Elbəyi CƏLALOĞLU
96
etmənin əvəzsiz üsulundan məmnun idi. Şəms Təbrizi səma
rəqslərinin bütün mahiyyətini öyrənmişdi və hətta bu rəqs
haqqında Mövlana Cəlaləddinin yazdığı təlimi əzbər bilirdi.
Bu dəfə o, ritualda səmazənbaşı qismində iştirak edirdi.
Zikr mərasimi sona çatdıqdan sonra onlar dağılışdılar.
Lakin bu dəfə Şəms Təbrizi bir bəhanə ilə Cəlaləddingilə
yox, birbaşa öz hücrəsinə getdi. Onu orada Səlahəddin Zər-
kub gözləyirdi...
Səlahəddin Kimyaya elçi göndərdiyini və Kərra xatu-
nun bu işə müsbət davranışını Şəms Təbriziyə danışdı. Bun-
dan sonra onlar həmin məsələnin müzakirəsinə yenidən
başladılar. Bu, çox da uzun çəkmədi və onlar axşam nama-
zını qıldıqdan sonra şam yeməyinə oturdular. Aradan bir az
keçmiş qapı döyüldü. Səlahəddin yerindən durub qapıya
doğru getdi...
Həmin gün zikr mərasimindən çıxdıqdan sonra Mövla-
na Cəlaləddin evə oğlu Bahaəddinlə birlikdə gəldi. O, xanı-
mı ilə üz-üzə gələndə nədənsə onun üzündə təbəssüm qarı-
şıq qeyri-adi cizgilər hiss etdi. Bu zaman o, dönərək oğluna
baxdı və Bahaəddin atasının eyhamını hiss etdiyindən
oradan uzaqlaşdı. Bundan sonra Mövlana Cəlaləddin xanı-
mına yaxınlaşıb səmimiyyətlə, – əzizim, nəsə sözlü adama
oxşayırsan, – dedi. Kərra xatun gülümsəyərək, – xeyirdir in-
şallah, – deyərək onu əmin etdi.
– Təki xeyir olsun, buyur, söylə, – Cəlaləddin bunları
deyərkən xanımı onun sözünü kəsib, – Kimyaya elçi gəldi-
lər, – deyib, diqqətlə ona baxdı. Mövlana onun kim olduğu-
nu soruşduqda isə Kərra xatun, – dostun Şəms Kimyaya ev-
lənmək istəyir, – dedi. Mövlana bu olacağı əvvəlcədən hiss
etdiyindən bu haqda çox az düşündü və – əgər mənimlə
məsləhətləşirsənsə, Allah mübarək eləsin, əzizim, Şəms də-
yərli insandır, Kimya da ona layiqdir, – deyib sözünə bir az
ara verdi, sonra da, – yəqin ki, uşaqları da xəbərdar eləmi-
sən, amma əsas şərt sənin razılığındır, – deyə əlavə edərək,
təvazökarlıqla xanımına baxıb gülümsündü və gözünü ona
zillədi. Kərra xatun gülərək, – qızın özü də razıdır, qoy, xoş-
Eşq dənizləri qovuşanda
97
bəxt olsunlar, Allahın xeyir-duası üzərlərində olsun! – deyə
ərini əmin etdi. Bundan sonra Mövlana Cəlaləddin oğlu
Əlaəddini göndərdi ki, Səlahəddin Zərkubu onun yanına
çağırsın. Əlaəddin də atasının tapşırığına əsasən Səlahəddi-
nin sorağı ilə gəlib Şəms Təbrizinin qapısını döydü.
Qapını Səlahəddin Zərkubun özü açdı və Əlaəddini gö-
rüb, onu içəriyə dəvət etdi. Əlaəddin isə, – əmi, atam sizi
görmək istəyir, – deyib cavab gözlədi. Səlahəddin Zərkub
Şəms Təbriziyə yaxınlaşaraq yavaş səslə, – Ustad, güman
edirəm ki, bu dəvət sənin işinlə bağlıdır, – deyib, Əlaəddin-
lə birlikdə qapıdan çıxdı...
Onlar içəri daxil olanda Mövlana Cəlaləddin, Kərra xa-
tun və uşaqları yığışıb söhbət edirdilər. Otaqda təkcə Kimya
yox idi, o da yəqin ki, öz otağındaydı, onun burada olma-
masının səbəbi isə abır-həya məsələsiydi. Səlahəddin Zər-
kub hamının üzündə xoş bir əlamət göründüyünü duydu.
