35
mud Qəznəvinin Hindistanda olmasından istifadə edərək 1006-cı ildə
subaşi Təkinin başçılığı ilə ordu göndərdi. Lakin Mahmud Qəz-
nəvinin özünü yetirməsi ilə subaşi Təkin heç nəyə müvəffəq ola bil-
mədi, Mavərannəhrə qayıtmaq üçün Səraxs yolunu seçdi. Ancaq
oğuz əmiri Alhamas ibn-Tak onun qabağını kəsdi. İki tərəf arasında
baş verən şiddətli döyüşdə subaşi Təkin qalib gəldi və oğuz əmiri əsir
alınaraq öldürüldü. Mavərannəhr hökmdarı Qaraxanlı Nəsr ibn İlək
1013-cü ildə vəfat etdi. Onun yerinə keçən qardaşı Mənsur Arslan
İlək ünvanı daşımağa başladı və sonralar xanədana mənsub olan Əli
Təkin Buxaraya hakim oldu, öz sərhədlərini genişləndirməyə başladı.
Əli Təkin ilə Arslan yabqu arasında qüvvətli ittifaq mövcud idi.
Qaraxanlıların böyük xaqani Mənsur ibn Əli 1025-ci ildə hökmdar-
lıqdan imtina edərək yerini Yusif ibn Haruna verdi. O, Qadir xan ün-
vanı daşıyırdı. Qardaşları Əhməd və Əli Təkin ona qarşı birləşdilər.
Əhməd özünü böyük xaqan elan etdi, Balasaqun, Xocənd və Fər-
qanəyə hakim oldu. Buna görə Qadir xan Mahmud Qəznəvi ilə saziş
bağladı. Mahmud Qəznəvi 1025-ci ildə Ceyhunu keçərək Mavə-
rannəhrə girdiyi zaman Yusif Qadir xan da Kaşqardan gəldi. İki bö-
yük hökmdarın gəlişi nəticəsində Əli Təkin bozqırlara qaçdı. Sultan
Mahmud hacib Bilgə Təkinin başçılığı altında Əli Təkinin üzərinə
ordu göndərdi. O, Əli Təkinin xatunu, qızları və sərvətini ələ keçirib
geri döndü. Arslan yabqunun xeyli qüdrətli olduğunu görən Sultan
Mahmud ölkəsinə toxunacaq ziyanın qarşısını almaq və Əli Təkini
onun köməyindən məhrum etmək üçün hiylə ilə yabqunu tutdu.
Arslan əvvəlcə Qəznəyə, oradan Hindistandakı Multan şəhəri ya-
xınlığındakı Klincar qalasına göndərildi. Beləliklə, heç gözləmədiyi
bir hiylənin qurbanı olan Arslan yabqu həyatını qalada başa vurdu.
Oğuzlardan Arslan yabquya tabe 4 min çadırlıq elatın böyükləri
onun dustaq edilməsindən sonra Mahmud Qəznəviyə öz bəylərindən,
yəni səlcuqlardan zülm gördüklərini və əziyyət çəkdiklərini söy-
ləyərək Xorasana getmək üçün icazə verməsini xahiş etdilər. Onlar
Xorasanda yurd salacaqları təqdirdə özlərini daha rahat hiss edəcək-
lərini, bunun sultan, həm də Xorasan üçün faydalı olacağını, ordunun
qüvvətlənəcəyini söylədilər. Oturaq camaata və seçmə qoşuna əsas-
36
lanan islam dövlətlərində köçərilərə zəngin bir gəlir mənbəyi kimi
baxıldığından Mahmud Qəznəvi onların Xorasana getmələrinə icazə
verdi. 4 min çadırdan ibarət oğuz elatı Xorasana keçərək Səraxs, Fə-
ravə və Abivərd çöllərində yurd saldılar. Onların başında Yağmur,
Buka, Köktaş və Qızıl adlı bəylər vardı. Oğuz elatının Xorasana gəl-
məsi Səlcuqların gücünü azaltdı. Mahmud Qəznəvinin Arslan yabqu-
ya bağlı oğuz elatının Xorasana getməsinə icazə verməsi başda vəzir
olmaqla dövlət məmurları və komandanlarının etirazına səbəb oldu.
Hətta onlardan Tus valisi Arslan Cazib ox ata bilməmələri üçün on-
ların baş barmağını kəsdirməyi Mahmuda tövsiyə etdi.
Mahmud Qəznəvi 1030-cu ildə vəfat etdi. Onun ölümü oğuz
türklərinin tarixində yeni mərhələnin başlanğıcını qoydu. Çünki
Mahmud Qəznəvi oğuz türklərinin hərəkət və qabiliyyətlərinin qa-
bağını ala biləcək və onlardan gələcək təhlükəni önləyəcək qüdrətli
bir hökmdar idi. Oğlu və xələfi Məsud isə eyni qüdrəti nümayiş et-
dirmədi, oğuz türklərinin böyük bir dövlət qurmasına mane ola
bilmədi.
