24
6. Qenderin Azərbaycanda təşəkkülü və qender statistikası
∗∗∗∗
•
Qender statistikası haqqında.
•
Qender Azərbaycanda: rəqəmlər və faktlar.
Cəmiyyətdə qadınların və kişilərin hüquq bərabərliyinin bərqərar olmasını əks etdirən
qender problemləri sosial həyatın bütün sahələrini əhatə edir. Hazırda cinsi bərabərlik
məsələləri ən aktual siyasi, iqtisadi və sosial problemlərdən biridir. Artıq bütün cəmiyyət
üzvləri qender problemlərinin qanundan, elmdən gerçəkləşib reallaşması istiqamətində
çalışırlar. Əvvəllər uçot və statistikanın dövrün siyasi konsepsiyasından irəli gələn vahid
metodologiyası mövcud olduğuna görə SSRİ tərkibində olan xalqların tarixi, coğrafi, milli və
mədəni xüsusiyyətləri nəzərə alınmırdı. Bu da respublikalar üzrə qender stereotiplərini ifadə
etmir və beynəlxalq müqayisələr və paralellər aparmağa imkan vermirdi. Nəhayət, 1998- ci
ildən başlayaraq qender statistikası istiqamətində işlər hər il mütəmadi olaraq aparılır.
Nəzərə çatdıraq ki, Pekin Deklarasiyasında statistika məsələlərinə xüsusi diqqət
yetirilmişdir. Konfransın materiallarında deyilir: «Milli statistika xidmətləri cəmiyyətdə qadın
və kişilərin vəziyyəti ilə bağlı problem və məsələlərin cins və yaş üzrə bölgüsünü özündə əks
etdirən statistik məlumatların toplanması, işlənməsi, təhlilli və nəşr olunmasını yerinə
yetirirlər». Müstəqil inkişaf yoluna çıxmış respublikamızda insanlar cəmiyyətdə öz mədəni,
milli və cinsi özünəməxsusluğunu yenidən dərk etmək və yenidən zəruri etmək üçün
müəyyən yollar axtarırlar. Bütün dünyanın demokratik ölkələrində olduğu kimi bizim ölkədə
də əhalinin qender məntiqində ilkin demoqrafik biliklərin formalaşdırılması aktuallıq kəsb
etməlidir.
Qender statistikası-cəmiyyətin bütün sahələrində qadın və kişilərin vəziyyətini
səciyyələndirir. O, qadın və kişilərin bərabər hüquq və imkanları prinsipinin yerinə yetirilməsi,
onların hər bir xüsusiyyətləri üzrə tələblərə cavab verən optimal sosial- demoqrafik siyasətin
işlənib hazırlanması üçün əsas verir.
Ümumilikdə respublikanın qender mənzərəsi belədir: Azərbaycan Respublikası 1991-
ci il oktyabrın 18- dən müstəqil dövlətdir. Hakimiyyət forması- prezident respublikasıdır.
Ərazisi 86600 kv.km- dir. Azərbaycan Respublikası şimaldan Rusiya (Dağıstan), şimal-
qərbdən Gürcüstan, cənub- qərbdən Ermənistan və Türkiyə, cənubdan İranla
həmsərhəddir. Hər kv.km- ə əhalinin sıxlığı 92 nəfərdir. Əhalinin ümumi sayı 8.158.000
nəfərdir ki, onun 4.175.000- i qadın, 3.983.000- i isə kişidir. Əhalinin təxminən 13%- i
qaçqın və məcburi köçkündür. Azərbaycan Respublikası 1992- ci ilin martından BMT- nin
üzvüdür. 1995- ci ildə müstəqil dövlətin ilk Konstitusiyası qəbul olunmuşdur. Konstitusiya
ən ali qüvvəli qanun olmaq etibarı ilə qadınların diskriminasiyasını qadağan edir ki, bu da
25- ci maddədə «kişi ilə qadının eyni hüquqları və azadlıqları vardır» kimi təsbit
olunmuşdur. Konstitusiyanın bu tələbi eyni zamanda Azərbaycanın bir çox qanunları,
Respublika Prezidentinin, Hökumətin və Milli Məclisin qanun və qərarları, fərmanları ilə
tənzimlənir. Aktual problemlərdən biri olaraq, digər ölkələrdə olduğu kimi, qender
statistikasının inkişaf etdirilməsi sahəsində, Respublika Dövlət Statistika Komitəsində də
müəyyən işlər görülür.
