64
Özümüzə qayıtmalı, özümüzü
dərk etməliyik!
Nə vaxtsa özümüz olmuşuq, öz “mən”imiz olub. İllər
ötdükcə unutmuşuq özümüz-özümüzü. Daha doğrusu,
özümüzü unutdurmağa, öz soy kökümüzdən uzaq düşməyə
məcbur ediblər. Milli dəyərlərimizə uzanan yad əllər öz “iç
mən”imizi unutdurmağa çalışıblar bizə. Bunun nəticəsində iç
dünyamıza “özgə mən”lər hakim kəsilib. Və bizi indiyə kimi
“özgə mən”lər idarə etməyə başlayıblar. Uzun illərdir ki,bu
“özgə mən”lər yaddaşımızı silməyə çalışıblar, özümüz
haqqında düşünməyi yasaq ediblər bizə.Özgə “mən”lər öz
“mən”imizi öz iç dünyamızdan didərgin salıblar. Bir müddət
keçəndən sonra daha doğmalar bir-birini tanımadılar, bir-birinə
yad oldular. Özümüzü-özümüzə qənim kəsildik! Öz soy
kökümüzə özümüzünkülər vasitəsilə balta çalmağa məcbur
etdilər. Bəs görəsən, nəyin müqabilində?! Sadəcə bir kreslo
xatirinə hər şeyi inkar etməyə, hər şeyimizi qurban verməyə
65
hazır olan yaltaqlar, dayazdüşüncəlilər, xəyanətkarlar tapıldı.
Doğrudan da biz azərilər pulu həmişə hər şeydən üstün tuturuq.
Bundan sonra fikirl və düşüncələrimizdə cırlaşma başladı,
sözümüz kəsərdən düşdü...
Nə vaxtsa qanımız təmiz olub, biri-birimizə qan vermişik,
qan-qardaşı olmuşuq. Sonra isə yad əllər bilərəkdən, qəsdən
genimizi dəyişdirməyə çalışdılar, qanımızı qarışdırdılar. Bu
gün isə biz öz irsi təmizliyimizi yad ünsürlərdən
qoruyubsaxlamağa çalışmalıyıq!
Nə üçün biz bir-birimizi başa düşmürük və ya başa düşmək
istəmirik? Nə üçün bir-birimizə hörmət etməyi bacarmırıq? Nə
üçün görkəmli şəxsiyyətlərimizi qiymətləndirə bilmirik? Nə
üçün bir-birimizin irəli getməsinə mane oluruq? Nə üçün
özümüzə bu qədər laqeyd və biganə olmuşuq? Nə üçün
özümüzə qarşı olan məsuliyyət hissini itirmişik? Nə üçün
özümüzə olan inamımız itib? və s. Bütün bu “nə üçün” lərin
cavabı birdir. Ona görə ki, biz öz “real mən” imizdən uzaq
düşmüşük, öz milli kökümüzün nüvəsindən uzaqlaşmışıq, onun
orbitindən çıxmışıq... “Özünü” axtarış ovuna çıxmışıq indi.
Bəli, bu gün biz həmin “real mən”i yenidən özümüzdə kəşf
etməli və özümüzə qayıtmalıyıq!
Qədim əxlaq nəzəriyyəçiləri demişlər: “İç dünyan sırf
sənə məxsusdur, çalış orada təmizlik işləri apar və səliqə
yarat!”
Biz indi öz iç dünyamızda həqiqətən də səliqə-sahman
yaratmalı, daxilimizdəki və şüurumuzdakı hər cür çirkabları,
yad düşüncə tərzini, yad fikirləri təmizləməyə qadir olmalıyıq!
Bunun üçün biz hökmən özümüzə qayıtmalı və özümüzü dərk
etməliyik! Gələcəyə gedən yolumuz da məhz, özünüdərkdən
başlamalıdır!
Hər bir insanın xüsusi bir mikroaləm olması gerçək bir
faktdır. İnsan özünün həm obyekti, həm də subyektidir. O öz
tarix dramasının həm müəllifi, həm də aktyorudur. İnsan yer
üzərində yeganə varlıqdır ki, özünü şüurlu surətdə
66
təkmilləşdirməyə çalışır. Bu təkmilləşmənin müxtəlif vasitə və
üsullarından biri də insanın öz daxilinə müntəzəm nəzər
salması və müntəzəm baxa bilməsidir.
Öz daxili mənəvi aləminə nəzər salmaq əxlaqi şüurun,
özünü dərketmənin müqəddəm, ilkin şərtlərindən biridir.
Hər bir adam sözün əsl mənasında öz daxili dünyasının
bilicisi, müdrik və cəsur səyyahı olmalıdır.
