120
... Şeytanlı dərəni təbiət sıldırım qayalara hasarlamışdı. Qaçaqlar dərənin dibi ilə
gedən cığırla üzü sıldırıma qalxırdılar. Cığır cəhənnəmi qıl körpüsündən də
qorxulu idi. Dağ keçiləri belə burada ehtiyatla yeriyirdi.
Qaçaqlar dərəyə sallandılar, dərənin içində xırman boyda bir düzənlik ağarırdı.
Cığır bu xırmanın ortasından keçirdi.
Gözəlin boğazı tutulmuşdu, əl-qolu ilə Həcəri xəbərdar edirdi:
-
Ay gəlin, uşaq amanatı!... Bay allah, biz yenə bəlaya düşdük...
Qaçaq Nəbinin dəstəsi düzənliyə yenicə çatmışdı ki, Cavad xanın qoşunu onları
haxladı. Qaçaqlar atdan tökülüşüb qayaların dalına doluşdular. Onların qaçası
yerləri qalmamışdı; sərbazlar iri qayaları uçurur, qaçaqların başına tökürdülər.
Qayalar göydə fırlanır, qayalara çırpılıb çarpaqlanır, elə bil göydən çınqıl yağırdı.
Qaçaq Nəbi çıxılmaz vəziyyətdə qalmışdı. Əgər qoca anası, birdə zahı arvadı
olmasaydı Əhməd xan onun başına belə oyun aça bilməzdi. Orda-burda iri
qayalardan ağ tüstü qalxırdı, sanki kimsə qayaların üstünə çoxlu yaş kösöv
sancmışdı.Həcər həmin kösövləri görəcək təəccüblə soruşdu:
-
O nədi Nəbi?
-
Görünür, çeytanların kələyidir.
Birdən kösövlər alışdı. Müdhiş bir gurultu qopdu, Dinamit iri qayaları göyə
sovurmuşdu Şeytanlı dərə isitməli qocalar təki titrəyirdi.
Qaçaqlar kahalara sığındılar. Dağ xırıldaya-xırıldaya uçub dərədəki cığırı da
qapadı. Gözəl yenə allahı köməyə çağırırdı:
-
Ya
gözəgörünməz, bizi darda qoyma! Bizə yazığın gəlsin!
Nəbigil yenidən atlanıb xanın sərbazları ilə vuruşa-vuruşa düzənliyə endilər.
Düzənlikdən dərin çalaların, dərin quyuların ağzı şir ağzı təki açılmışdı.
-
Nəbi, uşaq getdi!...
Qaçaq Nəbi Bozatdan sıçradı. Dört gözlə ətrafı gəzdi, oğlunu tapmadı. Birdən
ağzı açıq bir quyu gördü, Aynalını Həcərə verib quyuya endi. Uşaq yumuşaq otun
üstündə çabalayırdı. Taleyə bir bax! Körpəyə heç bir şey olmamışdı. O, anasının
oynatmaq üçün verdiyi sarıbaş tapanca gülləsini ovcunda bərk-bərk sıxmışdı. Nəbi
oğlunu bağrına basıb quyudan çıxarmaq istədikdə gördü ki, divarlarda tutaq yeri
yoxdur. Amma quyudan hər iki tərəfə lağım atılmışdı.
Bir yandan Əhməd xanın, o biri yandan Cavad xanın dəstəsi qaçaqları dirsəkləyib
düzənliyə tökürdü. Lakin qaçaqlar onları yaxına buraxmırdılar. Üç yüzdən çox
silahlı sərbaz hücum çəkib quyunu dövrəyə aldı. Gözəli, Həcəri tutdular. Cavad
xan Həcər xanımın qollarını özü zəncirlədi. “Allah bu xallı gəlini əlimə göydən
saldı!” – deyə sevinirdi. Qoşun gəlinlə qayınananı dövrələmişdi. Tacir Hacı
Fərəcoğlu Əhməd xanın sağında, Kərbəlayı Cəfər isə solunda idi. Həcər xanım
düşmənlərini görəndə daha da qeyzləndi:
-
Açın qollarımı, namərdlər!...
