Eşq dənizləri qovuşanda
87
– Mənim bayaqkı cavabım sənin bu sualına da yetərli-
dir. Lakin, sizin Şəms Təbrizi haqqında etdiyiniz xoşagəl-
məz və ədalətsiz çıxarış onu sevməməyinizdən irəli gəlir.
Əgər onu sevmiş olsaydınız, bu zaman onun varlığında qəl-
binizə yatmayan bir məziyyət, xoşunuza gəlməyən bir hal
görməzdiniz. Nəyəsə, kiməsə sevgin varsa, bu məhəbbət sə-
ni kar və kor edər. Bu karlıq və korluq sevdiyin insanın
umulmayan tərəflərinə olan görməzlik və eşitməzlikdir. Si-
zin Şəmsdə nöqsan axtarmağınız onu sevməməyinizdən irə-
li gəlir. Dünyada bir-birinə bitişik olan acı və şirin iki dəniz
var, lakin aralarında bir pərdə var ki, onları bir-birinə qarış-
mağa qoymaz. Bu hikmət təkcə dənizlərə yox, hər bir xırda
hisslərə belə dəlalət edir, xeyirlə şər, yaxşılıqla pislik, saflıq-
la murdarlıq bir-birinə qarışa bilməz. Görmürsünüzmü, şəf-
qətli bir ana sevimli balasının heç nəyindən iyrənməz və çə-
kinməz. O, körpəsinin batırdığı əskini belə sevgiylə yuyub
təmizləyər.
Bir gün Ayişə Peyğəmbərə dedi ki, ey Tanrının Rəsulu,
sən ya aşikar, ya da gizli harada gəldi namaz qılırsan, hal-
buki evdə pis adamlar da dolaşırlar, uşaqlarsa haraya gedir-
lərsə oranı pisləyir, murdarlayırlar. Peyğəmbər ona belə ca-
vab verdi: “Bunu bil, Tanrı böyüklərə pis şeyləri təmiz et-
mişdir. Haqqın lütfü bu üzdən səcdəgahımı göyün yeddinci
qatına qədər arıtdı”, – Mövlananın cavabından sonra heç
kəsdən səs çıxmadı. Onun isə bu suallardan qıcıqlandığını
üzünün cizgilərindən və baxışlarından sezmək elə də çətin
deyildi. Mövlana Cəlaləddin elə bu görkəmlə, həmin coş-
quyla də yenidən dilləndi:
– Gərək hər kəs öz işiylə məşğul olsun, bildiyi şeydən
danışsın, qərəzli sual verməsin! Zərgərin aləti ayaqqabıçının
əlində quma əkilmiş toxuma dönər. Cütçünün yanında
ayaqqabıçının aləti köpəyin qarşısında saman, eşşəyin qarşı-
sında sümük kimidir. Əbədi nur alçaq dünyanın arxasında
olduğu kimi, saf süd də qan çaylarının ardındadır. Oraya
ixtiyarsız bir addım atsan südün qarışar, qan halına gələr.
Minlərlə loxma arasında ağıza kiçicik bir zibil girdimi, diri
Elbəyi CƏLALOĞLU
88
adamın hissi onu duyar, sezər. Dünya hissi bu dünyanın
nərdivanıdır, din hissi də göylərin nərdivanı. Bu hissin sağ-
lamlığını təbibdən istəyin, o hissin sağlamlığını Həbibdən –
Həzrəti Məhəmməd Mustafadan, – Mövlana üzünə salavat
çevirdikdən sonra söhbətinə davam etdi, – bu hissin sağ-
lamlığı bədənin möhkəmliyindəndir, o hissin sağlamlığı bə-
dəni xarab etməklə, Allah yolunda xərcləməklədir. Can yo-
lu mütləq cismi viran edər, onu yıxdıqdan sonra da yenidən
düzəldər. Nə xoşbəxtdir və nə müqəddəsdir o can ki, məna
eşqiylə evini, eşiyini, mülkünü, malını bağışlamışdır, əsl qı-
zıl xəzinəsi üçün evini xaraba qoymuşdur. Lakin o, mənəvi
qızıl xəzinəsini əldə etdikdən sonra evini daha xoş bir hala
gətirmişdir. İşıq pərvanəyə baxıb özünü məhv etməz, lakin
pərvanə nura qovuşmaq üçün canından keçər. Zatən dün-
yada Günəş kimi misli tapılmaz bir şey yoxdur. Əbədi olan
can günəşi elə bir günəşdir ki, əsla qürub etməz. Əslində
kölgə də Günəşin varlığından bir nişan verir, lakin əsl gü-
nəş hər an can nuru bəxş edər. Günəş əslində çöldə təkdir,
lakin onun mislini təsvir etmək mümkündür. Günəşin varlı-
ğına dəlil yenə günəşdir. Sənə dəlil lazımsa Günəşdən üz
çevirmə. Bax, Şəmsəddin Təbrizi də həmin günəş kimidir.
