223
SON SÖZ:
TƏHSİLİMİZİN TARİXİ YADDAŞI – İRƏVAN
PEDAQOJİ MƏKTƏBİNƏ BİR ABİDƏ
Azərbaycan və azərbaycanlıların təhsil tarixini
öyrənmək hər vaxt aktual məsələlərdən biri sayılmışdır.
Çünki gələcəyə işıq salan ziyalılarımız məktəblərdən
pərvazlanmış, maarif işığı ilə öz xalqının yolunu işıq-
landırmışlar. Xüsusilə, Azərbaycandan qıraqda yaşa yan
azərbaycanlıların təhsil alması, bu işin təşkili üçün müəllim
kadrların hazırlanması məsələsi XX əsrin əv vəllərində
çox çətin məsələlərdən biri olmuşdur. Bu baxımdan
prof. Cəfər Cəfərov və dos. Cəlal Allahverdiyevin birgə
hazırlayıb ərsəyə gətirdikləri “Təhsil tariximizdən İrə van
Pedaqoji məktəbi” (2017) adlı kitabı təhsilimizin tarixini
öyrənmək baxımından maraq doğurur.
XX əsrin əvvəllərində daha da güclənən maarif intiba-
hı Azərbaycanın şəhər və kəndlərinə, eləcə də ucqarlarına
çataraq hamıda təhsil almaq arzusu yaratmış, müəyyən bir
elmə yiyələnmək marağını artırmışdır. Lakin müəlliflərin
göstərdiyi kimi, məktəb açmağın, əsas problemlərindən
biri və ən əsası müəllim kadrların, eləcə də dərslik, dərs
vəsaitləri və proqramların olmaması idi. Bu məsələlər
əsas etibarı ilə Qərbi Azərbaycanın əsas mədəni- maarif
mərkəzində yaşayan İrəvan ziyalılarını və bu elitaya daxil
olan maarifçi şəxsiyyətləri daha çox narahat etmiş və
kitabın müəllifləri İrəvanda, eləcə də İrəvandan ucqarlar-
224
da hələ 1830-cu illərdən başlayaraq Azərbaycan dilində
məktəblərin açılmasını arxiv sənədləri ilə əsaslandırırlar.
Yenitipli məktəblərin açılması elə-belə asan olmamışdır.
Əliqulu xan İrəvanski, Pənah xan Makinski, Məhəmməd
Şahtaxtinski, Fazil İrəvani, Haşımbəy Nərimanbəyov,
Firudin Köçərli, Cəlil Məmmədquluzadə, Bala Əfən-
diyev, Cahangir Ələkbərbəyov, Rza Şeyxzadə, Rza
Axundov, Rza Vəlibəyov və digər maarifçilərin çox
gər gin əməyi nəticəsində ilk məktəblər intişar tapmış,
minlərlə qız və oğlan savad almış və bilik əldə etmişlər.
Xain ermənilər məktəblərin açılmasına hər vaxt qərəzli
münasibət bəsləmiş və azərbaycanlılara qarşı ayrı seç-
kilik etmişlər. Xüsusilə, onlar İrəvanda, həm də İrəvan
ətrafında olan kəndlərdə, eləcə də ucqarlarda yeni-
yeni məktəblərin həm keyfiyyətcə, həm də kəmiyyətcə
artmasına dözə bilmir, müxtəlif yollarla ona mane
olurdular. Yenitipli məktəblərin açlımasına dəstək verən,
təhsili, təlim-tərbiyəni təşkil edən, təşkilatlandıran
azərbaycanlı ziyalılara “pantürkist”, “xalq düşməni”,
“antisovet ünsürü” kimi böhtan atılır və represiyaya
məruz qoyurdular.
Onların arasında Saleh Güllücunski, Mustafa Hü-
seynov, Abbas Azəri, Mir Abbas Ağa, Abdulla Mirzəyev,
Əkbər Rizayev kimi Hüseyn Salmanov, Səttar ağa
Kəngərlinski, İbrahim Əliyev, Mirzə Əsgərov və digər
ziyalılar var idi.