-
Azğınlar, arvad-uşağnan nə işiniz var?!
Qaçaq Nəbi quyunun dibindən anasının, arvadının fəryadını güclə eşidirdi. O,
qəfəsə salınmış pələng təki vurnuxurdu: “Ax... Əhməd xan, əlbət əlimə keçərsən!”
Başının üstünü qəfildən alan bu ölümdən qaçıb qurtarmaq lazım idi. Əhməd
xanla Cavad xan bir tərəfdən, tacir Hacı Fərəcoğlu ilə Kərbəlayı C əfər də o biri
tərəfdən əllərində qılınc quyunun ağzını kəsdirmişdilər. Xan bağırırdı:
121
-
Tez olun quldurbaşını daş-qalaq eləyin!
Nəbi lağıma çəkildi. Uşaq sanki təhlükəni hiss etmişdi, daha ağlamırdı. Ata
oğlunun əlindəki gülləni də alıb tapancasını doldurdu: “Bircə bu gülləyə gümanım
gəlir!”
-
Quyuya düşün!
Mehdi dostları ilə döyüşür, son gülləri quyunu dövrələyən düşmənlərinin üstünə
yağdırırdı. Kim başını quyuya sallayırdı-başsız qalırdı. Kim əlini quyuya uzadırdı-
əlsiz qalırdı. Əhməd xan qəzəblənmişdi:
-
Quyuya od yandırıb tökün! Onu donuz çoşkası kimi ütəcəyəm!
Tacir Hacı Fərəcoğlunun dili açılmışdı:
Çıx bayıra quldur! Sən mənim mal-dövlətimi talan edirdin?! Adamı quyuya belə
salarlar!
Kərbəlayı Cəfər də qılıncını oynadırdı:
-
Düşməndən belə intiqam alarlar! Mənim torpağımı zorla əkənin anasını bax
belə ağladaram, belə! Sən idin mənim ev-eşiyimi odlayan?!
Əhməd xan qalalar fəth edən sərkərdələr təki özünü çəkmişdi. Sərbazlar quyuya
od tökürdülər. Qaçaq Nəbi vəziyyəti təhlükəli görüb quyudan çıxmağı qərara aldı:
-
Dayanın!..
Qaçaq Nəbi oğlunu yapıncısına büküb onu od almış quyudan çox çətinliklə
salamat çıxartdı.
Əhməd xan tacir Hacı Fərəcoğlu ilə məsləhətləşdi:
-
Onu diri-diri tutub şahənşaha peşkən aparacağam. Qoy başına döndüyüm
şah özü o quldurun dərisinə saman təpdirsin!
Nəbinin alnındakı çapıqdan qan sızırdı. Tacir Hacı Fərəcoğli ilə Kərbəlayı Cəfərə
elə bil dünyanı bağışlamışdılar. Əhməd xanın çer gözləri kinayəli gülüşlə
dolmuşdu:
-
Aaa... Xoş gördük, cənab Nəbi! Ey, qoçaqlar, bu quldurbaşının qollarını
zıncirləyib onu birbaş Təbriz qazamatına aparın!
QAÇAQ NƏBĠ ZĠNDANDA
Dəmir darvazanın girəcəyində şişpapaq, sallaq-bığ, boyun-boğazını ət
basmış silahlı keşikçilər gəzisirdilər. Cavad xan onları səslədi:
-Ey! Qoçaqlar, qazamat siçovulunu bura çağırın!
Qazamatın dəmir qapıları şaqqıltı ilə açıldı. Əlində bir qom paslı açar olan
baş qazamat keşikçisinin buz bağlamış zəhmli, ovurtdağ sifəti göründü. O qaz təki
yan basa-basa gəlib Cavad xanın huzurunda baş əydi:
-Ağa, qulluğunda hazıram.
-Bu kafiri lap o qaranlıq zindana sal! Qoy bir az siçanlarla söhbət eləsin.
Üst-başını yoxla, içəri bir şey aparmasın. Eşitdinmi?
-Eşitdim, ağa!
Cavad xan sərbazlarla geri dönən kimi baş qazamat keşikçisi açarları Qaçaq
Nəbinin qulağının dibində cingildətdi: