12
Qeyd edək ki, Nizami Gəncəvinin həyat və yaradıcılığı
keçmiş SSRİ-də, o cümlədən şairin vətəni Azərbaycanda da
geniş öyrənilmiş, nizamişünaslıq elmi yaranmış, haqqında san-
ballı tədqiqat əsərləri, monoqrafiyalar yazılmış, dünyada ilk
dəfə olaraq əsərlərinin elmi-tənqidi mətni hazırlanmışdır. Şai-
rin anadan olmasının 800 illik yubileyi 1941-ci ildə mühasirədə
olan Leninqradda (indiki Sank-Peterburqda) geniş qeyd edil-
mişdir. Dahi Azərbaycan şairinin misilsiz xidmətləri xalqımız,
dövlətimiz tərəfindən layiqincə dəyərləndirilmiş, Nizami adı
həmişə yüksəklərə qaldırılmışdır. Onun adını əbədiləşdirmək
üçün Bakının rayonlarından biri, mədəni-maarif müəssisələri-
nin bir qismi (məsələn, “Nizami” adına kinoteatr, kitabxana,
muzey), Bakı metropoliteni stansiyası və paytaxtın mərkəzi
küçələrindən biri onun adı ilə adlandırılmışdır. AMEA-nın
Ədəbiyyat İnstitutu və Milli Azərbaycan Ədəbiyyatı Muzeyi
dahi şairin adını daşıyır. 1991-ci ildə Nizami Gəncəvinin 850
illiyi münasibəti ilə SSRİ-nin 1 rublluq yubiley monetası,
1993-cü ildə isə şairin adına kəsilmiş pul - 500 Azərbaycan
manatı tədavülə buraxılmışdır.
Nizami Gəncəvinin mövzularında əsər yazmaq, onun
“Xəmsə”sinə cavab vermək əsrlər boyu Şərq poeziyasında ənə-
nəvi şairlik imtahanı olmuşdur. Onun yaradıcılığı Yaxın və
Orta Şərq xalqları (fars, tacik, türk, özbək, hind, əfqan, türk-
mən və s.) ədəbiyyatlarının inkişafına böyük təsir göstərmişdir.
Nizaminin poemalarına onlarca nəzirələr, o cümlədən “Sirlər
xəzinəsi”nə, “Xosrov və Şirin”ə, Leyli və Məcnun”a ayrı-ayrı-
lıqda 40-dan çox nəzirə yazılmışdır. Əmir Xosrov Dəhləvi,
Əbdürrəhman Cami, Əlişir Nəvai kimi böyük sənətkarlar
Nizami Gəncəvini ustad adlandırmış, onun “Xəmsə”sinə cavab
yazmaqla şairin Şərq bədii irsinə gətirdiyi qabaqcıl ənənələri
davam etdirmişlər. Onun yaradıcılığı Qərbi Avropa ədəbiyyatı-
na da təsir göstərmişdir. Avropa alimlərinin təsdiq etdikləri ki-
13
mi, C.Bokaççonun “Ameto” əsəri Nizami Gəncəvinin “Yeddi
gözəl” poemasının təsiri ilə yazılmışdır.
Gəncədə, dəfn olunduğu yerdə məqbərəsi tikilmiş, “Xəmsə
bulağı” memarlıq-heykəltəraşlıq kompleksi yaradılmış, xatirə
ev-muzeyi, Nizami Poeziya Teatrı, Nizaminin və Puşkinin
əsərlərindən ibarət xüsusi kitabxana açılmışdır.
Nizaminin məqbərəsi ölkə başçısı İlham Əliyevin göstərişi
ilə ən müasir Şərq memarlığı üslubunda bərpa edilmişdir.
Bir faktı da qeyd edək ki, 1991-ci ildə Moskvada, 2000-ci
ildə Sankt-Peterburqda, 2004-cü ildə Özbəkistanda, 2005-ci
ildə Moldovanın Kişinyov şəhərində dahi şairə abidə ucaldıl-
mışdır. 2012-ci il aprel ayının 20-də İtaliyanın paytaxtı Roma
şəhərində “Villa Borghese” parkında Heydər Əliyev Fondunun
dəstəyi və Azərbaycanın İtaliyadakı səfirliyinin əməkdaşlarının
iştirakı ilə Nizami Gəncəvinin abidəsinin açılışı olmuşdur. Abi-
dənin açılışında Neapol Şərqşünaslıq Universitetinin professo-
ru Mineli Bernardini çıxış edərək Nizami Gəncəvinin yaradıcı-
lığını yüksək qiymətləndirmiş və Azərbaycanın Gəncə şəhərin-
də dünyaya göz açan şairin əsərlərini bütün dövrlər üçün əvəz-
siz xəzinə adlandırmışdır. Dahi Nizaminin yaradıcılığının digər
xalqlar üçün də böyük əhəmiyyət daşıdığını bildirən professor,
Nizami əsərlərinin italyan dilinə tərcümə edildiyini və sevildi-
yini, bütün yaradıcılığının bəşəri əhəmiyyət daşıdığını diqqətə
çatdırmışdır.
14
Kitabxanalarda Nizami Gəncəvi
irsinin təbliği
İnsanların asudə vaxtının səmərəli təşkili üçün istifadə olu-
nan hər hansı mədəni-kütləvi tədbir oxuculara estetik zövq
bəxş edir, onları yaradıcı fəaliyyətə ruhlandırır. Mədəni-kütləvi
tədbirlər bədii zövqün, mənəvi keyfiyyətlərin aşılanmasına yar-
dım göstərməklə yanaşı, oxucularda bilik və bacarığı da inkişaf
etdirir. Buna görə də kütləvi tədbirlər kitabın geniş oxucu küt-
ləsi arasında təbliğ edilməsində xüsusi əhəmiyyətə malikdir.
Məlumdur ki, oxucularla iş məqsədyönlü və idarəedici
prosesdir. Odur ki, kitabxanalarda oxucularla işləyərkən müx-
təlif forma və üsullardan istifadə edilir ki, bunların da hər biri-
nin özünəməxsus səciyyəvi xüsusiyyətləri vardır. Bu zaman ki-
tabxanaçı oxucuların bir sıra şəxsi keyfiyyətlərini, mütaliə mə-
dəniyyətinin səviyyəsini, maraq dairəsini və s. nəzərə almalıdır.
Dahi Azərbaycan şairi və mütəfəkkiri Nizami Gəncəvinin
870 illik yubileyinin qeyd edilməsində Mərkəzləşdirilmiş
Kitabxana Sistemləri (MKS) əyani və şifahi təbliğatın formala-
rından – kitab sərgilərindən, guşələrdən, stendlərdən, onun
yaradıcılığına həsr olunmuş ədəbi-bədii, musiqili gecələrdən,
oxucu konfranslarından, sual-cavab gecələrindən, biblioqrafik
xülasələrdən, məruzələrdən, elektron məlumat bazalarının,
elektron kitabların təqdimatından və s. məqsədəuyğun şəkildə
istifadə etməlidirlər.
Şairin irsinin və onun haqqında nəşr olunmuş əsərlərin,
elektron resursların, eləcə də dövri mətbuat materiallarının ge-
niş oxucu kütləsinə çatdırılması kitabxanalarda təşkil olunan
maraqlı və rəngarəng tədbirlərlə çox bağlıdır. Nizaminin ədəbi
irsinin təbliğinin mühüm mərhələsi orta məktəbdən başlasa da,
onu geniş miqyasda inkişaf etdirən məhz kitabxanalardır.