Nəğməli sinəmdə yüz dastan yatır
77
Atdandılar. On doqquz atdı işıxlanar-işıxlanmaz Calalının
torpağına çatdılar. Gördülər ki, mal-qoyun düzü-dünyeyi tutuf.
Səməd bəy uşaxlardan bir neçəsini seçdi, dedi, uşaxlar, malı qo-
yuna, qoyunu çovana, quzuçuya, sığırçıyı ilxıçıya qatıb dalınnan
vurarsınız. Biz qəsəbəyə girəjiyik. Balaja şəər kimi qəsəbələri
varıydı. Tüşdülər şəərə, əllərinə keçən kürdü qılıncladılar. Kürd-
lər elə bildi göydən əjdaha enif. Bilmədilər nağayırsınlar. Əllərinə
keçən qıymatdı şeylərdən hərəsi bir xurcun basdılar. Gördülər
günün saraltısı dağlardan kəsilir, meydanda da bir kişi görükmör.
Səməd bəy dedi:
– Uşaxlar, mal-dövlət indi Şamdırıya çatmış olar, getmək
lazımdı.
Bavakişi oğlu dedi:
– Düz deyirsən, o dağların zağalarında çox qanmaz kürdlər
var, onlar bilif gəlsə, yaxşı olmaz. Getmək məsləhətdi.
Odu ki, atdarı sürüf Şamdırıya çatdılar. Baxdılar ki, döylət sel
kimi yeriyif. Burda Səməd bəy malı, qoynu, atı dədəsi Daşdəmir
ağanın malı kimi bütün kəndə payladı. Qalanna naxırçı, çovan
tutub dedi:
– Bavakişi oğlu, indi bu mal-döylət bizə bəs elləyərmi?
Bavakişi oğlu dedi:
– Bəyim, əlim Allahda, yeddi sənə bəsdi.
– Onda sən nə dedin, biz əməl ellədik, indi mən nə desəm sən
əməl elləməlisən.
– Baş üstə!
– İndi bizə dörd qoçax aşvaz, dörd gəlin, dörd qarı ver, fətir
pişirsin, dörd qoçax gəlin də çay qaynatsın.
– Baş üstə!
Başdadılar malı, qoyunu qırıf yeməyə.
Bəy dedi:
– Əfəndim, bu doqquz ayda bir yana çıxmax, gəzməh varmı,
yoxsa bu dörd divar arasında qalajıyıx?
Bavakişi oğlu dedi:
Hüseyn Saraçlı
78
– Əlim Allah, buralarda elə qar gələr ki, mal-at töylədən
çıxmaz, naib-nökər quyulardan su çəkib içirdərlər.
– Onda biz neyliyək? – Mən Boşşalıdanam, kefçil oğlanam.
Mana bir yanşax, yanı aşıx taparsan, bir sinədəftər də molla,
yoxsa bağrım doyşan bağrı təki çatdıyar.
Bavakişi oğlu dedi:
– Mən haradan alım sizin o Boşşalı mahalının aşığını, sazı nar
dənəsi kimi oycuna qoysun. Bizim bu qalpax papaxlarda nə elə
yanşax, nə də elə molla bula bilərsən. Ancax Çıldır mahalının
Suxara kəndində bir yanşax var. Özü də haqq aşığıdı, adı
Şennihdi. Bilmirəm xoşuna gələ, gəlməyə? Özün bilərsən.
Səməd ağa dedi:
– Əşi, mana haqq aşığı lazımdı. Hədər-cüvərən aşığı ney-
nirəm. Ağ otdan balta sapı, qırılanda birni də safla! Uşaxlar, Şah-
marı yəhərriyin. Şahmarın uğuru kəsərridi. Qara daşa getsə, boş
qayıtmaz.
Götürüf bir namə yazdı ki, Aşıx Şennih, başını orda isdat,
burda qıxdırajam. Yazan Boşşalı eşqiyə Səməd bəydi. Naməni
verdi atdıya, atdı sürüf yola düşdü Çıldır mahalına.
Şamdıra köyünnən Suxaranın arası iki ağacdıx yoluydu, yanı
altı verst. Atdı gəlif çatdı Suxarıya. Suxara Çıldır gölünün qırağı
uzunu düzülü köydü. Gölün qırağında iri daşdıxda ağsaqqal kişi-
lər söhbət elləyirdi. Xoca və Aşıx Şennih də burdoydu. Atdı ca-
maata salam verdi. Salamını aldılar.
– Xoş gəlifsən, – dedilər. Biri irəli çıxıf dedi:
– Oğul, atdan düş, qonax ol.
– Əvvəlcə deyin görüm, Aşıx Şennih burda varmı?
– Bəli, burdadı.
– Bu namə onundu.
Şennih naməni aldı, ancax oxuya bilmerdi. Xocuya verdi.
– Xoca, bu namənin məzmununu mana qandır, – dedi. Birdən
Xocanın əlini tutdu, dedi, aya, bərkə pünhan namədi. Çəkildilər
bir tərəfə. Xudu xoca dedi:
– Balam, səni eşqiyalar çağırır.
