34
nəfərə 148 tələbədən (1990) 112 tələbəyə (1999) enmişdi. Tələbələrin təxminən 41%-
niqadınlar, 59%-ni isə kişilər təşkil edir.
Alim qadınların da vəziyyəti keçid dövründə mürəkkəbləşmişdir. 1998-ci ilin
məlumatına əsasən elmi-tədqiqat sahəsində məşğul olanların 40,8%-i qadın, 59,2%-i kişi
idi. 2000-ci ilin axırına elm sahələri üzrə aspirantların 35%-i qadın, elmlər namizədlərinin
44%-i qadın, 56%-i kişi idi, elmlər doktorlarının 7%-i qadın. Elmə ayrılan xərclərin
azaldılması həm kişilərin, həm də qadınların bu sahədən uzaqlaşmasına gətirib çıxarır. Bu
sahənin yüksək intelektual potensiala və təhsilə malik olan insanları öz həyatı tələbatlarını,
aldıqları əmək haqqı müqabilində, bazar iqtisadiyyatına uyğunlaşdıra bilmirlər. Hökumətin
bu sahəyə ayırdığı maliyyə vəsaiti islahatlar aparmağa, yeni elmi mərkəzləp yaratmağa
imkan vermir. Dövlət tərəfindən maliyyələşən elmi tədqiqatlar, o cümlədən qender, qadın
məsələsi və qadın problemlərinin də araşdırılması prioritet sahələrə daxildir. Respublikada
qender assimetriyasının tədqiqi ilə əlaqədar Qadın Problemləri üzrə Dövlət Komitəsində
Elmi Araşdırma Mərkəzi yaradılmasına zəruri ehtiyac vardır. Təhsilin bütün pillələrində
uyğun təhsilalma imkanlarına yol açılması da vacib amillərdəndir.
Qadın və səhiyyə. İnsanların sağlamlığının qorunması ətraf mühitin mühafizəsi, işlə təmin
olunması, tərbiyə və təhsil alması, qida ilə təmin olunması, ona tibbi və sosial yardım
göstərilməsi ilə şərtlənir. Məlum sovet dövrünün səhiyyə sisteminin dağılması, müalicə-
profilaktika sahələrinin lazımi avadanlıq, dərman preparatları, müasir texnika və
ehtiyatlarla təchiz olunmaması və müharibə amili də öz təsirini göstərir. Beləliklə,
səhiyyənin real vəziyyətini görürük. 2001-ci ilin son məlumatlarına görə ölkədə 16400
qadın, 10600 kişi həkim vardır, yəni 61%-i qadın, 39%-i kişi. Statistika göstərir ki, səhiyyə
sistemi qadınların peşə kimi seçdiyi əsas sahələrdən biridir.
Ölkədəki iqtisadi və sosial dəyişikliklər, həmçinin müharibə amili qadınların
səhhətinə, əsəb sisteminə əsaslı mənfi təsir göstərmişdir. Təsadüfi deyildir ki, 2000-ci il
məlumatına görə 2430 nəfər qadında XX əsrin bəlası hesab olunan bədxassəli şiş xəstəliyi
qeydə alınmışdı. Bu da həmin xəstəliyə düçar olmuş insanların 51%-ni təşkil edir.
1995-ci ildən ölkədə başlanan özəlləşmə prosesi tibbi xidməti də əhatə etdi.
Ödənişli müalicə, tibbi xidmət yoxsulluq vəziyyətində olan əhali üçün heç də münasib
deyildi. Onlar imkansızlıq ucbatından yaxşı qidalanmadıqlarından, xəstəliyə tutulduqları ilk
anlardan bu xəstəliyə qeyri-ciddi yanaşır, müalicə etdirə bilmir, sonra da ağır fəsadlarla
üzləşirdilər və bir-çox hallarda bu, ölümlə nəticələnirdi.
