FƏTƏLİ XAN XOYSKİ
53
şunlarımıza hücum etməsi onların məqsədinin zorakılıqla Qarabağı ələ keçir-
mək istəyidir. Ermənilər isə beynəlxalq ictimaiyyətə yalan məlumatlar yayırlar
ki, guya “onlar Qafqazda boykot olunurlar”, “Şuşa-Yevlax yolu onlara bağlanıb”,
“Azərbaycan hökuməti onların yaşadığı kəndləri artilleriya atəşinə tutub” və s.
F.X.Xoyski notanın sonunda Azərbaycan hökumətinin Qarabağda vəziyyətin
qaydaya düşməsinin gecikdiyi ilə bağlı narahatlığını onların diqqətinə çatdırırdı
27
.
Ermənilərin Azərbaycan ərazilərində törətdikləri vəhşiliklərə etiraz olaraq
F.X.Xoyski 1920-ci ilin aprelin 6-da və 8-də Ermənistan Respublikasının Xarici
İşlər nazirinə ardıcıl olaraq iki nota göndərdi. O, bu notalarda Ermənistan ərazi-
sindən erməni silahlı dəstələrinin aprelin 5-də Azərbaycan ərazisinə keçib Ya-
radulla və Tatlı kəndlərində vəhşiliklər törətdiklərini, əhalinin üçdə birini qətlə
yetirdiklərini və hazırda orada döyüşlər getdiyini qeyd edirdi.
Azərbaycanın müstəqilliyi getdikcə təhlükəli xarakter alırdı. Bu mə-
qamları isə Azərbaycanın Xarici İşlər naziri F.X.Xoyskinin teleqramların-
dan aydın görmək mümkündür. Həmin təhlükəni əsas yaradan isə bolşe-
vik Rusiyası idi.
F.X.Xoyskinin 1920-ci ilin aprelin 15-də RSFSR-in Xarici İşlər Komissarı Q.V.
Çiçerinə göndərdiyi notada Rusiya Sovet hökumətinin qoşunlarının Azərbay-
can Respublikası ilə sərhəd olan Dağıstanın Dərbənd rayonunda toplaşmasın-
dan narahat olduğu qeyd edilirdi: “Azərbaycan hökuməti Sovet hökumətinin
məqsədlərindən məlumatlandırılmadığından təcili şəkildə həmin rayonlarda
qoşunların toplaşmasının səbəbini öyrənməyi tələb edir. Bununla yanaşı, bu
günə qədər bizim Rusiya və Azərbaycan xalqları arasında mehriban qonşuluq
münasibətlərinin yaradılması ilə bağlı danışıqlar təklifimizə cavab almadığımız-
dan hökumətimiz həmin təklifə cavab xahiş edir və təklifi qəbul etdiyiniz halda
danışıqlar üçün vaxtın və yerin müəyyənləşməsini bildirir”
28
.
Bu notaların verilməsinə baxmayaraq, bolşevik Rusiyasının XI Ordusu 1920-
ci ilin 27 aprelində Azərbaycan sərhədlərini keçərək müstəqil dövlətin ərazisini
işğal etdi. Bu işğaldan sonra F.X.Xoyski ailəsi ilə birlikdə Tifl isə getmişdir. Burada
bir müddət yaşadıqdan sonra 1920-ci ilin iyunun 19-da Tifl isdə erməni qatili-
nin arxadan atdığı güllə ilə öldürülmüş və oradakı Botanika bağında (hazırda
yer belə adlanır) Azərbaycan dramaturgiyasının banisi M.F.Axundovun yanında
dəfn edilmişdir.
27
“Азербайджан”, газета, 1920, 7 апрелья, №70.
28
“Yenə orada, 1920, 20 апрелья, №77.
CÜMHURİYYƏT QURUCULARI
54
F.X.Xoyskiyə qarşı terror aktını ermənilər həyata keçirsələr də (daşnak par-
tiyasının üzvləri Aram Erkonyan, Misak Kirakosyan), bu qəsdin təşkilatçısı bolşe-
viklər idi. Tifl isdə F.X.Xoyski Müsavat Partiyasının rəhbərləri və Azərbaycan Or-
dusunun bəzi komandirləri ilə Sovet rejiminə qarşı mübarizə aparır, “üsyançılar
hərəkatı”na başçılıq edirdi
29
.
F.X.Xoyskinin həyat yoldaşı mil-
F.X.Xoyskinin Tbilisidə
Botanika bağında olan məzarı.
liyyətcə rus xanımı olan Yelizaveta
Vasilyevna idi. F.X.Xoyskinin qohum-
ları onu Ceyran adlandırırdı. Onların
üç övladı olmuşdu: qızı Tamara
(1902-1990), oğlanları Murad (1910-
1973) və Ənvər (1914-1935). Övlad-
ların hər üçü Gəncədə doğulmuşdu.
F.X.Xoyskinin qızı Tamara xanım bol-
şevik M.D.Hüseynovla ailə qurmuş
və övladları olmamışdı. M.D.Hü
-
seynov 1938-ci ildə güllələndikdən
sonra Tamara xanım həbs edilmiş və
o, 10 ilə qədər həbsxanada qalmışdı.
Tamara xanım həbsdən sonra 90 ya-
şına qədər həyatda ya şadı.
