Elbəyi CƏLALOĞLU
90
böyürdən öz adlarıyla çağıran olsaydı da eşitməzdilər. O,
davam edirdi:
– Ağıl başqa bir ağılla birləşsə nur artar, doğru yol mey-
dana çıxar. Fəqət nəfs bir başqa nəfslə sevinər və gülərsə,
onda qaranlıq artar, yol gizlənər. Bir ağıl başqa bir ağılla
birləşsə pis işə, pis sözə mane olar. Fəqət nəfs başqa bir
nəfslə dost olsa, cüzi ağıl məəttəl qalar, o, heç bir işə yara-
maz. Biz islam ənənələrinə, müsəlman qaydalarına bağlıyıq,
lakin dindən fərqli olaraq, təsəvvüf görüşləri bəşəriyyətə
aiddir! Millətindən, dinindən asılı olmayaraq hər kəs bu gö-
rüşə qatıla bilər. İsti istini, soyuq da soyuğu çəkdiyi kimi,
əsli olmayanlar əsli olmayanları özünə çəkməkdə, əbədilər
də əbədilərdən sərxoş olmaqdadır. Biz könül qapılarımızı,
ümid darvazalarımızı taybatay hər kəsin üzünə açdıq, bəşə-
riyyəti əxlaqi və insani dəyərlərlə birləşməyə, dilindən, di-
nindən, etiqadından, milliyətindən asılı olmayaraq bütün
insanları birliyə, bərabərliyə, vəhdətə dəvət etdik, onları İla-
hi eşqə səslədik.
Mən pərgar kimiyəm, bir ayağımla şəriətin üzərində çox
möhkəm dayanmışam, o biri ayağımla 72 millətin arasında
gəzirəm, – Mövlana Cəlaləddin Rumi bu alovlu söhbətin-
dən sonra dayandı, lakin içindəki atəş elə bil ki, onu silkələ-
yir, dayanmağa qoymurdu. Birdən gözləri onu heyranlıqla
dinləyən Mürşidi-kamilə sataşdı və dərhal özünü ələ al-
maqla, – bəlkə deyiləsi sözü var, – deyə düşünərək
nəzərlərini ondan çəkmədi. Lakin Şəms Təbrizi Mövlananın
qaynar bulağa döndüyünü hiss etdiyindən, ona davam et-
məsini işarə etdi. Mövlana Cəlaləddin bur qurtum su aldıq-
dan sonra söhbətinə davam etdi:
– Siz ey Allahı mavi göylərdə arayıb-axtaranlar, əl çəkin
bu axtarışdan, siz Ondasınız, O da, sizdədir! Xeyiri də, şəri
də Allah özü yaradıb, fəqət O, yalnız xeyirə razı olur. Xeyir
üçün şərdən gərəkli, iman üçün küfrdən gərəkli heç nə yox-
dur, – Mövlana bu şüarı səsləndirəndə bir çox alimlərin qaş-
ları çatıldı, müridlər diksinən kimi oldu. Bu zaman Mövla-
nanın üzünə təbəssüm qondu, lakin o, bir az da ciddiləşərək
Eşq dənizləri qovuşanda
91
dediyinə açıqlama gətirdi:
– Şəri şər olduğu üçün diləmək çirkindir, amma şəri xe-
yir üçün diləmək çirkinlik deyil. Tanrının yaratdığını məhv
etmək şərdir, lakin bu addım bir xalqı, bir eli ölümdən qur-
tarmağa xidmət edirsə şər deyil, əksinə böyük xeyirdir. Ona
görə də, yalnız xeyirə yol açmaq və şəri yasaq etmək üçün
şər törətmək istəyən bir kimsənin olması da şərtdir. Bu cür
varlığın, yəni nisbi şərin olmasını arzulamaq, əslində şərin
xeyirlə sonuclanması üçün yaradıldığının dərk edilməsi de-
məkdir. Bütün bunlara baxmayaraq söyləyə bilərik ki, Allah
dünyanı xəlq edəndə şərin də olmasını məsləhət bilib, fəqət
yalnız ona görə belə istəyib ki, xeyirin şər üzərində qələbə-
sini bütün aləmlərin gözü qarşısında nümayiş etdirsin. Bu-
nu sonacan düşünülmədən edilən dualara bənzətməyin!
