28
transplantasiya üçün əmtəə kimi istifadə edilir. Respublika Hərbi Əsirlər, Girov və İtkin
Düşənlər üzrə Dövlət Komissiyasının məlumatına görə, Qarabağ münaqişəsi nəticəsində
4928 nəfər itkin düşmüşdür. Onların 56-sı uşaq, 327-si qadın, 364-ü yaşlıdır. 1988-ci ildən
bəri əsirlikdən azad edilənlər 1330 nəfərdir və qeyd etməliyik ki, onların hamısı kişilərdir.
PFP-in «Qadınlar və hərbi münaqişələr»ə həsr olunmuş 131-149-cu maddələri bu işdə
müəyyən rol oynamışdır. 1998-ci il mayın 18-dən 20-dək Bakıda «Qadın hüquqları-İnsan
hüquqlarıdır. Qadınlar və hərbi münaqişə» mövzusunda Beynəlxalq Konfransı
keçirilmişdir. Konfransı BMT İP, YUNİFEM, UNHCR və Azərbaycan hökuməti birgə təşkil
etmişdilər.Tədbirə dünyanın 13 ölkəsindən çoxlu nümayəndələr dəvət olunmuşdu.
Qarabağ münaqişəsinin əsas tərəflərindən biri olan Ermənistan Respublikasının
nümayəndələri də iştirakçılar arasında idi. Konfrans iştirakçıları PFP üç prinsipinin
nəzərdən keçirilməsinin vacibliyi haqda razılığa gəlmişdilər: - dinc quruculuqda və hərbi
münaqişələrin həll olunmasında qadınların rolu; - qadınlara qarşı zorakılıq; - qadınların
hüquqları insan hüquqları kimi, o cümlədən qaçqınların və məcburi köçkünlərin doğma
yurd-yuvalarına qaytarılması və həlli uzun müddət tələb edən digər məsələlər. Bu
məsələlər, konfrans iştirakçıları olan 13 ölkədə yaranmış vəziyyətlə əlaqədar olaraq,
müvafiq və aktual hesab edilmişdir. İştirakçılar bu məsələləri öz milli hökumətlərinin və
ictimayətlərinin nəzərlərinə çatıracaqlarına söz vermişlər. İştirakçılar həmçinin BMT-nin
köməyi ilə subregional və regional əlaqə sistemin yaradılması məsələsində konsensusa
nail olmuşlar. Subregional konfransın məqsədləri: - ailədə, cəmiyyətdə, milli və beynəlxalq
səviyyədə qadınlara qarşı zorakılığın qarşısının alınması və ləğv edilməsi işində əldə
olunmuş effektif təcrübə mübadiləsi; - əməkdaşlıq məqsədi ilə və regional dialoqların
aparılması üçün forumun yaradılması; - gələcək fəaliyyətdə konsensusa nail olunması.
Bakı Bəyannaməsinin yekun nəticəsi strategiya və mexanizmi müəyyən edən
konkret fəaliyyət proqramı oldu. Bu sənədlər milli və regional səviyyələrdə hazırlanmışdı.
BMT «Zorakılıqla mübarizə və sabit sülh quruculuğu üçün qadınların rolunun
gücləndirilməsi üzrə əməkdaşlıq sistemi» adlı uzunmüddətli proqramın həyata
keçirilməsinə kömək göstərəcəyinə razılıq verdi. Göstərilən əməkdaşlıq proqramının
məqsədləri bunlardır: - Hərbi konfliktlərin qarşısının alınmasında və regionda sülhün
bərqərar olması prosesində qadınların rolunun möhkəmləndirilməsi; - Qadınlara qarşı
zorakılığın qarşısının alınması və ləğv olunması üçün tədbirlərin hazırlanması; -
Qadınların, o cümlədən qaçqınların və məcburi köçkünlərin hüquqlarının qorunması.
