Elbəyi CƏLALOĞLU
56
– deyə dostlarının səsinə səs vermişdi. Bu aralıqda Şəms
Təbrizi, Mövlana Cəlaləddinə müridlərini bekar qoymama-
sını təkid etsə də, Mövlana buna məhəl qoymadığını və yal-
nız onu dinləmək istədiyini bildirmişdi...
Aradan xeyli keçmişdi, aylar bir-birini əvəz edirdi,
Mövlana demək olar ki, tamamilə Şəms Təbrizi havasına
köklənmişdi. Hər iki dahi qurduqları mükalimələrdən doy-
mur, fikir mübadiləsi aparırdılar. Lakin Mövlana Cəlaləd-
din, Şəms Təbrizinin sehrindən ayrılıb mədrəsəyə gedə bil-
mədiyi üçün müridlərin etirazları səngimək əvəzinə daha
da güclənirdi. Son vaxtlar gənc müridlərin valideynləri də
bu qalmaqala qoşulmuşdular. Məsələ get-gedə qızışıb o
həddə çatmışdı ki, onlara imkan verilsəydi Şəms Təbrizinin
hər tikəsini qulağı boyda edərdilər...
Son günlərin birində söz-söhbətdən, dedi-qodudan zin-
hara gəlmiş Şəms Təbrizi Şama getmək istədiyini bildirdi.
Mövlana Cəlaləddin Rumi onun bu təklifinə etiraz edərək, –
bəs, sizin hikmətli sözlərinizi mən kimdən eşidəcəm? – deyə
sual dolu gözlərini ona zillədi. Mürşidi-kamil heç düşünmə-
dən, – əgər mənim deməyə bir sözüm olsa və bütün dünya
ağzımı yumsa ki, o sözü deməyim, həmin söz min il sonra
da olsa, mən istəyən şəxsə çatacaq! – dedi. Beləliklə, Mövla-
nanın davamlı etirazlarına baxmayaraq Şəms Təbrizi Kon-
yaya gəlişindən bir il dörd ay sonra – 1246-cı il martın 11-də
buradan Şama yola düşdü...
Ustadından ayrı düşmüş Mövlana Cəlaləddin Rumi bu
xiffətə dözə bilmirdi, anasından ayrı düşmüş körpə kimi
günü-gündən sozalırdı. O, tez-tez özünə qapanır, dərdi
dərd üstünə qalamaqla ürəyini üzürdü. Bəzən də fikirli hal-
da ətrafı gəzib dolaşır, Şəms Təbrizinin kəlamlarını yada sa-
laraq onların dərinliyinə baş vururdu, bir sözlə, onun mənə-
vi dünyasında vulkan püskürürdü. Belə bir vəziyyətdə
dostları Səlahəddin Zərkub və Hüsaməddin Çələbi onu
gözdən qoymurdular, ona təsəlli verməyə çalışırdılar. Lakin
Mövlana Cəlaləddin üzüntülər fırtınasından yaxa qurtara
bilmirdi. O, son vaxtlar Şəms Təbrizinin xiffətinə dözməyə-
Eşq dənizləri qovuşanda
57
rək qəm-kədərlə yüklənmiş şeirlər də qoşmağa başlamışdı.
Onun dediklərini isə Hüsaməddin Çələbi kağıza köçürürdü.
Bir gün Mövlana yenə hisslərə qapılıb dəlicəsinə şeir söylə-
məyə başladı. Hüsaməddin kağız-qələmi çıxardaraq mane
olmamaq məqsədilə onun mətərisində dayanıb dediklərini
yazmağa başladı:
Mən bir şam oldum, sən atəş,
Yanmadım sənsiz, ya Şəms!
Can canansız edər təlaş,
Varar bədənsiz, ya Şəms!
Yanar canım yara həsrət,
Cismim olub gora həsrət.
Ruhum bir diyara həsrət,
Getməz imansız, ya Şəms!
Eşq salmısan bu canıma,
Ehtiras hopmaz qanıma.
Məni Tanrı ünvanıma
Al imtahansız, ya Şəms!
Elmim gəlib Aydan duru,
Helmim Yaradanın nuru.
Fitrətimdə vicdan suru,
Olmaz ərkansız, ya Şəms!
Cəlaləddin gəlib hala,
İdrakımda qurdum qala.
Könlüm Meraca mübtəla,
Qoyma məkansız, ya Şəms!
Mövlana indi bu minvalla özündə qəribə duyğular hiss
edir, anlamadığı hisslər keçirdirdi. Bunun Şəms Təbrizi həs-
rəti, yoxsa Mürşidi-kamilin təlqin etdiyi müqəddəs varlığa
olan ilahi sevginin həsrəti olduğunu heç özü də düzəməlli
Elbəyi CƏLALOĞLU
58
kəsdirəmmirdi.
