Dediyimiz kimi də etdik. Elçibəyin yanına girdik. Bəy bizi görən kimi gülər üzlə qarĢılayıb nə
deyəcəyimizi gözlədi. Vəziyyəti izah etməyə çalıĢdıq. Diqqətlə qulaq asdı və sonra tamam
baĢqa fikir söylədi.
Dedikləri təxminən belə idi:
-Bəylər, qarĢıdan çox böyük qara buludlar gəlir. Bu buludlar ötüĢsə Azərbaycan ciddi
çətinliklərdən qurtulacaq...
Bu sözləri deyəndə yoldaĢlarımızdan bəziləri hətta pəncərədən bayıra boylanaraq qara bulud
axtardılar, ancaq görmədilər.
Bir neçə aydan sonra 4 iyun qiyamı göründü və... Elçibəyin aylar öncə dediyi həmin qara
buludları gördük. Bu görüntü idi Elçibəyə “hər Ģeyin zamana ehtiyacı var” dedirtdirən.
Elçibəy hər Ģeyi öncədən görürdü və gördüklərini, ancaq bizlərin görə bilmədiyini öz içində
yaĢadaraq ölümə doğru addımlayırdı.
Öz ölümünü də görürdü. Bizlərin bunu təsəvvürümüzə belə gətirmədiyimiz anda. Elçibəy
siyasətinin, Ģəxsiyyətinin qayəsində dayanan bu mənəvi keyfiyyət idi onu anlaĢılmaz edən.
Elçibəy anlaĢılmadı sağlığında... Çünki keçdiyi yola onu dərk etmək istəyənlərin çatması üçün
zamanlar lazım idi. Bu zaman isə bu insanların gözündə saatla, illərlə ölçülürdü. Elçibəydə isə
zaman anlayıĢı, saat çərçivəsi yox idi.
Əməli və düĢüncəsi ilə keçmiĢə və gələcəyə qatıla bilirdi.
Xatırımdadır Elçibəy prezident olan anlar...
Hamı sevinirdi... Elçibəysə susub hara isə baxırdı. Gözlərində nə sevinc vardı, nə də parıltı.
Çoxları bunu onun prezident olduğu üçün düĢüncələrində düzəliĢlər etməsi kimi yozdu. Ancaq
belə olmadı. Elçibəy əxlaqlı insan olmağı hökmdar olmaqdan uca tutdu. Hökm altındakı əxlaqı
yox, əxlaq altındakı hökmü əsas saydı. Bunun nəticəsi idi ki, Elçibəy hökmdarlığı Elçibəy
əxlaqına da təslim oldu.
Elçibəy öz-özü üzərindəki qələbəni və məğlubiyyəti bir anda yaĢamaqla maddiyyatçı
düĢüncələrə ölümcül zərbə vurdu. Bunun nəticəsidir ki, Elçibəyin cənazəsi önündə hökmdar
da, aydın da, gənclik də baĢ əydi. Birincilər təhqirləri, tənələri qəbul edə-edə Elçibəyin
cənazəsi önündə susdular. Bu, mənəviyyat aləminə baĢ əyərək zəifliyini, iradəsizliyini
boynuna almaqdı. Elçibəysə heç zaman heç kimə baĢ əymədi. Özü öz içində özünə də baĢ
əymədi. Əyilən baĢlara isə həmiĢə dik saxlamağı tövsiyə etdi.
Elçibəy yalnız bir ünvanı tanıdı son ana qədər. Bir ünvanı gördü son ana qədər... Və bu
ünvana getdi son məqamda. Bu, Tanrı dərgahı idi.
Elçibəy Tanrı gücünü insan mənəviyyında göstərə bildi və göstərdiyi Tanrı əxlaqını
düĢüncəsizlərlə sübut edə bildi. Bəlkə də birinci dəfə idi ki, Tanrı əxlaqı deyilən bir əxlaq
qoydu madiyyat aləmində. Və buna ölümündən öncə “Elçibəyin türk gəncliyinə, Azərbaycan
gəncliyinə, aydınlarına müraciəti” adı verdi. Tanrı əxlaqını anlaĢılan formada insanlara
çatdırdı. Və illər boyu çəkdiyi əziyyətin, əzabın nəticəsində insanlar bunu qəbul etdi.