Bu günkü məsələ barədə qısa söhbətləşmədən sonra Səla-
həddin Zərkub elə Şəms Təbrizinin yanından durub gəldi-
yini qeyd etdi, bu zaman Mövlana Cəlaləddin zarafatla, –
bəyi niyə gətirmədiniz? – deyə soruşdu. Sonra da o, Əlaəd-
dinə tərəf dönərək, – indi zəhmət çək, bir də get, Ustadı ça-
ğır, gəlsin, – dedi. Nədənsə bu məsələni duyduqdan sonra
ovqatı təlx olan Əlaəddin Çələbi dərhal durub otaqdan çıx-
dı və çox keçmədən Şəms Təbrizi ilə birlikdə yenidən içəri-
yə daxil oldu.
Şəms Təbrizi həmişə olduğu kimi bu evdə sərbəst və
təmkinli deyildi, indi son dərəcə sakit və ehtiyatlı davranır-
dı. Lakin bir qədər sonra əyləşənlərin otaqda yaratdığı mən-
zərə onu öz Şəmsliyinə qaytardı. Aradan bir az keçmiş Hü-
saməddin Çələbi də məclisə dəvət olundu və hamı yeni iz-
divaca xeyir-dua verdi...
Razılıq əldə olunandan üç gün sonra erkəklər kəsildi,
süfrə açıldı, məclisə yaxınlar dəvət olundu, şadyanalıq edil-
di və dostların şahidliyi ilə Şəmslə Kimyaya kəbin kəsildi.
Bundan sonra Kimya xatunu Şəms Təbrizinin Şəkərfuruşan
məhəlləsində kirayələdiyi evinə köçürdülər. Bununla da, o
Elbəyi CƏLALOĞLU
98
günə qədər yaxın sirdaş, əvəzsiz əqidə və ruh dostları olan
Mövlana Cəlaləddin Rumi ilə Şəms Təbrizi həm də yaxın
qohum oldular...
Şəms Təbrizi ilə Kimya xatun yeni evlərində şən və ra-
hat yaşamağa başladılar. Şəms Təbrizi onu Haqq aşiqi, sufi
şeyxi yox, əksinə zəngin tacir hesab etsinlər deyə, kirayələ-
diyi evdən çıxdıqları zaman onun qapısına üç dinara aldığı
iri bir qıfıl asardı. Həmin qıfılın qiymətinə o zaman ailənin
bir aylıq azuqəsini almaq olardı...
Eşq dənizləri qovuşanda
99
X I I F Ə S İ L
Şəms Təbrizinin qısqanclığı
Kimya gəlin gələndən sonra Şəms Təbrizi üç gün məd-
rəsəyə getmədi, bu vaxtlarda onu Mövlana Cəlaləddin Ru-
mi əvəz edirdi. O, gah özünün, gah da Şəms Təbrizinin mü-
ridləriylə məşğul olur, mütəmadi dərslərini keçir, söhbətlə-
rini edirdi. Bu hal Şəms Təbrizinin müridləri üçün o qədər
də fərq etmirdi, çünki hər iki dahi eyni əqidəyə, eyni ruha
köklənmişdi...
Beləcə, günlər bir-birini əvəz edirdi. Şəms Təbrizi artıq
mədrəsəyə gəlməkdə davam edir, vaxtı-vaxtında müridləri-
ni, pərəstişkarlarını başına toplayır, dərslərini keçirdi. O,
son zamanlar daha fəal görünürdü ki, bu da ətrafdakıların
gözündən qaçmırdı. Mövlana Cəlaləddin Rumi müridlərlə
söhbətlərini başa vurduqdan sonra yenə də Şəms Təbrizi ilə
bir hücrəyə çəkilməkdə davam edir, saatlarla onu dinləyir,
onun hikmətli kəlmələrini, adamın iliyinə işləyən dərin
söhbətlərini özünə əxz edirdi. O, bütün bunlarla kifayətlən-
məyərək, Şəms Təbrizinin mədrəsə dinləmələrinə də gedir-
di. İndi belə dərslərdən biri idi. Bu söhbətlərə müridlərlə ya-
naşı müxtəlif millətlərdən və cəmiyyətlərdən olan bir çox
alimlər də üz tutmuşdu. Şəms Təbrizi yenə həmişəki kimi
salqarlı, gözəl tələffüzlə və dolğun danışırdı:
– Hər bir dil və hər bir millət Allahın hikmətidir, lakin
bunların fövqündə duran daha bir dil mövcuddur, bu, ru-
hun dilidir.
İndi bəşəriyyət kisrət
1
halındadır. Biz bu pərakəndəlik-
1
Kisrət – pərakəndəlik, müxtəliflik
Dostları ilə paylaş: |