A n a r Həsənli
Göründüyü kimi, mədəniyyətlər, sivilizasiyalar və konfessiyalar
arasında zəngin əməkdaşlıq ənənələri olan Azərbaycan bu formatda
tədbirlərin keçirilməsi üçün ideal yerdir.
Təsadüfi deyil ki, bütün bu tədbirlər, humanitar sahədə aparılan
islahatlar Azərbaycanın adı ilə bağlıdır. Bütün dövrlərdə
Azərbaycanda müxtəlif mədəniyyətlərə mənsub olan xalqlar
respublikada hökm sürən ictimai-siyasi quruluşdan asılı olmayaraq
bir ailə kimi yaşamışlar. Ümumiyyətlə, heç bir vaxt Azərbaycanda
milli, yaxud dini zəmində qarşıdurma, anlaşılmazlıq olmamışdır. Heç
vaxt ayn-seçkiliyə yol verilməmişdir və bu gün müstəqil Azərbaycan
bu ənənələrə sadiqdir.
-
72
-
Müasir şəraitdə Azərbaycanda dini-mədəni dəyərlərin inkişaf xüsusiyyətləri
II FƏSİL
MÜASİR DÖVRDƏ AZƏRBAYCANIN DİNİ-MƏDƏNİ
DƏYƏRLƏRİNİN İNKİŞAF PROBLEMLƏRİ
2.1. Siviiizasiyalararası dialoqun təşəkkülü
dini-fəlsəfi aspektdə
Bəşəriyyətin inkişaf tarixi əslində dini-mədəni kluarlarda gedən
dialoq mübarizəsi fəlsəfəsinin tarixidir. Narahat dünyamızda
özünüdərk və özünütəsdiq anından başlayaraq varlığını
məhdudlaşdıran sosial və siyasi, maddi və mənəvi maneələri, sədləri
dəf etməyə çalışan insan hüdud və ədalət axtarışında olmuş,
mükəmməl cəmiyyət arzusu ilə yaşamışdır. İstər Şərqdə, istərsə də
Qərbdə əsrlər boyu mütəfəkkirlər, ilahiyyatçılar belə cəmiyyətin
konturlarını cilalamış, insan hüdudlarının tam gerçəkləşəcəyi bu
cəmiyyətin reallaşmasının insanın mənəvi keyfiyyətindən asılı
olması fikrini vurğulamışlar [32].
Dinlərarası dialoqun mahiyyət və xarakterinin transformasiyasının
əsas səbəblərindən biri beynəlxalq qaydanın, həmçinin bütövlükdə dini
bəşər irsi ilə bağlı olan yeni mədəni, etnik və tarixi reallıqların
dəyişilməsi olmuşdur. Qeyd etmək lazımdır ki, dinlərarası mürəkkəb
və bir mənalı olmayan dialoq sakitləşdirici, ümidverici və lazım
gəldikdə bir çox xalqlar üçün təsəlli ola bilər.
Mövcud qlobal təhdidlərin dəyişkənliyi nöqteyi-nəzərindən
dialoq daha çox əhəmiyyət kəsb edir. Bu gün müxtəlif dinlərin və
etiqadların bir çox tərəfdarları bunu başa düşürlər. Onlar dinlərarası
prinsipial və əsas ziddiyyətləri bu dialoqun çərçivəsi xaricində
qoyaraq, öz əsərlərində və təlimlərində yeni siviiizasiyalararası
«körpülərin» qurulmasının açarını axtarıb tapırlar.
Dini mətnlərin ardıcıl öyrənilməsi göstərir ki, demək olar ki,
bütün dinlərdə dialoqun aparılmasına imkan verən müddəalar vardır.
Bu mənada İslam dini də istisna deyil. Qurani-Kərimin səhifələrində
-
73
-
A nar Həsənli
tərbiyəyə, digər dini baxışlara və dünya görünüşünün tərəfdarı olan
şəxslərə qarşı dözümlülüyə xüsusi yer ayrılır. Fərqli düşünməyə qarşı
dözümlülüyə çağırış Quranda müxtəlif formalarda ifadə edilir. Bir
ayədə qeyd olunur ki, din könüllü xarakter daşıyır və məcburiyyəti
qəbul etmir: «Dində məcburiyyət (zorakılıq) yoxdur»; «Və de: «Haqq
rəbbinizdəndir. Kim istəyir inansın, kim də istəyir inanmasın (kafir
olsuıı)». Buradan aydın olur ki, hər bir kəs dinə münasibətini müstəqil
müəyyənləşdirir, dinə təkbaşına və ya başqaları ilə birlikdə etiqad
etmək, dinə münasibətdə əqidəsini ifadə etmək və yaymaq hüququna
malikdir [48, 2:23].
