39
N ə t i c ə.
Kişilər… Qadınlar… Bəşəriyyətin yaradılışının əsası olan insanlığın bu ayrı-ayrı
şəxsləri cəmiyyətdəki bütün hadisə və proseslərin inkişafını tənzimləyən hərəkətverici
qüvvələridir. BMT-nin İnkişaf Proqramında qender münasibətləri xüsusi yer tutur. qender
problemləri getdikcə respublikada da aktual mövzuya, xüsusi maraq dairəsinə
çevrilməkdədir. Məsələnin əsas məğzi cinsindən asılı olmayaraq insanların bütün
sahələrdə hüquqlarının eyni dərəcədə sosial bərabərlik prinsipi əsasında bərabər həyata
keçirilməsindən ibarətdir.
Sosial-mədəni prolseslərin meyarları – ölçüsü baxımından qender mədəniyyəti
ümumbəşəri dəyərlərdəndir. Müasir dünyanın inkişaf etmiş tədris ocaqlarında qender
elminin metodu, predmeti ümumi siyasətin, ictimai təfəkkürün cəmiyyətdə cinslərin
qarşılıqlı münasibətinin ayrılmaz tərkib hissəsi kimi tədris olunur. Bu elm respublikamız
üçün nə dərəcədə xarakterikdir? Bu suala cavab vermək üçün nəinki tarixi-fəlsəfi
istiqamətli araşdırmalar, konkret sosioloji sorğulardan tutmuş sosial elmlərin etibar etdiyi
bütün sahələrin milli xarakterə uyğun tərzdə tədqiqi müasir dünyagörüşü baxımından öz
vacibliyi ilə aktuallaşmalı, qender problematikası xüsusi və ümumiləşdirilmiş analiz
nəticəsində aşılanmalıdır. Qender münasibətləri haqda biliklər maarifləndirmə tərzi
daşımalı, uşaq və gənclərə öyrədilməli, ümumtəhsil- tədris müəssisələrinin də xüsusi
proqramları olmalıdır. Bunun üçünsə ədəbiyyatlar tərcümə edilməli, yerli mütəxəssis
kadrlar hazırlanmalıdır. Kütləvi informasiya vasitələri əhaliyə qender biliyi çatdırmaqda
müstəsna rol oynamalıdırlar. Sivil dünya çərçivəsi baxımından insan hüquqları, qadın və
uşaq hüquqları qender bərabərliyi müstəvisində ali məktəblərdə humanitar fakültələrlə
yanaşı texniki sahələrdə də onun təlimi cəmiyyətin sosial ahəngi baxımından zəruridir. Bu
özlüyündə sosial amillərin insan faktorunun psixoloji yönümdə formalaşmasının da xüsusi
əhəmiyyət kəsb etdiyini göstərir. Çoxsaylı ziddiyyətlər içrə yaşayan respublikamız üçün
obyektiv problemlərin həlli sosial stabilliyə istiqamətlənmiş qender tarazlığına nail
olunmasıdır.
Qender problemləri qlobal problemlər sistemində sülh və müharibə məsələlərindən
sonra mühüm sırada durur. Müasir qlobolistikada qender problemlərinin yeri və rolu
müəyyənləşdirilərkən qarşıya aşağıdakı konkret vəzifələr çıxır:
1) Müasir dövrün qlobal problemləri xüsusiyyətlərinin meydana gəlməsi səbəblərini və bu
problemlər sistemində geender problemlərinin yerini aşkar etmək;
2) Cəmiyyətdə cinslərin qarşılıqlı münasibətlərinin optimallaşdırılması, qender
problemlərinin hüquqi ideoloji aspektini açmaq;
3) Sosial istiqamətdə qenderin mühüm konsepsiyalarının nəzəri-metodoloji, sosial-siyasi
və aksioloji dünyagörüşü əsaslarını açmaq;
4) Qender problemlərinin təhlilinə ümumbəşəri yanaşmanın üstünlüyünü göstərmək.
