Eşq dənizləri qovuşanda
93
X I F Ə S İ L
İzdivac
Səhər açılmışdı. Hər kəs öz işində-gücündə idi. Səlahəd-
din Zərkub hücrəsindən çıxıb fikirli-fikirli evin dörd yanın-
da gəzişirdi. O, qərara gələ bilmirdi ki, sözünü Mövlana Cə-
laləddinə nə cür desin. Fikrindən əvvəlcə Kərra xatunla da-
nışmaq da keçdi, lakin bu fikri də nəsə ona cəfəng görsənir-
di. Sonra da, – bəlkə Kimya xatunun özü ilə danışım? – de-
yə Səlahəddin özü özündən soruşdu. Çeşidli düşüncələr
onu rahat buraxmırdı. İndi Səlahəddin Zərkub dünən ax-
şam Şəms Təbrizi ilə etdiyi söhbətləri bir daha yadına salır,
onları götür-qoy edirdi...
Onlar dünən mədrəsədən qayıtdıqdan sonra Şəms Təb-
rizi Səlahəddinə şəhəri onunla birgə seyr etmək istədiyini
bildirmişdi. Səlahəddin Zərkub isə heç fikirləşmədən iki at
gətirdi və onlar at belində bir neçə saatlıq gəzintiyə çıxdılar.
Şəhəri bir qədər dolaşdıqdan sonra Məram bağlarına üz tut-
dular.
Meşələrlə əhatə olunmuş Məram bağlarının füsünkar
gözəlliyi zövq oxşayırdı. Şam, söyüd, alma, armud, üzüm,
ceviz və digər ağaclar bağda xüsusi bir bəstə yaratmışdı.
Meyvə agaclarının budaqlarında düyünlənmiş göy meyvə-
lər diqqət çəkirdi. Yaşıllaşıb sıxlaşmış itburnu və böyürtkən
kolları da orda-burda nəzərə çarpırdı. Səs-səsə verib ötüşən
quşlar ağacların zıvıllığında görünmürdülər, arabir qumru
quşlarının, sarıköynəklərin pırıldayıb bu ağacdan o ağaca
şütüməsi istər-istəməz diqqət çəkirdi, lakin onlar yenə də
yarpaqların arasında gözdən itirdilər. Bağın bir tərəfi ilə
axan Məram çayının şırıltısı ilahi bir nəğmə kimi səslənirdi.
Elbəyi CƏLALOĞLU
94
Burada – elə bu gözəlliklərin qoynunda Səlahəddin hər iki
atı çəkib, uzun irəşmə ilə hərəsini bir şam ağacına hörüklə-
di. Atlar çəmənliyə qənim kəsilibmiş kimi gömgöy otları
dişləriylə biçirdilər. Şəms Təbrizi ilə Səlahəddin Zərkub ot-
ları tapdalayaraq, kəpənəklərin al-əlvan çiçəklərlə oynama-
sına mane ola-ola xırda addımlarla, əlləri bellərində tələs-
mədən atlardan bir qədər uzaqlaşdılar. Şəms Təbrizi elə bu-
radaca – bu füsünkar gözəlliklərin qoynunda sirrini dostu-
na açdı və Kimya ilə evlənmək istəyinin münasibətlərə necə
təsir edəcəyini onunla müzakirə etməyə başladı. Səlahəddin
Zərkub bir az düşündükdən sonra öz fikrini ona belə izah
etdi: “Birincisi, Kimyanın evlənmək vaxtı çatıb, ikincisi,
Mövlana Cəlaləddin səni həm əqidə və can dostu, həm də
mürşidi kimi çox sevir, hətta sənə öz doğması kimi münasi-
bət bəsləyir. Üçüncüsü isə burada elə də bir dolaşıqlıq gör-
mürəm, bir qız bir oğlanındır, yaş fərqinizin çox olmasına
baxmayaraq Kimya razıdırsa, buna nə söz, o da ev-eşik yi-
yəsi olar”. Səlahəddin Zərkub özlüyündə onu da düşündü
ki, bu izdivac Şəms Təbrizini Konyada saxlamaq üçün də
münasib dəlildir və buna görə də Mövlana Cəlaləddin nəin-
ki etiraz etməz, hətta o, bundan xoşlanar da. Lakin Səlahəd-
din bu fikrini Şəms Təbriziyə demədi, desəydi bu ağ olardı.
