OZAN DÜNYASI № 4(7), 2011
59
Qorxu düşdü düşmanların canına,
Dərə, düz demədən çox meydan keçdi.
“Mehralı bəy denən bir ətdən qala”,
Aşıq Şenlik böylə gətirdi dilə,
Bütün hər tərəfə saldı vəlvələ,
Dost sevindi, düşmanları yan keçdi.
Başında əsərdi Qafqaz rüzgarı,
Əlindən amana gəldi rus çarı,
Xatırladım Qazi Əhməd Muxtarı,
Göysündə taxılı bir nişan keçdi.
Bu gün qulağımda nal səsləri var,
İndi Acıyurdda yıl səsləri var,
Sivasda, Ulaşda yol səsləri var,
Buradan Yəmənə bir karvan keçdi.
Gördüm Acıyurdu, gördüm Ulaşı,
Mənə cənnət gəldi torpağı, daşı,
Yavuz Bülənd Bakilərin göz yaşı,
Qarabağa doğru bir ümman keçdi.
Şərəf der ki, şanlı Türkün bazarı,
Əbdülhamid Xanın sevgi nazarı,
Yəmən ellərində qaldı məzarı,
Dünyadan böylə bir qəhrəman keçdi.
OZAN DÜNYASI № 4(7), 2011
60
Ġmamverdi ƏBĠLOV
filologiya elmləri namizədi
MĠZRAB TELDƏN AYRILSA DA...
Aşıq Pənah Salyanda doğuldu,
orada yaşayıb-yaratdı, Salyanda da
torpağa tapşırıldı. 52 illik ömründə
doğma şəhərdən ayrılmasa da, əyalət
“mənəmliyindən”, məhəlli məhdu-
diyyətdən uzaq yanar təbli sənət fə-
daisi kimi iqlim-iqlim tanındı, sevildi.
Təbiəti etibarı ilə əsl Azərbaycan
ziyalısı olan Aşıq Pənah öz xalqına,
onun keçmiş və gələcəyinə, milli
ənənələrinə sadiq bir ömür sürdü –
məzmun dayazlığına, bəsirətsizliyə
arxa çevirən, dosta-dosta, düşmənə
yad bir sənətkar ömrü! Bir həqiqəti
bilirik ki, sənətkar üçün iki təhlükə
mövcuddur: İstedadı olmayan peşə-
karlıq və peşəkarlığı olmayan iste-
dad! Peşəkarlığı istedadla vəhdətdə
olan Aşıq Pənah aydın dərk edirdi ki, müasir zəmində yüksələn sənət iki
mühüm amillə bağlıdır: Keçmişlə, gələcəklə! Bilirdi ki, keçmişi unudan-
ların, keçmişi öyrənməyənlərin gələcəyə gedən yolu aydın deyil, duman-
lıdır. Buna görə də o, folklor ədəbiyyatını, klassik aşıq poeziyasını, qəh-
rəmanlıq və məhəbbət dastanlarını mükəmməl mənimsəmişdi.
Məclisində iştirak edənlər Aşıq Pənahın ilhamla oxuduğu gəraylı, qoş-
ma, təcnis, cığalı təcnis, müstəzad, qoşayarpaq, dodaqdəyməz, ustad-
namə, deyişmə, müxəmməs, vücudnamə, divani... kimi sənət incilərindən
zövq alırdılar. Yaddaşı bir ənənəvi xəzinə idi ki, hər məclisdə bu xəzinə-
nin incilərindən dinləyicilərə pay düşərdi. İctimai qayğılarını, şəxsi nis-
gillərini, aravuran-sözgəzdirən bimürvətlərdən gileyini müstəqil, sərbəst
deyə bildiyi kimi, ustad aşıqlara istinad yolu ilə də məharətlə ifadə edirdi.
Bir məclisində iştirak edirdim. Məclisdən azca əvvəl xətrinə dəymiş-
dilər. üzə vurmasa da, qanıqara olduğunu az adam – dostları bilirdi.
Qeybətçilik, ucuz sicilləmələr kimin qanını qaraltmır ki?... O ki qaldı
Pənah kimi söz sərrafı ola... söhbətə musiqisiz kəlamla başladı: “Dostlar,
OZAN DÜNYASI № 4(7), 2011
61
bu axşam saz və sözün qüdrəti ilə gecəni uzatmalı, səhəri yubatmalıyıq.
Görüşünüzə dörd yüz yaşlı misralarla gəlmişəm. Gəlmişəm ki, ürfan
məclisindən feyz aparaq – qeyz yox; mehr alaq – hikkə yox!...” Sonra da
aşığın zil səsi sədəfli sazın harayı ilə qoşalaşdı:
Diri dağlarından, uzaq yollardan,
Əlbəttə ki, bir murada gəlmişəm.
Eşqin sitəmindən, çərxin əlindən,
Bir şahım var, ona dada gəlmişəm.
Bülbül idim, ayrı düşdüm gülümdən,
Fələk vurdu, cida saldı elimdən.