Mənim səsim onun səsidir. Ayın üzündə nöqsan axtarmaq
cənnətdə tikan toplamağa bənzəyir. Şəms həm də qəlbində
Allah sevdası, düşüncəsində Tanrı eşqi olan bir şairdir,
vəlidir. Peyğəmbər, – məndən sonra şairlər gəlir, –
söyləmişdir. Ona görə də, Mürşidi-kamilə qarşı çıxmaq
bunun yüz qat artığı ilə Allah cəzasına düçar olmaq demək-
dir, – Mövlana Cəlaləddin axırıncı cümləni deyərkən üzünü
bayaq sual verən müridinə tutdu. O, davam edirdi, – dayaz
dərrakəylə söz söyləmək qabiliyyəti insanın ayıbını açar,
qeyb pərdələrini yırtar. Ona görə də, atını sürətlə çapma,
yüyəni çək, sirlərinin gizli qalması daha yaxşıdır.
Eşq zahirdə tapılacaq bir şey deyil, o, daxildən gəlir.
Bunun üçün də, məqsədimiz içimizdə bizi eşqdən sapdıran
ünsürləri aradan qaldırmaq olmalıdır. Eşqə çatmaq üçün sa-
dəliyi üstün tutub, təkəbbürü zərərsizləşdirmək gərəkdir.
Eşq dənizləri qovuşanda
89
Özündən əvvəlkinə qibtə et, özündən sonrakını sev! Mən
kəlmələri baldan dadlı olan Rumun öndəriyəm, lakin belə
danışdığım zaman Fəridəddin Əttarın xidmətçisi olduğumu
düşünürəm. Çünki biz eşq küçəsinin başlanğıcına təzə çat-
mışdıq ki, Əttar o zaman ulu eşqin yeddi şəhərini dolaşmış-
dı. Fəridəddin Əttar bir ruhdur, Sənai onun iki gözüdür və
mən də bu yolun davamçısıyam.
Mövlana Cəlaləddin Rumi bu cümləni sona çatdırana
yaxın qapı açıldı və üç nəfər cavan oğlanla Şəms Təbrizi
davanbasaraq içəriyə daxil oldular. Şəms Təbrizi ilə qapının
arxasında həmsöhbət olmuş bu üç gənc Mövlanaya ondan
dərs almaq niyyətində olduqlarını bildirdilər. Mövlana Cə-
laləddin isə onları sınaqdan keçirmək səlahiyyətini Səlahəd-
din Zərkuba tapşırdı. Bundan sonra Şəms Təbrizi Mövlana-
dan dərsini davam etdirməsini xahiş etdi. Mövlana Cəlaləd-
din isə elə səsinin bayaqkı avazı və ahəngi ilə, bir az da
mürşidindən ilhamlanmış kimi bu nəsihatəmiz sözləri de-
məyə başladı:
– Şəfqət və mərhəmətdə Günəş kimi ol! Dözümlülükdə
dəniz kimi ol! Təvazökarlıq və sadəlikdə torpaq kimi ol! Sə-
mimiyyət və xeyirxahlıqda axar su kimi ol! Başqalarının qü-
surunu örtməkdə zülmət gecə kimi ol! Hiddət və əsəbilik
anında ölü kimi ol! Əgər bunları bacarmırsansa çəkil, get!
Əksinə, bacarırsansa, kim olursansa ol, gəl! Ya göründüyün
kimi ol, ya olduğun kimi görün! Hər kimsənsə – yəhudisən,
atəşpərəstsən, bütpərəstsən, xaçpərəstsən, müsəlmansan əs-
la fərq etməz, gəl! Lap tövbəni yüz dəfə pozmuş olsan belə,
yenə də gəl! Çünki bizim qapımız ümid qapısıdır. İnsanı in-
san olduğuna görə sev! Eyni dildə danışanlar yox, eyni duy-
ğunu daşıyanlar bir-birini daha erkən və daha artıq anlayar.
Nə qədər eyni dildə danışan türk və hindli varsa, o qədər
də bir-birinə yad kimi olan türk var. Deməli, məhrəmliyin
dili tamam başqa dildir. Ürək birliyi dil birliyindən daha üs-
tündür, ruhun dili bütün dillərdən gözəldir! – Mövlana bu
dağ çayı kimi coşqun və həm də duru söhbətilə müridlərin
diqqətini özünə elə bağlamışdı ki, hətta onları yandan-
Dostları ilə paylaş: |