29
Г.Мамулиа, Р.Абуталыбов. Страна огней в борьбе за свободу и независимость. Политическая
история азербайджанской эмиграции 1920-1945, Париж-Баку., с. 37.
55
ƏLİMƏRDAN BƏY TOPÇUBAŞOV
ƏLİMƏRDAN BƏY
TOPÇUBAŞOV
(1863 – 1934)
G
örkəmli ictimai-siyasi xadim Əli-
mər dan bəy Topçubaşov 1863-
cü ilin mayın 4-də Gürcüstanın
Tifl is şəhərində anadan olub. Tifl is gim-
naziyasında təhsilini başa vurduqdan
sonra Peterburq Universitetinin hüquq
fakültəsinə daxil olub. 1888-ci ildə uni-
versiteti fərqlənmə ilə bitirdikdən sonra
Tifl isə gedərək, Dairə məhkəməsində
çalışıb.
Ə.M.Topçubaşov 1896-cı ildə ailəsi
ilə birgə Bakıya köçüb və burada “Kaspi”
qəzetinin redaktoru vəzifəsində işləyib.
Ə.M.Topçubaşovun ciddi səyləri
nəticəsində 1905-ci ilin avqustunda Nij-
ni-Novqorod şəhərində Rusiya müsəl-
manlarının birinci qurultayı keçirilib.
O, 1906-cı ilin aprelində Peterburqda açılan birinci Dövlət Dumasına Bakı
quberniyasından üzv seçilib.
1918-ci ilin dekabrın 7-də Bakıda Azərbaycan Parlamenti fəaliyyətə başla-
yanda Ə.M.Topçubaşov sədr seçilib.
1920-ci ilin yanvarın 11-də Azərbaycanın dünya dövlətlərinə tanıdılmasın-
da onun başçılıq etdiyi Nümayəndə Heyətinin böyük rolu olub.
1920-ci ilin aprelində Azərbaycan Rusiya bolşevikləri tərəfindən işğal edil-
dikdən sonra Ə.M.Topçubaşov Fransada qalıb və orada yaşayıb. O, 1934-cü ildə
Parisdə dünyasını dəyişib.
CÜMHURİYYƏT QURUCULARI
56
AZƏRBAYCAN PARLAMENTİNİN SƏDRİ
Azərbaycanın görkəmli dövlət xadimi
Ə.M.Topçubaşov
Ə.M.Topçubaşov 1863-cü ilin mayın 4-də Tifl isdə
anadan olmuşdur. Qeyd edək ki, onun doğum
tarixi ilə bağlı müəyyən mübahisələr olsa da
(yəni 1862, 1865 və s.), Rusiya Dövlət Arxivində
saxlanılan doğum şəhadətnaməsində 1863-cü il
göstərilib
1
.
Ə.M.Topçubaşovun nəsli əslən Gəncədən
olsa da, ulu babalarından biri Tifl isə, digəri isə
İrəvana köçüb orada yaşamışlar. Ə.M.Topçubaşo-
vun ulu babası sonuncu gürcü kralı yanında hər-
bi işdə Tifl is Qalabəyisi kimi mövqe qazanmışdır.
Babası Mir Cəfər Topçubaşov isə 1819-1849-
cu illərdə Peterburq Universitetində professor
olaraq çalışmış, orada İran ədəbiyyatı və dildən
mühazirə oxumuşdur.
Ə.M.Topçubaşov ilk təhsilini müsəlman
mədrəsəsində aldıqdan sonra Tifl is Birinci klassik gimnaziyasında təhsilini uğurla
başa vurmuşdur. Nəticədə ona Qafqaz təqaüdü verilmiş və sonradan o, Peter-
burq Universitetinə daxil olmuş, əvvəl tarix-filologiya, daha sonra hüquq fakültə-
sində təhsilini davam etdirmişdir. 1887-ci ildə 3-cü kursda oxuyarkən gizli tələ-
bə təşkilatlarındakı iştirakına görə universitetdən xaric edilsə də, professorların
müdaxiləsi ilə məhkəmənin qərarı karser cəzası ilə əvəzlənib və o, ali məktəbə
bərpa olunmuşdur. Əlimərdan bəy universiteti qurtaran il uğurla dissertasiya
müdafiə etmiş, hüquq elmləri namizədi adını almışdır. Lakin 1885-ci ildən möv-
cud olan “xristian olmayanların universitetdə elmi vəzifə tutmağı yasaq edilməsi”
nizamnaməsi onun ali məktəbdə dərs deməyinə imkan yaratmayıb. Hətta ona
ali məktəbdə qalmaq üçün dinini dəyişmək təklif edilsə də, o, imtina etmişdir.
Bu vəziyyəti görüncə Ə.M.Topçubaşov Tifl isə qayıdıb, burada Dairə məh-
kəməsində fəaliyyətə başladı. O, Dairə məhkəməsinin katibi, müstəntiq, hakim
vəzifələrində çalışdı.
Ə.M.Topçubaşov 1893-cü ildə böyük mütəfəkkir H.Zərdabinin qızı Pəri xa-
nımla ailə qurmuşdur.
1
C. Həsənli. Tarixi şəxsiyyətin tarixi. B., 2013, s. 19.
Dostları ilə paylaş: |