Bakı konfransında girovlar haqda da məsələ qaldırılmış, 330-dək qadının və 60-dək
uşağın taleyi diqqət mərkəzində olmuşdur. «Azərbaycan qadınlarının Bakı Assosiasiyası»
qeyri-dövlət təşkilatı BMT-nin İnsan hüquqları üzrə Ali Kommisarlığının Cenevrə ofisində
bu məsələ ilə əlaqədar olaraq çıxış edmişdir. Qeyd olunan problemlə əlaqədar olaraq
münaqişə dövrü ərzində qaçqınların və məcburi köçkünlərin məsələləri ilə bağlı 100-dən
çox hüquqi sənəd qəbul edilmişdir.
1994-cü ilin mayında atəşkəs elan olunmuşdur. Sülh müqaviləsinə dəfələrlə cəhd
edilsə hələ də konkret nəticə yoxdur. Münaqişə tərəflərinin, beynəlxalq təşkilatların da
müdaxiləsi olmaqla, həm dövlət, həm də qeyri dövlət strukturları səviyyəsində keçirtdikləri
saysız görüşlərdən hələ ki, heç bir irəliləyişə nail olunmamışdır. Torpaqların işğalı ilə bütün
insani hüquqları pozulmuş əhalinin əsas həssas qrupu olan qadınların münaqişədə
zorlama, cinsi təzyiq, məcburi hamiləlik, döymə, təhqir etmə hallarını xüsusi qeyd
etməliyik. Məhz PFP-nın 116-cı maddəsi bu kimi hallara qarşı çıxış edir. 1995-ci ildə BMT-
nin 39-cu sessiyasında BMT Baş Katibinin üzərinə qoyulan qadınların azad edilməsi
məsələsini Pekin Konfransında öhdəlik kimi üzərinə götürən Qətnamə hələ də icra
olunmamışdır və Post-Pekin dövründə onun müddəti dörd dəfə uzadılmışdır (40, 41, 42,
43, 44-cü sessiyalarda). 1998-ci ildə respublika Nazirlər Kabinetinin qaçqınlar, məcburi
köçkünlər və əhalinin miqrasiya şöbəsi tərəfindən respublikanın bütün rayonlarını əhatə
edən xüsusi sorğu keçirilmişdir. Bu sorğu nəticəsində qaçqın və məcburi köçkün qadınların
29
təhsili, məşğulluğu, sağlamlığı və yaş göstəriciləri təhlil olunmuşdur. Bu məlumatlara görə
qaçqın və məcburi köçkün qadınların məşğulluğu müxtəlif rayonlar üzrə müxtəlif şəkildə
paylanmaqla 30% olmuşdur və onların arasında kənd yerləri çoxluq təşkil edir. Bu
qadınların 16,4%-i müəllim, 12,35-i tibb işçisi, 7,6%-i mədəniyyət işçisi, 41,1%-i kənd
təsərrüfat işçiləri, 15,6%-i isə digərləridir. Ümumilikdə götürdükdə isə qaçqın və məcburi
köçkünlərin 419171 nə fəri qadındır ki, bunun da 120265 nəfəri 28,7%-i qaçqın, 298906
nəfəri 71,3%-i köçkündür .
1998-ci ildə qaçqınların və məcburi köçkünlərin problemlərinin həlli üzrə dövlət
proqramı qəbul edilmişdir. Bu proqramdan irəli gələn vəzifələri yerinə yetirmək beynəlxalq
humanitar təşkilatların, dünya dövlətlərinin köməyi və iştirakı olmadan həyata keçirmək
mümkün deyildir. Beynəlxalq qurumların qaçqın və məcburi köçkün ailələrinə, o cümlədən,
ilk növbədə – tənha və ailə başçısı olan qadınlara, yardım və kömək sahəsində
respublikada geniş fəaliyyət göstərilir. Qaçqın və məcburi köçkün qadınların milli tərkibi
belədir: 399058 azərbaycanlı, 375 rus, 1902 kürd, 17677 türk, 159 nəfər isə digər
millətlərin nümayəndəsi. Qaçqın və məcburi köçkün qadınların 15878-i ali, 19384-ü orta
ixtisas, 85123-ü orta, 45397-i natamam orta, 75065-i ibtidai, 58059 nə-fəri isə başqa
təhsilə malikdir. Statistika da göstərir ki, onların inkişaf potensialı yüksəkdir.
