BüTÜn uşaqlara üMİd bəXŞ edəK
Yüklə 2,58 Mb. Pdf görüntüsü
|
- Bu səhifədəki naviqasiya:
- 90-cı illərin
- Ruandanın cənub-qərbində, dəhşətli soyqırım fəlakəti başa çatdıqdan sonra UNICEF-in dəstəyi ilə qurulmuş bir qaçqın düşərgəsindəki çadırda uzanmış iki uşaq (1994).
- 2004-cü ildə Hind okeanında baş vermiş sunami nəticəsində hər iki valideynini itirmiş bir qız UNICEF-in yardımı ilə tikilmiş “uşaqların
B Ü T Ü N U Ş A Q L A R A Ü M İ D B Ə X Ş E D Ə K 2 0 U N I C E F @ 7 0 : 1 9 4 6 − 2 0 1 6 İlk Sakitlik günlərinin baş tutduğu dövrdən sonrakı onilliklərdə də UNICEF Əfqanıstan, Anqola, Çeçenistan (Rusiya Federasiyası), Şri Lanka və Sudan kimi ölkələrdə münaqişələr davam edə-edə humanitar yardım göstərmək üçün danışıqlar aparmış, əksər hallarda buna nail olmuşdur. UNICEF 1984-cü ildə bir başqa humanitar fəlakətlə, Afrikada baş vermiş aclıqla mübarizə aparmışdır. Həmin il təşkilat “Afrika buynuzu” və “Sahel” adlandırılan regionlardakı 21 ölkədə aclıq və quraqlıqla üzləşmiş əhaliyə yardım göstəril- məsi üçün 50 milyon, sonradan dəqiqləşdirildikdən sonra isə 67 milyon ABŞ dolları həcmində yardım göstərilməsi çağırışı ilə beynəlxalq ictimaiyyətə müraciət etmişdir. Sonrakı dövr- lərdə, o cümlədən 2011 və 2012-ci illərdə Afrika qitəsində həyata keçirilən bənzər tədbirlər ərzaq qıtlığının və xəstəlik- lərin yayılmasının qarşısını müəyyən dərəcədə almışdır. 1989-cu ildə qəbul edildiyi ilk gündən etibarən Uşaq hüquqları haqqında Konvensiya UNICEF-in fövqəladə hallarla bağlı fəaliyyəti baxımından böyük əhəmiyyət kəsb etmişdir. Konvensiyada uşaqların zorakılıq, qəddar münasibət və istismara qarşı müdafiəsinin fövqəladə hallar üzrə cavab tədbirlərinin ayrılmaz hissəsi kimi göstərilməsi bu nöqteyi-nəzərdən xüsusilə əhəmiyyətlidir. Mərkəzi və Şərqi Avropada, Müstəqil Dövlətlər Birliyində daşqınlardan tutmuş vətəndaş münaqişələri və iqtisadiyyatın çökməsi kimi humanitar yardımı zəruri edən fövqəladə vəziy- yətlər 90-cı illərin əvvəlində UNICEF-ə humanitar yardım üçün müraciət edən ölkələrin sayını xeyli artırmışdır. Məhz bu dövrdə keçmiş Yuqoslaviya ərazisində yaşayan uşaqlar qəflətən baş vermiş silahlı münaqişənin, etnik mənşə zəminində zorakılığın və nifrətin qurbanına çevrilmişdir. Yuqoslaviya dünya xəritəsindən silindikdən sonra UNICEF məktəblərin yenidən açılmasında, yerli mütəxəssislərin posttravmatik stress pozuntusundan əziyyət çəkən uşaqların müəyyənləşdirilməsi sahəsində təlim almasında yerli hökumət orqanlarına yardım etmişdir. Bu səylər böyük rezonans doğurmuş, beynəlxalq ictimaiyyəti sanki ayıltmışdı: İkinci dünya müharibəsindən sonra UNICEF-dən ilk yardımı alanlar arasında da Yuqoslaviyalı uşaqlar vardı. 