Elçibəy ziyarətinə, vidasına gələn yüz minlərcə insan Elçibəy Ģəxsiyyəti, Elçibəy siyasəti,
Elçibəy əxlaqı qarĢısında göz yaĢı tökdü. Əslində bununla paklaĢıb Elçibəy istisini, ruhunu hiss
etdilər...Və onun əlçatmazlığını dərk etdilər.
Zaman bir dəfə Elçibəy yaratdı. Tanrı bir dəfə Elçi göndərdi... Bizlər isə bir dəfə gördük bu
Elçini. Amma artıq gec idi - görduyümüz Tanrı elçisi Tanrı hüzuruna getmiĢdi...
30.08.2000
ZÖHRAB ZEYNALLI.
Görəcəklər ki, Azərbaycan nədir
Əbülfəz Elçibəylə tanıĢlığımızın bir azdan 50 illiyi olacaq. Ordubadda orta məktəbi, Bakıda
Universiteti birlikdə qurtardıq. Aclığımızı, toxluğumuzu bircə Allah bildi. Onunla çoxlu səsli
müsahibələrim olub. Radioda ”Prezident kürsüsü” veriliĢi onun təĢəbbüsü ilə yaradılıb.
Yəqin ki, xatırlayırsınız. 1992-cü ilin sonunda millət vəkillərimiz Milli Məclisdə uzun sürən
çəkiĢmələrdən, mübahisələrdən sonra yekdil qərara gələrək Azərbaycan Respublikasının
dövlət dilinin türk dili olduğunu təsdiq etməklə dilimizin və millətimizin adını özümüzə
qaytardılar.
Bu, 1930-cu illərdə repressiyaya uğramıĢ mənəvi dəyərlərimizdən birinin bəraət qazanması
idi. (Ancaq, çox təəssüf ki, əsl adımızı yenə də qoruyub saxlaya bilmədik).
Bu məsələylə bağlı 1993-cü il yanvarın 4-də prezident Əbülfəz Elçibəy mənə öz mülahizələrini
söyləmiĢdi. Həmin müsahibə müxtəlif səbəblər üzündən indiyədək heç yerdə səslənməyib və
çap olunmayıb. Elçibəyin apardığı siyasi-ideoloji mübarizənin mühüm bir istiqaməti də ana
dilimizlə, ümumən milli məsələ ilə bağlı olduğuna və böyük öndərin bu haqda düĢüncələri
onun silahdaĢları və sıravi soydaĢlarımız üçün ciddi maraq doğurduğuna görə həmin
müsahibəni indi dərc etdirməyi qərara aldım.
***
-Zöhrab bəy, [“türk dili” adını qaytarmaq üçün] bəziləri deyir ki, gərək referendum keçirək,
bəziləri deyir ki, təzədən səsə qoyulsun. Adamların bu cür danıĢığını heç cür qəbul edə
bilmirəm. Bu, elmdir. Elmi səsə qoymaqla keçirmirlər. Heç zaman deyə bilməzsən ki, gəlin
referendumla öyrənək görək iki dəfə iki neçə edər. Ġki dəfə iki dörddür. Bu, səsə qoyulmur.
Referendumda səsə qoysaq ləzgi milləti heç zaman deməz ki, mənim dilim ləzgi dili yox,
Azərbaycan dilidir. O, deyəcək ki, qardaĢ, özünüzə iĢ tapın - mən ləzgiyəm, dilim də ləzgi
dilidir. TalıĢ da onun kimi. Bunu desən deyəcəklər ki, azsaylı xalqların hüquqları tapdalanır.
