İbrahimovun "Kəndçi qızı", Viktor Rozovun "Sabahın xeyir" (1962),
Yusif Əzimzadənin
"Nəsrəddin", Aleksandr Şirvanzadənin "Cinli", Toktobolat Əbdülmöminovun "Şikayət qəbul
edilmir" (1963), Əziz Nesinin "Bura gəlin" (1965), Mirzə Fətəli Axundzadənin "Hacı Qara", Otiya
İoselianinin "Araba hələ aşmayıb" dram əsərlərinə (1976) müxtəlif janrlarda səhnə quruluşları verib.
Yusif Bağırov (20.1.1924 - 19.9.1995). Gəncə teatrına gəlişinin əvvəllərində (müəyyən
fasilə ilə) quruluşçu rejissor kimi çalışıb. 1966 - 1995-ci illərdə isə teatrın baş rejissoru olub. Yunan
kiassik dramaturgiyasını teatrın səhnəsinə ilk dəfə o gətirib.
Karl Myufkenin "İldırımlı yollarla" (Piter Abrahamsın romanı əsasında, İlyas Əfəndiyevin
"Atayevlər ailəsi", "Mənim günahım" və "Unuda bilmirəm", Məmmədhüseyn Təhmasibin "Çiçəkii
dağ", Məmmədəli Nəsirovun "Tariyel" ("Pələng dərisi geymiş pəhləvan"), Sabit Rəhmanın "Nişanlı
qız" və "Küləklər", Şıxəli Qurbanovun "Sənsiz", Evripidin "Medeya", Əbdürrəhim bəy
Haqverdiyevin "Bəxtsiz cavan", Qurban Musayevin "Odlu illər", Vilyam Şekspirin "Otello",
Aleksandr Ostrovskinin "Quduz pullar", Cəfər Cabbarlının "Oqtay Eloğlu", İmran Qasımov və
Həsən Seyidbəylinin "Uzaq sahillərdə", Altay Məmmədovun "Ulduzlar görüşəndə", Mixail
Lermontovun "İki qardaş", Sofokiun "Antiqona", Mustay Kərimin "Odu atma, Prometey!", Orxan
Kamalın "72-ci kamera", Nazım Hikmətin "İvan İvanoviç var idimi?..", Səttar Zərdablının "Əli
Məmməd Dilbəri" pyeslərinin tamaşaları Yusif Bağırovun teatrda əsas rejisor işləridir.
Vaqif Şərifov (12 avqust 1943). 1967-ci ildə Azərbaycan Dövlət Teatr İnstitutunun
rejissorluq fakültəsini bitirib. Müxtəlif vaxtlarda və müəyyən fasilələrlə Gəncə teatrında rejissor və
az müddət baş rejissor işləyib. Ağdam və Sumqayıt teatrlarına da rəhbərlik edib.
Gəncə DDT-də əsas tamaşaları: "Anaların divanı" (İslam İbrahimov), "Məhəbbət körpüsü"
(Novruz Gəncəli), "Xan qızı" (Fəridə Əlyarbəyli), "Bir tavan altında" (Tofiq Firudinbəyli), "Böyük
ürək" (Həsən Seyidbəyli və İmran Qasımov), "Qəribə dilənçi" (Yan Saloviç), "Mükafat" (Aleksandr
Gelman), "İlk busə" (Abdüqəhhar İbrahimov), "Unutınaq istəyirəm" (Nüşabə Məmmədova), "Dəli
Domrul" (Altay Məmmədov), "Yeddi oğlan və bir qız" (Rövşən Ağayev), "Yad qızı" (Orxan
Kamal), "İctimai rəy" (Aurel Baranqa), "Maral" (Hüseyn Cavid), "Demoklisin qılıncı" (Nazim
Hikmət), "Dəli Kür" (İsmayıl Şıxlı), "Qapı" (Elşad Məmmədov), "Yandırılmış adam" (Əlibala
Hacızadə).
