hazırlanmış ilk qlobal
standartlar toplusu olan
Konvensiya insan hüquqları haqqında tarixdə
ən geniş miqyaslı və ən tez qəbul edilən ilk
saziş oldu.
Konvensiyanın bu uğuruna əsaslanan
UNICEF dünya tarixində ilk dəfə Ümum-
dünya Uşaq Sammitinin keçirilməsi barədə
təklifi dəstəklədi. Ümumdünya Uşaq Sammiti
1990-cı ildə, dünyanın bütün regionlarından
olan 71 dövlət və hökumət başçısının iştirakı
ilə keçirilmişdir. Sammit növbəti onilliyi əhatə
edən və uşaq ölümlərinin azaldılması, eləcə
də uşaqların sağlamlığı, qidalanması,
təhsili
və müdafiəsi sahələrində konkret hədəfləri
müəyyənləşdirən fəaliyyət planının imzalan-
ması ilə nəticələnmişdir.
UNICEF yeni minillikdə də uşaqların ehtiyac-
larının dünya gündəminin ən vacib məsələləri
sırasında qalmasını təmin etmişdir.
2002-ci
ildə keçirilən, Uşaqlara dair xüsusi Sessiya
BMT-nin Baş Məclisinin istisnasız olaraq
uşaqlara həsr
etdiyi və tarixdə ilk dəfə
uşaqların rəsmi nümayəndə kimi iştirak etdiyi
ilk yığıncağıdır. Bu sessiya Minilliyin İnkişaf
Məqsədləri Bəyannaməsində ifadə edilən və
uşaqları ön plana çıxaran məqsədlərə böyük
diqqət göstərildiyi dövrə təsadüf edirdi.
Minilliyin İnkişaf Məqsədləri Bəyannaməsinin
başa çatdığı
2015-ci ildən sonra da UNICEF
və onun tərəfdaşları növbəti dövr üçün
müəyyənləşdirilən və məqsədlərdə uşaqların
ehtiyaclarının daha çox nəzərə alındığı növ-
bəti qlobal hədəflərin qəbulu üçün məqsəd-
yönlü fəaliyyətə başlamışdır.
Bütün oğlan
və qızların müdafiəsi, sosial inteqrasiyası ilə
əlaqədar Dayanıqlı İnkişaf Məqsədlərində
(DİM) birmənalı olaraq ifadə edilən vədlər
və öhdəliklər bu məqsədyönlü fəaliyyətin
effektivliyindən xəbər verir. Dünya ictimaiyyəti
sosial müdafiəsi ən zəif olan uşaqlar üçün
sosial ədalət və bərabərlik prinsiplərinin daha
da möhkəmləndirilməsi
ilə cəmiyyətin sosi-
al-iqtisadi inkişafı arasında əlaqə olduğunu
getdikcə daha dərindən dərk edir.
UNICEF-in Geniş səlahiyyətli
səfiri Denni Key (Danny Kaye)
1954-cü ildə Nyu Yorkun
Bruklin rayonundakı ibtidai
məktəbdə zarafatla bir qızın
saçını tutur (1954).
© UNICEF/UNI39700/NAMƏLUM MÜƏLLİF
B Ü T Ü N U Ş A Q L A R A Ü M İ D B Ə X Ş E D Ə K
1 9
U N I C E F @ 7 0 : 1 9 4 6 − 2 0 1 6
Təcili humanitar yardım ilə dayanıqlı
inkişaf fəaliyyəti konsepsi-
yası arasındakı sərhədləri yox edən UNICEF böhran vəziyyətinin
yaranmasından əvvəl, davam etdiyi müddət ərzində və başa
çatdıqdan sonra uzun müddət ərzində uşaqlara zəruri xidmətləri
göstərən sistemlərin gücləndirilməsinə çalışır. Bu dəstək
fəaliyyəti sayəsində yerli icmalar fövqəladə hallara qarşı daha
yaxşı hazırlaşa, təbii fəlakətlərə qarşı daha dayanıqlı ola bilər.