Ġndi təsəvvür edin ki, mən türk millətiyəm, ancaq dilim Azərbaycan dilidir. Buna gülərlər axı.
Türk millətisən, dilin də türk dilidir. Bunun nəyi pisdir axı? Mən elmi səsə qoymağın heç cür
tərəfdarı deyiləm.
Var bir Azərbaycan türkcəsi, bir də Anadolu türkcəsi. Deyirlər ki, biz gedib qoĢuluruq
Türkiyəyə, onun əlaltısı oluruq, onlar bizə böyük qardaĢ olur. Mən istəmirəm o Ģeyləri deyim.
Üç-beĢ ildən sonra Türkiyə görəcək ki, Azərbaycan nədir. Bugünün özündə mənəvi-psixoloji
baxımdan Azərbaycan Türkiyədən yüksək səviyyədə dayanır. Anadolu türkləri deyirlər ki, siz
türklüyü bizdən qabağa aparırsınız, siz bizdən üstünsünüz, mənəvi cəhətdən bizdən
yüksəksiniz. Azərbaycan türkünün mənəviyyatına Anadolu türklərinin özləri hörmət və qibtə
edirlər.
Azərbaycanda kimin nüfuzu olmalıdır - Rusiyanın, Türkiyənin, Ġranın, yoxsa, deyək ki,
Amerikanın? Heç kimin. Azərbaycan, Allah qoysa, beĢon ildən sonra özü nüfuz edəcək. O
zaman fikirləĢsinlər ki, Azərbaycanın nüfuzu hara qədər olacaq. Bu sual verilməlidir: “BeĢ-on
ildən sonra Azərbaycanın nüfuz dairəsi hara çıxır?”. Azərbaycan Yaxın ġərqdə ən güclü nüfuz
dairəsinə malik dövlətlərdən biri olacaq. Azərbaycanla razılaĢmamıĢ çox Ģeyləri
eləməyəcəklər. Ġngiltərə də, Amerika da, Fransa da Yaxın ġərqlə bağlı hər hansı məsələni həll
edəndə Azərbaycanı dəvət edəcəklər.
Bunu indidən bilirlər ki, iki milyard ton neft ehtiyatı olan bir ölkə ilə elə-belə danıĢmaq
mümkün deyil. Onun atoma ehtiyacı yoxdur. Atomla neft elədir ki, hər gün iĢlənir. Bəzən biz
zarafatla deyirik ki, Fərman Salmanov Rusiyaya atomdan qüvvətli Tümen neftini verdi.
Azərbaycanın həm coğrafi, həm də iqtisadi mövqeyini hamı bilir. Amerikanın, Ġngiltərənin
səfirləri deyirlər ki, bədbinliyə qapılmağa haqqınız yoxdur. Ona görə ki, sizin xalqınız zəkalı
xalqdır. Siz fəxr edə bilərsiniz ki, Asiyada çox ali millətsiniz.
Ümumi götürdükdə bizim millətdə intellektual səviyyə yüksəkdir. Bunu da dünyada görürlər.
Dünya görür ki, bu millət tankların qabağına gedərək qanın içərisində azadlığa çatıb. Hamı
bunu qəbul edir ki, siz azadlıq idealını tam mənimsəmisiniz. Bu, sizin xoĢbəxtliyinizdir.
Demokratiya Ģüuruna da bu cür yiyələnsəniz sizin xalqın qarĢısında heç kim dura bilməyəcək.
Bu millət poeziya ilə, musiqi ilə köklənmiĢ bir millətdir. Bunu aparıb təzədən qəddar etmək
olmaz. Diktatura onu qəddara çevirəcək. Amma demokratiya həyati olacaq. Ona görə biz
demokratiyadan əl çəkməyəcəyik. Çətin də olsa ona yetməliyik!
4 yanvar 1993-cü il
ELÇĠBƏYĠN MƏZARI ÜSTÜNƏ QOYULAN YAZILARDAN
O pak əməl
Haqqa təməl.
Sevdası yurd,
Nidası yurd!