Respublikada qadınlar tərəfində kontraseptiv üsullardan çox az istifadə olunduğu
üçün, hamiləliyin qarşısı adətən ya abortla, ya da bəzi hallarda türkəçarə vasitələrlə
alınırdı. 2000-ci ildə 17500-ə qədər abort halı qeyd olunmuşdu. Doğuş zamanı ana və
uşaq ölümünün vəziyyəti belədir: 1995-ci ildə ana ölümü 37 nəfər idisə, 1996-cı ildə – 44;
1997-ci ildə – 31; 1998-ci ildə – 41; 1999-cu ildə – 43; 2000-ci ildə 38 nəfər olmuşdur.
1996-cı ilə nisbətən 2000-ci ildə 6 nəfərin azalması uğur olmasa da hər halda müəyyən
irəliləyişdir. Uşaq ölümü isə 1995-ci ildə 26 nəfər; 1997-ci ildə – 21; 1998-ci ildə – 18;
1999-cu ildə – 17 və 2000-ci ildə 14 nəfər olmuşdur. Getdikcə azalan nəfərlər az da olsa
yenə müsbət haldır.
Hamiləlik dövründə və doğuşdan sonrakı dövr üçün işləyən qadınlara 126 təqvim
günü (doğuşdan əvvəl 70 və doğuşdan sonra 56 təqvim günü) müddətində ödənişli
məzuniyyət verilir. İki və ya daha çox uşaq doğulanda məzuniyyət 180 təqvim günü
(70+110), doğuş çətin olduqda isə 156 (70+86) təqvim günü müddətinə verilir. Anaların və
uşaqların mühafizəsi üçün, habelə təhsil və yaradıcılıqla əlaqədar Azərbaycan
Respublikası Konstitusiyası sosial məzuniyyətləri təsbit edir. Həkimlərə, orta tibb işçiləri və
əczaçılara 30 təqvim günü məzuniyyət verilir.
İlkin uşaqlıq dövrünün insanın sonrakı inkişafında xüsusi yeri vardır. Buna görə
hamiləlik və körpəlik dövrünün mühafizəsi dövlətin və səhiyyə sisteminin əsas prioritet
məqsədi olmalıdır. Sovet dövründən qalmış qadın məsləhətxanaları, doğum evləri və uşaq
35
poliklinikaları köhnəldikləri üçün təmirə ehtiyacları vardır. Əksər yerlərdə isə yenilərinin
tikintisi vacib məsələlərdən biridir. Bakı şəhərində 1999-gu ildə bütün müasir
avadanlıqlarla təchiz edilmiş, ödənişli ilk özəl Mamalıq və Ginekologiya Mərkəzi açılmışdır.
Əhalinin yerdəyişməsi, işsizlik, narkomaniya və əxlaqsızlıq hallarının təsiri
insanların bir sıra xəstəliklərə, eləcə də QİSÇ-ə yoluxmasına səbəb olur. 2000-ci ilin
məlumatına görə 270 qadın və 240 kişi siflisə yoluxmuşdu. 1999-cu ildə 7 azərbaycanlıda
və 17 əcnəbidə (Bakıda işləyən və təhsil alan) QİSÇ aşkar edilmişdi. Son illər QİSÇ-ə
qarşı Azərbaycan Dövlət Mərkəzində 60 nəfər azərbaycanlı və 20 nəfər əcnəbi şəxs bu
xəstəliklə qeydiyyatdan keçmişdir. Onu da əlavə edək ki, bəzən anonim müalicə halları da
mövcuddur. Bu da faktdır ki, Azərbaycanda tarixən belə xəstəliklərin gizlədilməsi ənənəsi
və ya türkəçarə ilə müalicəsi mövcud olmuşdur.
Digər mühüm bir faktı göstərək ki, səhiyyə sistemində də qadınlar çoxluq təşkil edir
və bu fərq qender tarazlığının mütənasib olmadığını göstərir. Ümumiyyətlə isə səhiyyə
sahəsində də xüsusi islahatlara ehtiyac olduğu üçün buna beynəlxalq təşkilatların dəstəyi
gərəkdir. Müharibə fəsadları ilə əlaqədar olan psixoterapevtik məsləhətxanaların bütün
şəhər-rayon-kənd yerlərində yaranması zərurətdir. Beynəlxalq təşkilatların köməyi
nəticəsində respublikaya gətirilən dərman ləvazimatı da köməkçi vasitə kimi insan
sağlamlığının qorunmasında bir vasitədir. İçməli suyun təmizlənməsi və ətraf mühitin
təmizliyi də vacib amildir. Əhali arasında qadın səhətinin qorunmasının vacibliyi haqda
mütəmadi olaraq televiziya verilişləri aparılması, seminarlar keçirilməsi mühüm əhəmiyyət
kəsb edir.
