36
jurnalistlər nəinki ədəbi-publisistik, həmçinin siyasi, iqtisadi, beynəlxalq mövzularda
təhlillərlə çıxış edir, müstəqil fikir yürüdürlər. Mətbuatda qadınların münaqişə zamanı
məruz qaldığı zorakılıq halları, qaçqın və məcburi köçkün qadınların vəziyyəti, qadının
cəmiyyətdə yeri, mövqeyi, qadın liderlər haqda yazılar dərc edilir. Lakin qeyd edək ki,
«sarı», yəni- bulvar mətbuatında bəzən açıq-saçıqlığa, ekranlarda isə əxlaqsızlığı nümayiş
etdirən filmlərə rast gəlinir. Dövlət televiziyasında «Səadət» və «Ailələr və talelər»
verilişləri və özəl telekanallarda «Qadın saatı», «Eybi yox», «Bir böl iki», «Qadın dünyası»,
«Qadın və kişi», «Ailə üçbucağı» verilişləri cəmiyyətdə qadın problemini açıqlayırlar.
Bəzən münaqişə ocaqlarına ilk can atan da qadın jurnalistlər olur. Qarabağ
konfliktinin ilk jurnalist qurbanı olmuş Salatın Əsgərova belələrindəndir. Son Əfqanıstan
hadisələrində ANS özəl telekanalının qadın jurnalisti Kabildən canlı reportaj hazırlamaq
üçün Əfqanıstana, «Speys» özəl telekanalının qadın jurnalisti 11 sentyabr 2001-ci il
hadisələrindən sonra, hadisə haqqında daha obyektiv veriliş hazırlamaq məqsədi ilə ABŞ-
a, ANS telekanalının jurnalisti isə İraq hadisələrində İraqa ezam olunmuşdular.
Qender problemini əks etdirən «Etimad telefonu» (ssenari müəllifi və rejissor
R.İbrahimbəyov) cəmiyyətdə qadın-kişi münasibətlərinin real əksi, qenderə həsr olunmuş
ilk filmdir.
Bütün bunlarla yanaşı, qadın mövzusu yenə də KİV-də istənilən səviyyədə
işıqlandırılmır. Qadınlar əksər hallarda gözəllik nümunəsi kimi reklam edilir. Cəmiyyətdə
qadına münasibət məsələsinə ciddi yanaşmağa və KİV vasitəsilə bu sahədə
maarifləndirmə işi aparmağa böyük ehtiyac vardır.
Qadınlar və ətraf mühit. Qadın orqanizmi zərif olduğu qədər də həssasdır. Ekoloji
tarazlığın pozulması, ətraf mühitin çirklənməsi qadın səhhətinə ziyan vurmaqla həm də
gələcək nəslə ziyan vurur.
Silahlı münaqişələr zamanı ətraf mühitin çirklənməsi nəticəsində doğulan uşaqlarda
anadangəlmə çatışmazlıqlar daha çox olur. Bu zaman stress, həyacan, qorxu kimi hallar
qadınlara qarşı mənəvi zorakılığın bir nümunəsidir.
Azərbaycanın Qarabağ münaqişəsi kimi problemi və neft-qaz kimi təbii yanacaqla
zənginliyi respublikada ətraf mühitin qorunmasını zəruri edir. Ətraf mühitə aid məsələlər
Respublika Konstitusiyası və "Təbiətin və təbii sərvətlərin qorunması haqqında» Qanunda
təsbit olunmuşdur.
Qızlar. Cəmiyyətin əsas həssas qrupu sayılan qızlar Azərbaycanda tarixi adət ənənələrə
uyğun olaraq, daima kişi cinsi tərəfindən xüsusi mühafizə olunubdur. Respublikada
əhalinin son 1999-cu il siyahıya alınması statistikasına görə qızlar: 1 yaşa qədər – 71600
nəfər; 1-4 yaşarası – 349600 nəfər; 5-9 yaşarası – 441000 nəfər; 10-14 yaşarası – 406900
nəfər; 15-19 yaşarası isə 354600 nəfər təşkil edirdi.
Lakin,
bəzən qız uşaqlarına qarşı o hələ dünyaya gəlməmiş də ayrı-seçkilik edilir.
Yeni texnologiya və aparatlar əvvəlcədən dölün oğlan və ya qız uşağı olmasını müəyyən
etməyə imkan yaradır və ən çox da belə halda qız uşağı arzuedilməz hesab edilir,
«zorakılığa» məruz qalır.
Son
illərdə aparılan statistik araşdırmalar göstərir ki, kənd və qəsəbə
məktəblərində, qaçqın və məcburi köçkünlərin məskunlaşdığı çadır düşərgələrində,
yataqxanalarda qızların təhsildən yayınma halları vardır. Bu tipik hal iqtisadi vəziyyəti ağır
olan, eləcə də valideynlər işləməyən ailələr üçün daha xarakterikdir. Onu da qeyd edək ki,
qızların erkən ərə getməsi problemi ilə yanaşı respublikada "«qarımış"» qızlar problemi də
artıq aşkar gerçəklikdir. Digər ağrılı bir fakt 1995-2000-ci illərdə 108 nəfər yetkinlik yaşına
çatmayan qız uşağının cinayət törətməsidir.
