CÜMHURİYYƏT
QURUCULARI
66
Bülletenin 10-cu sayında Rusiyanın Xarici İşlər Komissarı Çiçerinin F.Xoyskiyə
1920-ci ilin yanvarın 2-də göndərdiyi nota haqqında məlumat, Parisdə Zaqafqa-
ziya ilə bağlı keçirilən konfransın materialları, Azərbaycanın cənub-qərbində
qaçqınların vəziyyəti ilə bağlı yazılar dərc olunmuşdu.
Ə.M.Topçubaşov. Paris, 1919−1920-ci illər.
Bülletenin 11-ci sayında Azərbaycanın xarici ölkələr tərəfindən tanınması ilə
bağlı materiallar, 12-ci sayda isə Qars hadisələri ilə bağlı məlumatlar, F.X.Xoyskinin
Ermənistanın Xarici İşlər nazirinə notası, Çiçerinə isə üçüncü notası çap edilmişdi
29
.
Qeyd olunmalıdır ki, Azərbaycan nümayəndə heyətinin fransız dilində ha-
zırladığı mətnlərin tərtibində və redaktəsində fransız şərqşünası Lyusen Byuva-
nın (1877-1942) böyük rolu olmuşdu.
Azərbaycan Nümayəndə Heyətinin Azərbaycanın tanınması istiqamətində
gördüyü ən əhəmiyyətli çalışmalardan biri də ABŞ Prezidenti V.Vilsonla görüş
oldu. 1919-cu ilin mayın 28-də günün ikinci yarısı V.Vilson Azərbaycan Nü-
mayəndə Heyətini qəbul etdi. Qəbul zamanı Ə.M.Topçubaşov ABŞ Prezidentinə
müraciət edərək dedi: “Biz uzaq Qafqazdan, buradan bir neçə min mil uzaq olan
Azərbaycandan gələrək xalqımızın azad və müstəqil həyatı üçün minnətdarlığı-
mızı, dərin hörmətimizi, azadlıq və müstəqil həyat ruhu ilə yaşamaq istəyən
xalqımızın təşəkkürlərini bildiririk. Qüdrətli Amerikanın nümayəndəsi kimi Sizə
müraciət edib xahiş edirik ki, cənab Prezident, bizim ölkəmiz, bizim xalqımız və
29
Р.Абуталыбов. Годы и встречи в Париже. М., 2006, с. 57-59.
ƏLİMƏRDAN BƏY TOPÇUBAŞOV
67
Ə.M.Topçubaşovun imzası ilə məktub.
18 aprel 1919-cu ul.
elə bizim özümüz haqqında məlumatları
bizdən eşidəsiniz. Çünki biz Avropa və
Amerika mətbuatında tez-tez Azərbaycan
haqqında səhv, saxtalaşdırılmış və
həqiqətə uyğun olmayan məlumatların
verildiyini eşitməli oluruq. Doğrudur, bizi
hələ yaxşı tanımırlar, biz indi birinci dəfə-
dir ki, Avropadayıq, lakin Sizi əmin edirik ki,
müstəqil yaşamaq üçün bizdə hər şey var-
dır. Biz ümid edirik ki, konfrans bizi din-
ləyəcək və biz Millətlər Cəmiyyətinə
buraxılacağıq. Biz əminik ki, bütün
xalqlar kimi, biz də Sizin böyük prinsip-
ləriniz əsasında yardım alacağıq. Biz
bildiririk ki, nə Kolçakın, nə Denikinin,
nə də köhnə Rusiya imperiyasının hü-
dudlarında hakimiyyəti bərpa etmək
niyyətində olan qeyri-birisini tanıma-
yacağıq. Biz Azərbaycan üçün yalnız öz
parlamentimizi və öz hökumətimizi ta-
nıyırıq və tanıyacağıq”
30
.
Ə.M.Topçubaşov çıxışından sonra Qafqaz Azərbaycan Respublikası nü-
mayəndələrinin memorandumunu ABŞ Prezidentinə təqdim etmişdi.
V.Vilsonla görüşdə Azərbaycan Nümayəndə Heyətinin altı bənddən
ibarət olan tələbləri ABŞ Prezidentinə təqdim olundu: 1) Azərbaycanın
müstəqilliyi tanınsın; 2) Vilson prinsipləri Azərbaycana da şamil edilsin;
3) Azərbaycan nümayəndələri Sülh Konfransına buraxılsın; 4) Azərbaycan
Millətlər Cəmiyyətinin üzvlüyünə qəbul edilsin; 5) ABŞ-ın Hə
rbi Departa-
mentliyi Azərbaycana hərbi yardım göstərsin; 6) ABŞ-la Azərbaycan Res-
publikası arasında diplomatik münasibətlər yaradılsın”
31
.