Çünki elə dualar var ki, onlar ziyana, həlak olmaya səbəb-
dir, insan bunun sonunu görmədiyindən belə edir. Ona gö-
rə də, əbədi və pak Tanrı kərəmindən bu cür duaları qəbul
etməz! Hədislərin birində Tanrının dilindən belə deyilir:
“Mən gizli bir xəzinəydim, özümü tanıtmaq üçün aləmləri
yaratdım”. Ustad biliksiz adamların olmağını arzulayar, an-
caq onların savadsız qalmasını istəməz, əks halda öyrətmə-
yə də can atmazdı; təbib xəstənin olmasını arzulayar, ancaq
xəstəliyin xəstəyə güc gəlməsini istəməz, əks halda xəstəni
sağaltmağa cəhd eləməzdi; sərkərdələr də beləcə, düşmən
ordusunun gəlməsini arzulayarlar, ancaq düşmənə basılma-
ğı istəməzlər, əks halda qələbə çalmağa can atmazlar, –
Mövlana Cəlaləddin bu sözlərdən sonra bir anlıq dayandı,
sonra da aramla, – bu sözlər göy üzünə aparan bir nərdi-
vandır. Kim bu nərdivana ayaq qoysa, ucaları görəcək, – de-
yərək söhbətini tamamladı. Bundan sonra Mövlananın söz-
lərindən təsirlənən Şəms Təbrizi ayağa duraraq iştirakçılara
müraciətlə dedi:
– Allaha and olsun ki, mən Mövlana Cəlaləddini tanıya
bilmirəm. Mənim bu sözümdə heç bir riya və təkəllüf
1
yox-
1
Təkəllüf – sünilik, saxtalıq, rəsmiyyətçilik.
Elbəyi CƏLALOĞLU
92
dur, amma onun dərkindən aciz olmağımın səbəbi budur
ki, mən onun əməllərindən hər gün dünəni mənə məlum ol-
mayan bir şey anlayıram. Lakin Mövlana Cəlaləddinin Alla-
hın vəlisi olduğu haqda mənim Konyaya gəlməmişdən öncə
də gerçək bilgim vardı. İndi isə o, idrakın göylərində qartal
kimi qıy vurur. Mən indi Mövlananın dostuyam – Tanrının
dostunun dostu, həm də özümü onun müridi hesab edirəm.
Çünki onda həm helm, həm elm, həm ədəb, həm də vicdan,
yəni ruhun vəcd anı mükəmməldir. Bu dörd əlamətin in-
sanda birləşməsi onun Tanrıyla vəhdətdə olmasına işarədir.
Bu anlardan sonra Mövlananı bundan yaxşı tanıyana təəc-
cüb etməyəsiniz. Sizə tövsiyəm budur ki, onun belə gözəl
surət yaratması və yaxşı danışdığı sözlərlə qane olmayın,
bunların arxasında olan hikmətləri ondan tələb edin!
Şəms Təbrizi bu sözləri deyərkən dinləyənlərin arasında
ona ağızbüzənləri görmək elə də çətin deyildi. Buna baxma-
yaraq, Şəms Təbrizi onları Mövlana Cəlaləddinin biliklərinə
yiyələnmək üçün daha ayıq-sayıq olmağa çağırırdı. Bütün
bunlar öz yerində, sufi dinləməsinin vaxtı sona çatmışdı.
Ona görə də, alimlər və müridlər tədricən zaldan çıxıb dağı-
lışdılar. Mövlana Cəlaləddin, Şəms Təbrizi, Hüsaməddin
Çələbi, Səlahəddin Zərkub və Bahaəddin Vələd isə birlikdə
evə döndülər...
Dostları ilə paylaş: |