37
müddətlər çərçivəsində, konkret olaraq 2020-ci ilə qədər bu rəqəmin
orta Avropa göstəricilərinin 60%-nə çatdırılması (infilyasiya templəri
və Avropada da bu rəqəmlərin artması da nəzərə alınmaqla) üçün
əmək haqqı sistemində əhəmiyyətli reformalar həyata keçirilməlidir.
Əməyin ödəniş sistemi təkmilləşdirilməli, əməyin minimal ödəniş
sistemi saatlıq tarif sisteminə keçirilməlidir. Ən əsası isə qeyri-formal
əmək bazarının miqyasları əhəmiyyətli şəkildə məhdudlaşdırılmalıdır.
6.3. İşsizliyə görə müavinətlərin verilməsi
Rəsmi statistikaya görə 2008-ci ildə işsizlər üçün müavinətin
ödənilməsi üçün dövlət büdcəsindən ayrılan vəsait 2 880 000 manat,
2009-cu ildə 4 050 000 manat və 2010-cu ildə 4 254 000 manat təşkil
etmişdir.
Bu illər ərzində işsizliyə görə müavinət almağa nail olmuş
işsizlərin sayı 5000 nəfərə qədər olur (rəsmi işsiz kimi qeydiyyata olan
digər 35 000 nəfər isə belə müavinətləri ala bilmir).
2008-ci ildə işsizliyə görə verilən orta aylıq müavinət 115 manat,
2009-cu ildə 161 manat və 2010-cu ildə 163 manat təşkil edib.
2014-cü ilin əvvəlinə məşğulluq xidməti orqanları tərəfindən ölkə
üzrə rəsmi işsiz statusu verilmiş şəxslərin sayı 36,5 min nəfər olub,
onların 41,2%-ni qadınlar təşkil edib. İşsizliyə görə müavinətin orta
məbləği 256,1 manat olub.
Dövlət büdcəsində işsizlərə müavinətlərin verilməsi üzrə nəzərdə
tutulan xərclər 5 milyon manat həddində müəyyən olunur ki, bu da
həddən artıq kiçik məbləğdir.
Azərbaycan Respublikası Konstitusiyasının 35-ci maddəsinin 7-ci
bəndinə əsasən “İşsizlərin dövlətdən sosial müavinət almaq hüququ
vardır”
24
. Lakin dövlət büdcəsindən ayrılan vəsaitin minimal olması
səbəbindən işsiz statusu alan şəxslərin Konstitusiya ilə müəyyən
olunan hüquqları pozulur. Müqaisə üçün qeyd edək ki, əhalisi
Azərbaycan əhalisinin təqribən yarsı qədər olan Xorvatiyada bu rəqəm
Azərbaycana nisbətən 100 dəfə çoxdur.
24
Mənbə: http://meclis.gov.az/?/az/topcontent/2
38
İşsizlik müavinətləri ilə bağlı digər problemlər aşağıdakılardır:
İş axtaranların yalnız bir qismi işsiz statusu ala bilir. Eyni
zamanda belə statusun əldə edilməsi üçün də bütün iş axtaranlar
müraciət etmir. Bunun əsas səbəbi məşğulluq xidməti strukturlarının
müxtəlif səbəb və bəhanələr göstərməklə iş axtaranlar işsiz statusu
verməmələri ilə, belə status əldə edildikdə isə müavinətin təyin
olunmasının mürəkkəb olması ilə bağlıdır.
İşsiz statusu alanlardan təqribən 7 nəfərindən 1 nəfəri 6 ay
müddətində işsizliyə görə müavinət ala bilir və bir çox hallarda hətta
müavinət təyin edildikdən sonra vəsait çatışmamazlığı və digər
səbəblərdən müavinətləri almaq mümkün olmur;
Beynəlxalq Əmək Təşkilatının (BƏT) müvafiq Konvensiyasına
görə işsizliyə görə verilən müavinətin həcmi işsiz şəxsin axırıncı əmək
haqqının 50%-dən az olmamalıdır.
Azərbaycanda BƏT Konvensiyasının tələbinə qismən əməl olunsa
da işsizlərin əksəriyyətinin müavinət ala bilməməsi belə şəxslərin
sosial vəziyyətini ağırlaşdırır.