Qadınlar və iqtisadiyyat. İqtisadi yüksəliş insanın, o cümlədən qadının rifah halının
inkişafı üçün başlıca amildir. Azərbaycanda qadınlar və kişilər iqtisadiyyat sahəsində,
qazanc əldə etmək, öz həyatı tələbatlarını ödəmək məsələsində qeyri-bərabər imkanlarla
üzləşirlər. Belə ki, qeyri-rəsmi məlumatlara görə, bir milyondan çox insan işsizliyə görə
respublika hüdudlarını tərk etmişdir. Bunun nəticəsində iqtisadi tənəzzül qadınlara
kişilərdən daha çox zərbə vurmuş, məsuliyyət onların üzərinə yüklənmişdir. Xırda küçə
ticarəti ilə məşğul olan, imkanlı ailələrdə işçi qüvvəsi kimi çalışan və dövlət büdcəsindən
maliyyələşən təşkilatlarda işləyən qadınların həyat səviyyəsi qənaətbəxş deyildir.
2000-ci ildə fəaliyyət növləri üzrə muzdla işləyənlərin sayını ümumilikdə qender
bölgüsü ilə götürsək 556045 nəfəri qadın və 661742 nəfəri kişi idi. Bu da paralel olaraq
46% və 54% edir. 2000-ci ildə istehsalatda sahələr üzrə zərər çəkənlərin ümumilikdə 4-ü
qadın, 173-ü kişi; ölənlərin sayı isə 37 nəfər idi ki, onların da hamısı kişi olmuşdur.
Qadınların daha çoxu humanitar meylli sahələrdə işləyir. Bu isə ölkədə qender disbalansı
yaradır. İqtisadiyyatın bank sistemi, vergi, ağır sənaye, balıqçılıq, tikinti və s. kimi
sahələrində qadınlar çox az təmsil olunurlar.
İqtisadiyyatda qadının rolunu artırmaq üçün meyvəçilik, baramaçılıq, tərəvəzçilik,
balıqçılıq, tütünçülük, pambıqçılıq, xalçaçılıq kimi xüsusi qadın əməyi tələb olunan
sahələrə diqqəti yönəltmək zəruridir.
Qadınlar və kütləvi informasiya vasitələri (KİV). Dünyaın bütün sivil ölkələrində olduğu
kimi, Azərbaycanda da hər bir vətəndaş öz düşüncələrini şifahi və yazılı formada, siyasi və
fəlsəfi konsepsiyalarla, bədii obrazlarla KİV-də çap etdirmək, eyni zamanda radio və
televiziyada demək və göstərmək imkanına malikdir. Respublikada nəşr edilən qəzet və
jurnalların müxbirlərinin təxminən yarıya qədərini qadınlar, o cümlədən gənc qızlar təşkil
edir. Dövlət və özəl universitetlərin jurnalistika fakultələrində təhsil alan tələbələrin də
əksəriyyəti qızlardır
Respublikada qadınlara həsr olunmuş «Azərbaycan qadını», «Xatun», «Qadın
dünyası», «El» və «Qenderşünaslıq» jurnalları, «Qadın və cəmiyyət», «Səmavi» və
«Qadın dünyası» adlı qəzetlər nəşr olunub. Qadın KİV Baş redaktorlarının sayı getdikcə
artır, Jurnalist Qadınlar Birliyi xüsusi qurumu qadın jurnalistləri öz ətrafında birləşdirir.
Televiziya kanallarında da qadınlar üstünlük təşkil edir. Respublika mətbuatında qadın