Qurbaniyəm, Qara vəzir əlindən,
Şeyx oğluna şikayətə gəlmişəm.
Aşıq Pənah və Salyan aşıqları Moskvada Mərkəzi televiziyda çıxışdan
sonra. 1971-ci il.
400 illik yol gəlmiş Qurbani qoşması Pənahın ifasında məclisi ov-
sunlamışdı. Nəzərlər müstəsna aludəçiliklə aşığa dikilmişdi. Məclisə daş
sükutu çökmüşdü. Kimsə dinib-danışmırdı, təkcə bir qədər əvvəl əsassız-
səbəbsiz onun qəlbini qıran, istedadına açıq-saçıq darılan “dostundan”
başqa. Bu kəmfürsət dost tez-tez sağa-sola dönür, yerli-yersiz suallar ve-
rir, biganəlik görəndə suallarına özü cavab verməyə də tənbəllik eləmirdi.
Aşkar hiss olunurdu ki, məqsədi məclisdəkilərin diqqətini Pənahdan
yayındırmaqdır. Narazı baxışlara məhəl qoymayan bu utanmaza cavab
OZAN DÜNYASI № 4(7), 2011
62
əhli-məclisi “intizama dəvət edən” aşığın şaqraq, bir qədər də sərt avazla
oxuduğu öz qoşması oldu:
Axşam dediyini dəyişər səhər,
Dilində qənd olar, əlində zəhər.
Özü yaralayar, özü öldürər,
Sonra da başına döyər, utanmaz.
Aşıq Pənah idarə etdiyi məclislərə adi şənlik yığıncağı kimi yox,
ədəb-ərkan məktəbi kimi baxardı. Şübhəsiz ki, onun böyük uğurla yetkin-
likdən kamillik mərtəbəsinə yüksəlməsinin başlıca səbəbi də həmin sə-
nətkar qənaəti ilə bağlı idi. Axı, hər məclisi ədəb-ərkan məktəbinə çevir-
mək hər aşığa qismət olmur. Aşıq Pənahın qismətinə belə bir sənət müj-
dəsi düşdü. Bu da səbəbsiz deyil. Çünki o, sənət dünyamızdan, el-obanın
adət-ənənələrindən bəhrələnə-bəhrələnə yaşın müdriklik məqamını vax-
tından çox-çox əvvəl fəth eləmişdi.
Pənaha ümumxalq məhəbbəti danılmaz həqiqətdir. Bu məhəbbətin
sirrini hərə bir cür yoza bilər. Lakin dost-həmdəm qənaəti qəti olur. Həm-
yaş, yurddaş, sirdaş kimi aşığa ümumel sevgisinin səbəbini onda görürəm
ki, əvvəla, təbiət ona fitri səs, ilham və yaddaş bəxş eləmişdi: ikincisi, sə-
nətini təkmilləşdirmək, cilalamaq xətrinə müstəsna səbir, dözüm, yorul-
mazlıq: sonra fitri sadəliklə bahəm ailəyə etibar və bağlılıqla yanaşı qo-
huma, dosta, tanışa gərəkli olmaq eşqi; daha sonra əsl türk kişisinə məx-
sus mərdanəlik, qeyrət; nəhayət, xalq qarşısında borc hissini bütün mənə-
vi borcların fövqündə görə bilmək məsuliyyəti... Və bir də həyat həvəsi
ilə süslənmiş sadəlik, təmizlik kimi nəcib əxlaqi keyfiyyətlər töhfə
vermişdi.
Müharibədən əvvəl yaradılıb hərbin ağır günlərində fəaliyyət gös-
tərən Salyan Dövlət Dram Teatrının səhnəsinə gələndə Pənahın 18 yaşı
vardı. Hər gün neçə-neçə qapını qara xəbər – “qara kağız” açırdı. Bu ağır,
müsibətli günlərdə xalqı bədbinlikdən, ümidsizlikdən qorumaq – dövrün
öz sənətkarına ictimai sifarişi idi. Axı, hər şey ölə bilər, ümiddən başqa!
Ümid öldüsə, insan yoxdur! Salyan teatrında 18-20 yaşlı bir gəncin –
Pənahın Məcnun, Kərəm, Qərib, Sərvər, Əsgər rollarında inamlı və il-
hamlı çıxışları təkcə sənətin sehri deyil, xalqımızın bədbinliyə, kədərə
yabançı təbiətinin təntənəsi idi. Salyanlılar kimi, qonşu rayonlular da bu
gənc istedadın timsalında öz vüqar və inamlarının şahidi olurdular.
Zaman-zaman meydan genişləndi. Salyandan pərvəriş tapan sıravi
səhnə həvəskarı “Saz və söz”, “Məhəbbətdən danışaq”, “Təzə söz, təzə
mahnı”, “Mənim sazım” kitablarının müəllifi Finlandiyada, Bolqarıs-
Dostları ilə paylaş: |