ƏLİMƏRDAN
BƏY TOPÇUBAŞOV
59
Qeyd edək ki, Bakıda Şəhər Duması 1878-ci ildən fəaliyyət göstərirdi və
Ə.M.Topçubaşov bu vəzifəyə seçilən ilk müsəlman nümayəndə idi.
Ə.M.Topçubaşov 1905-ci ilin sonunda fəaliyyətinə icazə verilən, H.Z.Tağıye-
vin sədr olduğu Müsəlman Xeyriyyə Cəmiyyətinin də üzvü idi.
1905-ci ilin avqustun 15-də Rusiya müsəlmanlarının I qurultayının keçirilmə-
sində Ə.M.Topçubaşovun böyük xidmətləri olmuşdur. Əslində Ə.M.Topçubaşov
qurultayın keçirilməsinin əsas təşəbbüskarı idi. Lakin qurultayın Nijni-Novqo-
rodda keçirilməsinə şəhər valisi müsbət cavab verməmişdi. Odur ki, qurultay
iştirakçıları 300 rublla “Gustav Struve” gəmisini kirayə edib, av qustun 15-də Rusi-
ya müsəlmanlarının ilk qurultayını Oka çayı üzərində keçirdilər. Qurultay çar Ru-
siyasında yaşayan müsəlmanların siyasi təşkilatlanmasında mühüm rol oynadı
9
.
Rusiya müsəlmanlarının ikinci qurultayının keçirilməsi də Ə.M.Topçubaşova
tapşırıldı.
1906-cı ilin yanvarın 13-23-də Peterburqda Rusiya müsəlmanlarının ikinci
qurultayı keçirildi. Ə.M.Topçubaşov bir çox iclaslara sədrlik edirdi. Həmin qurul-
tayda Rusiya imperiyasındakı bütün müsəlmanları Rusiya Müsəlmanları İttifaqı
Partiyasında birləşməyə çağıran nizamnamə qəbul edildi.
1906-cı ilin avqustun 16-21-də Nijni-Novqorodda üçüncü Rusiya müsəl-
manları qurultayı keçirildi və orada 800-ə qədər nümayəndə iştirak edirdi. Qu-
rultayda Rusiya müsəlmanları İttifaqı Partiyasının 15 nəfərdən ibarət olan MK-sı
formalaşdı və Ə.M.Topçubaşov sədr seçildi.
Bu dövrdə Ə.M.Topçubaşov yeni formalaşan Rusiya Dövlət Dumasının işin-
də də fəallıq göstərirdi. 1906-cı ilin əvvəllərində Rusiya I Dövlət Dumasına seç-
kilər keçirildi və 25 müsəlman deputat burada təmsil edildi. 1906-cı ilin iyunun
21-də Ə.M.Topçubaşovun sədrliyi ilə Dumada Müsəlman fraksiyası yaradıldı
10
.
Bu fraksiyanın, eləcə də onun daxil olduğu Muxtariyyətçilər Birliyinin parlament
qrupunun fəaliyyəti (bu qrup Polşadan olan deputat A.Lednitskinin təşəbbüsü
ilə yaradılmışdı) çar hakimiyyətini narahat edirdi. 1906-cı ilin iyulun 8-də Duma
buraxıldı və kadetlər deputatlara Peterburqdan bir qədər kənarda – Vıborqda
toplaşmağı təklif etdilər. Vıborqda xalqa müraciət qəbul edildi və həmin sənəd-
də Dumanın müdafiəsi üçün vergidən imtina, hərbi xidmətdən yayınma for-
malarından istifadə əsaslandırılırdı. Həmin Vıborq çağırışını 6 deputatla birgə
Ə.M.Topçubaşov da imzalamış, bu fəaliyyətinə görə 1908-ci ilin yayında üç ay
müddətinə həbsdə saxlanılmışdı.
9
А.М.Топчибаши. Документы из личных архивов (1903-1934). М., 2012, с. 11.
10
Yenə orada, s. 12.
