə verəcəyi ehtimalı olduğu
halda, VCİ-lər prosesdə əvvəlcədən iştirak etmədən insan hüquqları mexanizmlərinin işinin
nəticələrindən və tövsiyələrindən faydalı şəkildə istifadə edə bilərlər.
İzləmə tədbirləri üzrə mərhələlərin xülasəsi
Mənbədən
informasiyanın
toplanması (Dövlətlər,
VTİ-lər və s.)
İcra və monitorinq
Dövlətə verilən
tövsiyələr
Dövlətlə danışıqlar
Dövlət tərəfindən
insan hüquqları
müxanizmlərin
hesabatlar
(UDİ və
saziş qurumları)