1930-1937-ci illərdə Mir Hüseyn Mir Bağırov, Jala
Qazıyeva, Mir Yusif Mir Babayev, Xədicə Kəngərlinski,
225
Telman Nəzərli, Nəriman Fəxri, Möhsün Rəcəbov, Sadıx
Sadıxov, Mir Sadiq Mir Heydərzadə, Məmməd Mir
Bağırov, Səcidə Qayıbova, Ruqiyə Mir Bağırov, Nəsib
Əfəndiyev və digərləri erməni-bolşevik repressiyasından
xilas olmaq üçün məcburiyyət qarşısında İrəvanı tərk
etmişlər. Doğrudan da, göstərilən bu şəxslər İrəvanın
elitası, maarif və mədəniyyətin öncülləri idilər. Qərbi
Azərbaycan təhsili onların çiyinlərində, dərin zəkaları,
uzaqgörənliyi nəticəsində yaranmışdır. Latın qrafikalı
əlifbaya keçmək, savadsızlığın aradan qaldırılması
məsələlərində də bu ziyalıların böyük rolu olmuşdur.
1948-ci ildən sonra da ermənilər azərbaycanlılara qar-
şı “köçürmə” adlı repressiya törətmişlər. Qərbi Azərbacan
təhsilinin qaynaqları –Mehdi Kazımova, Mirəli Seyidov,
Əsgər Əsgərzadə Yusif Kazımov, Bəhlul Yusifov, Bülbül
Kazımov, Fəhrad Fəhradov, Həbib Məmmədzadə, Zaman
Vəliyev və onlarla maarif fədailəri, o dövrün qabaqcıl
ziyalıları, ədəbi-mədəni mühitin aparıcı nümayəndələri
deportasiyaya məruz qalmışlar. Bütün bunlar əsil soy-
qırım idi.
Dəfələrlə, 1905, 1907, 1914, 1918, 1920-ci illərdə
erməni terroruna məruz qalmış, müxtəlif bölgələrdə,
İrəvanda və kəndlərdə yaşayan azərbaycanlılar pərən-
pərən olmuş kəndlər dağılmış, on minlərlə insan soy
-
qırıma məruz qalmışdır.. Ermənistanda Sovet hökü məti
qurulandan sonra qaçqınların bir qismi ev-eşiklərinə
qayıtmış, onların ailələrində də təhsil almaq meyli
yaranmışdır. Bolşevik cildinə girmiş erməni rəhbərliyi
226
aşkar olaraq onların bu arzu və istəklərinə qarşı çıxa
bilmirdilər. Çünki, o dövrdə İrəvanda, MK aparatında
işləyən azərbaycanlılar da çox idi. Onların dəstəyi
ilə 1922-ci ildə ilk dəfə Ermənistan Xalq Maarif Ko-
missarlığının nəzdində yaradılmış “Azsaylı xalqlar
şöbəsi”nin müdiri, İrəvan gimnazisiyasının məzunu Meh-
di Kazımovun təşəbbüsü ilə 1923-cü ilin noyabr ayında
İrəvanda müəllim hazırlamaq üçün 2 aylıq pedaqoji kurs
təşkil edilir. Kursu bitirənlər ucqar kəndlərə müəllim kimi
göndərilirdilər. Bu ehtiyacı nəzərə alaraq, 1923-cü ildə
Bakı şəhərinə 16, 1925-ci ildə isə 38 nəfər azərbaycanlı
pedaqoji təhsil almağa göndərilir. Bununla iş bitmirdi. Ek
(b) p. MK-nın nəzdində fəaliyyət gstərən “Azsaylı xalqlar
şöbəsi”nin müdiri Bala Əfəndiyev EXMK-də fəaliyyət
göstərən “Azlıqda qalan millətlər” bürosunun rəhbəri
Mehdi Kazımov “Zəngi” qəzetinin redaktoru Mustafa
Hüseynov və digər qeyrətli ziyalıların erməni şovinist
dairələri qarşısında haqlı tələbləri, ciddi səyləri, siyasi-
milli iradəsi, milli təəsübkeçliyi nəticəsində 15 oktyabr
1924-ci ildə İrəvan Erməni Texnikumunun binasında
heç bir şəraiti olmayan 1 dərs, 2 yataqxana otağı, 30
nəfər tələbədən ibarət İrəvan Türk Pedaqoji Texnikumu
fəaliyyətə başlayır. Halbuki o dövrdə İrəvanda hər bir
şəraiti və xüsusi binası olan 7 erməni texnikumu fəaliyyət
göstərmişdir.