Diqqətə çatdıraq ki, bu mövzu ilə əlaqədar statistik rəqəmlər 1999- cu ildə müəllifin
«Qender tədqiqatları» kitabında nəşr olunmuşdur. Hazırda müraciət etdiyimiz statistik
rəqəmlər yeniləşdirilib dəyişdirilmişdir.
Azərbaycan əhalisi haqqında ümumi təsəvvür yaratmaq üçün yenə də statistikaya
müraciət edək. 2002- ci ilin göstəricilərinə görə hər 1000 nəfər kişiyə düşən qadının sayı 20-
30 yaş arasında 1039- 1121 nəfər, 40- 60 yaş arasında 1060- 1213 nəfər idi.
Əgər şəhər və kənd əhalilərini də qender statistikası baxımından xarakterizə etsək belə
mənzərə alınar: şəhərdə əhalinin 14,7 faizi qadınlar, 10,9 faizi kişilər, kənddə isə paralel
∗
Ряна Мирзязадя «Эендер. Ъямиййят. Инсан щцгугу. Сийасят» Бакы, 2003, сящ. 364-390
25
olaraq 15 faizə nisbətən 12 faizdir. Orta ömür uzunluğu qadınlarda 75, kişilərdə 67 hesab
olunmuşdu.
Azərbaycanda əhalinin təhsil, sosial və professional istiqamətlərdə tərəqqisi məlum
sosializm qruluşundan əvvəlki dövrdə inkişaf etsə də, məlum SSRİ konstitusiyası cinsi ayrı-
seçkiliyə fərq qoymamış, qadınlar üçün icbari orta təhsil, qadınların kişilərlə bir yerdə təhsil
almasını qanunla təsbit etmişdi. Təhsil sahəsində hüquq bərabərliyi haqqında qanun hal-
hazırda öz qüvvəsindədir. 2000- ci il təhsil üçün göstəricilər belədir: Ali məktəblərdə 36600
nəfər qadın və 51900 nəfər kişi, orta ixtisas məktəblərində isə 26200 qadın və 12600 kişi
oxuyur.
Cinsi mənsubiyyət üzrə yanaşdıqda 2000- ci il statistikasına görə elm sahəsində fərqlər
belədir: akademik kişilərin sayı 36 nəfər, qadın 1 nəfər; akademiyanın müxbir üzvünün 57
nəfəri kişi olduğu halda, 3 nəfəri qadın; elmlər doktoru 1375 nəfər kişi, 175 nəfər qadın;
elmlər namizədi 5875 nəfər kişi, 2625 nəfər qadındır. Ali təhsil və tədiqat müəsisələrində
qadınlar texniki və elmi sahələrdən çox, əsasən humanitar və ədəbi yaradıcılıq sahələrində
məşğuldurlar. Qadınlar əhalinin əksəriyyətini təşkil etdiyi kimi qadın müəllimlərin də sayı
kişilərinkindən çoxdur. Kənd yerlərində cinsi bərabərsizliyin bütün əlamətləri getdikcə daha
da artır. Kənddə qadın və qızlar daha çox ev təsərrüfatı ilə məşğuldur, onların əsaslı təhsil
almağa imkanları yoxdur. Beləliklə, onların təhsil hüququ ayrı-seçkiliyə uğrayır. Getdikcə
adət halını almağa başlayan, Bu kimi hallar azyaşlı qızların erkən ərə verilməsi və təhsildən
yayılmasına rəvac verən amillərdəndir.
