26
göstəricisi qadınlarda daha yüksəkdir, lakin onların nisbətən aşağı təhsil səviyyəsi və ÜDM
göstəricisi ümumi insan inkişafı indeksinin qadınlar üçün daha aşağı səviyyəsini şərtləndirir.
Azərbaycanın qenderlə bağlı İnkişaf İndeksi (Gİİ) 0,715- dir. Bu kimi nəticələr göstərir ki,
insan inkişafı prosesində kişilərin və qadınların bərabərliyinə nail olmaq üçün qadınların
iqtisadi və yüksək keyfiyyətli təhsil almaq imkanlarını genişləndirmək istiqamətində işlər
görülməlidir. Respublikada Qadın Problemləri üzrə Qadın Komitəsi və 50- dək qadın QHT-
ləri fəaliyyət göstərir. Qadınların sürətlə təşkilatlanmasının obyektiv səbəbi ilk növbədə
əsasən qeyd etdiyimiz statistik göstəricilərdirsə, subyektiv səbəbi onların da proses və
hadisələrdə müstəqil iştirak etməsidir. Ölkənin ictimai- siyasi həyatında daha çox kişilərin
fəallıq göstərməsi, qadınların isə passivliyi də bir sıra amillərlə bağlıdır. Əsas səbəb kimi
maddi iqtisadi durumun ən çox qadınların çiyninə düşməsi (ailə başçısı rolu-həm ata, həm
ana olması), sosial təhlükəsizliyin zəifliyi, milli mentalitet baxımı prizmasından hələ də
«siyasətçi qadın» obrazının özünə həyatda tam status qazanmaması, ağır ev işləri və s. kimi
çoxsaylı təzadların təzahürüdür. Məhkəmə sistemi baxmayaraq ki, rəhbəri qadındır, say
hesabı ilə hələ də kişilərin ixtiyarındadır. Sorğulara əsasən 100 kişi hakimdən 18 nəfəri
qadın, 100 kişi vəkil müqabilində 21- i qadındır. Polisdə işləyənlərin cəmi 2%- i qadındır.
Beləliklə, onu da qeyd edək ki, demokratiya fərdi azadlığı və qanun qarşısında hamının
bərabərliyini nəzərdə tutur. Cəmiyyət qender simmetriyasına doğru tənzimlənməlidir. XXI əsr
qender disbalansının formalaşması istiqamətində sürət götürməlidir. 1994-cü ildən
qadınların IV Ümumdünya Konfransına hazırlıq məqsədilə, dövlət strukturları və QHT- in
qadın nümayəndələrindən ibarət Qadınların Milli Hazırlıq Komitəsi yaradıldı. Bu Komitə həm
beynəlxalq aləmdə, həm də respublikada müxtəlif səpgili qadın məsələlərinə həsr olunmuş
seminar, treninq, sərgi və dəyirmi masa ətrafında müzakirələr keçirilir. Onlar Pekin
Konfransından əvvəl keçirilmiş Cakarta, Nyu- York, Minsk və Ankara konfranslarının da fəal
iştirakçısı olmuşdu. Respublikada qəbul olunan qərar və qanunlar, əksər vaxt qender
siyasətini özlərində ehtiva etmədiyi üçün, müəyyən boşluqlar vardır. Bu da həqiqətdir ki,
Konstitusiyada təsbit olunmuş bərabər hüquqlar real bərabər imkanlar olmaması üzündən
gerçəkləşmir. PFP- da müəyyənləşdirilmiş on iki problem-istiqamətlər Azərbaycanda
fəaliyyətdə olan qadın, qender və insan hüquqları təşkilatlatlarının da strategiyası kimi qəbul
olunmuşdur. 1998- ci il yanvarın 14- də Respublika Prezidentinin «Azərbaycanda qadınların
rolunun artırılması haqqında» Respublika Prezidentinin sərəncamına əsasən Qadın
Problemləri üzrə Dövlət Komitəsi yaradıldı. Nazirlər Kabinetinə tapşırıldı ki, ölkənin siyasi,
iqtisadi, mədəni həyatında qadınların rolunu artırmaq məqsədilə müvafiq təkliflər işləyib
hazırlasın. 1998- ci ilin sentyabr ayında müstəqil Azərbaycan Respublikasının ilk dəfə
Respublika qadınlarının I qurultayı oldu. II qarultayı isə 2003-cü ilin sentyabrın keçirildi.