Mehdi Kazımov, Bəhlul Yusifov, Mustafa Musayev
müxtəlif vaxtlarda texnikuma rəhbərlik etmişlər. Onlar
texnikumun yeni binasını, eləcə də texniki bazasını,
227
tədris vəsaitlərini və digər avadanlıqları əldə etmək üçün
əzab-əziyyət çəkmiş, ancaq məqsədlərinə nail olmuşlar.
Onlarda olan milli heysiyyət, təəssübkeşlik , qətiyyət,
maarifçilik, ən əsası qeyrət hissi onları ruhlandırmış və
gördükləri işdən həzz almışlar.
Kitabda bir daha qeyd edilir ki, Mehdi Kazımov, Bala
Əfən diyev, Mustafa Hüseynov, Əsgər Əsgərzadə, Ələsgər
Bay ramov, Bəhlul Kazımov, Yusif Məmmədəliyev, Nəzər
Paşayev və digərlərinin texnikumun açılmasında, onun
təşkilatlanmasında böyük rolları olmuşdur. O ziyalıların
pedoqoji fəaliyyəti bizə də bəllidir. Yaşlı müəllimlərdən
biz bunu dəfələrlə eşitmişik. Onların hər birinin pedaqoji
fəaliyyəti haqqında kitab yazmaq olar. Amma nədənsə,
bu sahəyə az fikir verilir. Minlərlə kənd uşaqlarını
cilalayan, onu müəllim edən belə insanları unutmaq
olmaz. Müəlliflərin gərgin əməyi nəticəsində texnikuma
qəbul olunanların və məzunların sayı barədə yetərincə
məlumat vermişlər. Bu statistik məlumatları toplamağın
özü belə çətindir. Çünki texnikumun arxivi yoxdur.
İrəvan Azərbaycan Pedaqoji Texnikumunun İrəvan
dövrünün arxivi olmadığı üçün müəlliflər xeyli əziyyət
çəkərək 1924-cü ildə İrəvanda Mərkəzi Komitənin
orqanı kimi Azərbaycan dilində nəşrə başlayan “Zəngi”,
1929-cu ildən “Qızıl Şəfəq”, 1939-cu ildən 1989-cu
ilədək fəaliyyət göstərən “Sovet Ermənistanı” adlı
qəzetlərdən, qəzetlərdə texnikuma aid çap olunan elan,
qəbul imtahanları, yubiley yazıları və digər statistik-hesa-
batlardan faydalanmışlar. Kitabın müəlliflərindən biri
228
olan prof. C.Cəfərov da həmin texnikumu 1948-ci ildə
bitirmiş məzunlarındandır. Müəlliflər qeyd edir ki, İrəvan
Azərbaycan Pedaqoji Texnikumuna 1925-ci ildə 32,
1926-cı ildə-32, 1927-ci ildə 32, 1928-ci ildə 28, 1929-
cu ildə 32, 1930-cu ildə 30, 1931-ci ildə 21, 1932-ci ildə
60, 1935-ci ildə 120, 1936-cı ildə 175, 1941-ci ildə 262,
1947-ci ildə 62 nəfər tələbə qəbul olunmuşdur. Bununla
belə qeyd edilir ki, 1947-ci ilə qədər texnikumu 1370
nəfər pedaqoji təhsilli gənc bitirmişdir. Onların arasında
100-dən çox qız olmuşdur. Texnikumun nəzdində 6 ay-
lıq və 1 illik hazırlıq kursları da fəaliyyət göstərmişdir.
