Gəncə Bölməsi
Fridrix Bodenştedtin Mirzə Şəfi Vazeh haqqında xatirələri
Yüklə 1,36 Mb. Pdf görüntüsü
|
- Bu səhifədəki naviqasiya:
- Fridrix Bodenştedtin Mirzə Şəfi Vazeh haqqında xatirələri
- Akif Bayramov
Fridrix Bodenştedtin Mirzə Şəfi Vazeh haqqında xatirələri 31 qüdrətli qartal qanadlarına mindirib, sarsıntılar içində yüksək bir zirvəyə qaldırdı. Tezliklə taleyimin hökmü veriləcəyini hiss edib cürətləndim. Qəlbim isə mənə deyirdi: həyatda sənin üçün yeganə varlıq olan Züleyxanın sevgisindən başqa, kasıb Mirzənin qəlbini dünyada daha heç nə oxşaya bilməz. Buna görə Züleyxaya qovuşmaq üçün bütün qüvvəmi sərf edirdim. Əhməd bəy isə avarların mərkəzi şəhəri olan Xunzaka bir dəstə atlı göndərmişdi ki, qız üçün cehiz və başlıq gətirsinlər. O, kəbin kəsdirib, toy etdikdən sonra Züleyxanı vətəninə aparacaqdı. Gəncə, hərbi yürüşdən qalibiyyətlə qayıtmış hər iki xanın şərəfinə bayramsayağı bəzədilmişdi. Züleyxanın xahişi ilə xanəndələr yarışacaqdılar. Yarışmaq üçün çox yerdən bura xanəndələr dəvət olunmuşdu. Onların hər biri Züleyxanın şərəfinə gözəl mahnı oxumalı idi. Yarışın qalibinə böyük hörmət göstərilirdi. Onun qalib gəldiyi ən görkəmli xanəndənin belə əlindən sazını alıb qırmaq ixtiyarı da vardı. Mən də yarışa dəvət olunmuşdum. Qalib gələcəyimi əvvəldən hiss etmişdim. Ona görə hiss etmişdim ki, mənim ilham mənbəyim şənliyə yığılan xanəndələrin ilhamından güclü idi. Gül olmayan yerdə bülbül necə oxuya bilər? Məhəbbət olmayan yerdə nəğmə də olmaz! Mən özümdə Akif Bayramov 32 qüdrət hiss edib, taleyimin yüksək zirvəsinə qalxmaq, həyatımda bir dönüş yaratmaq istəyirdim. Sirrimi Akim adlı bir nəfərə demişdim. Mənim istəyim baş tutsaydı, o bizi karvanı ilə Şirvan tərəfə, Şamaxıya qaçırmağa söz vermişdi. Bütün işlər barədə Fatma ilə məsləhətləşmişdik. O, yola götürüləcək bahalı şeyləri qablaşdıracaq və Akimi əvvəlcədən razı salacaqdı. Bayram axşamı biz Züleyxa ilə birlikdə qaçmalı idik. Mən gecəyarısı Fatma ilə görüşdüyümüz yerə gəldim. Biz oradan ensiz bir çığırla böyük yola çıxıb, karvanın gəlməsini gözləməli idik. Nəhayət, gözlədiyimiz gün gəlib çatdı. Son vaxtlar heç bilmirdim ki, mənə nə olub. Öz mənzilimdə özümü yad sanırdım. Evin ağ divarlarını, paltar boxçasını, gil döşəməyə salınmış həsiri, pəncərəmə vurulmuş dəmir şəbəkəni elə bil təzəcə görürdüm. Dəqiqələr mənə günlər, saatlar isə illər kimi görünürdü. Səbirsizliklə taleyim barədə veriləcək hökmü gözləyirdim. Lakin günortaçağı xoş bir xəbər eşitdim. Akim yanıma gəlib, qonaqlarl ilə birlikdə İbrahim xanın yeddi atla şəhərdən çıxıb gəzməyə getdiyini və sərkərdələrin silahlanıb onların arxasınca at çaparaq, hərbi oyunda iştirak edtiyini söylədi. Qadınlar isə evdə qalıb xanəndələrin yarışmasına qulaq asmalı idilər. Xanəndələrin Fridrix Bodenştedtin Mirzə Şəfi Vazeh haqqında xatirələri 33 yarışına tamaşa etmək üçün şəhər evlərinin damlarına toplaşan qızların al-əlvan paltarlarının sayrışmasını, sevincdən parıldayan iri qara gözlərini kaş görəydin! Züleyxagilin evinin həyətində böyük bir xalça sərilmişdi. Xalçanın üstündə iki xanəndə əyləşmişdi. Onların birinin əlində saz, o birinin də əlində cəngi var idi. Gəncənin ən gözəl oğlanlarından biri yarışın başlandığını bildirmək üçün gümüş bir sini gətirib, xanəndənin qarşısına qoydu. - Gümüş sinini onların qarşısına qoymaqda məqsəd nədir, Mirzə? – deyə soruşdum. - Gör məndən nə soruşursan! Sininin arxasında müğənni öz hisslərini gizlədir. Müğənni məhəbbətdən oxuyanda ürəyi sıxılır, rəngi saralır. O halda gözəllərə öz sifətini necə göstərə bilər? İyirmi nəfər müğənni növbə ilə mahnı oxuyurdu. Mən yaşca kiçik olduğumdan, axırda çıxış etməliydim. Həyəcandan müğənnilərin nə oxuduqlarını elə bil eşitmirdim. Ancaq mən onu bilirdim ki, onların oxuduqları mahnılar mənim oxuyacağım mahnının yanında sönük bir qığılcıma bənzəyəcək. Nəğməmin sözünə və ahənginə özüm də məftun olmuşdum. Qulaq as, oxuyum: Akif Bayramov 34 Nə mavi göylərdə uçan mələklərə, Nə çiçəkli çöllərdə qızılgüllərə, Nə əbədi günəşin şəfəqlərinə, İnan, dəyişmərəm Züleyxamı mən. Mələklərin qəlbində məhəbbət olmaz, Qızılgül budağı da tikansız olmaz. Günəş də gecələr itirər nurunu. Züleyxam itirməz gözəlliyini. Axtarıb tapmadım heç yanda O Züleyxama tay cahanda. Gözəl, tikansız, əbədi eşqin macərasında Tayını ancaq özündə gördüm Züleyxamın. Mən mahnını oxuyub qurtaranda qızılgüllər ayağımın altına səpələndi. Mən yarışın qalibi oldum. Qəlbimdə sevincimi Züleyxa ilə bölüşdürürdüm. Yola hazırlaşmaq üçün tələsik evə qaçdım. Hətta qalib gəldiyim müğənninin sazını alıb qırmaq belə yadımdan çıxmışdı. Mən özümü xoşbəxt sanırdım. Mirzə Şəfinin keçmiş xatirələri sanki cana gəlmişdi. O, söhbətini yarımçıq qoydu və gözlərini bir an uzaqlara dikib, dinməz dayandı. Ona qəlyan gətirdilər. O, qəlyandan bir – iki qullab vurub, Yüklə 1,36 Mb. Dostları ilə paylaş:
|