Əşir Bəşir oğlu Fətəliyev
Yüklə 5,01 Kb. Pdf görüntüsü
|
25 Mən yuxarıda Qubadlı ərazisində mövcud olan tarixi və memarlıq abidələri haqqında danışmışam. Lakin yerinə düşərdi ki, rayonumuzun bir sıra kəndlərində mövcud olan bəzi tarixi abidələrin də adını çəkəm. Bunlardan rayonumuzun Kürçülü kəndindəki Günbəzi, Göy qalanı, Çibikli kəndindəki Məscidi (bu məscid albanlardan qalmadır), Xocamsaxlıdakı qalanı, Dəmirçi Dondarlıda Hacı Bədəl körpüsünü göstərmək olar. Aşağı Molluda bir sıra yer adları olmuşdur Bunlardan kağ yerini (bu yer mənim babam Fətəli kişiyə mənsub olub, ona görə də həmin yerə Fətəlinin kağ yeri deyiblər), kiçik qarovul, böyük qarovul, sarı təpə, düyü torpağı, Babaxan kələyi, Kəklik bulağı, Kəlbə İsmayıllılar, Nəzərin sulu qobusu, Muncuqlu kələk, sınıq qaya, Sətinin qayası, Böyük dərə, Kağ dərəsi, səf dərə, dik daş, əyri dərə, tapan dərə və s. kimi xalq arasında adı dillərdə gəzən yer adları olub. Molluda camaatın savad alması üçün çalışan xeyirxah adamlar sırasında ilk olaraq Qulu Yüzbaşının adını çəkmək lazımdır. O,1924-cü ildə Molludakı evində ilk məktəb təşkil edib. Mollaburan kəndindəki ilk pristav binasını isə mənim babam Fətəli kişi tikdirib. Sovetləşmədən sonra isə həmin bina əvvəlcə kənd sovetinə verilib, sonra isə oradan məktəb kimi istifadə etməyə başlayıblar. 26 Molludan ilk təhsil dalınca gedən Molla Əhməd olub. O, Xorasanda təhsil aldıqdan sonra kənddə molla məktəbi açaraq dərs deməyə başlayıb. Molla Əhmədin oğlu Nəhməd kişi də çox savadlı olub. Yaşlı adamların dediyinə görə o, Qurani-Kərimi əzbər bilirmiş. Sovetləşmə dövründə dini təbliğ etmək yasaq olduğu üçün ölü namazını gizlin qılar və imkan daxilində bu sahədə camaata kömək edərmiş. Aşağı Mollu kəndində ilk inqilabçı və ilk kommunist Həbib Quliyev olub. Ona camaat arasında Qara Həbib də deyərlərmiş. Bunu da qeyd edim ki, mən də onu xatırlayıram. İlk sovetləşmə dövründə banditlərin tərksilah edilməsində onun böyük xidmətləri olub. Uzun müddət rayonumuzda müxtəlif kənd sovetlərində sovet sədri olub. Kəndimizin camaat tərəfindən sevilən adamlarından biri də Bəylər Orucov olub. O, həm bənna, həm dülgər, həm də dəyirmançılıq sənətlərini bilirmiş. Dəyirmanda üyüdülən taxılın muzdu ilə çox-çox aclara və kasıblara kömək edib. Mən də bu insanı xatırlayıram. Sahib olduğu bütün peşələrlə kənd camaatına təmənnasız kömək edərdi. Kəndin yaşlı adamlarının dediyinə görə bizim Mollu camaatının babaları İranın Şamolular kəndindən gəlmədir. Bu ağlabatan bir fikirdir. Çünki o dövrdə İran hökmdarları başqa ərazilərdə etnik dayaq yaratmaq üçün əhalinin bir qismini başqa yerlərə köçürmüşlər. 