Sevdasında butası yurd!
Səsi elin haqq-harayı,
O, Vətənin oğul payı!
O pak dilək,
Xalqa gərək!
O - Əbülfəz!
O - dönülməz!!!
17.XI.1993
***
Tanrı apardı səni öz dərgahına,
Baxmadı millətin fəryadına, ahına.
Çevrildi məzarın bir səcdəgaha,
Yüksəltdiyin bayraq enməz bir daha!
***
Nahtəban Bayramqızı
BU YARALI VƏTƏNDƏ
Canımızdan qan gedib,
Bədəndən bir yan gedib,
Qalıb qəfəs, can gedib
Bu yaralı Vətəndə.
Yer də, göy də ağlayır,
Ana, bacı sızlayır,
Könül qübar bağlayır
Bu yaralı Vətəndə.
Ġtkin qəlbləri sıxır,
Bizi yandırır, yaxır,
Bu gün dünəndən ağır
Bu yaralı Vətəndə.
Çarəmizi bilən yox,
Göz yaĢımız silən yox,
Bir mürvətə gələn yox
Bu yaralı Vətəndə.
Hanı igid ərənlər?
Canın fəda edənlər?
Çoxdur xeyir güdənlər
Bu yaralı Vətəndə.
Bir mərd oğul olaydı,
Sənə əvəz qalaydı!
Bu xalqa yol bulaydı
Bu yaralı Vətəndə.
22.08.2000
***
Dilbər Türkay
ELÇĠBƏY
Bunu mən deyirəm, Vətənim deyir:
Millətimin vicdanısan, Elçibəy!
Sən xalqımın varlığından doğuldun,
Ən Ģərəfli insanısan, Elçibəy!
Sən qaldırdın azadlığın bayrağın,
Sən yandırdın azadlığın çırağın,
El-el yaydın azadlığın sorağın,
Azadlığın carçısısan, Elçibəy!
Gələcək nəsillər səndən deyəcək,
Gələcək əsrlər səndən deyəcək,
XoĢ illər, fəsillər səndən deyəcək,
Azadlığın dastanısan, Elçibəy!
30.08.2000
***
BOZ QURD
Bu savaĢ ər savaĢıdır,
Çıx yuvandan yola, Boz qurd!
Səsin döyüĢ havasıdır,
Bir himn oxu, ula Boz qurd!
Nəqərat
Yanan dağlar, aĢırımlar
Bağrıma çəkdi Ģırımlar.
Bu qırğınlar, bu qırımlar
Qoyma yerdə qala, Boz qurd!
Bir himn oxu, ula, Boz qurd!
Dilin alov, ağzın kaha,
Bəsdir zülmə dözdün daha!
Hamı üz tutub Allaha,
Sən məni duala, Boz qurd!
Nəqərat
ÖlməmiĢəm, hələ sağam,
Ağır qisas alacağam!
Övladları bala Boz qurd!
Bir himn oxu, ula, Boz qurd!
Nəqərat
27.08.2000
***
YaĢar Vəfa
USTAD
Hökmünlə ölməzlik haqqı qazandıq,
Sənin hayqırtınla gurlaĢdıq, ustad.
Səsin qaranlığı qovğaya saldı,
Sənin iĢığına toplaĢdıq, ustad.
Göydən baĢımıza od yağan zaman,
Tale bizim üçün dərd doğan zaman,
Sahilləri belə su boğan zaman
Sən adlı sahilə yanaĢdıq, ustad.
Sən qəlblər isidən qaynar ocaqsan,
Azərbaycan deyib hey yanacaqsan,
Əsrlər keçdikcə ucalacaqsan,
Sənin haqq iĢinə qatlaĢdıq, ustad!
Sənin iĢığına toplaĢdıq, ustad!
Avqust 2000
***
Bəy, biz bu gün məzarınız önündə baĢ əyərək and içirik:
-Apardığınız mücadiləni sona çatdıraraq Təbrizi, Qarabağı nəyin bahasına olursa-olsun azad
edəcəyik!
