Elbəyi CƏLALOĞLU
84
– Qızım, Şəms Təbrizinin qəlbi Allah eşqiylə yanıb-ya-
xıldığı halda, bəndə eşqi onu özünə qulmu edəcəkdir? Mən
başa düşürəm ki, sənin ailə qurmaq haqqın var, lakin yaxşı
düşün, tələsən təndirə düşər, deyiblər, bir də ki, axı sizin
yaş fərqiniz də böyükdür, – Kərra xatunun bu sözlərindən
təsirlənən Kimya xatunun gözləri bahar buludu kimi doldu,
özünü ağlamaqdan güclə saxladı və yavaş səslə, – anacan,
dediklərini anlayıram, amma ürəyim sanki ovsun içindədir,
könlüm siz deyənlərin əksini söyləyir, – dedi. Kərra xatun
bir az düşündü və yenidən dilləndi:
– Unutma ki, Şəmsə tək sənin deyil, Mövlananın, bütün
alimlərin, bəlkə də bəşəriyyətin ehtiyacı var, ona görə də bu
yoldan sapmamalıdır, qısa bir zamanda onun sayəsində
Mövlana Cəlaləddinin nələrə nail olduğu göz qabağındadır,
özü böyük alim olduğu halda, Şəms Təbrizi təfəkküründə
heç kəsə məlum olmayan incilər aşkarladı, – Kərra xatun bu
sözləri deyən zaman Əlaəddin Çələbi otağa daxil oldu və
içəriyə girən kimi də söhbətdən duyuq düşmüş kimi, – nə
pıçıldaşırsız? – deyə soruşdu. Kimya isə cəld ona doğru çev-
rilərək hirslə və ərkyana, – bilirsənmi nə var, sənlik deyil! –
deyib tələsik otaqdan bayıra çıxdı. Bu zaman Kərra xatunun
qaşları yüngülcə çatıldı, çöhrəsinə istehzalı təbəssüm qondu
və fikirli-fikirli gözünü Kimyanın şıltaqlıqla çəkib örtdüyü
qapıya zillədi. Onun eşitdiyi isə Əlaəddinin dediyi sözlər
oldu ki, onu cavablandırmağa heç ehtiyac da duymadı: “Nə
olub anacan, yoxsa Kimya babası yaşında kişiyəmi vuru-
lub? Ax, bu qoca Şəmsdə nələr var!”...
Mövlana Cəlaləddinin söhbəti həmişəki kimi bu dəfə də
gərgin keçirdi. O, müdrik sözlərini zalda əyləşənlərə çatdı-
rır, eləcə də özünün və Şəms Təbrizinin bədənlə ruh kimi
birləşmiş eşq hikmətini onlara izah edirdi:
– “Ən əl-Həqq” sözü Həllacı Mənsurun ağzında nur,
“Ən Allah” sözü isə Fironun ağzında əcaib bir yalan idi! – o,
söhbətini bu sözlərlə başlamışdı, həm də ani bir vaxtda Şə-
ms Təbrizinin bu mövzu barədə verdiyi açıqlamanın onu
qane etmədiyini xatırladı, sonra da həmin ahəngdə, təmkin-
Eşq dənizləri qovuşanda
85
lə söhbətinə davam etdi:
– Firon dünyada allahlığı öz əlinə almaq iddiasında ol-
duğu halda, Həllacı Mənsur insanları ürəyindən pislikləri
ataraq Allahla vəhdətdə olmağa çağırırdı. Çünki Həllacı
Mənsur bunu təcrübəsindən keçirmişdi. O, pislikləri ürəyi-
nə yaxın buraxmadı, onun qəlbi arındıqca düşüncəsi pak-
laşdı, könlü nurlandı, camalı işıqlandı. Həllacı Mənsur elmi,
helmi, ədəbi və vicdanının vəhdətini yaratmaqla Canlar Ca-
nına vara bildi, onun könlündə Allahın kölgəsindən başqa
heç bir şey qalmadı. Bununla, o, artıq özünü unutmuş və nə
edirdisə Bir olana uyğunluqla edirdi, onun danışdığı Haqq
sözü, söylədiyi Haqqın buyruğu idi. Həllacı Mənsurun di-
lində səslənən “Ən əl-Həqq” kəlməsi əslində onun könlü-
nün səsi idi. Çünki Həllacı Mənsur Tanrının təcəllasını öz
könlündə tapmışdı, o, buna görə “Haqq mənəm” və ya
“Haqq məndədir” söyləyirdi. Necə ki, İsa peyğəmbər “İn-
cil”də buyurur ki, yol, həqiqət və həyat Mənəm və ya Mən
Allahdayam, Allah da məndədir.