Nəğməli sinəmdə yüz dastan yatır
79
Şennih dedi:
– Əfəndim, mən nejə varım. Dövlət paşası eşitsə, boğazıma
qurğuşun tökər.
Xoca dedi:
– Olan get, hamsı birdi, getməsən də eşqıyalar səni öldürəllər.
Şennih atdıya dedi:
– Oğlum, sən get, kəndim şam vaxtı gələrəm.
Axşam sazını götürüf gəldi həmən məclisə. Savaxdan axşa-
ma, axşamnan savağa aşvaz qazanı sönmürdü, işdəri-peşələri elə
çalmax-çağırmağıydı. Camaat da axşam-savax yığılıf yeirdilər.
Nə vejdərinə? İmarətə xarcı çıxmıyan elə bilir çöl kəvələyidi. An-
cax çuğula nooluf, Allaha şükür, biri ölsə, beşi doğular. Bir quduz
var, axşam-savax malın-qoyunun baş-əəyğini daşıyır. Papğı qava-
ğına qoyuf fikirrəşdi: mən elə baş-əəyəxmi yəəjəm? Bə neylim?
Öz-özünə dedi: gəl Hüdud paşasına xavar ver, bunnarı qırsın, bu
talan maldan özdəri də aparsınlar, mana da versinlər. Ətəyini
belinə çirmeyif yola tüşdü, düz Zurzunuya.
Deyəllər Zurzunada Qazı Əfəndi paşa başında yüz əsgər poşta
durordu. Şamdırıynan Zurzunanın arası altı ağacdıx yoldu. Gejəy-
nən gəlif çıxdı Zurzunuya. Əsgərrər onu tutdular.
– Olan, kimsən, neçisən?
– Qazı Əfəndiynən söhbətim var.
– Olan, Qazı əfəndi xabıda uymuş, yanı yatır, onu oyatmax
olurmu ya? Olan, sübhə qalsa, işiniz kötü olar.
Amma əsgərrər gördülər ki, bu sözdü adama oxşuyur, dedilər
oyadax. Qapını döydülər:
– Paşa, oyan!
– Nə var, əfəndim?
– Bir hərif kəndini bəkliyor.
– Olan, buraxın gəlsin!
Hərifi yoxluyuf buraxdılar. Çuğul girən kimi ədəb-ərkənnən
salam verdi.
– Oğlum, nə var?
Hüseyn Saraçlı
80
– Əfəndim, Boşşalı eşqıyaları Calalı kürdünü çalıf-çapıf gətir-
di. Şimdi Şamdırada yeyif-içməhdədilər.
– İştə, yanşax da çunbuş yapuyor, yanı, saz çalır, oxuyur?
– Savax nə sana baş əyər, nə dövlət paşasına, özü üçün bir
ağadı.
Gəl gör ki, Qazı Əfəndi bu işi bilirdi. Fikirrəşdi ki, islam qar-
daşdı, mana dəymiyən qurd yüz il yaşasın. Calalı kürd onsuz da
mana xarac vermir. Ancax bileydi ki, bu təkdi, burda kəsdirərdi
başını. Elə bildi bir neçəsi də İstanbula gedif, ürəyində dedi:
– Olan, bu xınzır oğlunu bən bə bilməməliydimmi? Olmazdı,
gərəh getsin. Əsgərə əmr verdi. Suvari hazır oldu, sürdülər gejey-
nən Şamdırıya, Quduz çuğul da yanınnan əl çəkmirdi.
Qazı əfəndi onnarı qırmax istəmirdi. Dedi:
– Oğlum, köyü yaxaladıx, iştə. Get gör genə həmən dəmi-
dövrandadılarmı?
Çuğulu başınnan əkdi. Əsgərə əmr verdi ki, mərd qardaşdı,
iştə, ataş yapın, ancax aradan yol verin bir yana getsinlər, birini
də vurmuyun, mən bağırajam ki, qırın, ancax siz burdakı sözü
yaddan çıxartmayın. Qazı əfəndi bu tapşırığı vermişdi ki, çuğul
qayıdıf dedi ki, Səməd bəy dirsəyində müttəkkə-yasdıx, axşam-
nan əyləşif, yanşax da çunbuş yapıyor.
– Of, anasını satdığım, ağlın urusun sarı kazağınamı gedif,
əəyğini tırpıldadanda qoyun kimi ülküşə. Mənim bu füsküllü fəs
əsgərimin qurğuşununun dadını görmüyübsənmi?
Dörd yanı üzük qaşı kimi arıya aldılar. Amma Səməd bəy bir
qarolçu tutuf tafşırmışdı ki, qar yağana kimi damın üstündə dur-
sun, qar yağannan sonra heç kim gələ bilməz, yol bağlanar. Ye-
nijə dan yeri ağaran kimiydi, qarolçu tez içəri yüyürdü ki, ay bə-
yim, əsgər hər tərəfi bürüyüf. Səməd bəyin heç vejinə də gəlmədi.
İsmeyil peykannan sıçradı, əlini aynalı tüfəngə yetirdi. Səməd
bəy dedi:
– Əyə, İsmayıl, nağayrersan?
– Ay bəyim, görmörsən nə deyir?
– Nə deyir? Məclisə pozğunnux salma, yerində otu!
Dostları ilə paylaş: |