Azərbaycanın əmək ehtiyatlarının 45%- ni qadınlar təşkil etdiyi halda, rəhbərlikdəkilərin
yalnız 1,5%- i qadındır, kənd təsərrüfatında- peşəkar işçi qadınlar- 10%, vəzifədəkilər- 1,3%-
dir. Kənd təsərrüfatında ağır işlərin 70- 75%- i qadınların üzərinə düşür. 1994- cü ildə
şəhərdə sənayedə işləyənlərin 44,6%- i qadın olmuşdur- rəhbərlikdə isə- 3,1%- i.
Ümumilikdə götürəndə qadınların əmək haqqı kişilərinkindən 30% aşağıdır. Ən pis vəziyyət
pensiyaçılar və ahıllar arasındadır; tənha analar 142645, dullar 318000, çoxuşaqlılar
120000- dir. İşsizlərin 60- 70%- i qadınlardır. Seçkilərə hədd (kvota) ləğv olunduqdan sonra
qadın deputatların faizi SSRİ üzrə 50%- dən 27%- ə düşdü. Azərbaycan Ali Sovetində 1991-
ci ildə 349 deputatın yalnız 17- si, yəni ümumi sayın 4,8%- i qadın idi. İlk Ali Sovetin
tərkibindən yaranan Milli məclis 1992- ci ildə 50 nəfərindən 3 nəfəri qadın idi. Muqayisə üçün
qeyd edək ki, Rusiyada- 16, Özbəkistanda- 9,6, Tacikistanda- 3, Ermənistanda- 3, ABŞ- da-
6, Türkiyədə- 1,8, İranda- 3,8, Danimarka, İsveç, Norveçdə 35%- ə yaxını qadın parlament
üzvü idi. Respublika üzrə İcra Hakimiyyəti başçısından 2- si qadındır (2,6%). Lakin, onu da
nəzərə çatdıraq ki, şəhər və rayonlarda bir nəfər qadın humanitar və ya sosial məsələlər
üzrə müavin təyin edilir.
Azərbaycanda ali təhsili olan qadınların faizi beynəlxalq standartlara görə kifayət qədər
çox yüksəkdir və kişilər üçün olan göstərici ilə təxminən eynidir. Səhiyyə və təhsil sistemində
işləyənlərin təxminən 65 faizi, elm sahəsində işləyənlərin ən azı 43 faizi qadındır. Bununla
belə, ölkənin ən yüksək inzibati və siyasi vəzifələrində qadınlar zəif təmsil olunub.
Ümumiyyətlə, ölkədə yüksək vəzifələrin 30 faizdən az hissəsini qadınlar tutur. Nazir
səviyyəsindəki vəzifələrdə işləyənlərin 9 faizi qadınlardır. Milli Məclisdə qanunvericiliyin
qəbul edilməsində məsul vəzifələrin 20 faizini qadınlar tutur. Milli Məclisdə komissiya sədri
və sədr müavini, qrup və ya şöbə rəhbəri sistemlərindəki vəzifələrin 15,4 faizi qadınlardır.
Xarici ölkələrdəki səfirliklərdə işləyənlərin ancaq 11 faizi qadınlardır. Nazirlər Kabinetində
qadınlar hələ də nisbətən aşağı vəzifələrdə, texniki işlərdə çalışırlar. Belə ki, rəhbərlik
səviyəsində qadınlar ümumiyyətlə yoxdur, ekspert və ya məsul vəzifələrin yalnız 17 faizini
qadınlar tutur; hökumət strukturlarında işləyən texniki işçilərin isə 83 faizi qadınlardır.
Naxçıvan MR- sı müstəsna hal təşkil edir; burada Baş Nazirin üç müavinindən biri qadındır.
Azərbaycanda insan inkişafının səviyyəsi ölkənin qadın əhalisi üçün kişilərə nisbətən daha
aşağıdır. Bu mənada 1999- cu ilin hesabatlarına görə ölkənin qadın əhalisi üçün İnsan
İnkişaf İndeksi 0,687, kişi əhalisi üçün isə 0,744 təşkil edir. Ömrün ehtimal edilən müddət