Qarabağ münaqişəsi qender müstəvisində. Müstəqilliyinin ikinci onilliyini yaşayan
Azərbaycan, bu illərdə Ermənistanın hərbi təcavüzünə məruz qalmış, ərazisinin 20%- ni
itirmiş, işğal zonasına çevrilmişdir, onun 1 milyondan çox qaçqını və məcburi köçkünü
vardır. Azərbaycan qadınları 1988-91-ci illər müstəqillik uğrunda gedən milli azadlıq
hərəkatının əsas hərəkətverici qüvvələrindən olmuşdur. Bütün hadisə və proseslərdə
kişilərlə bərabər qadınlar da yaxından iştirak etmişlər. 1990- cı il 20 yanvarda Bakıda və
respublikanın digər ərazilərində sovet qoşunlarının törətdiyi qanlı faciənin qurbanları
sırasında yaşlı, gənc, ziyalı, alim qadınlar, hətta məktəbli qız uşaqları da var idi. Qarabağ
münaqişəsinin qurbanları olmuş jurnalist, həkim qadınlarımız qəhrəmanlıq rəmzinə
çevrilmişlər. Qaçqın və məcburi köçkünlər arasında qadınlar çoxluq təşkil edir. Bunun
obyektiv səbəbi isə müharibənin nəticəsində ailə başçısını, oğlunu, qardaşını, atasını, ərini
itirmiş qadın və qızların olması və həyatın bütün ağırlığının onların üzərinə düşməsi
olmuşdur.
Azərbaycanda insanların öz ərazisinin bir yerindən digərinə qaçqın və məcburi
köçkün kimi köçüb məskunlaşması probleminin tarixi-siyasi kökləri vardır. Bu hələ 1828-
1830-cu illərdə Rus imperiyasının apardığı müstəmləkəçilik siyasəti nəticəsində
27
ermənilərin bir hissəsinin İrandan Azərbaycanın Dağlıq Qarabağ ərazisinə köçürülməsi ilə
başlamışdı. Köçürülən ermənilərlə yerli azərbaycanlılar arasındakı münaqişənin kökləri o
dövrdə alovlanmış, bu günə qədər də davam etməkdədir. 1905-07-ci və 1918-20-ci illərdə
də erməni təxribatçılarının Azərbaycanın Bakı və Şamaxı şəhərlərində törətdiyi qanlı
qırğınlar azərbaycan tarixinin ağrılı səhifələridir. 1948-1953-cü illərdə Ermənistandan,
tarixən həmin ərazilərdə kök salmış, 100 mindən çox azərbaycanlı zorakılıqla qovulmuş,
Azərbaycanda məskunlaşmalı olmuşdur. 1988-89-cu illərdə SSRİ dövründə yenə
Ermənistanda yaşayan 230 min azərbaycanlı həmin respublikadan zorla, ağır işgəncələrə
məruz qalaraq qovuldular. 1990-cı ildə Orta Asiya və Qazaxıstandan, milli münaqişə
nəticəsində, didərgin düşmüş 50 minədək axısxa (mesheti ) türkü də Azərbaycana pənah
gətirdi. 1992-ci il 26 fevral Xocalı faciəsi zamanı bütov bir şəhər yerlə yeksan edilmiş, 613
nəfər dinc əhali, o cümlədən 63 uşaq, 106 qadın vəhşicəsinə öldürülmüş, 487 nəfər şikəst
edilmiş, 1275 sakin, qocalar, uşaqlar, qadınlar əsir aparılaraq tarixdə misli görülməyən
zülmə, təhqirə və təcavüzə məruz qalmışdır. Yüzlərlə qadın, gənc qız, uşaq xəbərsiz itkin
düşmüşdür.