1993-cü ildə UNICEF-in Kopenhaqendəki təchizat şöbəsi (dünyanın humanitar yardım əşyalarının saxlandığı ən böyük anbarı burada yerləşir) uşaq və qadınlar üçün nəzərdə tutulmuş adi və humanitar yardım proqramları çərçivə- sində dünyanın müxtəlif ölkələrinə 112 milyon ABŞ dolları həcmində ləvazimat göndərmişdir (Müqayisə üçün deyək ki, 2015-ci ildə UNICEF tərəfindən bütün dünyada əldə edilmiş və Kopenhaqendəki anbar, digər təchizat nöqtələri vasitəsi ilə göndərilmiş, təmin edilmiş ləvazimatların və xidmətlərin ümumi dəyəri 3,4 milyard ABŞ dollarına bərabər olmuşdur.) UNICEF-in təchiz etdiyi humanitar yardım ləvazimatları 1994-cü ildə Ruandada baş vermiş soyqırım zamanı da çox faydalı olmuşdur. Həmin il qərb ölkələrinin ordularına məxsus təyyarələr vasitəsi ilə münaqişə ərazisinə minlərlə ton humanitar yardım çatdırılmışdır. Dünya ictimaiyyəti küt- ləvi qırğınların qarşısını almaq üçün lazımi tədbirləri həyata keçirməsə də və ya həyata keçirilən tədbirlər nəticəsiz qalsa da, münaqişə başa çatdıqdan sonra UNICEF və onun tərəfdaşları kimsəsiz uşaqların müdafiəsində yaxından iştirak etmişdir. Regionda silahlı münaqişələr alovlandıqca milyonlarla insan öz daimi yaşayış yerin tərk etməyə məcbur oldu. UNICEF-in dəstəyi ilə fəaliyyət göstərən humanitar yardım mərkəzləri üçdə ikisi uşaqlar olan bu böyük qaçqın kütləsini sığınacaq, təmiz su və sanitariya təsisləri, ərzaq, təhsil imkanları və səhiyyə xidmətləri ilə təmin edirdi. Yeni minilliyin başlanğıcında UNICEF Əfqanıstanda uzun sürən silahlı münaqişələrdən sonra qısamüddətli də olsa sülhün bərqərar olmasından istifadə edərək fövqəladə hallarda belə təhsilin davam etdirilməsinin vacibliyini ön plana çıxarmağa çalışdı. Belə ki, 2001-ci ildə Taliban hakimiyyətdən uzaqlaşdırılandan və ölkədə uşaqların əksəriyyəti təhsilini davam etdirmək imkanı əldə etdikdən sonra UNICEF Əfqanıstanda fəaliyyət göstərən 3000-dən çox məktəbin 2790-ını tədris materialları ilə təmin etmişdir. Bu, 3 milyondan çox uşağın təhsil almaq imkanı ilə təmin edilməsi deməkdir. Həmin uşaqların üçdə birini qızlar təşkil edirdi ki, bu da 90-cı illərdə ibtidai sinif yaşındakı qızların ancaq beş faizinin məktəbə gedə bildiyi ölkə üçün böyük göstəricidir. B Ü T Ü N U Ş A Q L A R A Ü M İ D B Ə X Ş E D Ə K 2 1 U N I C E F @ 7 0 : 1 9 4 6 − 2 0 1 6 Ruandanın cənub-qərbində, dəhşətli soyqırım fəlakəti başa çatdıqdan sonra UNICEF-in dəstəyi ilə qurulmuş bir qaçqın düşərgəsindəki çadırda uzanmış iki uşaq (1994). © UNICEF/UNI55078/PRESS B Ü T Ü N U Ş A Q L A R A Ü M İ D B Ə X Ş E D Ə K 2 2 U N I C E F @ 7 0 : 1 9 4 6 − 2 0 1 6 2004-cü ildə Hind okeanında baş vermiş sunami nəticəsində hər iki valideynini itirmiş bir qız UNICEF-in yardımı ilə tikilmiş “uşaqların ehtiyacının nəzərə alındığı məktəbdə” dərs günü başa çatdıqdan sonra velosipedlə evə qayıdır (İndoneziyanın Aceh əyaləti) © UNICEF/UNI6311/ESTEY Yüklə 2,58 Mb. Dostları ilə paylaş:
|