29
Azərbaycan Dövlət Mədəniyyət və İncəsənət
Universitetinin əməkdaşları tərəfindən hazırlanmış «Tətbi-
qi kulturologiya» dərsliyində turizm işinin təşkili tətbiqi
kulturologiyanın bir sahəsi kimi qiymətləndirilir. Həmin
kitabda turizm işinin tərbiyəvi və ideoloji əhəmiyyətinə də
xüsusi diqqət yetirilir. Kitabda aşağıdakı şərtlərə əməl
olunması tələb olunur:
-turist-ekskursiya işinin istiqaməti və nəzəri-ideoloji
səviyyəsi müasir tələblərə nə dərəcədə cavab verir;
-səyahət və ekskursiyalar zamanı kütlələrin sosial-mədəni
fəaliyyətinin təşkilində istifadə olunan formalar hansı
pedaqoji yanaşma və metodlarla təmin olunur;
-bu fəaliyyətin nəticəsində insanların əldə etdikləri yeni bilik
və bacarıqlar gələcəkdə onlara lazım ola bilərmi?;
-səyahət və ekskursiyalar zamanı şəxsiyyətin sosial
özünüdərketmə, kollektivçilik hissinin möhkəmlənməsi,
ictimai fəallığın artması, istedadının və s. keyfiyyətlərinin
üzə çıxarılması araşdırılır».
1
Turistlərlə ekskursiya işi rasional və empirik biliklər
əsasında formalaşır. Belə ki, ekskursiya marşrutu turist-
lərin marağına səbəb ola biləcək əraziləri əhatə etməlidir.
Bu ərazilər, muzeylər, eksponatlar, memarlıq abidələri və s.
özünün tarixiliyi, elmiliyi və estetikliyi ilə diqqəti cəlb
etməlidir. Turistlər ekskursiya zamanı həm maariflənməli,
həm də mənəvi rahatlıq tapmalıdır. Eyni zamanda
ekskursiyada iştirak edən hər bir fərd tarix və mədəniyyət
abidələrinin elmi və mənəvi əhəmiyyətini dərk edir. Bunun
da nəticəsində tarixi abidələrin qorunmasına və mühafizə
olunmasına ümumxalq marağı formalaşır. Tarixi abidələrin
qorunması ənənəsi genişlənir və turizmin inkişafına şərait
1
Tətbiqi kulturologiya. Bakı, 2004, “Mars-Print”, səh. 199-200.
30
yaranır.
Ümumiyyətlə, tarixi abidələr təklikdə deyil, bölgələr
üzrə qorunur. Tarixi abidələrin qeyd olunan prinsip
əsasında qorunması ərazinin qədimliyinin görüntüsünü
mühafizə edir. Sözsüz ki, qədimliyi əks etdirməyən
ekskursiyaların da maraq dairəsi zəif olur. Çünki, tarixi
abidələr ekskursiyanın maarifləndirici obyektidir. Elə buna
görə də tarix və mədəniyyət abidələrinin qorunmasına
dünyanın bütün ölkələrində böyük maraq göstərilir.
Bu abidələrin qorunması üçün turizm şirkətləri də
konkret fəaliyyət proqramı hazırlayırlar. Yeri gəldikdə
həmin abidələrin bərpasına və onlar yerləşən ərazilərin
abadlaşdırılmasına külli miqdarda vəsait sərf edirlər. Belə ki,
tarixi abidələri qorumaq marağı əsasən şirkətlərin iqtisadi
maraqları ilə üst-üstə düşür.
Turizm marşrutuna daxil olan tarixi abidələr
ixtisaslaşmış mütəxəssislər tərəfindən vahid sistemə salınır.
Onların səciyyəvi xüsusiyyətləri aydınlaşdırılır, vəzifələri
əsaslı şəkildə müəyyənləşdirilir. Hər bir abidənin elmi
pasportu hazırlanır. Ciddi dağıntıya məruz qalmış
abidələrin bərpası üçün əlaqədar təşkilat və institutlarla
danışıqlar aparılır. Lazım olduqda həmin abidələrin
bərpasına turizm şirkəti tərəfindən maddi kömək edilir.
Turizmin təşkili işi məkan etibarı ilə bir-birindən
fərqlənir. Məkanın müxtəlifliyi birbaşa turizmin növlərinin
müxtəlif olmasına təsir göstərir. Məhz məkanın xarakterinə
uyğun olaraq turizmin ixtisaslaşdırılması prosesi baş verir.
Bunlara misal olaraq macəra turizmini, kənd turizmini, su
nəqliyyatı turizmini, dağ turizmini və s. göstərmək olar.
Turizmin bu növləri əsasən təbiəti sevən və onun
qorunmasına xüsusi qayğı ilə yanaşan insanlar arasında çox
geniş yayılmışdır.
Öz ixtisası ilə əlaqədar olaraq turizm səfərlərinə
31
qatılan insanların da sayı çoxdur. Dünyanın flora və faunası
ilə maraqlanan, arxeoloji materiallarla tanış olmaq istəyən
bu qrup insanlar əsasən elmi məqsədlər üçün turizm
səfərlərinə qatılan peşəkar mütəxəssislərdir. Turizmin bu
növünə elmi ədəbiyyatlarda ixtisaslaşdırılmış turizm növü
kimi qiymət verilir. İxtisaslaşdırılmış turizmin əsasında
müxtəlif həvəs və maraqlar da dayanır. Adam var ki,
quşların, vəhşi heyvanların, sürünənlərin və s. canlıların
üzərində müşahidələr aparır, gördüklərinə aid filmlər çəkir,
kitabçalar yazır.
Turizm səfərləri zamanı macəra və əyləncə məqsədi
güdənlər də çoxdur. Buna görə də turizm təşkilatları eyni
zamanda əhalinin maraq istiqamətlərini də dəqiqləşdi-
rirlər. Hal-hazırda marağa görə macəra turizm növünün
təşkilinə də geniş yer verilir. Bu turizm növü əsasən
çayların, göllərin, dənizlərin ətraflarında yaradılır. Çünki bu
turizm növünə meyl edən adamlar balıq tutmağa, üzgüçülüyə
və s. əyləncəli gəzintilərə xüsusi maraq göstərirlər.
Dünya miqyasında kənd turizmi növü də çox geniş
yayılmışdır. Kənd turizmi növü ilə əsasən yerli sakinlər
özləri məşğul olurlar. Onlar turistləri evlərində yaradılmış
şəraitdə qəbul edir, onlara ailə xidməti göstərirlər. Lakin
kənd turizmin təşkili də peşəkarlıqla həyata keçirilməlidir.
Kənd turizmi əhalinin yerli istehsalın müxtəlif
növlərinə olan marağını da artırır. Bu növün inkişafı kənd
əhalisinin gəlirini artırır, onların həyat tərzini yaxşılaşdırır.
Bu növün inkişaf etdirilməsi fərdi xarakter daşıyır və bunun
üçün kapital qoyuluşuna ehtiyac yoxdur. Belə ki, əsasən
stasionar xarakter daşıyan bu turizmin növünün
infrastrukturu tədricən formalaşır. Xüsusilə, zaman-zaman
əldə olunan gəlir hesabına yerli xidmət növlərinin
yaradılması imkanı formalaşır.
Dostları ilə paylaş: |