Hilal Həsənov (10 sentyabr 1943). 1960-cı illərin sonlarından teatrda aktyorluq etməklə
yanaşı, quruluşçu rejissor kimi də fəaliyyət göstərib. 1990-cı illərin əvvəllərində Türkiyəyə işləməyə
gedib. Gəncə teatrında Vasili Şukşinin "Diribaş adamlar", İsgəndər Coşqunun "Komsomol
poeması", Vilyam Şekspirin "111 Riçard", Rəhman Əlizadənin "Doğmalar", Maksim Qorkinin
"Qoca", Osvald Zaqradnikin "Zəngli saat", Sabit Rəhmanın "Xoşbəxtlər" əsərləri Hilal Həsənovun
quruluşlarında oynanılıb.
* * *
Teatrın qabaqcıl aktyorları Ələkbər Seyfi, Əhməd Salahlı, Əşrəf Yusifzadə, Məmməd
Bürcəliyev, Həsən Sadıqzadə (Həsənqara), Telman Əliyev müəyyən dramlara quruluş veriblər.
Bakıdan müxtəlif vaxtlarda dəvət olunmuş Rza Təhmasib, Ələsgər Şərifov, Tofiq Kazımov,
Gülcahan Güləhmədova, Əşrəf Quliyev, Oruc Qurbanov Gəncə teatrında rejissorluq etmişlər.
Gəncə DDT-nin bədii rəhbəri 1 iyun 1999-cu ildən Rafiq Atakişiyevdir.
GƏNC TAMAŞAÇILAR TEATRI
Milli teatrımız institusional mədəniyyətin faktı olmamışdan əvvəl onun yaradıcılıq qayəsində
uşaqlar, məktəblilər və yeniyetmə gənclər üçün tamaşalar hazırlamaq məqsədi olmayıb.
Ümumiyyətlə, səhnə mədəniyyəti və yeniyetmə nəslin tərbiyəsi teatrın maraq dairəsmdə olmayıb,
çünki onu əsasən geniş kütlənin maariflənməsi məsələsi düşündürürdü. Bakıda,
Tiflisdə, İrəvanda,
Naxçıvanda, Aşqabadda, Dərbənddə, Şuşada, Gəncədə... müxtəlif teatr truppaları qadınlar, həmçinin
məktəb şagirdləri üçün tamaşalar göstəriblər. Lakin göstərilən əsərlər ya məşhur faciə və
komediyalar, yaxud da böyüklər üçün təbdil edilmiş vodevillər olub.
1920-ci ilə qədər Mirzə Ələkbər Sabirin, Abbas Səhhətin uşaqlara həsr etdikləri şeirlər çap
olunmuşdu, Süleyman Sani Axundov müxtəlif nağıl-hekayələr yazmışdı. Müxtəlif jurnallar məhz
məktəb həyatını işıqlandırırdı. Müəyyən dərsliklər də yazılırdı, məxsusi uşaqlar üçün folklor
nümunələri tədris və təbliğ olunurdu. Bütün bunlara baxmayaraq, sırf uşaq və yeniyetmələrin estetik
maraq dairəsmi ehtiva edən, onların dünyagörüşlərinin formalaşmasma təkan verən pyeslər hələ
yaranınamışdı və bu işə göstərilən maraqlar da hələlik səmərəli nəticə verməmişdi.
Uşaqlar üçün ilk dram əsərini Abdulla Şaiq yazdı. "Gözəl bahar" adlı poetik janrlı bu dramı
Akademik Milli Dram Teatrında tamaşaya Abbasmirzə Şərifzadə hazırladı. İlk tamaşa 7 aprel 1922-
ci ildə göstərildi. "Gözəl bahar" Dövlət təsisatında olan teatrımızın ilk uşaq tamaşası sayılır.
Akademik teatr ilk uğurlu sınaqdan sonra Mustafa Mərdanovla Aslan Tahirovun tərcüməsində Jül
Vernin "Kapitan Qrantın uşaqları" (1 mart 1926-cı il), "80 gün dünya səyahəti" (17 fevral 1927-ci il)
və Qafarovun çevirməsində Biçer Stounun "Tom dayının koması" (3 noyabr 1927-ci il) dramları
əsasında uşaqlar üçün tamaşalar hazırlayıb öz repertuarına daxil etdi. Tamaşaların üçünün də
quruluşunu teatrın baş rejissoru Aleksandr Tuqanov vermişdi.