1990-94-cü illərdə Ermənistanın silahlı birləşmələri Azərbaycan torpaqlarının 17300
kv.km-ni (14 rayon mərkəzi və 834 kənd ) işğal etdi, 700000 nəfərədək azərbaycanlı daimi
yaşayış yerini tərk etməyə məcbur edildi. Ermənistan hərbi birləşmələri tərəfindən
Azərbaycan torpaqlarının işğalı nəticəsində ölkəyə 53,5 miyard ABŞ dolları həcmində
zərər dəymişdir.
1995-ci ilin martında BMT-nin Qadınların Statusu üzrə Komissiyasının 39-cu
sessiyasında Azərbaycan qadınlarının müdaxiləsi və tövsiyyəsi nəticəsində «Hərbi
münaqişə ocaqlarında girov götürülmüş qadın və uşaqların azad edilməsi haqqında»
qətnamə PFP-nın layihəsinin son variantına daxil edilib, qəbul olunmuşdu. 1995-ci ildə
Pekində keçirilmiş Qadvınların IV Ümumdünya Konfransında Azərbaycan qadınları «Silahlı
münaqişələr zamanı əsir düşmüş qadın və uşaqların azad edilməsi barədə» BMT-nin
Qətnaməsinə müvafiq olaraq Qarabağ müharibəsi zamanı əsir düşmüş uşaq və
qadınlarımızın qaytarılması tələbini irəli sürmüşlər. Onlar həmçinin bu müharibənin sülh
yolu ilə qurtarması üçün dünya ictimaiyyəti tərəfindən yardım göstərilməsini xahiş etmişdir.
Nümayəndə heyəti işğal olunmuş ərazilərdə hərbi işğal zamanı qadın və uşaqların
pozulmuş hüquqlarının müdafiəsinə dünya ictimaiyyətinin diqqətini cəlb etmiş, bu sahədə
onlara kömək göstərilməsini xahiş etmişdilər. Konfransda məhz Azərbaycan qadınlarının
tələbi ilə bütün dünya qadınlarına müraciət qəbul edilmişdi. Müraciətdə deyilirdi ki, onlar öz
ölkələrinin dövlət və din rəhbərlərindən tələb etsinlər ki, təcavüz zamanı əsir alınmış qadın
və uşaqların insan hüquqlarının fəal müdafiəsi sahəsində əməli tədbirlər görsünlər.
Azərbaycan qadın nümayəndələri həmçinin Konfransın ünvanına üzərində konfransın
simvolu olan bayraq təqdim etmişdilər. Bayrağın üzərində «Öz doğma evimə qaytarın
məni» çağırışı ilə minlərlə qaçqın qadının imzası var idi. Bunların müqabilində PFP «Girov
götürmə»(116-cı maddə) zorakılıq forması kimi daxil edildi.
Yüz minləri əhatə edən qaçqınlıq və məcburi köçkünlük halı iqtisadi keçid dövrünü
yaşayan gənc, müstəqil respublikamızın vəziyyətinə kəskin surətdə mənfi təsir edir.
Respublikanın müxtəlif rayonlarında, çadır düşərgələri və yataqxanalarda müvəqqəti
olaraq yerləşdirilmiş bu insanlar ağlasığmaz məşəqqət, çətinliklərə düçar olmuş, adi insan
üçün normal olan tələbatlardan məhrum vəziyyətdə yaşayırlar. Hərbi müdaxilə zamanı
100-dək uşaq, 442 qadın, 370 qoca əsir götürülmüşdü ki, sonradan Azərbaycan
Respublikasının hərbi əsirlər, girovlar və itkin düşmüşlər üzrə Dövlət Komissiyasının gücü
və tələbi ilə 30 uşaq, 92 qadın və 115 qocanı azad etmək mümkün olmuşdur. Müharibənin
depressiv əlamətlərini yaşayan minlərlə insan əsəb və ruhi xəstəlikdən əzab çəkir. Son
zamanlar dünya mətbuatında qadağan olunmuş insan alveri məsələsindən bəhs edən
yazılarda Ermənistanın da adı xüsusilə tez-tez hallandırılır. Güman etmək olar ki, hərbi
münaqişə dövründə itkin düşmüş Azərbaycan vətəndaşlarından bu qorxulu biznesdə