Bu baxımdan dözümlülük və sülh bəşəriyyətin ehtiyac duyduğu
ən qiymətli məfhumlardan biridir. Sülh, sülhməramlı fəaliyyət və
preventiv diplomatiyadan tutmuş insan hüquqları və inkişafın
genişləndirilməsinə qədər dünyanın hər yerində gördüyümüz bütün
işləri, tolerantlığı, digər hüquqlarla yanaşı vicdan azadlığını,
bərabərliyi birləşdirən birməfhumdur.
Ölkəmizdə dini fəaliyyət sahəsində dövlət siyasətinin həyata
keçirilməsinin, dini qurumlarla bağlı qanunvericiliyin müddəalarına
riayət olunmasının, müvafiq dövlət orqanlarının dini qurumlarla
bağlı fəaliyyətinin əlaqələndirilməsinin təmin edilməsi məqsədi ilə
yaradılmış Dini Qurumlarla İş üzrə Dövlət Komitəsi (DQİDK) dini
etiqad azadlığının həyata keçirilməsi üçün münasib şəraitin
yaradılması, habelə bununla bağlı qanunvericilik aktlarına riayət
olunmasına nəzarətin təmin edilməsi sahəsində fəaliyyəti də bu
sahədə müxtəlif məsələlərin həllində yardımçı olur.
BMT Baş Assambleyasının 65-ci sessiyasında qəbul olunmuş
qətnaməyə əsasən hər il fevral ayının birinci həftəsinin bütün dinlər,
etiqadlar və konfessiyalar arasında “ Ümumdünya Harmonik
Münasibətlər Həftəsi” kimi qeyd olunmasının qərara alınması dinlər
arası körpünün formalaşdırılması baxımından önəm daşıyır.
Ölkəmizin həmmüəllif qismində qoşulduğu həmin sənəddə bütün
dövlətlər hər il bu həftə ərzində dinlər və etiqadlar arasında qarşılıqlı
hörməti, etimadı, sülh, humanizm və xeyirxahlıq ideyalarını təşviq
-74
-
Müasir şəraitdə Azərbaycanda dini-mədəni dəyərlərin inkişaf xüsusiyyətləri
etməyə və dəstəkləməyə çağırılır ki, bu da beynəlxalq aləmdə qeyd
olunan istiqamətdə fəaliyyətin güclənməsinə dəstək verir.
2001-ci ilin yanvarın 25-dən ən nüfuzlu regional beynəlxalq
təşkilatlardan olan və əsas məqsədini insan hüquqlarının müdafiəsi
təşkil edən Avropa Şurasının bərabər hüquqlu üzvü olan Azərbaycan
Respublikası həmin ilin dekabrın 25-də «İnsan hüquqlarının və əsas
azadlıqların müdafiəsi haqqında» Konvensiyaya qoşulmuş, milli
qanunvericiliyin bu Konvensiyanın tələblərinə və Avropa standart
larına uyğun təkmilləşdirilməsi öhdəliyini götürmüşdür.
Dini etiqad azadlığının da əsas insan hüquq və azadlıqlarının tərkib
hissəsinə daxil olduğunu, həmçinin dövlətdaxili qanunvericilikdə və
Azərbaycan Respublikasının qoşulduğu beynəlxalq müqavilələrdə
təsbit olunduğunu nəzərə alaraq ölkəmizdə vicdan və dini etiqad
azadlığının təmin edilməsinə xüsusi diqqət yetirilir.
İslamda insan hüquqları probleminə həsr olunmuş tədqiqatlarda
müsəlman ilahiyyatçıları özlərinin demokratik təsəvvürlərini və
mövqelərini məhz bu baxımdan əsaslandırmağa çalışırlar. Bu mənada
ulu öndər Heydər Əliyev də İslam dinini Azərbaycan xalqının milli-
mənəvi sərvəti hesab edərək onun insanları paklığa, saflığa
çağırdığını dönə-dönə vurğulamışdır.
Belə ki, islamın beynəlxalq münasibətlərə təsirini tədqiq edən
tanınmış teoloq Məhəmməd Sadiq Əlifi özünün “İslam və beynəlxalq
münasibətlər” əsərində yazır: “İnsan şəxsiyyəti yalnız azadlıq üçün
şərait olan yerdə, yəni azad yaşayış yerinin, azad gediş-gəlişin,
etiqadın, fikir azadlığının mövcudluğu, nöqteyi-nəzərin azad ifadə
olunduğu, azad dövlətin mümkünlüyü şəraitində inkişaf edir və
formalaşır. Buna görə də islam və köləlik ziddiyyət təşkil etdiyindən bir
araya sığmazlar” [104, 63]. O, fikrinin davamı olaraq daha sonra qeyd
edir ki, islam insana hörmət, onun birinci dərəcəli rolu və
təhlükəsizliyini təmin etmək mövqelərindən çıxış edərək insanın sosial
və beynəlxalq statusunu müəyyənləşdirir. Öz mülahizələrində Qurani-
Kərimin “Əl-Bəqərə” surəsinə əsaslanan ilahiyyatçı-alim ayələrdəki
dərin məntiqə söykənir: (Ya Məhəmməd!) Sənin Rəbbin mələklərə -
-
75
-