Müasir dövr qender problemləri situasiyasının və qlobal problemlərinin xarakterini
düzgün anlamaq üçün, hər şeydən əvvəl, bəşəriyyət tarixində cəmiyyətdə cinslərin
qarşılıqlı təsirinin əsas meyllərini izləmək, ikincisi, ictimai fikir tarixində bu problemlərə
münasibət baxımından nəzəri şüurun əsas inkişaf mərhələlərini nəzərdən keçirmək.
Qender problemləri yaranmasının, onların həllinin üç yolunu göstərək:1) tarixi, 2)
sosial, 3) mənəvi-psixoloji siyasət yollarıdır. Birinci yol, konkret qender problemlərinin tarixi
araşdırılmasını irəli sürür. İkinci, cəmiyyətdə cinslərin harmonik inkişafının kompleks
qender proqramlarının yaradılmasını nəzərdə tutan sosial-ictimai siyasətin həyata
keçirilməsini tələb edir. Üçüncü yol, şəxsiyyətin qender mədəniyyətinin, qender şüurunun
və davranışının formalaşmasını nəzərdə tutur. Deməli, məhz üçüncü yol qender
məsələlərinə fikir verməyi tələb edir.
Qlobal qender problemləri sistemində qadın məsələsi mərkəzi yerlərdən birini tutur.
Qadın məsələlərinə qlobal yanaşma zamanı mənəvi-psixoloji, sosial-məişət prinsipləri,
əxlaq normaları və s. mütləq nəzərə alınmalıdır.
40
Yəni qadına təkcə biololji populyasiya kimi deyil, sosial cəhətdən fəal, məqsədyönlü
qüvvə kimi baxmaq lazımdır. Cəmiyyətdə cinslərin qarşılıqlı münasibətlərinin yeni bir
formasını elmi cəhətdən əsaslandırmaq – uzun müddətli strategiya hazırlanmasıdır. Çünki
insani keyfiyyətlərin əsas komponentlərinin təkmilləşməsi üçün tədbirlər proqramının
hazırlanması zəruridir. Bu baxımdan qender təbliğatı aşağıdakı problemlərin həllinə kömək
etmiş olar:
- cəmiyyətdə qender haqqında konkret elmi biliklərin yayılmasını, cinslərarsı əlaqənin,
münasibətdə baş verən müxtəlif proses və hadisələrin sosial əhəmiyyətini öyrənməyə,
- dövlətin elmi cəhətdən əsaslandırılmış qender siyasətindən çıxış edərək, konkret
qender problemlərinin həllinə,
- cəmiyyətin müxtəlif qruplarının səviyyələrinin müəyyənləşdirilməsinə ,
- kütləvi ədəbiyyatın dərcinə, nəşrinə,
- seminar və konfransların təşkilinə, mühazirələrin hazırlanıb müxtəlif yerlərdə
oxunmasına,
- maarifləndirməyə, informasiyaların toplanıb işıqlandırılmasına.
41
TƏDRIS PROQRAMLARI:
Qender tədqiqatlarına giriş: Tarix, nəzəriyyə, təcrübə.
Tərtibçilər: Əli Abasov və Svetlana Adıgözəlova
Məlumat və müzakirə üçün təqdim edilən proqramlar Respublikada qender təlimi
(və ya qenderşünaslıq) üzrə ali məktəblər üçün ilk tədris proqramlarıdır.
Bütün maraqlanan olanları jurnal vasitəsilə müzakirəyə dəvət edirik.
«Qender tədqiqatlarına giriş: anlayışlar sistemi, tarix, nəzəriyyə, təcrübə sosiologiya
və statistika» kursuna dair metodik göstərişlər.
Bu gun qender tədqiqatları artıq cəmiyyətin sosio-mədəni problemlərinin tədqiqində
kifayət qədər mühüm yer tutur.