Qız uşaqlarının təhsili ilə bağlı olan bir çox problemlər hələ kifayət qədər
araşdırılmadığı üçün, sovet ideologiyası dövründə formalaşmış münasibət hələ də özünü
göstərir. Qızların və oğlanların texniki peşə məktəbləri üzrə cinsə görə bölgüsündə qender
disbalansı müxtəlif istiqamətlər üzrə peşə hazırlığının inkişafında labüddür. Qızlar təhsil
37
alacaqları müəssələrin seçimi zamanı yenə də əsasən tibbi, pedaqoji və humanitar
sahələrə üstünlük verirlər. İxtisasa görə qender bölgusundə son illərdə qızların
iqtisadiyyata da meyilliyi müşahidə edilməkdədir.
2000-ci
ildən ixtisaslaşdırılmış orta məktəblərdə oxuyan tələbələrin 67%-ni qızlar
təşkil edirdi. Onların da təqribən 95%-i elmin tibb, pedaqoji, təbiət sahələrini və
texnologiyanı seçmişdi. Qızların 50%-dən çoxu incəsənət, kompüter elmi, iqtisadiyyat və
idarəçilik sahələrində oxumağa çalışırdı. Maşınqayırma, inşaat, enerji, kənd təsərrüfatı və
balıqçılıq kimi sahələrdə oxumaq qızlar üçün nədənsə xarakterik görünmür, çox nadir
hallarda bu sahələrdə qızlara ras gəlinir. Ali məktəblərin pedoqoji və tibb elmi sahələrinə
üstünlük verən tələbələrinin təxminən 67%-ni qızlar təşkil edir.
Azərbaycan Respublikasında qender statistikasının təhlilindən belə qənaət alınır: -
qadınların vəziyyətinin yaxşılaşdırılması üzrə beynəlxalq elmi-tədqiqat-tədris institutunun
himayəsi altında qadınların vəziyyətinin öyrənilməsi ilə bağlı elmi-tədqiqat işlərinin
əlaqələndirilməsinin təmin edilməsi; - qaçqın və məcburi koçkün qadınların vəziyyətinin
alim və mütəxəssislərin iştirakı ilə elmi təhlilinin aparılması və bunun əsasında beynəlxalq
tələblərə müvafiq uzunmüddətli reabilitasiya proqramının işlənib hazırlanması; - tranzit
iqtisadiyyatı ölkələrində qadınların vəziyyətinin spesifik şərtlərinin tələbləri əsasında qadın
sahibkarlara güzəştli kreditlər verilməsi və məşğulluq proqramlarının maliyyələşdirilməsi
yolu ilə dünya bankı miqyasında xüsusi iqtisadi himayədarlıq göstərilməsi.
Müharibələr zamanı qadınlar daha çox zorlama və zorakılıq hallarına məruz qalırlar.
Onlar qaçqın düşərgələrində və müvəqqəti məskunlaşdıqları digər yerlərdə müxtəlif
çətinliklərlə üzləşirlər. Qadınlar antisanitariyadan, lazımi tibbi yardım göstərilməməsindən
əziyyət çəkir, qızlar təhsildən yayınırlar. UNHCR və ya digər yardım agentliklərinin
qaçqınlar üçün nəzərdə tutulan xüsusi məntəqələrdə paylanan yardım payları bəzən
kişilərin təqsiri üzündən ailə başçısı qadın olan ailələrə çatmır. Çadır şəhərciyinə nəzarət
edənlərin də kişilər olduğunu nəzərə alsaq, bir qayda olaraq qadınların şikayətləri eşidilmir
və kişilər tərəfindən dəstəklənmir. Yekun olaraq qaçqınlara və məcburi kökünlərə qayğının
və diqqətin artırılması məqsədi ilə bir neçə təklif irəli sürmək istərdik:
- respublikanın ərazi bütövlüyünün bərpa olunması, erməni təcavüzkarlar tərəfindən işğal
olunmuş torpaqların azad edilməsi;
- erməni əsirliyində olan qadın və uşaqların hamısının azad olunmasının təmin edilməsi;
- doğma torpağa məhəbbət və vətənpərvərlik hisslərinin gücləndirilməsi, münaqişənin sülh
yolu ilə həllinin məqbulluğunun əhaliyə başa salınması;
- torpaqlar qaytarıldıqdan sonra yeni yaşayış evlərinin, sosio-mədəni obyektlərin tikilməsi,
dağıdılmış şəhər və kəndlərin bütün maddi bazalarının yenidən qurulması;
- qaçqın və məcburi köçkün düşərgələrində qadınların maarifləndirilməsi istiqamətində
beynəlxalq təşkilatların treninq-seminarlarnın sayının artırılması;
- qadın hüquqları haqda bilgilərin ardıcıl xarakterdə olması;
- oğlan və qız uşaqlarının şüuruna onların müvəqqəti qaçqın olduqları fikrinin daim təlqin
edilməsi;
- oğlan və qızlarda təhsilin vacibliyinə marağ oyadılması, onların təhsilə cəlb edilməsi;
- tibbi xidmətin lazımi səviyyəyə qaldırılması, qadınlar üçün xüsusi reabilitasiya mərkəzləri
yaradılması;
- qadın məşğulluğu məsələsində müəyyən dəstəklər tapılması.