-Azərbaycanı bütövləĢdirəcəyik!
-Dünyaya türkün kimliyini sübut edəcəyik!
-DüĢmənləri diz çökdürəcəyik! Dostlarımızı senvindirəcəyik!
-Dünyada bənzəri olmayan vahid, demokratik, unitar bir qüdrətli dövlət quracağıq! O gün
uzaqda deyil.
-Sənin bütün vəsiyyətlərinə əməl edəcəyik! Baxmayaraq ki, sağlığında qədrini bilmədik. Səni
çiyinlərimizdə qorumaq əvəzinə, çiyinlərimizdə son mənzilə yola saldıq. Bunu özümüzə
bağıĢlaya bilmirik.
Bilirik, bizi çoxdan bağıĢlamısan, Bəy. Biz də and içirik: Qələbə günündə Təbrizdə, Qarabağda
ən böyük meydanlara sənin adını verəcəyik!.. Buna əmin ola bilərsən.
Rahat uyu. Biz sənin ruhunla qələbə çalacağıq.
Azərbaycan gəncləri adından:
Əmrah Qəribov,
Ramin Fərzəliyev.
29.08.2000
***
Salam, hörmətli, əziz və sevimli dostum, qardaĢım Bəy!
Mən bu salamı Sizin ruhunuzun qarĢısında verirəm, Bəy.
Ey Böyük bəy! Bir türk balası kimi, bir türk oğlu kimi Sizin məzarınızın qarĢısında and içirəm
ki, ömrümün sonuna kimi sizin məzarınızı ziyarətə gələcəyəm və ilk səhər salamımı
verəcəyəm. Göz yaĢlarımla məzar torpağını isladacağam. Deyirlər ki, türk ağlamaz. Mən Sizin
əsgəriniz olmuĢam, Bəy! Mən əsgərin məzarının üstündə ağlamasın, bəs kim ağlasın? Mən
Sizin adınızla bu Ģan-Ģöhrətə çatmıĢam, Bəy!
And içirəm Sizin ruhunuza, Bəy, böyükdən böyük Azərbaycan uğrunda son damla qanıma
kimi mübarizə aparacağam! Sizin məzar torpağınızdan Təbriz torpağına səpəcəyəm! Təbrizə
Milli Bayrağımızı sancacağam və ruhunuzu Ģad edəcəyəm! Təbrizin azadlığı Qarabağın
azadlığıdır.
Ruhun Ģad olsun, Bəy!
Elçibəy əsgəri ELMAN TÜRKOĞLU.
30.08.2000
***
Mətanət Əzizqızı
Sevimli Bəy!
Siyasət haqqında oxuyanda bir Ģey nəzərimi cəlb etmiĢdir. “Siyasi liderlər kütlədə mütləq
inam aĢılamaq üçün miflərdən istifadə edirlər”. Hərdən Sizin siyasətçi kimi hansı “libas”a
büründüyünüzü anlamaq istəyirdim. ġaman kimi Sizi qəbul edib, iclas salonunda Sizinlə
birbaĢa ünsiyyət yaratmaq istəyirdim. Bu məqsədlə fikrimi birbaĢa Sizə yönəldib, Sizə fikrimlə
müraciət edirdim. Siz isə gözlərinizlə məni arayıb tapır, bir neçə dəqiqə diqqətlə mənə
baxırdınız, həmiĢə də mən Sizə deyirdim ki, “mən Sizin müĢaviriniz olmaq istəyirəm”.
Bir gün Sizin haqqınızda xoĢagəlməz Ģeylər, məsələn, “bu Bəy heç dahi adama oxĢamır” deyə
fikirləĢməyə baĢladım. Siz yenə gözlərinizlə məni tapdınız, çox pəriĢan və narahat oldunuz.
Mən Sizin dahiliyinizə onda inandım. Bir də üzünüzdəki nuru onda daha aydın gördüm.