27 CƏBRAYIL YÜZBAŞI Əslən Aşağı Mollu kəndindən olan Cəbrayıl yüzbaşı eyni zamanda mahalın adlı-sanlı adamlarından biri olub. Cəbrayıl yüzbaşı həm xeyirxah, həm də əliaçıq bir adam olub. Deyilənə görə Mir Cəfər Bağırov bir gün rayonun Həmzəli kəndinə gəlir və Kəbla Mikayılın evində yüzbaşı Cəbrayılı yanına çağırır. Əlyanlı meşəsində yuva salmış banditlərin tutulmasında ona kömək etməyi təklif edir. Çünki deyilənlərə görə heç kəs yüzbaşı Cəbrayılın sözündən çıxmırmış. Bu işdə o, M.C.Bağırova kömək edir. Sonra M.C.Bağırov ona söz verir ki, sənə yaxşı bir vəzifə verəcəm. Lakin Cəbrayıl kişi camaat içərisində nüfuzunu itirməmək üçün İrana çıxıb gedir və ölənə qədər orada yaşayır. M.C.Bağırov isə onun rayondan getdiyini eşidib çox təəssüflənir. 28 ACILI, ŞİRİNLİ AİLƏ HƏYATIM Bu başdan qeyd edim ki, bu kitabda belə bir məsələyə toxunmaqda heç də özümü təbliğ etmək məqsədi güdməmişəm. İlk növbədə məqsədim ondan ibarət olub ki, keçmişimiz, ata və babalarımız, onların necə insanlar olduğu barədə nəvələrimə və ailəmizə yaxın olan insanlara məlumat verim. Mənim babam Fətəli Dünyamalı oğlu orta kəndli olub. Sürü ilə qoyunu, mal-qarası və dükanı olub. İki qardaş olublar. Babamın BƏŞİR adında bir oğlu və Tamaşa adında bir qızı olub. Yuxarıda dediyim kimi onun özünə məxsus kağ yeri olub. Deyilənə görə babam hazırcavab, söz götürməyən və cəsarətli bir adam olub. Kəndimizin yaşlı adamlarının dediyinə görə o, yüzbaşı ilə tez-tez mübahisəyə girərmiş, dediyindən dönməzmiş. Babam həm də podratçılıqla məşğul olub. O, dövlətdən pul götürüb tikinti işləri görərmiş. Yuxarıda qeyd etdiyim Mollaburhan kəndindəki böyük binanı o tikdiribdir. Babamın Camal adında bir qardaşı olub. Camal kişinin 3 qızı olub. Onun qızının biri erkən dünyasını dəyişib. Qalan iki qızının isə kəndimizdə nəvə və nəticələri var. Babamın oğlu və mənim atam Dünyamalıyev BƏŞİR Fətəli oğlu sadə əməklə məşğul olan bir kolxozçu olub. 1941-ci ildə müharibə başlayanda dünyasını dəyişib. Hazırda iki qardaş və iki bacım var. 29 Qardaşımın adı Nüsrət, bacılarımın adı isə Diləfruz və Hamatıldır. Atam vəfat edəndə mənim 5-6 yaşım olub. Demək olar ki, mən ata qayğısı görməmişəm və onunla bağlı heç bir xatirə yadımda qalmayıb. Erkən atamı itirməyim mənim sonrakı həyatıma da güclü təsir edib və mənim sonrakı həyatım anamla bağlı olub. Bir sözlə, anam mənim bütün qayğımı öz üzərinə götürüb. Odur ki, anamla bağlı xatirələrim zəngindir. Anam Dünyamalıyeva Xurşud Hüseyn qızı Yuxarı Mollu kəndindəndir. Anamın taleyi ilə mənim uşaqlıq taleyim arasında bir oxşarlıq olub. O da uşaq ikən əvvəlcə atasını, sonra isə anasını itirib. Onu ana babası Haqverdi kişi saxlayıb. Anamın Qardaş adında bir xalası oğlu və İldırım adında dayısı oğlu olub. Müharibə başlananda müharibəyə gediblər və müharibədən sonra anama çox kömək ediblər. Xüsusilə, anamın dayısı oğlu İldırımın anama və mənə çox köməkliyi dəyib. Mənim böyüyüb ərsəyə çatmağımda anamın əməyi ömrümə həkk olub. Müharibənin ağır günlərində o, həmişə kolxozda işləməklə məndən heç bir şey əsirgəməyib. Bir sözlə, anam mənim həyatımın himayəçisi olub. Bu gün yaşımın ahıl çağında da anamı böyük məhəbbətlə xatırlayıram, onu yad edəndə indinin özündə də kövrəlirəm. Süfrə başında oturanda onun mənim qarşıma qoyduğu duzu, çörəyi yada Yüklə 5,01 Kb. Dostları ilə paylaş:
|