FƏTƏLİ XAN XOYSKİ
45
F.X.Xoyskinin imzaladığı
sənəd.
1918-ci ilin 13 dekabrında Azərbay can Parla-
mentinin sədr müavini H.Ağa yev F.X.Xoyskinin Baş
Nazir vəzifəsinə na mizəd liyi münasibəti ilə mək-
tub yazdı. Lakin F.X.Xoyski H.Ağayevə təşəkkürünü
bildirərək sağlamlığının bu vəzifəni yerinə yetir-
məsinə imkan vermədiyini bildirdi. O, eyni zaman-
da bü tün gücünü xalqa xidmətə həsr edəcəyini
də qeyd edirdi.
Dekabrın 18-də H.Ağayev F.Xoyskiyə Baş Nazir
vəzifəsini qəbul etməsi ilə bağlı təkrar müraciətində
bildirirdi: “Yeni hökumət təşkili üçün zati-alilərinizə 13
qanunda (dekabrda – red.) müraciət yazdığım mək-
tubuma rədd cavabı almağa baxmayaraq, təkrarən
zat-alilərinizdən millət naminə rica edirəm ki, vətə-
nin bu ağır zamanında hökumət təşkili kimi məsuliyyətli bir vəzifədən bərkənar
olmayıb, yeni müştərək bir Kabinə təşkilini öhdənizə götürəsiniz. Zati-alinizdə qə-
rar müraciətimi Parlaman funksionlarının hamısının müttəfiqül-rəy və müştərəkən
zat-alilərinin namizədliyini qəbul edib və tələb etməsi təzyidindən dolayı ricamın
qəbulu ümidindəyəm, əfəndim!.. Parlaman rəisi adına H.Ağayev”
14
.
Bu müraciətlərdən sonra F.X.Xoyski razılaşdı və 1918-ci ilin dekabrın
26-da növbəti hökuməti formalaşdırdı. Onun sədrliyi ilə təşkil edilən Na-
zirlər Şurasında F.X.Xoyski həm də Xarici İşlər Naziri vəzifəsini yerinə yeti-
rirdi. Onun formalaşdırdığı hökumət müxtəlif partiya və təşkilatları təm-
sil edən aşağıdakı nazirlərdən ibarət idi: 1) X.Xasməmmədov (Müsavat)
– Daxili İşlər naziri 2) İ.Protasov (Slavyan-Rus Cəmiyyəti) – Maliyyə naziri
3) X.Məlikaslanov (bitərəf) – Yollar naziri 4) T.Makinski – Ədliyyə naziri
5) N.Yusifbəyli (Müsavat) – Maarif və dini etiqad naziri 6) A.Səfikürdski (so-
sialist) – Poçt-teleqraf və əmək naziri 7) S.Mehmandarov (bitərəf) – Hərbi
nazir 8) R.Xoyski (bitərəf) – Sosial-təminat naziri 9) Y.Gindes (Slavyan-Rus
Cəmiyyəti) – Xalq Səhiyyəsi naziri 10) M.Əsədullayev (bitərəf) – Ticarət
və sənaye naziri 11) M.H.Hacınski (16.01.1919 tarixindən – Ə.Həsənov) –
Dövlət müfəttişi 12) K.Lizqar (Slavyan-Rus Cəmiyyəti) – Ərzaq naziri 13)
X.Sultanov (Müsavat) – Əkinçilik naziri
15
.
14
Azərbaycan Respublikası Prezidentinin İşlər İdarəsinin Siyasi Sənədlər Arxivi, f. 277, s. 2, i. 17, v. 84.
15
Azərbaycan Demokratik Respublikası. Azərbaycan hökuməti (1918-1920). B., 1990, s. 92.
CÜMHURİYYƏT QURUCULARI
46
F.X.Xoyskinin bir dövlət xadimi kimi fəaliyyətinin öyrənilməsində parla-
mentdəki çıxışları da çox önəmlidir.
O, növbəti dəfə Azərbaycan Parlamentinin dekabrın 20-də keçirilən 4-cü
iclasında çıxış etdi. İclası parlamentə sədrlik edən H.Ağayev açdı. H.Ağayev ic-
lasın fövqəladə keçirilməsinin iki səbəbi olduğunu vurğuladı: birincisi, erməni
və gürcü millətləri arasında əlaqələrin pozulub münasibətlərin gərginləşməsi,
ikincisi isə ermənilərdən olan bəzi məsuliyyətsiz dəstələrin vəhşilikləri, Andro-
nikin komandanlığı altında qoşunun Azərbaycan Cümhuriyyəti hüdudunu ke-
çib Zəngəzur, Şuşa və Cəbrayıl qəzalarında kəndləri xaraba qoyması, köməksiz
xalqı qətlə yetirməsi.
Nazirlər Şurasının Sədri F.X.Xoyski parlamentin fövqəladə iclasında Qarabağ
və Zəngəzurda Andronik ordularının hərəkətləri haqqında məlumat verdi. O,
çıxışında dedi: “Zəngəzur əhvalatı təzə bir şey deyil. Bu, çoxdan başlamış bir işdir.
Burada oturan məbuslara məlumdur ki, vaxtilə bir para ermənilər tərəfindən
Qarabağ haqqında bir məsələ qaldırılmış idi. Hələ iyul ayında Andronik başına
bir dəstə çətəçi yığaraq İrəvan quberniyasından Gəncə quberniyasının hüdu-
duna keçdi. Burasını deməliyəm ki, Andronik Türkiyə təbəəsidir. O vaxt Azər-
baycan hökuməti hələ Gəncədə ikən erməni hökumətinə müraciətlə isti cavab
etmişdir ki, Andronik sizin tərəfinizdən bu işi görür, yoxsa bu hərəkətlər onun
öz təşəbbüsüdürmü və onun qoşunları erməni hökumətinə tabedirmi, yoxsa
onun hərəkətləri, şəxsi təşəbbüsləri və adi üsyan kimidirmi? Erməni hökuməti
cavab verdi ki, Andronikin erməni hökuməti ilə heç bir əlaqəsi yoxdur, özü də bir
asidir. Erməni hökuməti özü də onun rədd edilməsini və üsyanın yatırılmasını
istəyir. Fəqət gücü yoxdur, iş görə bilmir”
16
.
