Coğrafiya
və təbii resurslar, №2, 2017 (6)
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
5
vərliyində müsbət rol oynadı. Akademikin "Həyə-
can təbili"nin ikinci, təkmil nəşri (1982) bu
gün də
müsbət mənada öz təsir gücünü saxlayır.
Azərbay-
can xalqının ekoloji maariflənməsində yaradıcısı
Həsən müəllim olan və 1975-ci ildən nəşrə baş-
layan "Azərbaycan təbiəti" jurnalı da mühüm rol
oynamışdur.
Şair Bəxtiyar Vahabzadə öz xatirələrində yaz-
mışdır: “Bu gün məndən Həsən müəllimin insani
xarakterini səciyyələndirməyi soruşsalar, bircə
cümlə deyərdim: O, Azərbaycan üçün yanan bir
vətəndaş idi. Buna görə də onun alimliyi vətən-
daşlığından doğurdu.”
Məmməd Araz isə yazırdı: “Bəzən adama elə
gəlirdi ki, Azərbaycan təbiətində hər şeyi o öz əlləri
ilə yerbəyer etmişdi; Sultanbud meşəsini də, Eldar
şamı qoruğunu da, respublikanın neçə rayonunda
yaşı mini adlamış neçə çinarın, Naxçıvan-Şərur yo-
lunda qalmış yeganə narbəndin də “müəllifi” onun
özüdür.”
Həsən müəllim ömrü boyu öz tədqiqatları ilə
xalqımızın güzəranının yaxşılaşmasına kömək gös-
tərməyə çalışmışdır. O, Azərbaycanın Qonaqkənd
rayonunda maldarlıq təsərrüfatlarının bərpa edil-
məsi, Şamaxı — Xaldan — Quba istiqamətində
karvan yolu boyunca avtomobil yolunun inşası,
Qanıx – Əyriçay vadisindən Bakıya su çəkilməsi
üçün yuxarı təşkilatlara müraciətlər edirdi. Yar-
dımlı rayonunun iqlim və torpaq örtüyünü tədqiq
etmiş, sonra orada kənd təsərrüfatının yeni istiqa-
mətinin — üzümçülüyün inkişafı üçün xüsusi təq-
dimat yazmış və buna nail də olmuşdur.
Bu kiçik məqaləni yazarkən arxivimdə saralmış
vərəqlərin arasından əlimə bir sənəd keçdi. Çox
maraqlıdır, bu, keçən əsrin 60-cı illərində Həsən
müəllimin Azərbaycan KP Mərkəzi Komitəsinin
plenumunda etdiyi məruzə idi. Nə qədər cəsarət və
vətəndaşlıq var bu məruzədə! Partiyanın qılıncının
dalı da, qabağı da kəsdiyi bir dövrdə çəkinmədən
Ermənistanı və Gürcüstanı Kür və Araz çaylarını
çirkləndirdiklərinə görə tənqid atəşinə tutur və
onları əməli tədbirlər görməyə çağırır. Məruzədə
Azərbaycan ərazisi də yaddan çıxmır, ətraf mühiti
çirkləndirən müəssisələr adbaad çəkilir, adları çə-
kilən müəssisə rəhbərlərinin məsuliyyət daşıdıqları
vurğulanır. Kür çayı boyu tuqay meşələrini qır-
maqla pambıq tarlalarının sahəsini artırmaq istəyən
raykom katibləri ilə Həsən müəllimin mübarizəsi
ictimaiyyət arasında böyük əks-səda yaratmışdı.
Əgər Həsən bəy Zərdabi meşəni meşəbəylərindən
qorumağa çağırırdısa,
Həsən Əliyev də təbiəti mü-
hafizədə dünyagörüşü dar olan məmurlarla mübari-
zəyə çağırırdı.
