Fridrix Bodenştedtin Mirzə Şəfi Vazeh haqqında xatirələri
43
saxlamışdı. Qadınların çatışmayan cəhətləri isə
onun Züleyxa üzərində cəmləşdirdiyi qızlıq təravəti
və sehrli qadın cazibədarlığının içərisində əriyib
yox olurdu. O, daha sevə bilməzdi. Ona görə də
belə qərara gəlmişdi ki, heç bir qadının əzabına bais
olmasın. Onun qəlbinə hakim kəsilən yalnız
Züleyxa idi. Onun səliqə-səhmanı əvvəlki kimi
dəyişilməz qalmışdı. Həmişə olduğu kimi, başını
səliqə ilə qırxdırar, qıvrım saqqalından xoş ətir
qoxusu
gələrdi.
Onun
nazik
barmaqları
Gürcüstanın səması kimi təmiz görünərdi. Özünün
dediyi kimi, “sevda yuvası” olan şiş papağı ona
xüsusi yaraşıq verirdi. O, eyvanda, küçədə qadın
görəndə özünü təmkinlə aparır, başını qaldırmayıb,
qadınların qəlbini ovlayıb keçirdi. O, bundan xoşhal
olmasa da, istəyirdi ki, ona çoxları vurulsun. Onun
gözəl görkəmini, eşqində sadiqliyini görən qızlar,
qadınlar iri qara gözlərini ona dikib vurulsaydılar
da, xeyri yox idi. O təkcə Züleyxanı sevirdi.
Qış fəsli idi. Mirzə Şəfinin tanış şagirdlərindən
biri və Almaniyadan K. və R. adlı iki nəfər ondan
dərs alırdı. Almaniyada biri təbiət və tarixlə, ikincisi
isə
dilşünaslıqla
məşğul
olurdu.
Həmin
şagirdlərdən R. səyyah olduğuna görə, məqsədimiz
bir-birinə uyğun idi. Odur ki, mən onunla yaxından
dostluq edərdim. Biz birlikdə oxuyar, birlikdə
Akif Bayramov
44
şəhərin küçələrini gəzib-dolaşardıq. Axşamlar isə
Mirzə Şəfinin dərslərini dinləyərdik. Tiflisin başqa
yerlərindən Azərbaycan və fars dillərini az-çox
bilən tələbələr də Mirzə Şəfinin dərslərinə
gələrdilər. Mirzə Şəfinin rəhbərliyi ilə əsl “Divani
hikmət” məclisi başlayardı. Dərnəkdə əvvəla Ustad
özü şeirini oxuyar, sonra həmin şeirlərin qafiyəsi və
məzmunu barəsində danışıb bizi başa salardı. O,
tələffüz üzərində də ciddi dayanırdı.
Mən oxuduqca şərqilərimi
Qızların sevincindən qəlbi kövrələr.
Zümrüdtək incə - zərif sözlərim
Saplara düzülüb sevinc gətirər.
Hurimin nəfəsilə dolmuş
Sözlərim ətir qoxuyar.
Sanki bir dəstə qızılgülü
Hədiyyə vermiş mənə Züleyxam!
Təəccüb etməyin ki, nəğməkarın
Qəlbi hikmətlə doludur.
Hikmətlərimlə şıltaq gəncliyim,
Ancaq şeirlərimdə qovuşur.
Fridrix Bodenştedtin Mirzə Şəfi Vazeh haqqında xatirələri
45
Eşqdir, məhəbbətdir müdrikliyim,
Ondan öyrəndim sözü, söhbəti.
Qara gözlüm, gözəl mələyim
Çevrilmiş nəğmənin sözlərinə.
Hikmətsiz olsa da nəğmələrim,
Xoş gələr sizə, mənə bəllidir.
Dodaqlarımdan qopan sözlərim,
Çünki sevgilimin şirin vəsfidir.
