ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
- Bu səhifədəki naviqasiya:
- S a k i n
- S a k i n l ə r
- Avtovağzal kompleksinin açılışı mərasimi
- Dövlət Sərhəd Xidmətinin Yevlaxdakı «N» saylı yeni hərbi hissəsinin qarnizonu və yaşayış binaları kompleksinin açılışı mərasimi
182
görülməsi xalqımızın tarixi qələbəsidir. Biz bundan sonrakı 20 ili də nəzərə alırıq. İnşallah, 20 ildən sonra da görüşəcəyik, bəlkə də bulvarın o tərəfində. Çünki bulvar bir qədər də uzanacaqdır. S a k i n: Allah ömür versin! İ l h a m Ə l i y e v: Mən bundan sonrakı 20 ilin kontur- larını da görürəm. Əminəm ki, Azərbaycan inkişaf etmiş ölkələrin sırasında olacaqdır. Həyat səviyyəsi ən yüksək həddə olacaqdır. Bütün infrastruktur layihələri, əlbəttə, ondan əvvəl öz həllini tapacaqdır. Əhalimiz artacaqdır. Əhali də çox vacibdir. Demoqrafiya vacibdir. Əhalimiz 15 milyon, 20 milyon olmalıdır. İnşallah, o günləri də biz bərabər görəcəyik və daha da güclü, daha da təsirli dövlət yaradacağıq. Mən buna şübhə etmirəm. Bütün bunlara nail olmaq üçün Azərbaycanda hər şey vardır – siyasi iradə, xalqın dəstəyi, iqtisadi güc və gələcəyə olan baxışlarımız. Bir daha qayıdıram Yevlaxda gedən inkişafa. Görürük ki, burada qısa müddət ərzində çox iş görülüb. Rayon icra hakimiyyətinin şəhərin inkişafı ilə bağlı başqa planları vardır. Şəhər böyüməlidir, böyüyür, yeni inkişaf konsepsiyası işlənməlidir. Bütün infrastruktur layihələri vaxtında icra edilməlidir. Yevlaxda su layihəsi icra ediləcək, qazlaşdırılma 100 faiz olmalıdır. Bütün kəndlərdə qaz olmalıdır. Kənd yolları bərpa edilməlidir. Mərkəzi Rayon Xəstəxanası tikilib. Böyük xəstəxanadır. Ölkə miqyasında ən böyük xəstəxanalardan biridir. Nə lazımdırsa onu da edəcəyik və sizinlə də çox görüşəcəyik. Sizə cansağlığı, uğurlar arzulayıram. Sağ olun! S a k i n l ə r: Çox sağ olun, minnətdarıq. * * *
prezident İlham Əliyev burada aparılan tikinti və yenidənqurma işlərinin gedişi ilə tanış oldu. 183
Bildirildi ki, şəhər əhalisinin istirahətinin səmərəli təşkili məqsədilə Kür çayının Yevlax şəhərinin ərazisindən keçən hissəsinin sağ sahili boyunca salınan «Bulvar» istirahət mər- kəzinin uzunluğu 2,5 min metr, ümumi sahəsi 8,2 hektardır. Onun bir hissəsi sahil boyunca, digər hissəsi isə estakadalar üzərində yerləşir. Tikinti işlərinin gedişində istinad divarları tikilmiş, sütunlar inşa olunmuşdur. İstirahət zonasında müxtəlif həcmli 22 fəvvarə, şəlalə, dayaqlar üzərində 86 tağbənd də tikilmişdir. «Bulvar» istirahət mərkəzində müasir işıqlandırma sistemi yaradılmış, uşaqlar üçün attraksionlarla təchiz olunan əyləncə guşəsi qurulmuşdur. Vurğulandı ki, idmana olan maraq nəzərə alınaraq burada futbol və voleybol meydançaları inşa olunmuş, çimərlik zonası salınmışdır. Hazırda Kür çayının sahilində beşulduzlu hotel binasında tikinti işləri davam etdirilir. Bir sözlə, «Bulvar» istirahət mərkəzində yaradılmış