Ə.M.Topçubaşov prezidentə bildirdi ki, bu tələblər qəbul olunarsa, Azərbay-
can keçmişdə tərkibində olduğu çar Rusiyasının borclarından öz payına düşəni
tədricən ödəyəcəyinə təminat verir.
30
C. Həsənli. Tarixi şəxsiyyətin tarixi. B., 2013, s. 359-360;
А.М.Топчибаши. Документы из личных архивов (1903-1934). М., 2012, с. 24.
31
C. Həsənli. Tarixi şəxsiyyətin tarixi. B., 2013, s. 361.
CÜMHURİYYƏT QURUCULARI
68
ABŞ Prezidenti V.Vilson söhbətdə bu fikirləri diqqətə çatdırdı: “Amerikalılar
dünyanı kiçik hissələrə bölmək istəmirlər; Azərbaycan məsələsi “rus məsələsi”n-
dən əvvəl həll edilə bilməz”.
Ə.M.Topçubaşovun Azərbaycan Respublikası Nazirlər Şurasının Sədrinə Pa-
risdən 1919-cu ilin 22-25 sentyabrında göndərdiyi məktubda isə Azərbaycanın
tanınması ilə bağlı ciddi çətinliklərin olduğu qeyd edilirdi: “Müttəfiqlər
bizim müstəqilliyimizlə bağlı məsələni nəinki müzakirəyə çıxarmaq, hər
şeydən göründüyü kimi, heç bunu etmək belə istəmirlər”
32
.
Ə.M.Topçubaşovun Azərbaycanın tanıdılması istiqamətindəki fəaliyyətini
onun Parisdən Azərbaycan Respublikası Nazirlər Şurasının Sədrinə göndərdiyi
məktublardan oxumaq mümkündür. O, bu məktublarda həm də demokratik
Azərbaycan dövləti quruculuğunun mütləq vacibliyini qeyd edirdi.
Ə.M.Topçubaşovun 1919-cu ilin 6-10 noyabr tarixli göndərdiyi məktubda ya-
zılmışdı: “...Doğrudur, bizi hələ dövlət kimi tanımırlar. Lakin getdiyimiz hər yerdə
və hamıya artıq il yarımdan bəri bir dövlət kimi faktiki mövcudluğumuzu bildirir,
öz parlamenti, hökuməti, inzibatçılığı, məhkəməsi, məktəbləri, ordusu olan Azər-
baycanın müstəqil yaşadığını göstəririk. Bu, Azərbaycan bolşeviklərlə amansız
mübarizəyə tab gətirib. Deməli, azərbaycanlılar həyat qabiliyyətinə malik-
dirlər və özlərinin müstəqil dövlətini qura bilərlər. Gücümüz çatdığı qədər,
hətta gücümüz çatmasa belə, bu vəziyyəti qoruyub saxlamaq, bu özünütəsdiqi
mühafizə etmək lazımdır. Biz istərdik ki, hamı, bütün xalqımız indi özümüzün
müstəqil ictimai-siyasi və iqtisadi həyata qabil olduğumuzu sübut etmək üçün
imtahan verdiyimizi yaxşı başa düşsün. İnanıram ki, buna gücümüz çatacaq. Çünki
xalqımız, doğrudan da, qabiliyyətlidir, ölkəmiz isə təbii sərvətlərlə zəngindir. Lakin
bizdə indiyə qədər əxlaqi başlanğıca əsaslanan siyasi məktəb olmadığından geniş
xalq kütlələrinin öz gənc dövlətinin müəssisələrindən, qurumlarından nümunə
götürməsi və yaşadığımız indiki sınaq anının bütün ciddiyyətini dərk etməsi çox
zəruridir. Paytaxt və rəhbər xadimlər bax, Azərbaycana bütün varlığı ilə xidmət
etməyin nümunəsini geniş xalq kütlələrinə onlar göstərməlidirlər. Çünki biz artıq
şüurlarda geriyə dönüş üçün yer olmadığına və ola bilməyəcəyinə əminik.
Qarşımızda yalnız bir yol var – bu da Azərbaycanın müstəqilliyinə
aparan yoldur! Bu yolu təhlükəsiz şəkildə keçmək üçün ilk növbədə ölkənin
daxili vəziyyətini sahmana salmaq və möhkəmləndirmək zəruridir. Ölkənin
özündə, onun inzibati qurumlarında və məhkəmələrində qayda-qanun yarat-
maq və ümumən qanunçuluğa hörmət zəruridir. Ümumi mənafelərə qayğı və
32
А.М.Топчибаши. Письмы из Парижа. B., 1998, с.38.