Akif Bayramov
22
qamətindənmi, qar kimi ağ, incə əllərindənmi,
buruq-buruq dolaşıb gərdəninə tökülmüş uzun
hörüklərindənmi deyim? Yoxsa Şiraz çiçəkləri kimi
ətirli nəfəsindənmi sənə söz açım? Əlbəttə, sənə
bunları danışmağımın heç bir mənası yoxdur.
Onsuz da bilirəm ki, danışdığım hadisələrin
mənasını, incəliyini mənim kimi dərk edə
bilməyəcəksən, çünki insan qeyri-adi şeyləri çətin
qavraya bilər.
Züleyxanı görmək üçün altı ay həsrətini
çəkdim. Nəhayət, mən onu rəfiqələri ilə eyvanda
oturub, axşamüstü ay işığında kənizlərin rəqs
etmələrinə
baxanda
görə
bildim.
Görüşüb
danışmağa cürət edə bilməzdim, çünki qızın mənə
meyli ola biləcəyinə ümidim yox idi. İnsan günəşə
yaxınlaşa bilmədiyi kimi, mən də ona yaxınlaşa
bilərdimmi? Gündüzlər ehtiyatla gəzib-dolaşırdım.
Ibrahim xan bilsəydi ki, mən onun qızına məhəbbət
gözüylə baxıram, vəziyyətim pis olardı. Ancaq
axşamlar Züleyxanı görməyə cəsarət etmirdim.
Bilirdim ki, İbrahim xan axşam saat səkkizdən
sonra ayağını evdən kənara qoymur.
Odur ki, gecələr qəlbimdə alovlanan eşqimi
nəğmələrə çevirirdim. Hərdən Hafizdən, Camidən
də qəzəllər oxuyurdum.
Fridrix Bodenştedtin Mirzə Şəfi Vazeh haqqında xatirələri
23
Sərin külək, əs yarımı sərinlət!
Ona xoş söz söylə aşiqi məndən,
Gətirmə kədərli cavab sən ondan
Şəfa versə gətir nazlı canandan!
Əksər
hallarda
mən
öz
nəğmələrimi
oxuyurdum. Borc alınmış zər-xara ilə bəzənmək
nəyimə lazım idi? Kimin nəğmələri mənim
nəğmələrim qədər səlis, aydın olar, ürəklərə yol
tapa bilər? Mən çox dözməli oldum. Nəhayət, bir
xoş gündə qızın diqqətini özümə yönəltməyə qadir
oldum. Xoşbəxtlikdən elə təsadüf düşdü ki, İbrahim
xan yerli düşmənlərlə vuruşmaq üçün Tiflisə getdi.
Xanın evinin yanında sərbəst gəzib-dolanmaq və
nəğmə oxumaq imkanı tapmışdım.
Bir gün İbrahim xanın evinin yaxınlığında
Züleyxanı görmək üçün gizlənib onu güdürdüm,
güddüyüm yerdə boş-bekar dayanıb nəğmə
oxuyurdum. Xanın evində isə heç kəs görünmürdü.
Züleyxanı görməməyimdən müəssir olub, evə
qayıtmaq istətyirdim ki, qəfildən ağ çadraya
bürünmüş bir qadın yanımdan ötəndə astadan:
-
Mirzə Şəfi, arxamca gəl və məni izlə - dedi.
Həyəcandan ürəyim döyündü. Mən onun sözünə
əməl edib, dinməz arxasınca getməyə məcbur
oldum. Biz dar döngənin sağ tərəfi ilə addımlayıb,
əzgil kolları əhatə olunmuş, yüklü karvanların
Akif Bayramov
24
keçib gedə bilməsi mümkün olmayan dar bir cığıra
gəlib çatdıq və dağa sarı qalxıb, xəlvət yerdə
dayandıq. Burda bizi heç kim görməzdi. Mən hiss
etdim ki, bu qadın Züleyxadan mənə nəsə demək
istəyir.
Mirzə Şəfi bir an sözünə ara verdi və şərabdan
bir – iki qurtum içib, hekayəsini davam etmək
istəyirdi ki, mən onu qabaqlayıb:
-
Mənə belə gəldi ki, ağ çadralı qadın
Züleyxanın özüdür, - dedim.
O mənim dediyimi könülsüz dinləyib cavab
verdi:
-
Günəş yerə enə bilərmi? Əgər Züleyxa
gəlmiş olsaydı, mənimlə təklikdə qala bilərdimi?
Günəş qüruba ensə, gecə olmazmı, bu da xoşbəxt
başlanğıcın sonu deyilmi?
Mirzə Şəfi arada bir qədəh də şərab içib, sanki
hisslərini sakitləşdirirdi.
-
Mənim sadəlövh yol yoldaşım aramıza
çökmüş sükutu pozdu, - Mirzə Şəfi sözünü davam
etdirdi.
-Mənim adım Fatmadır – dedi. – Züleyxanın
sirdaşıyam. Xanım səni bir neçə dəfə görüb. Onun
çox xoşuna gəlirsən. Sənin səsini eşitcək o şad olur,
nəğmələrin isə onu valeh edir. Məni sənin yanına
göndərən də odur. Səni sevindirmək üçün deyirəm
Fridrix Bodenştedtin Mirzə Şəfi Vazeh haqqında xatirələri
25
ki, sevginə əmin ola bilərsən. Məhəbbətin yolunda
əziyyət çəkdiyinə görə sənə ürəkdən yanıram.
Mənə inana bilərsən.
-
Demək, Züleyxa yazıq qullarından birinin
məhəbbətinə öz qəlbi ilə cavab vermişdir? – deyə
sevindiyimdən özümü saxlaya bilməyib, ucadan
səsləndim. Sanki yer, göy mənim idi. Bu geniş
səmada
ucmağa
qanad
axtarırdım.
Deməli,
möhnətin qəlbimi neştərləyən tikanı sevincimin
qarşısında parçalanmışdır? Allaha min şükür olsun!
Onun mərhəməti nə qədər böyük, gördüyü işlər
necə də qəribə olurmuş! Mən görən necə iş
görmüşəm ki, öz mərhəmətini Züleyxanın qəlbinə
yağdırır?! Ilham çeşməmi gözəllik dənizindən
qidalandırır.
-
Sən
allahın
mərhəmətini,
Züleyxanın
gözəlliyini tərifləməkdə haqlısan – deyib Fatma
razılığını bildirdi. Züleyxa qiymətli bir üzüyün
bahalı qaşıdır. O, xoşbəxtliyin, səadətin özüdür.
Onun ismət və məsumluğu gözəlliyindən yüksəkdə
olmasaydı, sənə razılığını çoxdan bildirərdi. Bir də
Züleyxa onu dünyalar qədər sevən atasının
qorxusundan, kasıb bir Mirzənin onu sevməsinə
heç imkan verməzdi. Lakin sənə bildirim ki,
İbrahim xanla səfərə çıxmış avar Əhməd xan
Züleyxa ilə evlənmək istəyir. Züleyxanın atası
Dostları ilə paylaş: |