Cəmşidin cuşə gətirən şərabının
Qüvvətinə bənzər onun qüdrəti.
Hikmətin sirrini mənə açdıran,
Füsunkar aləmdir, bir də şöhrəti.
Gözəl səslənmirmi o nəğmələrim
Qəlbləri oxşayan ahənglərimdə?
Nəğmələrimin axını deyilmi
Nazlı gözəlin yüngül qədəmləri?
Mirzə Şəfinin şeirlərində həmişə ərəb sözləri
işlənirdi. Biz buna tez-tez rast gəlirdik. Çalışırdıq ki,
bu sözlərin mənasını özümüz tapaq. Mirzə Şəfi
“gözəl
sözlərdir”
deyib,
onların
mənasını
aydınlaşdırmağa
ehtiyac
duymazdı.
Ustad
nəğməsini oxuyub qurtardıqdan sonra gərək
Akif Bayramov
46
hərəmiz bir hikmətli söz, yaxud bir hekayə
danışardıq. Onu da sizə xatırladım ki, söylədiyimiz
fikir və yaxud hekayənin orijinallığı üçün
məsuliyyət hiss etmirdik. Ona görə də yol
verdiyimiz səhvlərin xarakteri ümumi idi. Mirzə
Şəfi bizi diqqətlə dinlədikdən sonra kimin ağıllı,
kimin mənasız danışdığı məsələ barəsində öz fikrini
bildirirdi. Ağlımıza gələn hikmətli sözləri isə Ustad
o dəqiqə nəğməyə çevirirdi.
Bir gün bizlərdən aşiq olan bir gənc dedi:
“İnsan ürəyi özü belə hiss etmədən öz qaranlıq
guşəsində uzun müddət nadir bir inci gizlədə bilir.
Elə ki ilk dəfə o sehrlənmiş qaranlıq guşəyə qadın
nəzərləri çıraq kimi dikilir, o dəqiqə inci alışıb
yanmağa başlayır”.
Bunu deyib qurtarmışdı ki, Mirzə Şəfi fikrini
nəğmə ilə ifadə etdi.
Nazlı canan, qəlbim sənin gözəlliyinlə bəzənir,
Səma günəş şəfəqlərindən bəzənən kimi.
Sən mənə, ey gül, camalını bəxş etməsəydin.
Qaranlıq aləm olardı mənə zindan kimi.
Günəş işıqlandırmasaydı qaranlıqları,
Dünya gözəlliklərə, inan, həsrət qalardı.
Sənin gözəlliyindən şəfəq alan anları.
Qəlbim qızılgül kimi xoş ətir saçardı.
Fridrix Bodenştedtin Mirzə Şəfi Vazeh haqqında xatirələri
47
Mən məftunluqla dedim:
-
Bu, sənin nəğməndir, Mirzə Şəfi! Mənim
burada heç bir iştirakım yoxdur. Əlbəttə, bu sənin
qəlbinin nidasıdır.
-
Yox, - deyə Mirzə Şəfi cavab verdi və şeirin
ardını oxudu:
Nəğməmi yaradan, oxuyan da sən!
Ancaq sənə bəzək verən rəssamam mən.
Əlinlə verdiyin təmiz mərmərdə
Gözəllik yaradan heykəltaraşam mən.
Sən mənə ruh verdin, fikir də verdin,
Mənimsə ağlım öz yerindədir.
Başımı itirsəm, yolumu azsam,
Fikrim, zikirim səy seyrindədir.
Səyyah sifətilə İrandan yenicə gəlmiş oğlan
qəşəng bir gürcü qızına vurulmuşdu. Odur ki,
Ustadın nəğmələri onu valeh etmişdi.
O, yerindən dilləndi:
-
Mirzə Şəfi, Avropa nəğməkarları sənin
yanında heç nədirlər. Deyirlər, lampa günəşin
yanında xırda bir toz isə, böyük səhrada
görünməzdir.
Dostları ilə paylaş: |