Keçən əsrin
60-cı illərinin sonunda iki il davam edən
quraqlıq və məhsulun zay olması Hindistanın Bihar ştatında
aclığa səbəb olmuşdu. Nəticədə yaranmış böhran vəziyyəti
o vaxta qədər misli görünməmiş yardım səylərinin göstə-
rilməsini tələb edirdi. UNICEF həmin yardım
çərçivəsində
bölgəyə ərzaqla dolu 50 yük maşını və 500 motosiklet gön-
dərmişdir. Fövqəladə vəziyyətlə əlaqədar qida paylanması
kimi təcili işin yerinə yetirilməsi ilə kifayətlənməyən UNICEF
Hindistan hökuməti ilə birlikdə həmin bölgədə gələcəkdə
ərzaq təhlükəsizliyinin təmin edilməsi üçün bazanın forma-
laşması istiqamətində tədbirlər həyata keçirməyə başladı.
1967-ci ildə Bihar ştatında baş vermiş aclıqla mübarizədə
təcili humanitar yardım səylərinin su və ərzaq təchizatı üzrə
tədbirlərlə üst-üstə düşməsi ölkə üçün əslində bir fürsətə çev-
rildi və tezliklə Hindistan özünü ərzaqla təmin edə bilən ölkələr
siyahısına daxil oldu. Ərzaq təchizatı sahəsində problemlər və
yoxsulluq
davam etsə də, sonrakı dövrlərdə Hindistanda belə
geniş miqyaslı aclıq müşahidə olunmamışdır.
Təxminən eyni vaxtlarda Nigeriyada baş verən, böyük
faciələrə səbəb olan və Biafra müharibəsi adlandırılan
vətəndaş müharibəsi UNICEF-in silahlı münaqişə zonasında
fəaliyyət göstərmək qabiliyyəti üçün əsl imtahan oldu.
Neytrallıq siyasətinə ən ciddi şəkildə əməl edən təşkilat digər
humanitar yardım təşkilatlarının tərk etdiyi Nigeriyada qala
və hətta hökuməti Biafra anklavında ərzaq çatışmazlığından
əziyyət çəkən insanlara ərzaq paylamağa razı sala bildi.
Nigeriyada əldə edilən təcrübə sonradan,
1979-cu ildə Tailand
ilə Kamboca arasındakı sərhəddə humanitar yardımın göstə-
rilməsində çox faydalı oldu. Qırmızı Kxmerlərin artıq dörd ildir
davam edən hakimiyyəti milyonlarla Kambocalının
ölkəni tərk
etməsinə səbəb olmuşdu. Qaçqınların sərhəd boyunca kortəbii
yaranmış düşərgələri tezliklə çoxalaraq qaçqın meqapolisinə
çevrildi. Təcili humanitar yardımın sərhəd zonalarına çatdırılma-
sında lider olan UNICEF öz doğma yurd-yuvasından didərgin
düşmüş uşaqlar və ailələri sığınacaq və şirin sudan tutmuş kənd
təsərrüfatı avadanlığına qədər ən zəruri vasitələrlə təmin etdi.
Münaqişələrin xroniki və uzunmüddətli hal aldığı ərazilərdə
UNICEF əhaliyə əsas xidmətlərin fasiləsiz göstərilə bilməsi
üçün düşmən tərəflər arasında hərbi əməliyyatların
müvəqqəti dayandırılmasına nail olmaq məqsədilə danı-
şıqlar aparır. Hərbi əməliyyatların müvəqqəti dayandırıldığı
və “Sakitlik günləri” adlandırılan həmin müddət ilk dəfə
1985-ci ildə Salvadorda tətbiq edilmişdir.
Sakitlik günləri
praktikası müharibə vaxtı belə immunizasiya (vaksinasiya)
kampaniyalarının vaxtında, lazımi miqyasda aparılmasına
imkan vermişdir. Bir çox ölkədə bu kampaniyalar risk
qrupuna daxil olan uşaqların sağlamlığının qorunması üçün
demək olar ki, yeganə vasitə idi.
Təbii fəlakətlər, silahlı münaqişələr ictimai rezonans doğurmasa da, fövqəladə vəziyyət
hesab edilə biləcək qədər ciddi olan aclıq və xəstəliklərin yayılması kimi problemlər
bütün dünyada uşaqlara, xüsusilə də yoxsulluq və sosial ədalətsizlikdən əziyyət çəkən
uşaqlara öz təsirini göstərir. Təsis edildiyi gündən bu yana UNICEF belə böhranlı
vəziyyətlərə heç vaxt biganə qalmamışdır.