6.4.İşsizliyə görə müavinətlərin verilməsində Avropa təcrübəsi
İşsizliyə görə müavinətlərin verilməsi vəziyyəti MDB ölkələrində
müəyyən fərqlərlə oxşardır. Bir qayda olaraq iş axtaranların 5-10 5-i
müəyyən prosedurları keçdikdən sonra müəyyən müddətə müavinət
ala bilirlər. Bunun da səbəbi yuxarıda göstərildiyi kimi əsasən bu
ödənişlər üçün büdcədə cüzi vəsaitin nəzrdə tutulması və korrupsiya
göstəricilərinin yüksək olmasıdır.
Avropa ölkələrində işsizliyə görə müavinətlərin verilməsi ölkələr
üzrə fərqlidir. Bir sıra ölkələrdə müavinətlərin həcmi nisbətən yüksək,
verilmə müddəti isə nisbətən uzun olduğu halda digərlərində bu
müavinətin həcmi nisbətən az və verilmə müddəti nisbətən qısadır.
Fransada müavinətlərin alınması şərti üzvülük haqqının
ödənilməsindən asılıdır (Əmək haqqının 6,4 %-i miqdarında. Bunun
4%-ni işəgötürən, 2,8%-ni işçi ödəyir). Bu zaman müavinətin həcmi
işçinin işdən azad edilidiyi zaman mövcud olan son əmək haqqının
39
57,4%-ni təşkil edir. Ölkədə işsizliyə görə müavinət 4 aydan 2 ilə
qədər davam edə bilər (50 yaşdan yuxarı işsizlərə 3 ilə qədər).
Almaniyada işsiz qalan şəxs işsizlik müavinəti o halda ala bilər
ki, onun işlədiyi son 24 ayının ən azı 12 ayı üçün 3% həcmində ödəmə
həyata keçirilmişdir. Müavinətin həcmi son əmək haqqının 60%-i
həcmində olur. Uşaqlılar üçün bu həcm 67% təşkil edir. Ödəniş üçün
yüksək hədd 2 215 avro müəyyən olunur. Bu həddən yuxarı müavinət
ödənilmir. Müavinətin ödənişi 6 aydan 24 aya qədər ola bilər.
Böyük Britaniyada vəziyyət bir qədər başqadır. Burada 6 aya
qədər işsizlik müavinəti ödənilə bilər və müavinətin həcmi ayda 381
avro təşkil edir. Bunun üçün ən azı 1 il işçi üçün ödəniş həyata
keçirilməlidir.
İtaliyada işsizlik müavinətinin həcmi işsiz şəxsin işləmiş olduğu
sahədən asılıdır. Bu zaman 50 yaşınadək olan şəxslər üçün müavinət
ödənişi maksimum 240 gün, 50 yaşdan yuxarı şəxslər üçün isə
maksimum 360 gün ola bilər. 2 014 avroya qədər əmək haqqı almış
şəxslərə müavinətin miqdarı maksimum 931 avro, 2 014 avrodan çox
alanlar üçün isə 1 119 avro təşkil edir.
İspaniyada işsizliyə görə müavinətin verilməsi 4 aydan 2 ilə
qədər davam edə bilər. Maksimal müavinət miqdarı 1 397 avro
müəyyən edilir.
Danimarkada işsizlik müavinəti 2 ilə qədər və 2 295 avro
miqdarına qədər ola bilər.
Belçikada ilk 3 ayda işsiz şəxsə son iş yerindəki əmək haqqının
65% miqdarında, sonrakı dövrdə isə 60% miqdarında müavinət
ödənilir. Müavinətin maksimal həddi 1 541 avro təşkil edir.
Avstryada işsiz son iş yerindəki əmək haqqının 55%-i həcmində
müavinət ala bilər. Bu zaman müavinətin maksimal həddi 4 020 avro
ola bilər. Müavinətin ödənilmə müddəti yaşdan və iş dövründə edilən
ödənişlərin müddətindən asılıdır. Bəzi hallarda işsizliyə görə müavinət
9 ilə qədər ödənilə bilər.
Niderlandda işsiz üçün müavinət 3 aydan 38 aya qədər verilə
bilər. Müavinətin həcmi 1 gün üçün maksimum 144,75 avro ola bilər.
Dostları ilə paylaş: |