F.X.Xoyski çıxışında qeyd etdi ki, Azərbaycan əskəri qüvvələri Bakını azad
etməklə məşğul olduğundan, Andronikin Zəngəzurdakı vəhşiliklərinin qarşısı-
nı ala bilmirdi. Sentyabrda Bakı alınandan sonra Androniki Şuşa qəzasından və
Zəngəzur mahalından qovmaq mümkün oldu. Noyabrın 20 və 23-dən sonra
Andronik yenə peyda oldu. F.X.Xoyski bu məsələlərlə bağlı ingilis hərbi qüv-
vələrinin komandanı general Tomsonu məlumatlandırdığını, onun isə dərhal
tədbirlər görməyin vacibliyini söylədiyini qeyd edir. F.X.Xoyski çıxışında Andro-
nikin başçılıq etdiyi quldur dəstələrinin planlarını açıqladı: “Aşkar fikirləri budur
ki, Zəngəzur və Şuşa qəzalarını Azərbaycandan ayırıb, Ermənistana birləşdir-
sinlər”. F.X.Xoyski qətiyyətlə bildirir: “...Biz var qüvvəmizlə Azərbaycanın
16
Azərbaycan Respublikası Dövlət Arxivi, f. 895, s. 1, i. 1, v. 38-48.
FƏTƏLİ XAN XOYSKİ
47
hüququnu müdafiə edəcək və heç kəsə yol verməyəcəyik ki, kənardan
gələnlər Azərbaycanın hüququna təcavüz etsinlər”.
F.X.Xoyski 1918-ci ilin dekabrın 26-da Azərbaycan Parlamentinin beşinci ic-
lasında yeni təşkil etdiyi hökumətin proqramı və tərkibi haqqında məruzə etdi.
Həmin məruzəsində o, çətin və qorxulu vaxtda təzə kabinə təşkilini üzərinə
götürdüyünü və bunun böyük məsuliyyət olduğunu söylədi. O, qeyd etdi ki,
Sülh konfransında ən mühümü istiqlalımız məsələsi olacaqdır. Sonra çıxışında
dedi: “Azərbaycan istiqlaliyyəti ondan ibarət deyil ki, özümüz ilə özgə dövlətlər
arasında bir divar yapaq. Aşkardır ki, müstəqil Azərbaycan hökuməti özgə döv-
lətlər ilə əlaqəyə girməyə çalışacaqdır. Bu əlaqə əvvəlcə qonşu Rusiyada təşkil
olunan məmləkətlər və Rusiyanın özü ilə də olacaqdır. Özgə məmləkətlər ilə
olacaq əlaqə bir tək hökumətin vəzifəsi olmayıb, sizin qüvvəniz və göstərdiyiniz
yol ilə hasil olacaqdır. Bu istiqlaliyyətin hamımız üçün əziz və sevgili oldu-
ğuna əminiz”
17
.
F.X.Xoyski yeni hökumətin fəaliyyətində daxili işlərə diqqətin artırılacağı-
nı, Maarif nəzarəti sahəsində ana dilində məktəb açılması vacibliyini, ərzağın
ədalətli bölgüsünün aparılacağını, ədliyyə nəzarətinin gücləndiriləcəyini, tor-
paq məsələsinin qəti surətdə həll ediləcəyini qeyd etdi və çıxışının sonunda
yeni kabinənin üzvlərinin adlarını açıqladı.
F.X.Xoyski 1919-cu ilin 25 yanvarında Azərbaycan Parlamentinin doqquzun-
cu iclasında Müttəfiq ölkələrin Balkan yarımadası və Qafqazdakı qoşunlarının baş
komandanı C.Milnlə görüşləri haqqında bəyanatla çıxış etdi. Qeyd etdi ki, görüş
zamanı general İngiltərə hökumətinin Azərbaycan Cümhuriyyəti hökumətini
tanıdığını və bundan başqa bir hökuməti tanımayacağını söylədi. F.X.Xoyski ge-
nerala “İngiltərə və müttəfiq qoşunlarının Qafqasyaya nə məqsədlə gəlib?” sualı
ilə müraciət etdikdə, onun belə cavab verdiyini qeyd etdi: “Bizim Qafqasyaya
gəlməkdə məqsədimiz asayiş və sakitliyi qorumaqdır. Yenə təkrar edirəm, Sizin
daxili işlərinizə qarışmayacağıq”.
Azərbaycan Parlamentinin fevralın 4-də keçirilən on ikinci iclasında hö-
kumətin Ermənistanda diplomatik nümayəndəliyinin təyini məsələsinin gecik-
dirilməsinə qarşı çıxan müxalifət nümayəndələrinin tənqidinə F.X.Xoyski belə
cavab verdi: “Biz Ermənistana nümayəndə təyin etmək istəmişik, amma o hö-
kumət cavab verməmişdir. Təkrar noyabr ayında müraciət edilmiş, yenə cavab
çıxmamışdır”
18
.
17
Azərbaycan Respublikası Dövlət Arxivi, f. 895, s. 1, i. 1, v. 50-57.
18
“Azərbaycan” qəzeti, 6 fevral 1919, №107.
Dostları ilə paylaş: |