Ġstifadə etdiyiniz mif də mənə aydın oldu: Xızır peyğəmbər - Savalan dağı - inanc yerimiz.
Seçdiyiniz bu seçim Sizin siyasətçi yox, peyğəmbərə yaxın bir Ģəxs olduğunuzu mənə dərk
etdirdi.
Bəy, Siz Türkiyədən gələndə mən Sizi görmək üçün koridorda dayandım. Siz dönüb mənimlə
əl-ələ görüĢdünüz (kaĢ indi o günlər olaydı) və soruĢdunuz ki, xanım, nə lazımdır? Mən heç
nə demədim. Siz neçə dəfə təkrar soruĢsanız da mən heç nə demədim, utandım.
Bəy, indi deyim nə üçün dayanmıĢdım? Sizin üçün darıxmıĢdım. Bir də daxilimdə bir təlaĢ var
idi.
Bəy, mehriban təbəssümün həmiĢə mənimlədir və mənə həmiĢə kömək edir.
31.08.2000
***
...Azərbaycan xalqının, Azərbaycan dövlətinin bütövlüyü uğrunda yeni əsrin və eramızın ən
böyük Ģəhid oğlu, sözün əsl mənasında xalqının “el atası”, olduqca böyük ideyalı, dahi, ölməz,
həmiĢəyaĢar, əvəzolunmaz bir Ģəxsiyyətin xatirinə söz yazmaq mənim üçün çox-çox çətindir!
Ona görə ki, bu dahi Ģəxsiyyət ömrünün ən gözəl çağlarından baĢlayaraq yalnız və yalnız bir
amala, bir əqidəyə qulluq edib, nəyin bahasına olursa-olsun Azərbaycanın bütövlüyünə,
torpaqlarımızın bütövlüyünə, milləti bir yumruq kimi bir bayraq altında birləĢdirməyə can atıb!
Gənc nəsli, gələcək nəsli azad və elmli görmək arzusunda olub!
Əbülfəz Elçibəy ömrünün son anına qədər xalqının böyük mədəniyyətini, tarixini bütün
dünyaya tanıtmaq amalında olub!..
Millətimizin qorunub saxlanması üçün biz - Bəyin davamçıları, tələbələri onun bizlərə qoyub
getdiyi vəsiyyətlərə əməl etməyi və gələcək nəslə öyrətməyi özümüzə borc bilməliyik!..
...Bizlər Səni qoruya bilmədik, qoy Ulu Tanrımız səni qorusun, Bəy! Mən bilirəm və əminəm,
Sənin keçdiyin əzablı yolların aqibəti, zaman gələcək, böyük sevincli qələbəyə çevriləcək!
Sənin istək və arzuların xalqımızı gözəl gələcəyə aparacaq.
Azərbaycanın bütövlüyünə nail olmayınca öz yolumuzdan, əqidəmizdən dönməyəcəyimizə
and içirik!!!
AXCP üzvü, ölənə qədər Bəyin vəsiyyətlərinə sadiq qalan:
Nazilə Yusif qızı Quluyeva
04.09.2000
SON SÖZ YERĠNƏ
67 YAġLI KĠġĠ PĠYADA 3 GÜN YOL GƏLĠB
Ayağında dəmir çarıq, əlində əsa... Nağıllarda oxuyardıq. Qəhrəman altdan geyinib üstdən
qıfıllanardı, üstdən geyinib altdan qıfıllanardı. Və düĢərdi yolun ağına. Ġnanardıq. Ġnanardıq ki,
qəhrəman mütləq haqqı tapacaq. UĢaq ağlı ilə inanardıq. Əbülfəz Elçibəyin ziyarətgaha
dönmüĢ evinin girəcəyində məni saxlayıb "burda bir kiĢi var, Qəbələdən Bakıya piyada gəlib"
deyəndə inanmadım.
...YavaĢça yaxınlaĢdı. Arıq, çəlimsiz bir kiĢi - Məhəmmədov Sabir Bayram oğlu. Qəbələ
rayonunun Xırxatala kəndindəndi.