şərait Azərbaycanın hər bir bölgəsində abadlıq və quruculuq işlərinin aparılmasının dövlətin diqqət mərkəzində olduğunu göstərir. Avtovağzal kompleksinin açılışı mərasimi Azərbaycan prezidenti İlham Əliyev oktyabrın 7-də Yev- lax Şəhər Avtovağzal Kompleksinin açılışında iştirak etmişdir. Dövlətimizin başçısı Avtovağzal kompleksinin rəmzi açılışını bildirən lenti kəsdi. Məlumat verildi ki, son illərdə ölkənin nəqliyyat sisteminin təkmilləşdirilməsi, sərnişin daşımalarının beynəlxalq səviyyədə həyata keçirilməsi istiqamətində mühüm layihələr icra olunur. Bu sahədə nəinki paytaxt Bakıda, eyni zamanda, regionlarda da müasir standartlara cavab verən avtovağzalların tikintisinə başlanılmışdır. Yevlax şəhərinin qədim İpək yolunun üzərində yerləşməsi, o cümlədən ölkənin qərb istiqamətindən gələn bütün avtomobil yollarının buradan keçməsi onun həm iqtisadi, həm də nəqliyyat baxımından əhəmiyyətini daha da artırır. Odur ki, 184
burada yeni inşa olunan Avtovağzal kompleksi bu tələbatın ödənilməsində mühüm rol oynayır. Diqqətə çatdırıldı ki, gələcəkdə ölkənin bir çox regionlarına yeni marşrutların açılması nəzərdə tutulub. Yeni Avtovağzal kompleksində yaradılan şərait buna hərtərəfli imkan verir. Prezident İlham Əliyev yeni kompleksdə yaradılmış şəraiti yüksək qiymətləndirdi, əhaliyə keyfiyyətli xidmət göstərilməsi ilə bağlı tapşırıq və tövsiyələrini verdi. Dövlət Sərhəd Xidmətinin Yevlaxdakı «N» saylı yeni hərbi hissəsinin qarnizonu və yaşayış binaları kompleksinin açılışı mərasimi
Ali Baş Komandanı İlham Əliyev oktyabrın 7-də Dövlət Sərhəd Xidmətinin Yevlaxdakı «N» saylı yeni hərbi hissəsinin qarnizonu və yaşayış binaları kompleksinin açılışında iştirak etmişdir. Dövlət Sərhəd Xidmətinin rəisi, general-leytenant Elçin Quli- yev Prezident, Ali Baş Komandan İlham Əliyevə raport verdi. Dövlətimizin başçısı əvvəlcə hərbi hissənin qərargahında yaradılmış şəraitlə tanış oldu. Bildirildi ki, burada hərbi qulluq- çuların xidməti vəzifələrini yerinə yetirmələri üçün hər cür şərait yaradılıb. Azərbaycan prezidentinin 2011-ci il 18 iyul tarixli Fərmanına uyğun olaraq, 15 aya inşa edilən bu hərbi hissənin ərazisi 40 hektardır. Burada 80,6 min kvadratmetr ərazidə inşaat işləri görülmüş, 270 min kvadratmetr sahə isə abadlaşdırılmışdır. Altımərtəbəli əsgər yataqxanasında olan prezident İlham Əliyev bölmələrin yerləşmə və tədris şəraiti ilə tanış oldu. Məlumat verildi ki, burada əsgərlərin və digər hərbi qulluqçuların istirahəti və xidməti yüksək səviyyədə həyata keçirmələri üçün zəruri tədbirlər görülmüşdür. Əsgərlərin məişət şəraiti üçün lazımi infrastruktur yaradılmış, bütün növ xidmətlər yüksək standartlar nəzərə alınaraq təşkil olunmuşdur. Bundan əlavə, binanın yuxarı mərtəbəsində böyük konfrans zalı yaradılmışdır ki, burada da hərbi hissənin həyatı ilə bağlı müxtəlif tədbirlər keçiriləcəkdir. Yüklə 3,06 Mb. Dostları ilə paylaş:
|