Əsa Musanın əlində doğruluğuna şahid oldu, sehirba-
zın əlində isə əyləncə və məzhəkədən başqa heç bir şeyə ya-
ramadı. Deməli, təmiz söz həqiqətdən uzaq olan könüllərdə
qərar tutmaz, amma nurlu könüllərin əslinədək gedər. Əyri
ayaqqabı əyri ayağa necə uyarsa, şeytanın ovsun və əfsanəsi
də doğru olmayan könüllərə o cür uyar! – Mövlana Cəlaləd-
din adəti üzrə, hikmət söyləyərkən heç vaxt tələsməzdi, o,
zalda oturanlara bu fikirləri bir qədər beynində bişirdikdən
sonra yaddaşına həkk etməsi üçün imkan verərdi. Lakin bu
dəfə Mövlana Cəlaləddinin fasilə etdiyi vaxt müridlərındən
biri ona belə bir gözlənilməz sual verdi:
– Ustad, şərab halaldır, yoxsa haram? – Mövlana
Cəlaləddin daşın hansı bostana atıldığını göydəcə tutdu.
Onun müridləri arasında hələ də Şəms Təbrizini sevməyən-
lər tapılırdı. Bunları Mövlana gözəl bilirdi və bir gün onla-
rın bu kini ürəyindən atacaqlarına da şübhə etmirdi, çünki
hər şey zamana bağlıdır. Buna baxmayaraq, verilən sual
onun ovqatına bir qədər soğan doğradı. Çünki Mövlana Cə-
Elbəyi CƏLALOĞLU
86
laləddin anladı ki, bu sual Şəms Təbrizinin nəbiz içməyinə
işarədir. Sualı verən də elə onu sevməyənlərdən biri idi.
Odur ki, Mövlana Cəlaləddin həmin sualı təmkinlə və təfsi-
latı ilə cavablandırmağa çalışdı:
– Allah təala “əl-Bəqərə” Surəsinin 219-cu ayəsində bu-
yurur: “(Ya Rəsulum!) Səndən içki və qumar (meysir) haq-
qında sual edənlərə söylə: “Onlarda həm böyük günah, həm
də insanlar üçün mənfəət (dünya mənfəəti) vardır. Lakin
günahları mənfəətlərindən daha böyükdür”! (Allah yolun-
da) nəyi paylamalı olduqlarını soruşanlara isə de: ”Ehtiyacı-
nızdan artıq qalanını (möhtaclara paylayın)! Allah sizə Öz
ayələrini bu cür bildirir ki, bəlkə fikirləşəsiniz.” Bundan
başqa ən-Nisa (Qadınlar) Surəsinin 43-cü ayəsi də var. Allah
burada isə belə buyurur: “Ey iman gətirənlər! Sərxoş ikən
nə dediyinizi anlamayana qədər və cunub (murdar) olduğu-
nuz zaman – yol ötən müsafirlər müstəsnadır – qüsl edənə-
dək namaza (namaz qılınan yerə) yaxınlaşmayın...”. Mən
Qurani-Kərimin bu ayələrini sizə söylədim, şərabın haram
və ya halal olmasını isə özünüz düşünün. Lakin məntiqə
əsaslansaq deyə bilərəm ki, bir tuluq şərabı dənizə töksən,
dəniz dəyişməz, o şərab dənizi bulandırmaz. Həmin dəni-
zin suyu ilə yenə də dəstəmaz almaq olar. Amma kiçicik bir
hovuzu bircə damla şərab da murdar edər. Beləcə, duzlu
dənizə düşən hər bir şey duz kimi bərəkətə dönər. Sənin
sualının açıq cavabı budur ki, Şəmsəddin Təbrizi şərab içsə
də, günah deyil. Çünki o, dəniz kimidir. Lakin bunu sənin
kimi dardüşüncəlinin biri edərsə, əlbəttə ki, ona arpa çörəyi
də haramdır, – Mövlana Cəlaləddin bunları deyib, sözünü
bitirdikdən sonra həmin oğlan yenə bir sual üçün icazə aldı
və istehza ilə dedi:
– Ustad, sən cahandan əl çəkmisən, əsl Haqq aşiqi kimi
Yer üzünün nemətlərindən vaz keçmisən, amma Şəms Təb-
rizi belə deyil, onun dünyanın naz-nemətlərinə də biganə
qalmadığını deyirlər. Bu barədə nə deyərsiniz?
Mövlana Cəlaləddin Rumi bu dəfə bir qədər narazı gör-
səndi, lakin yenə də təmkin nümayiş etdirərək cavab verdi:
Dostları ilə paylaş: |