Mahmud Qəznəvinin ölümündən sonra oğlu Məhəmməd taxta
çıxarıldı. İsfahanda olan Məsud qardaşının hökmdarlığını tanımadı və
taxtı əldə etmək üçün Reydən Xorasana yürüş etdi. Ordunun sayını
artırmaq üçün Məsud oğuz bəylərindən Yağmuru xidmətə götürdü.
Asanlıqla hökmdar olunca Yağmurun xahişi ilə Balaxandakı oğuz-
ların Xorasana qaytmasına icazə verdi, oğuzların bəyləri Qızılı, Kök-
taşı və Bukakı öz xidmətinə qəbul etsə də, bəylərin üstünə öz adamla-
rından Xumar-Tahı rəis təyin etdi. 1031-ci ildə oğuzların xalqa zülm
etdiyi barədə Səraxs və Abivərdlərdən şikayətlər gəldiyindən Əbu
Səd Əbdusun komandanlığı altında Məsud ordu yolladı. Oğuzlar Fə-
ravədə bu ordu ilə qarşılaşdılar. Çox sayda adam həlak oldu.
Sultan Məsud 1031-ci ildə öz əmiri
Taş-Fəraşı Rey valiliyinə təyin etdi. Ona
verdiyi tapşırıqlar arasında oğuzların baş-
çıları Yağmur, Qızıl, Buka və Köktaşın
yaxalanması əmri də var idi. Oğuzları yenə Xumar-Taş idarə edəcək
və onlar Reydə dövlətə xidmət edəcəkdilər. Ancaq həqiqətqə çox
Xorasan yürüĢü
37
ağıllı və dərrakəli vəzir olan Xacə əbu ün-Nəsr Əhməd hökmdarın
bu qərarına açıq şəkildə etiraz etsə də, Məsud ona qulaq asmadı.
Ölkədə səlcuqlar təqib olunmağa başladı. Onların əkin sahələri
və otlaqları əllərindən alındı. Vergilərin həcmi artırıldı. Bunun nəticə-
sində 1031-ci ildə Xorasanda güclü üsyan baş verdi. Üsyanda fəal iş-
tirak edən Balkan oğuzları 1034-cü ildə Xorasanı ələ keçirə bildilər.
Xatırlatma: Xorasan tarixindən qısa sətirlər:
Mərv şəhərində (Türkmənistan) İran şahı Yezdəgird Sasaninin ölü-
mündən sonra 3-cü xəlifə Osman Xorasana hücüm əmri verdi. O, tayfa
başçıları və rəhbərlərinə yazırdı: «kim daha tez Xorasanı ələ keçirsə vila-
yətin əmiri də o olacaq». Bir neçə döyüşdən sonra Abdullah ibn Amir Xo-
rasana daxil oldu. Şəhərləri ardıcıl fəth edərək Mərv şəhərinə çatdı və
oranı özünə paytaxt elan etdi.
Xorasan Ġmam Əli (ə) zamanında
3-cü xəlifə qətlə yetirildikdən sonra həzrət Əli (ə) xəlifə seçildi.
Onun zamanında Xorasan çox dəyişildi. Bir qrup üsyançı Nişabur şəhəri-
nə həmlə edərək onu ələ keçirdi. İmam Əli (ə) öz bacısı oğlunu Nişabura
göndərdi. Nişabur yenidən ələ keçirildi. İmam Əli (ə) Rabi ibn Ziyadı Xo-
rasana vali təyin etdi. Rabi ibn Ziyad xalqa qarşı çox rəhmli və ədalətli idi.
Elə buna görə də xilafətinin sonuna qədər Xorasanda İmam Əliyə (ə)
qarşı heç bir üsyan baş qaldırmadı.
Xorasan Bəni-Üməyyə dövründə
İmam Əli (ə) şəhid edildikdən sonra hakimiyyət Müaviyyənin əlinə
keçdi. O, qeyri-ərəb millətlərə qarşı çox sərt davrandı. Xorasan əhalisi
Əməvilərin hakimiyyətindən təngə gəldi. Müaviyyə valiləri bir neçə dəfə
dəyişdi. Hər yeni təyin olunmuş vali əhalinin təpkisi ilə qarşılaşırdı.
Xorasanlılar deyirdilər:«…biz müsəlmanıq və yalnız İslam qanunlarına
tabeyik. Bunu bilin, heç zaman ərəb hakimlərinin zülmünə baş
əyməyəcəyik».
Nəhayət, Xorasanda Bəni-Üməyyə hakimiyyətinə qarşı üsyan baş-
ladı və bütün vilayəti bürüdü. İlk qara bayraq Əbu Əlhazib Nəssavinin
evinin damında dalğalanmağa başladı. Üsyançı camaat evin qarşısında
toplaşdılar. Oradan Mərvə tərəf hərəkət edərək şəhəri Bəni-Üməyyə ha-
kimlərindən təmizlədilər. Bunun ardınca İranın bütün şəhərlərində üsyan-
lar başladı. Nəhayət, sonuncu Əməvi xlifəsi olan Mərvan ibn Məhəmməd
həmar Xorasanlı həmmad Qondequş tərəfindən qətlə yetirildi.
Dostları ilə paylaş: |