Texnikumda oxuyanların coğrafiyası çox geniş olmuşdur.
Belə ki, Lori-Pəmbək, Ağbaba, Dərəçiçək, Gümrü, Zən-
gəzur, Megri, Basarkeçər, Dilcan, Vedi, İrəvan və İrəvan
ətrafındakı kəndlərdən yüzlərlə uşaq burada təhsil
almışlar. 1935-1936-cı dərs ilində burada 11 qrupda 377
nəfər tələbənin təhsil aldığını müəlliflər qeyd edir.
Kitabda 1940-cı ildə İrəvan Azərbaycanlı Pedaqoji
Texnikumun 15 illiyinin çox təntənəli şəkildə qeyd olun-
ması göstərilir. Texnikum rəhbərliyinin tələbi və pedaqoj
təhsil almaq istəyənlərin çoxluğunu nəzərə alaraq 1934-
cü ildə təhsil ocağına 4 mərtəbəli yeni bina verilmiş, 2 və
3-cü mərtəbələrdəki 18 sinif otağında dərslər aparılmış,
4-cü mərtəbədə isə 75 nəfərlik yataqxana yerləşirdi.
Kitabxana, yeməkxana və kino zalı da var idi.
Müəlliflər qeyd edirlər ki, 1922-1923-cü illərdə
Qərbi Azərbaycanda 36, 1924-cü ildə 62, 1930-cu il-
də 112, 1931-ci ildə 245 məktəb fəaliyyət göstərmişdir.
229
Bu məktəblərin artması nəticəsində pedaqoji işçilərə
də ehtiyac duyulurdu. Ona görə də, orta ixtisas təhsilli
müəllim hazırlığı gündəmdə dururdu.
İrəvan Pedaqoji Texnikumu təkcə tədris müəssisəsi
kimi deyil, eyni zamanda İrəvanda Azərbaycan ədəbiyyat,
mədəniyyəti və incəsənətinin inkişafı və formalaşmasında
böyük rolu olmuşdur. Texnikumun əməkdaşları İrəvanda
20-ci illərdə Azərbycan dilində dərc olunan “Zəngi”
qəzeti vasitəsilə yeni türk əlifbasının təbliği və tətbiqi
işində böyük fəallıq göstərmiş, savadsızlığın aradan
qaldırlması üçün bütün imkanlardan istifadə etmişlər. Bir
çox yaradıcı ziyalılar və jurnalistlər burada formalaşaraq
həyata atılmışlar.
Lakin 1930-cu illərdə “bəy”, “xan”, “qolçomaq”,
dindar, millətçi adı ilə onlarla tələbə pedaqoji məktəbdən
xaric edilmiş, bir çox müəllim və işçilər repressiya
olunmuşlar.
Əsərdə göstərilir ki, Azərbaycan elminə və maarifinə
xidmət göstərmiş akademik B.Budaqov, AMEA-nın
müxbir üzvü prof. Z.Budaqova, prof. C.Cəfərov,
prof. Ə.Fərəcov, prof. Yusif Yusifov, prof.Süleyman
Məmmədov, Fərhad Fərhadov, prof. Kövsər Tarıverdiyev,
prof. Nəzər Paşayev, prof. Qurban Bayramov, dos.
Qasım Mustafayev, dos. N.Yusifov, dos. Sabir Səfərov,
dos. Zərifə Əliyeva, dos. Nəcəf Nəcəfov və adını unut-
duğumuz yüzlərlə alimlər bu məktəbdə təhsil almış, elm
aləminə buradan pərvazlanmışlar. 1918-20-ci illərdə
İrəvan şəhərində ermənilər tərəfindən dağıdılmış İrəvan
230
ədəbi mühiti məhz bu texnikum vasitəsilə bərpa olunmuş,
yaradıcı ziyalıları bir yerə yığılmışlar.