Tarixi prosesin yenidən qurma metodu kimi qender keçmiş və müasir hadisələr
arasındakı qarşılıqlı əlaqənin yeni konsepsiyasını təqdim etmək imkanı verir və bu əsasda
gələcək hadisələrin, o cümlədən cəmiyyət inkişafının perspektivlərini yeni tərzdə
proqnozlaşdırır. Bu isə qenderin yeni dünyagörüşünü formalaşdıran fəlsəfəyə bilavasitə
aid olan idrak istiqaməti hesab edilməsi üçün tutarlı dəlildir. Bu nəticəni qender
tədqiqatlarının mədəniyyət və etika üzrə konsepsiyalara göstərdiyi təsirlə təsdiq etmək
olar. Qender və ekoloji tədqiqatların sıx əlaqəsi, müasir qlobal və sosial-ekoloji
problemlərin səbəblərinin tədqiqi bəşər elmi və humanitar fikri sintezinin növbəti
mərhələsinin təşəkkülünü göstərir.
Qender – fəlsəfənin nəzəri problemləri ilə yanaşı, müasir həyatın təcrübəsi
cəmiyyətdə gedən siyasi və hüquqi proseslərlə bilavasitə bağlı olub, siyasi, sosial, iqtisadi
və mənəvi sahələrin tədqiqinə mühüm dəyişikliklər gətirdi.
Artıq neçə illərdir ki, qender ölçüsü beynəlxalq hüququn labüd atributudur və demək
olar ki, bütün qlobal təşkilat və qurumların, mühüm beynəlxalq konfrans və simpoziumların
sənədlərində öz əksini tapır.
Müasir sosial problemlərin qender tədqiqatlarında qlobal əhatəsi kursun qender
tədqiqatları haqqında ümumi təsəvvür verə biləcək aşağıdakı hissələrə ayrılmasını təklif
edirik:
1.Anlayışlar sistemi. 2.Tarix. 3.Nəzəriyyə. 4.Təcrübə. 5.Sosiologiya və statistika.
Bu istiqamətin nisbətən yeniliyini onun anlayış , əksəriyyət tərəfindən qəbul edilmiş
sistem şəkilli almamasını nəzərdə tutaraq, kursu-ümumi terminləri, onların etimologiyası,
məzmunu və qarşılıqlı əlaqəsini daxil etməklə başlamaq daha məqsədəuyğundur.
Xüsusən nəzərə almaq lazımdır ki, hətta matriarxat və patriarxat kimi məlum anlayışlar
belə qender tədqiqatlarında yeni məzmun kəsb edir, bu da kişi və qadınlarda məlum
normaların təşəkkülünə səbəb olan xüsusi mədəni təsir özünün öz sosial institutları
vasitəsilə kişi və qadın əxlaqının yaranması və onların gündəlik həyatda rollarının
müəyyən etməsi haqqında təsəvvür yaratmalıdır. Bu fasiləsiz proses düz yolu dolayı
şəkildə: mədəniyyət, din, ailə, dövlət, tərbiyə və təhsil sistemi , kütləvi informasiya
vasitələri və s. sosial institutlar vasitəsilə gedir.
Kişi və qadın təbii (bioloji) və sosial ayrılması (differensiyası) arasında olan fərqi
cins (seks) və Qender (soy) kimi iki mərkəzi anlayışın daxil edilməsi ilə möhkəmləndirmək
lazımdır. Birinci bölgünün (differensiyasının) təbii, bioloji təkamülün nəticəsi və insan
nəslinin davamı üçün zəruri olmasını göstərdikdən sonra diqqəti kişi və qadınlar arasında
sosial münasibətlərin yaranmasına, onların əxlaq normaları və sosial rollarını
qenderşünaslıq adlanan elmin mövzusu olmasına yönəltmək lazımdır. Beləliklə, qender
tarixən qender assimetriyasının yaranmasını, onun gələcəkdə mövcud olmasını, xüsusi
qender yanaşma üsulunun formalaşmasını, qender mədəniyyəti və qender ölçüsü
hadisələri və anlayışlarını tədqiq edir. Bu prosesin qanunauyğun nəticəsi isə qender şüur,
idrak və dünyagörüşünün yaranması olacaqdır.