Çiynindən illər aĢırdığı vücudundan bəlli. Bu çəlimsizliklə 140 km yolu necə baĢa vurub?
-Piyada yola düĢdüm. Üç gündür yol gəlirəm. Ġki gecə yolda qalmıĢam. Bir gecə Topçuda
qaldım. Bizim kənddən 50 km aralıdır. Yol kənarında bir maĢın vardı, kabinəsində yatdım.
Səhər ertədən yola çıxdım. Muğanlı "pereval"ını düĢdüm. Daha qalxmağa taqətim qalmadı.
Gecəni də çökəklikdə qaldım. Səhərisi ġamaxıdan keçdim Mərəzə tərəfə. Bir qədər gəldim.
Acıdərəyə çatdım. Gördüm daha ayağımda güc qalmayıb. Ordan maĢına əyləĢdim. Saat yarım
maĢınla gəlmiĢəm. Əvvəlcə [AXCP] qərargah[ın]a getdim. Ordan məni evə gətirdilər.
...Əbülfəz Elçibəylə heç vaxt əl tutub görüĢməyib bu adam. Adını, danıĢıqlarını baĢqalarının
dilindən eĢidib. Xüsusən də Elçibəy haqqında ilk kitabın müəllifi Ədalət Tahirzadədən.
Dediyinə görə, Ədalət bəy onu Elçibəylə qiyabi tanıĢdırıb.
ƏliboĢ gəlməmiĢdi. Özü ilə 1998-ci ildə Elçibəyin adına düzəltdiyi suveniri də gətirib.
Taxtadandı. Üzərində bəyin Ģəkli, ətrafında güllər açıb. Bəyin tutulma tarixləri də qeyd
olunub. Bundan əlavə taxtanın üzərində vəl Ģəkli də var. Sabir kiĢi bunu həm özünün, həm də
Əbülfəz Elçibəyin taxıl biçini vaxtı dünyaya gəlməsi ilə bağlayıb. Daha sonra Azərbaycanı
ümumiləĢdirən evlər, minarələr... aypara və səkkizguĢəli ulduz. Həmin suvenir Elçibəyin
ailəsinə təqdim olunub
Çox danıĢmadı Sabir kiĢi. Bircə onu dedi ki, "Elçibəyin vəfatını eĢidib bərk kədərləndim,
həyəcan keçirdim. Amma dəfninə gələ bilmədim. Çox çalıĢdım heç olmasa yeddisinə çatım. O
da mümkün olmadı. Müəyyən səbəblərdən..."
MaĢına minib gəlməyə pulu olmamasının səbəbini anladıq. Ġmkansızlıq. Təqaüdləri vaxtında
vermirlər. Alanda da una, qəndə, çaya xərclənir. Özü dedi bunları. Giley kimi qəbul etmədim.
Olanı deyirdi. Bəlkə də Bəyin dəfninə çatmamağını özünə sonsuz niskil elədiyindən qürurunu
aĢıb dilinə gətirmiĢdi. Özgə vaxtı belə danıĢmazdı yəqin. 67 yaĢlı kiĢini Qəbələdən paytaxta
140 km yol gəlməyə vadar edən də həmin niskil idi. Elçibəyi ölümündən sonrasa da "görmək"
yanğısıydı. Yanğısını söndürmüĢdümü? Həmin cümə axĢamı dedi ki, qaĢ qaraldığından
xiyabana gedə bilməyib. AXCP-nin qərargahından birbaĢ bura - "Vorovski"yə Elçibəyin evinə
gəlib. Qəbir üstə səhər gedəcək. Həmin gecəni Sabir kiĢi hələ də niskilli yatacaqdı. Ürəyini
boĢalda bilməyəcəkdi. Səhərədək.
MƏLAHƏT RZAYEVA
("ġərq" qəzeti, 3-5 sentyabr 2000, #100)
Dostları ilə paylaş: |