Günlərin birində Mövlana Cəlaləddin elə bu qeyri-adi
hisslərin burulğanında dolaşdığı zaman yaxınlıqdakı də-
mirçinin zindanından qopan aramsız çəkic səslərini eşitdi.
O, bir anlıq yeni bir varlıqla rastlaşırmış kimi gözlərini gö-
yün dərinliklərinə dayayıb eşitdiklərinə qulaq verməyə baş-
ladı. Bu səslər onun qəlbinin dərinliklərində nə isə anlaşıl-
maz, lakin olduqca məhrəm duyğular oyadırdı. Çəkicin
vəznli taqqıltıları get-gedə Mövlananın qəm yüklü qəlbinin
döyüntülərinə çevrilir, ruhunun sonsuzluğundan, göylərin
dərinliyindən gələn ilahi bir musiqiyə dönürdü. Çəkiclə zin-
danın yaratdığı bu qeyri-adi lətafətdən, möcüzələrlə dolu
ahəngdar havadan vəcdə gələn Mövlana Cəlaləddin Rumi,
birdən yerində dövrə vuraraq rəqs etməyə başladı. Ətrafda-
kılardan kiminin ona baxıb heyrətləndiyini, kiminin güldü-
yünü belə hiss etməyən Mövlana Cəlaləddin rəqs etməyin-
də xeyli davam etdi və bu rəqsi düşüncəsində get-gedə ni-
zamladı. Bir qədər keçdikdən sonra artıq çəkicin səsləri eşi-
dilirmirdi, ətrafdakılar Mövlananı dövrəyə almışdılar, hətta
dəmirçinin özü də bu mənzərənin seyrinə gəlmişdi, lakin
Mövlana bütün bunlardan xəbərsizmiş kimi, öz aləmində,
həmin musiqi altında rəqs etməyində idi...
Bu, hal “Səma rəqsləri”nin Mövlana Cəlaləddinin ru-
hunda və təfəkküründə təzahür edən ilk nümunəsiydi. Elə
həmin vaxtdan başlayaraq Mövlana Cəlaləddin söhbətlərin,
elmi mükalimələrin əvəzinə vaxtını ney, yaxud rübab dinlə-
məyə sərf edir və bu həzin musiqi sədaları altında Səma rə-
qsləri edirdi...
Eşq dənizləri qovuşanda
59
V I F Ə S İ L
Cənnət və ölümsüzlük rəqsi
Mövlana Cəlaləddin Rumi son vaxtlar gününü musiqi
dinləməklə, rituallarda keçirməklə yanaşı, həm də vaxtını
Şəms Təbrizi düşüncəsinin özəlliklərini daha dərindən anla-
mağa sərf edirdi. Beləliklə, onun təfəkkürü insanlığın
ümumbəşəri mahiyyətinə çevrilmişdi ki, bu da sözün əsl
mənasında iki nəhəng dənizin ruhla bədən kimi birləşmə-
sindən hüdudları təsəvvürəgəlməz bir ümmanın yaranması
demək idi. “Əl-Quranul-Kərim”də də adı keçən acı və şirin
dənizlər misallı və heç bir quru sərhədi olmamaqla əsrlər
boyu ayrı-ayrılıqda öz sirli məziyyətlərini qoruyacaq bu də-
nizlərdən biri, Mövlana Cəlaləddin Ruminin mükəmməl
təhsili, yüksək səviyyədə elmi və dini biliyi, ikincisi isə
onun şürunda bərqərar olmuş Şəms Təbrizinin qeyri-adi
düşüncəsi, batini elmi, qapsamlı eşq hikməti idi. Səma rəqs-
ləri də Allahı dərk etmək üçün bu iki möhtəşəmliyin qarşı-
lıqlı təsiri nəticəsində Mövlana Cəlaləddin Ruminin ruhun-
dan doğan mükəmməl bir yenilik idi.
Bir gün Mövlana rübab çalan musiqiçinin qarşısında da-
yanıb, onun nəfis ifasını dinləyirdi. Rübabın məlahətli səsi
sanki onu öz ağuşuna almışdı. Mövlana Cəlaləddin həzin
musiqi səsindən zövq aldığından sol əli qoynunda, sağ əliy-
lə də çənəsini tutub fikir göylərində qartal kimi süzürdü. Bu
vaxt Səlahəddin Zərkub ona yaxınlaşıb namaz vaxtının çat-
dığına işarə edərək dedi:
– Ustad, günorta azanı oxunur! Bu zaman Mövlana Cə-
laləddin yuxudan oyanırmış kimi oldu və bir anlıq fikirli
halda, nəyisə götür-qoy edirmiş kimi ona baxdıqdan sonra
Dostları ilə paylaş: |