Həsən müəllimin həyatı təbiətlə təmasda məna
tapırdı. O, respublikamızın hər bir guşəsinə vur-
ğunluqla baxır, onlardan mənəvi zövq alırdı. Nax-
çıvanda İlanlıdağ, Dəvəçidə Çıraqqala (Qalaaltı),
Qubada Təngə dərəsi, Şamaxıda Pirqulu və Mey-
səri dərəsi, Gəncədə Göygöl, Abşeronda Nardaran,
Qəbələnin qaraçöhrəsi, Şərurun narbənd ağacı,
Şollar düzünün meşələri, Yevlaxın tuqay meşəsi...
onun
ürəkdən sevdiyi, bağlandığı yerlər idi.
Həsən müəllimin Azərbaycan Təbiəti Mühafizə
Cəmiyyətində sədrlik fəaliyyətini də xüsusi qeyd
etmək istərdim. Təbii ki, Azərbaycanda o zaman
bu qeyri-dövlət təşkilatı ilə yanaşı, dövlət qurumu,
yəni hökumətin strukturu kimi Ekologiya Komitəsi
də fəaliyyət göstərirdi. Maraqlı odur ki,
bölgələrdə
dövlət qurumundan daha çox Azərbaycan Təbiəti
Mühafizə Cəmiyyətini tanıyır, bu cəmiyyətin çağı-
rışlarına əməl edirdilər. Vətəndaşlar bu cəmiyyətin
üzvü olmaqdan fəxr duyurdular.
Bunun dönə-dönə
şahidi olmuşam. Fikirləşirəm ki, Həsən müəllimin
xalqın belə yüksək inamını necə qazandığını izah
etməyə ehtiyac yoxdur. Sadə şəkildə desək, bu,
onun sözü ilə əməlinin vəhdət təşkil etməsinin nə-
ticəsi idi.
Ernest Rezerford atomun strukturundan danı-
şanda qulaq asanlara elə gəlirdiki ki, o, elektronu,
protonu, neytronu və nüvəni bir-bir barmaqları ilə
tutur. Həsən müəllim də təbiəti mühafizədən o
qədər məhəbbət və ürəkyanğısı ilə danışırdı ki, is-
tər-istəməz dinləyicidə maraq oyanar, yaxşı mə-
nada ekoloq “xəstəliyinə” tutulardı. O, təkcə Azər-
baycanda deyil, beynəlxalq simpozium və kon-
franslarda da bu həvəslə çıxış edərdi. O yaxşı başa
düşürdü ki, Azərbaycanı tanıtdırmaq üçün beynəl-
xalq aləmə çıxmaq lazımdır və bu missiyanı hələ
keçən əsrdə yorulmadan, həvəslə yerinə yetirirdi.
Həsən müəllim həm də bacarıqlı ekoloq-fotoq-
raf idi. O, Azərbaycan təbiətinin əvəzsiz guşələri-
nin fotoşəklini çəkməkdən, slayd yaratmaqdan,
sonra da onları əhaliyə çatdırmaqdan sonsuz zövq
alar, sevinc hissi keçirərdi. Həsən
Əliyev ömrünün
ən bəhrəli çağlarını məhəbbət və hörmət yarpaq-
larına bükərək hissə-hissə, parça-parça xalqa bəxş
edirdi. Bu azman insan
çəkdiyi alim əməyindən və
zəngin elmi tədqiqat isindən danışanda deyərdi:
"Mən xalqıma çox borclu olduğumdan borcumu
ödəyirəm".
Həsən müəllim özünün pedağoji fəaliyyəti ilə
də fərqlənmiş, APİ və ADU-da mühazirələr oxu-
muş, 35-dən çox namizədlik və doktorluq disser-
tasiyasıının elmi rəhbəri olmuşdur.
Professor Həsən Əliyev bir insan kimi səmimi,
mehribah, sadə, qayğıkeş, ədalətli, sözünü deyən,
yetim atası - fağır dayağı idi, kadrlara qayğı gös-