Bütün bu söhbətlərdən sonra Şəms Təbrizi bu öhdəliyi dos-
tuna həvalə etdi və israrla onu da dedi ki, bu iş baş tutmaz-
sa biabırçılıq olar, bundan sonra o, Konyada bir an belə qala
bilməz. Səlahəddin Zərkub isə bir az düşündükdən sonra
sakit tərzdə ona ürək-dirək verərək, – narahat olma, Ustad,
inşallah hər şey yerini alar, – dedi...
Səlahəddin Fəridun Zərkub Mövlana Cəlaləddinlə çox
yaxın dost idi, onların bir-birindən ayrı sirləri də olmazdı.
Səlahəddinin savadı zəif olsa da, o, fitri istedada malik idi.
Şəms Təbrizi Konyadan ayrılıb Şama gedəndən sonra Möv-
lananın keçirdiyi ruhi sıxıntılar vaxtı onu öz mətanət və
təmkini ilə sakitləşdirməyə nail olan da Səlahəddin olmuş-
du. Onda Səlahəddin, Mövlana Cəlaləddini təlatümlü böh-
randan, burulğandan qurtarmışdı, mətanət aləmindən, təm-
Eşq dənizləri qovuşanda
95
kin dünyasından ona söhbət açmışdı və bütün uğurların kö-
künün səbirdə olduğunu ona bir daha xatırlatmışdı. Onun
bu təsirindən sonra Mövlana Cəlaləddin özünü ələ ala bil-
mişdi. Özündə xeyli təmkin tapan Mövlana, eləcə də hər şe-
yin kökünü araşdırıb, mahiyyətinə varmış, onun daxilini
görməyə yenidən can atmışdı. Bununla yanaşı Səlahəddin
həm də Mövlana Cəlaləddinin müridi idi. O, mürşidindən
çox şey öyrənmişdi, öyrənməkdə də davam edirdi. İndi isə
onlar bu qədər yaxın olsalar da Səlahəddin bu sözü əvvəlcə
ona yox, məhz Kərra xatuna demək, onunla məsləhətləşmək
istəyirdi. Ona görə də, Səlahəddin bu qərara gəldi ki, bu
məsələni Hüsaməddin Çələbinin arvadı Fatma xatunun va-
sitəsilə Kərra xatuna çatdırsın. Deməli o, əvvəlcə Hüsaməd-
dinlə danışmalı idi. Səlahəddin elə bu məqsədlə dostunun
yanına yollandı...
Fatma xatun gələndə Kərra xatun cəhrədə yun əyirirdi.
Bu xanım özü düzəltdiyi iplərdən cürbəcür geymələr və co-
rab hörməyi sevərdi. Bu, onun çox sevdiyi məşğuliyyəti idi.
Kərra xatun Fatma xatunu görcək işini dayandırıb ona
tərəf döndü və – Fatma bacı, xoş gəldin! – deyərək qonağı
salamladı.
Fatma xatun bu evə tez-tez gələrdi, lakin budəfəki gəli-
şinin məqsədli olduğunu Kərra xatun onun üzünün cizgilə-
rindən və baxışından hiss etmişdi. Fatma xatun məsələnin
başını açdıqdan sonra Kərra xatun bir qədər fikrə getdi.
Onun ürəyində bu işə razı olduğu üz-gözündən oxunsa da
elüzəri, – ailədə məsləhətləşib bir söz deyərik, – söylədi.
Fatma xatun isə ona, – Kərra bacı, biz sizinlə birailəli, birevli
kimiyik, səni özümə bacı bilirəmsə, Kimyanı da öz balam
kimi qəbul edirəm, ona görə də, bu izdivac baş tutarsa, mə-
nim də ürəyimcə olar, hətta Hüsaməddinlə Səlahəddin qar-
daş da bu işə razıdırlar, – dedi...
Həmin gün Mövlana Cəlaləddin səma rəqsləri təşkil et-
mişdi. Onun dərslərində olduğu kimi burada da qeyri mil-
lətlərdən və dinlərdən olanlar az deyildi. Şəms Təbrizi bu
ritualın iştirakçısı idi. O, Mövlananın yeni əqidəsindən, zikr
Dostları ilə paylaş: |