Bu cəhətdən yazıçı Cəmil Əlibəyovun “Özümü axtarıram”
kitabında müəllif öz qəhrəmanlarından birinin dili ilə
deyir: “Səhvlərimi
müttəhimlər kürsüsündə oturduram.
Onları bir-bir dindirir, şahidlərə söz verirəm. Gah ittihamçı,
gah müttəhim oluram. Özümü bağışlayıram, özüm-özümü
məhkum edirəm.”
Bəli, özünü axtarış, özünü aramaq məhz belə çox çətin,
daşlı-kəkəsli, enişli-yoxuşlu yollarla gedir.
Öz daxilinə səyahət, iç dünyasını görə bilmək, insana özünü
düzgün dərk etməyə, mənəvi cəhətcə saflaşmağa, həmişə
ülviliyə doğru meyl göstərməyə, özünə nəzarət etməyə imkan
verir. Axı, müəyyən bir çirki, ayna üzərinə qonan tozu görə
bilmək lazımdır ki, onu təmizləyə biləsən.
Dahi şairimiz Nizami hələ səkkiz əsr bundan əvvəl deyirdi:
Dəmiri ayna tək parladan insan
Pası silməlidir öz vicdanından!
Biz ətrafımızda baş verən dəyişikliklərdən doğru, düzgün
nəticə çıxartmaq, hadisələrə obyektiv qiymət verməyə
çalışırıqsa, bu zaman biz əvvəlcə özümüzü dərk etməliyik.
Bu cəhətdən görkəmli rus yazıçısı M.M. Prişvin çox haqlı
olaraq öz gündəliyində qeyd etmişdir; “Təbiət haqqında yalnız
o zaman danışmaq olar ki, özünü nəsə məlum bir şey kimi
tapasan, kəşf edəsən və anlayasan.” Bu doğrudan da belədir.
Əgər insan özünü tapmamışsa, özünü dərk etməmişsə, özünü
anlayıb başa düşməmişsə onun dünyanın dərindən dərk edib
67
anlamasına və baş verən hadisələri obyektiv görə bilib, onları
qiymətləndirməsinə inanmaq çətindir. Çünki insanın dünyanı
dərk etməsi, özünü dərk etməsi ilə bütöv bir vəhdət halındadır.
Məlumdur ki, hər bir adam yaşının bütün mərhələlərində özünü
kamilləşdirmək iddiasında olmur. Bunun üçün o, əvvəlcə
özünü dərk etməlidir. Özünü təhlil etməyi bacarmalıdır.
Həyata, müxtəlif insanlara, öz vəzifəsinə, düşüncəli davranış
planına malik olmalıdır. Bu isə insanın daxili aləminin, şüur və
düşüncəsinin kifayət qədər inkişaf etməsini tələb edir.
Hər bir adam öz-özünə “kənardan” baxmağı, öz hərəkətlərini
başqalarının nöqteyi- nəzəri ilə qiymətləndirməyi bacarmalıdır.
Elə bu cəhəti nəzərə alaraq xalqının görkəmli maarifpərvəri
A. Bakıxanov özünün “Təhzibi-əxlaq” adlı əsərində yazırdı:
“Mərd o adamdır ki, öz eybini özgəsinin eybindən artıq görə
bilsin... Gözlü o adamdır ki, özünü görə bilsin.”
Biz indi özümüzü bir şəxsiyyət kimi xalqımız üçün
hazırlamalı və özümüzü ictimai varlıq kimi dərk etməliyik!
L.N. Tolstoy yazırdı ki, “mən özümü yüz dəfə kəşf
etmişəm, mənəvi təkmilləşmə, saflaşma zirvəsinə qalxmışam.
Lakin az keçməmiş yenə öz daxilimə səyahət etməli olmuşam.
Hər dəfə mənəvi ahəngdarlığım, harmoniyam pozulan kimi
yenidən özümü danlamağa, qamçılamağa, cəzalandırmağa
başlamışam. Yenidən “mən kiməm?” sualına cavab verməli
olmuşam.”
Biz indi mənən təkmilləşməli, saflaşmalı və kamil
şəxsiyyətlər kimi formalaşmalıyıq.
Biz özümüzə qayıtdıqca,özümüzü dərk etdikcə daha
yenilməz, məğlubedilməz oluruq. Özümüz-özümüzü dərk
etdikcə bütün kainatın sirləri gözlərimiz önündə açılır.
Özümüzü dərk etdikcə bir-birimizə daha tez yaxınlaşırıq, bir-
birimizi daha tez başa düşürük.
Özümüzü dərk etdikcə aramızdakı kin-küdurət yox olur.
Biri-birimizlə
səmimi,
mehriban duyğularla yanaşırıq.
Dostları ilə paylaş: |