CÜMHURİYYƏT QURUCULARI
60
1914-cü ilin iyun ayının 15-25-də Rusiyanın müsəlman vilayətlərindən olan
6 nəfər Duma deputatı və 34 nəfər tanınmış ictimai-siyasi, nüfuzlu ruhani Peter-
burqda toplaşıb müşavirə keçirdi. Müşavirəyə sədrlik edən IV Dumada müsəl-
man fraksiyasının rəhbəri K.M.Tevkelevin təklifi ilə bu toplantı IV Müsəlman
qurultayı hesab edildi. Bu müşavirə-qurultayda Ə.M.Topçubaşov İ.Axtyamovla
birlikdə sədrin müavinləri seçildilər.
1917-ci ilin Fevral-Burjua inqilabından sonra keçmiş çar Rusiyası ərazisində
yaşayan xalqların ictimai-siyasi sahədə ciddi fəallıq dövrü başladı. 1917-ci ilin ap-
relin 15-20-də Bakıda Qafqaz Müsəlmanları Qurultayının keçirilməsi bu mənada
böyük hadisə oldu
11
. Həmin qurultaya sədrliyi Ə.M.Topçubaşov etdi. Qurultayın
açılışında o, dedi: “Qafqaz müsəlmanlarının bugünkü qurultayı ötən yüz il ərzin-
də birinci xalq qurultayıdır ki, burada Qafqaz müsəlmanlarının azad sözü eşidilə-
cək. Bu qurultay gərək Qafqazın keçmiş tarixi əzəmətini bərpa etsin”
12
.
Ə.M.Topçubaşov Qafqazda milli zəmində baş verən toqquşmalara işarə
edərək bildirdi: “Köhnə rus hökumətinin Rusiyada yaşayan rus olmayan xalqlara
qarşı siyasəti ayırıcı siyasət idi, ermənilərlə azərbaycanlılar arasında olan toqquş-
ma da insana nifrət siyasətinin nəticəsi idi”
13
.
Qeyd edək ki, 1917-ci ilin mayın 1-dən 11-dək Moskvada keçirilən Ümum-
rusiya Müsəlmanları Qurultayı milli mədəni inkişafa böyük təsir etdi.
Qurultay-
da M.Ə.Rəsulzadənin ərazi muxtariyyəti ideyası iştirakçılar tərəfindən
böyük maraqla qarşılandı. Onun irəli sürdüyü məhəlli muxtariyyət ideya-
sı qurultayda 271 səsə qarşı 446 səslə qəbul edildi
14
.
Qurultayda Rəyasət Heyəti adından çıxış edən Ə.M.Topçubaşov mayın 7-də
keçirilən altıncı iclasa da sədrlik etmişdi.
1917-ci ilin noyabrın 26-dan 28-nə qədər Cənubi Qafqazda Məclisi-Müəssi-
sana seçkilər keçirildi. Ə.M.Topçubaşov və F. X. Xoyski başda olmaqla Müsəlman
Milli Komitəsi və M.Ə.Rəsulzadənin başçılıq etdiyi Müsavat Partiyası Zaqafqaziya
müsəlmanlarının 63 faizinin səsini qazanaraq böyük qələbə qazandılar
15
.
Ə.M.Topçubaşov bu seçkilərdəki qələbədən sonra – 1917-ci ilin dekabr
ayında Cənubi Qafqaz Müsəlman Komitəsinin rəhbərliyindən istefa verdi. Lakin
Rusiyada hakimiyyətə gələn bolşeviklər 1918-ci ilin yanvarın 6-da Məclisi-Müəs-
sisanın buraxılması haqqında dekret verdilər. Bu hadisədən sonra 1918-ci ilin
11
“Kaspi”, 1917, №84.
12
Yenə orada.
13
Yenə orada, №85.
14
İ. İlqar. Rusiyada Birinci Müsəlman Konqresi. Ankara, 1990, s. 163-164.
15
C. Həsənli. Tarixi şəxsiyyətin tarixi. B., 2013, s. 274-275.