Bu adamlar gələcəkdə uşaqlar üçün xüsusi səhnə sənəti ocağının yaranınasma təkan verdilər.
Həmin istiqamətdə yaradıcılıq prosesinin genişlənməsi üçün 1923-cü ildən başlayaraq Bakı dəniz
limanında, keçmiş Tağıyev toxuculuq kombinatında, bügünkü Səttərxan adına zavodda və bir sıra
digər müəssisələrdə, uşaq evlərində pioner təşkilatları fəaliyyətə başladılar. Onların nəzdində dram
dərnəkləri yaradıldı. Yaradıcılıq ehtirası, sənətə məhəbbət və rəğbət bəsləmələri, müxtəlif əsərlərdən
hazırladıqları səhnələrin sayı baxımından Dənizçilər klubunun 40 saylı pioner dəstəsinin özfəaliyyət
dərnəyi daha fəal görünürdü. Müəyyən fəaliyyət dövründən sonra dərnəyə məktəbli Ağadadaş
Qurbanov rejissor təyin olundu. Sonralar xalq artisti kimi şöhrətlənən sənətkarın təşəbbüsü ilə
dərnək ilk dəfə tam əsəri tamaşaya hazırlamağı qərara aldı. 15 mart 1927-ci ildə dərnəyin üzvləri
pioner-dəstə rəhbəri Lətif Kərimlinin "Fırtına" pyesini tamaşaya hazırladılar.
"Fırtına" tamaşasında sonradan ömürlərini teatr və kino sənətinə bağlayaraq şöhrətli
yaradıcılıq yolu keçən Muxtar Dadaşov, Məmmədağa Dadaşov, Kərim Həsənov, Cəvahir
İsgəndərova, Yusif Dadaşov və başqaları iştirak etdilər. Tamaşa on gün sonra Bakı İşçi Teatrının
binasında fəhlələrə göstərildi. Bu, respublikanın həyatında böyük mədəni hadisə kimi
dəyərləndirildi. 1928-ci il oktyabr ayının 5-də Xalq Maarif komissarlığının qərarı ilə Bakı Uşaq
(Cocuq da yazılıb) Teatrının rus bölməsi yaradıldı.
1929-cu ilin əvvəllərində teatrın Azərbaycan bölməsini yaratmaq üçün müsabiqə elan edildi.
Noyabr ayında müsabiqə yekunlaşdırıldı və truppaya iyirmi üç nəfər teatr həvəskarı qəbul olundu.
"Fırtına"nı oynayan aktyorların əksəriyyəti, o cümlədən sonralar şöhrətli rejissor olan Məhərrəm
Haşımov truppaya götürüldülər.
Teatr özünün ilk pərdələrini 30 yanvar 1930-cu ildə Mustafa Mərdanovla Rza Təhmasib
tərəfindən tərcümə olunmuş "Qırmızı qalstuk əleyhinə" tamaşası ilə açdı. Tamaşanın rejissoru
Qriqori kornelli idi. Məşq prosesində pyes təbdil olundu və hadisələr Azərbaycana köçürüldü.
Məhərrəm Haşımov (Karl), Məmmədağa Dadaşov (Dadaş), Zinyət Abbaszadə (Faşist qız), Yusif
Dadaşov (Musa), Mina Abdullazadə (Türk qızı) əsas rolları oynayıblar.
Milli dramaturgiyamız uşaq pyesləri yazınaqda hələ müəyyən təcrübə toplamamışdı və nəsr
əsərlərini, xalq nağılları-nı səhnələşdirməyə də meyil göstərilmirdi. Boşluğu doldurmaq üçün teatrın
rəhbərliyi repertuarı tərcümə pyeslərinin əsasında qururdu. Məktəbliləri düzlüyə, mehribanlığa,
səmimiliyə, çalışqanlığa, böyüklərə ehtirama, Vətənə məhəbbətə səsləyən və eyni zanıanda siyasi
ideya yükü qabarıq olan "Vur köhnəliyi", "Altay Robinzonları", "Uzaq yaylaqda", "Pambıq verək",
"Təkbaşına gəzən pişlk", "Əfilər", "Beş illiyi iki il yarıma" pyesləri tamaşaçılara göstərilirdi.