126
-Həcər xanım, bilirsən ki... – o, qılıncını, tapancasını əda ilə yana itələdi,
əlindəki çiçək dəstəsini irişə-irişə Həcərə uzatdı:
Həcər xanım sərt-sərt onun üzünə baxdı: o özünü bu qorxulu nəfəsdən
birdəfəlik uzaqlaşdırmaq istəyirdi.
-Cavad xan anana yazığın gəlsin! Bir də səni bu kişisiz həyətdə görməyim!
Get bu sözləri öz taylarına oxu.
Cavad xan isə özünü sındırmayıb, Sə
,
didən bir beyt də oxudu:
Həcər xanımın sol yanağındakı xal qara bir qırmaya dönüb xan oğlunun
ürəyinə sancılmışdı. Əlacı olsaydı, gözlərini Həcərin xalından çəkməzdi.
Həcər gül dəstəsinə heç gözünün ucu ilə də baxmadı. Cavad xanın köhləni
artıqtamahlıq edib ağzını Bozatın axuruna uzatdı. Lakin iki tutarlı təpik “yedikdən”
sonra kişnəyib qanlı dodaqlarını yaladı. Bozat elə bil Həcər xanımın intiqamını xan
atından alırdı.
Cavad xan atının cilovunu qoluna dolayıb qaş-gözünü süzdürdü və Həcər
xanıma əl atmaq istədi:
-Sən mənim...
Lakin Həcər xanım xan oğlunu döşündən geri itələdi:
-Çəkil!
Xan oğlu atına söykənib, pərtliyini gizlətmək məqsədilə şit-şit güldü.
-Zarafat eləyirdim xanım...
Arazın səsi gəldi. Gözəl hövsələdən çıxmışdı:
-Bu gəlin harda qaldı? Eşitmir ki, uşaq ağlayır?!. Boy, belə də iş olar?!
“Yəqin qaynanam mənə hirslənib”. Həcər xanım bu sırtıq “aşıqlə” haqq-
hesabı üzmək istəyirdi. Özü də tezliklə, həmişəlik üzmək istəyirdi. Yoxsa Qaradağ
mahalında kimin ağzına qıfıl vurmaq olardı?! O fikirləşib belə bir qərara gəldi ki,
bu gecə xan oğlu ilə görüş tə
,
yin etsin.
-Bura bax, Cavad xan, mən sənin fikrini çoxdan başa düşmüşəm. Ancaq
deyərlər
xəstə tələsər, armud isə vaxtında dəyər... Yerin də qulağı var.
Göydə allah,
yerdə sən, bunu bizdən başqa heç kəs bilməməlidir.
Cavad xan yuxusunda da Həcər xanımdan belə cavab gözləməzdi. O, əlini
gözlərinin üstünə aparıb Həcərin qabağında diz çökdü:
-Bəçeşm, xanım... sözümüz sözdür!
-Di tez ol get, qaynanam məni çağırır.
Xan oğlu əlini dodağına aparıb barmaqlarının ucundan öpdü.
Xan oğlu həyətdən uzaqlaşdı. Həcər xanım asudə nəfəs aldı. O, narahat olan
Bozatın gümüş yalına oxşaya-oxşaya dərdini ona açdı:
-Mənim tərlanım, hirslənmə. Qoy o sərsəri keşikçilərini də götürüb rədd
olsun. Axşam o, görüşə qədər kim bilir biz harda olacayıq.
127
CAVAD XAN
Cavad xan atını kəndin ortası ilə dördnala çapırdı. O, istəyirdi ki, heç kəsin gözünə
görünməsin, heç kəs də onu görməsin. Xan oğluna elə gəlirdi ki, hamı ona göz
qoyur, hamı onu güdür.
Camaat isə öz işi ilə məşğul idi. Biri eşşəklə ot daşıyır, biri əlində üçqulaq
yaabası həyətlərinin çəpərini düzəldir, biri bərəni açıb bağ-bağatını suvarırdı.
Ərbabın həyətində səs-küy daha da gur idi. Kəndlilər ot tayası vururdular. Bir neçə
uşaq isə qoz çırpırdı. Evlərdən cəhrə carıltısı gəlirdi. Qəssab şəgirdləri damların
üstündə alıcıları səsləyirdi:
-Ay yağlı ət alan! Yaxşı qoyun əti var!
Bu çığırtıların, səs-küylərin hamısına dözmək olardı. Xan oğlunu ən çox
hövsələdən çıxaran dərvişlər idi. Iki dərviş kəndin ayağı yertutanlarının çoxusunu
qoz ağacının altına toplamışdı. Adamlar Cavad xanın gəlməsinə məhəl belə
qoymadılar. Dərvişlər cənnət rüşvəti ilə onların huşunu oğurlamışdı. Dərvişlərdən
biri uzun, o biri isə gödək idi. Uzaqdan adama elə gəlir ki, yekəpapaq kişilər qoca
dərvişi çiyinləri üstündə saxlıyır. Uzun, qoca dərvişin kərtənkələ təki cadar-cadar
olmuş qabarlı yalın ayağını yundan toxunmuş əbası güclə örtmüşdü. Tərpəndikcə
çallaşmış saçları kürəyinə səpələnirdi. Qan damarları yoğunlamış iri gözləri seyrək
çal qaşlarının altından diri-diri közərirdi. Saç-saqqalı sinəsində qıvrılmışdı. Hind
qozundan hazırlanmış kəşgülünün zənciri qolunda idi. Balacaboy, arıq, qıyıq göz
dərviş isə sanki sandıq tulası idi. O, “ağasının böyründa onun əmrinə müntəzir
dayanmışdı. Qoca dərviş isə gah gözünün ağını irilədi, gah da var gücü ilə nəfəsini
içinə çəkirdi. Elə ki ciyəri hava ilə dolurdu, əlini oynada-oynada “yahu... yahu!...”
deyə-deyə gürzə təki fısıldayırdı. Belə vaxtda qoca dərviş daha da qızışıb bürünc
saplı, polad dişli təbərzinini başı üzərinə qaldırır, vahiməli səslə çığırırdı:
“Sandıq tulası” dərhal tutuquşuna dönürdü:
Avam camaat qəlyanlarını közərdə-közərədə dərvişə səs verirdi. Meydan
qızışdıkca qoca dərviş təbərzinini şövqlə oxuyurdu:
Ey dil, bu cahan cümləsi əfsanə deyilmi?
Dünyaya uyanlar hamı divanə deyilmi?
Zəhmət
çəkibən xanə bina etmə cahanda,
Bu xanələrin axırı viranə deyilmi?
“Sandıq tulası” özünü yenə yuyulmamış çömçə təki qabağa atırdı:
-Baba dərviş, ərz edim ki, dünyada bütün xanələrin axırı viran olacaq.
Necə ki, Nəbinin xanəsi viran oldu. Şeyxul-İslamın səsini bütün müsəlmanlar
eşitdi; axırda o kafiri tutub verdilər Əhməd xanın caynağına. Ərz etdim ki,
dünyada Əli məhəbbətindən başqa hər şey bihudədir!
Narazı gözlər bir-birinə zilləndi: “Bu sarsaq dərviş Qaçaq Nəbinin adını nə
üçün çəkir? Qaçaqlar bunlara nə ediblər ki?”.
Qoca dərviş onların narazılığını hiss edib tez cənab Əlidən, həzrəti
Fatimədən, həzrəti Səkinədən, həzrəti Zeynəbdən, əfsanələr danışmağa keçdi.