Texnikumda mədəni kütləvi tədbirlərə geniş yer
verilirdi. Belə ki, M.S. Ordubadi, Ə.Nəzmi, Mir Cəlal,
Y.Çəmənzəminli, M.Rəfili, S.Rüstəm, S.Vurğun kimi
yazıçı və şairlərlə yaddaqalan görüşlər keçirməklə peda-
qoji məktəbin rəhbərliyi gələcək müəllimlərə mənəvi
dəsdək olurdu. Tələbələrdə bədii təfəkkürün inkişafına,
elmi-pedaqoji fəaliyyətə maraq yaradırdılar.
Müəlliflər yazır: «1927-ci ildə Ermənistan Proletar
Yazıçılar cəmiyyətinin nəzdində Azərbaycan bölməsi
fəaliyyət göstərmişdir. Pedaqoji Texnikumda oxuyan və
işləyənlərin arasında cəmiyyətin poetik biçimli şeirlər,
kiçik hekayələr yazan üzvləri vardır. Texnikumda
müx təlif istiqamətlərdə dərnəklər (tar, rəqs, alman dili,
rus dili, teatr, xor, musiqi, rəssamlıq və s.) fəaliyyət
göstərmişdir. Tələbələrin iştirakı ilə teatr tamaşaları
hazırlanıb tamaşaya qoyulurdu».
Yadımdadır, Pedaqoji Texnikumun o zamankı mə-
zunlarından olan Nəcəf Nəcəfov təyinatla Amasiya ra-
yonunun Təpəköy kəndinin 8 illik məktəbinə müəllim
göndərilmişdir. Bu sətirlərin müəllifinə də Azərbaycan
dili və ədəbiyyatı fənnini o, tədris etmiş, bizi də bu
sahəyə maraqlandırmışdır. Həmin məzunlardan mənim
müəllimlərim olmuş Təpəköy kənd orta məktəbində
çalışan Paşa Əliyev, İskəndər İsmayılov, Mustafa İb-
rahimov, Yolçu Aslanovla uzun müddət bir yerdə çiyin-
çiyinə çalışmışam. Doğrudan da, onların əsil pedaqoq
231
olduqlarını, xüsusilə gözəl xətlə yazmalarının şahidi
olmuşam. Onlar da 1988-ci ildə qaçqın kimi Azərbaycana
pənah gətirmiş, bir müddət müəllim işləmişlər. Bir neçə
ildir ki, dünyaların dəyişmişlər. Allah onlara rəhmət
eləsin!
Amasiya rayonun Düzkənd orta məktəbində də
pedoqoji məktəbin daha çox məzunları vardı: Abuzər
Ələsgərov, Hacıbəy Abbasov, Allahqulu Əliyev, Telman
Ramazanov, Nuru Şabanov, Musa Əşrəfov bu məktəbin
məzunları olaraq tanınmış müəllimlər idi. Sonralar onlar
müxtəlif ixtisaslar üzrə ali təhsil almışlar. Allahqulu
müəllim uzun müddət kənd sovetinin sədri, Abuzər və
Telman müəllim məktəb direktoru işləmişlər.
Əslən İrəvan şəhərindən olan, uzun müddət Gül-
lübulaq kəndində müəllim işləyən, əməkdar müəllim
Şəfiqə Afşarova, Oxcoğlu kəndindən Paşa Əliyev, Daş-
körpü kəndindən Kamal Ələkbərov da pedaqoji məktəbin
məzunları olmuşlar. Kamal müəllim Amasiya Rayon
Təhsil şöbəsində metod kabinetin müdiri işləyirdi.
Amasiya rayonun bütün kəndlərində maarif və mə-
dəniyyəti yayan İrəvan Pedaqoji məktəbinin məzunları
olmuşlar.
Qərbi Azərbaycanda yüzlərlə elm adamını, minlərlə
maarif fədaisi yetişdirən – İrəvan Pedaqoji Texnikumu
ermənilərin mənfur siyasəti nəticəsində 1949-cu ildə
Azərbaycanın Xanlar (Göygöl) rayonuna köçürülmüş,
daha doğrusu, pedaqoji məktəbin müəllim və tələbələri
232
deportasiya olunmuşlar. Lakin burada da məktəbin
tələbə və müəllim kollektivi erməni birinci katibin
iradlarına rast gəlmiş, müasir universitetə bərabər olan
bir pedaqoji məktəb bağlanmışdır. Orada dərs deyən
müəllimlər yenidən pərən-pərən olmuşlar. Keçmiş Xanlar
rayonunun şovinist birinci katibinin bilərəkdən, qərəzli
münasibəti nəticəsində gənc müəllimlərə milli-mənəvi
dəyərlər aşılayan, arabir də erməni xislətinə dözməyən
və onlara qarşı mübarizə aparan bu maarif ocağımız
söndürüldü. Texnikumun İrəvan mərhələsinin arxivi də
belə Azərbaycana gətirilmədi. Çox heyf!
Ümumiyyətlə, nəinki İrəvan eləcə də, azərbaycanlılar
yaşamış digər rayonların kəndlərində ədəbi-mədəni,
ictimai-siyasi, mədəni-maarif mühitinin formalaşmasında
İrəvan Azərbaycan Pedaqoji Məktəbinin məzunlarının
böyük rolu olmuşdur. Müəlliflər də sağ olsunlar ki, belə
bir faydalı iş görmüş, bu kitabı yazmışlar. Yaxşı olar
ki, hələ gec deyil, məzun informatorlarla əlaqə saxlyıb
məzunların siyahısını tərtib edib kitabın gələcəkdə daha
geniş çapını hazırlasınlar. Bu kitab tək bir Pedaqoji
Texnikumun tarixini yox, həm də pedaqoji fikrimizin,
pedaqoji düşüncəmizin tarixini öyrənmək üçün faydalı bir
əsərdir. Çünki əksər elmi-pedaqoji kitab və dərsliklərdə
böyük ziyalılar yetişdirmiş bu təhsil ocağının – İrəvan
Pedaqoji Texnikumu barədə məlumatlara rast gəlmirik.
Gələcək nəsillər də bilməlidir ki, müəllim kadrlar
yetişdirən belə bir texnikum olmuş, o da erməni-daşnaq
233
siyasəti nəticəsində müəllim və tələbələri ilə birlikdə
deportasiyaya məruz qalmışlar.
Müəlliflərə yeni-yeni uğurlar arzulayıram.
Aslan Bayramov,
professor
234
ƏDƏBİYYAT
1. Ə.Abdullayev. Qiyabi təhsilin yüksək keyfiyyəti
uğrunda. “Qızıl şəfəq” qəzeti 1036, № 74.
2. Allahverdiyev Cəlal. Irəvan ədəbi mühiti. Bakı, “Elm”
2010.
3. Allahverdiyev Cəlal. Irəvan Pedaqoji Məktəbi.
(Vedibasar) qəzeti, 16-31 yanvar 2014.
4. Ə.Bayramov, C.Sərdarov «Pedaqoji məktəbdə».
“Sovet Ermənistanı” qəzeti, 1946, № 70.
5. Budaqov Budaq, Çobankərə eli. Bakı, Elm 1996.
6. Ələkbərli Əziz. Qərbi Azərbaycan I c, Vedibasar
mahalı, Bakı “Ağrıdağ” 2000.
7. Ələkbərli Əziz. Qərbi Azərbaycan II c, Zəngibasar,
Gərnibasar və Qırxbulaq mahalları, Bakı “Ağrıdağ”
2002.
8. Hacıyev Aydın. Fəhləlikdən alimliyə gedən yol.
“Azərbaycan müəllimi” qəzeti, 25 mart 1997.
9. Ə.Heydərov, Bizim məktəbimiz “Sovet Ermənistanı”
qəzeti 1941, № 273.
10. Xəlilzadə Flora. “Ötən günlər”, “Azərbaycan
müəllimi” qəzeti, 25 aprel 1980.
11. İbrahimov Nurəddin, Medallar, Nərdivanlar. “Sovet
Ermənistanı” qəzeti, 1980, № 82.
12. Xəlilov Buludxan, Birinci Beynəlxalq Türkoloji
qurultay. Bakı, “Elm” 1999.
13. İbrahim və Lentroş, İkinci buraxılış münasibəti ilə.
“Qızıl şəfəq” qəzeti 1930, №58.
235
14. İrəvan Türk Pedaqoji Texnikumuna qəbul şərtləri.
“Zəngi” qəzeti, sentyabr 1926.
15. İrəvan Türk Pedaqoji Texnikumunun gedişatı.
“Zəngi” qəzeti, 12 fevral 1926.
16. Mərdanov Misir, Azərbaycanın təhsil tarixi. I, II, III
cild. Bakı, Təhsil, 2011
17. Kazımov Mehdi; Savad məntəqələri. “Zəngi” qəzeti,
31 mart 1926.
18. Məhərrəmov Ziyəddin. Xatirələrdə yaşayan Əli
müəllim 80. “Günəş” nəşriyyatı, Bakı 2006.
19. Maarif sahəsində “Zəngi” qəzeti, 31 mart, 1928.
20. Müəllim və məktəb işlərimiz. “Zəngi” qəzeti, 7
oktyabr 1928.
21. Mustafa Nazim. İrəvan şəhəri (türk dilində). Ankara,
2015, 269 səh.
22. Nağıyev Ə. İrəvan Türk Pedaqoji Texnikumunda.
“Qızıl şəfəq” qəzeti 1935, № 89.
23. On illik yubiley. “Qızıl şəfəq” qəzeti, 1935, № 28.
24. M.Sadıqov “Qan yaddaşı” Bakı, Yazıçı 1981.
25. C.Şərifov. Bayramın mübarək. “Sovet Ermənistanı”
qəzeti; 30 sentyabr 1966.
26. Tərsəcaylı Q. Ermənistanda Türk Maarifi, “Zəngi”
qəzeti, 21 dekabr 1926.
27. Yusif Bəhlul. 15 illik yubiley. “Sovet Ermənistan”
qəzeti, 7 dekabr 1940.
28. Zeynalov Əsgər. İrəvan Xanlığı...Gerçəkliyin
aydınlığı. Bakı, mütərcim, 2016
236
MÜNDƏRİCAT
Ön söz (B.Xəlilov).........................................................3
İrəvan Pedaqoji Məktəbi.............................................12
Pedaqoji Məktəbin görkəmli məzunlarından bir qismi..78
Məzun sözü: Böyük Təhsil məbədi – İrəvan
Pedaqoji
məktəbi...................................................210
İrəvan Pedaqoji məktəbini bitirmiş məzunların siyahısı
(siyahi tam deyil)........................................................215
Təhsilimizin tarixi yaddaşı – İrəvan Pedaqoji məktəbinə bir
abidə...........................................................................223
Ədəbiyyat......................................................................234
237
Yığılmağa verilmiş: 01.05.2017
Çapa imzalanmışdır: 08.06.2017
Şərti çap vərəqi:15
Format: 60X84 1/16
Tirajı:300
238
Kitab “ORXAN” Nəşriyyat və
Poliqrafiya müəssisəsinin
mətbəəsində hazır diopozitivlərdən
istifadə olunmaqla ofset üsulu ilə çap
edilmişdir.
239
Ünvan: Bakı şəhəri,
Dərnəgül qəsəbəsi, 3105-ci məhəllə
Direktor: Cəfər Bağırov
Tel: 562-83-03
240
Dostları ilə paylaş: |