Yaş tərkibinə görə: 6 yaşına qədər 40597 nəfər; 7-17 yaş arası 73632 nəfər; 18-49
yaş arası 121619 nəfər; 50 və ondan yuxarı 63060 nəfərdir. Ailə tərkibinə görə: 29484-ü
çoxuşaqlı ana; 4253-ü şəhid anası; 16948-i ailə başçısı olan qadın; 3595-i tənha qadın;
114229-u qız uşağıdır.
Rəqəmlər aydın göstərir ki, hərbi münaqişə nəticəsində zorakılığa məruz qalma bu
qadınların şəxsi həyat tərzini də köklü dəyişmişdir. Pekin Platformasının 210-233-ci
maddələrində qeyd olunan «Qadınların insan hüquqları» müddəasında olan əsas
hüquqlardan – yaşayış yerindən, iş yerlərindən, təhsil almaqdan, dinc ailə münasibəti
qurmaqdan, ən əsası insan kimi inkişafdan məhrum etmişdir. Əhalinin bu hissəsinin daha
çox qayğı və müdafiəyə ehtiyajı vardır. Bu qadınların ümumi sayının böyük hissəsi özü ailə
başçısı olan, tənha, kimsəsiz şəxslərdir.
Reallıq göstərir ki, qaçqın və məcburi köçkün qadınların böyük bir hissəsi yoxsulluq
və işsizliklə mübarizə apararaq normal həyat tərzini, çətinliklə də olsa yaşamaq uğrunda
mübarizədə öz əsil peşəsini, sənətini, savadını, qadına uyğun qabiliyyətini itirmiş xəstə,
cavan ikən qocalmış, gücsüz və ağır psixoloji gərginlik vəziyyətindədir. Onların içərisində
olan gənc qızlar isə xüsusən firavan həyat tərzindən məhrum olub, sosial bəlalar,
məhrumiyyətlərlə üzləşir və PFP-nın 259-285-ci maddələrində göstərilən «Qız
uşaqları»nın vəzifə və hüquqlarından məhrumdurlar. Onların əksəriyyətinin təhsilə, tibbi
xidmətə, qidaya, geyimə və informasiyaya ehtiyajı vardır.
Lakin buradaca qeyd edək ki, bu qadın və qızlar dövlətin sülh məramlı gedişlərinə
böyük ümidlə yanaşaraq, öz doğma torpaqlarına qayıdacaqları günü gözləyirlər.
Qadınlara qarşı zorakılıq. Pekin Bəyannaməsinin 113-cü bəndində deyilir: «Qadınlara
qarşı zorakılıq termini qadının fiziki, cinsi və psixoloji sağlamlığına ziyan, əzab-əziyyət
gətirən cinsi əlamət əsasında hər cür zorakılıq aktı deməkdir».
Bu həqiqətdir ki, tarixən Azərbaycanda mənəvi, adətlərə görə qadın xüsusi hörmət
sahibi olmuş, ailənin namusu hesab edilmişdir. Qadın, o cümlədən də, əsasən qızlar
xüsusi olaraq kişi cinsi tərəfindən himayə olunub qorunmuşdur. Təbii ki, nəinki cəmiyyətdə,
həm də ailədə müəyyən zorakılıq nümunələrinə daima rast gəlinmişdir. Son illərin
dəyişiklikləri ailə-cəmiyyət zəminində bütün cinsləri obyektiv və subyektiv səbəblər
üzündən zorakılığa məruz qoymuşdur. Respublikanın müstəqillik qazandıqdan sonra
üzləşdiyi çoxsaylı problemlərin təzahürü daha çox ağırlığı qadınların çiyninə qoymuşdur.
Müharibədə çoxlu sayda kişi itkisi, ölümü kütləvi surətdə zorakılıq əlaməti yaratmış, insan
bir insan olaraq bütün həyat vasitələrindən məhrum olunmuş, tarixi adət-ənənələrə
söykənən vərdişlər zərif qadını bərkitmiş, belə deyək ki, «kişiləşdirmiş» dir. Ən yaxını və