443
inkişaf etməkdə olan ölkələrin Beynəlxalq Valyuta Fondunun qərar qəbul etmə
prosesində effektiv iştirakının təmin edilməsi;
real resursların inkişaf etmiş ölkələrdən inkişaf etməkdə olan ölkələrə axınının
təmin edilməsi.
Bu bölümdə həmçinin inkişaf etməkdə olan ölkələrin inkişafının maliyyələşdirilməsi
üçün təxirəsalınmaz tədbirlər də müəyyən edilir:
beynəlxalq maliyyə təşkilatlarının ölkələr arasında ayrı-seçkilik etmədən inkişafın
maliyyələşdirilməsi funksiyalarını səmərəli surətdə yerinə yetirmələri;
inkişaf etməkdə olan ölkələrin inkişaf etmiş ölkələr tərəfindən tətbiq edilmiş idxal
və kapital ixracı üzərində bütün növ nəzarətdən azad edilmələri;
həm dövlət, həm də özəl xarici kapital qoyuluşlarının dəstəklənməsi;
ağır müqavilə şərtləri nəticəsində meydana gəlmiş xarici borc yükünün törətdiyi
mənfi nəticələrin aradan qaldırılması üçün müvafiq təcili tədbirlərin həyata
keçirilməsi;
beynəlxalq maliyyə təşkilatlarının inkişaf etməkdə olan ölkələrə maliyyə yardımı
edərkən onların rela ehtiyaclarını nəzərə almaları.
III.
Sənayeləşmə. Bu bölümdə vurğulanır ki, dünya ictimaiyyəti inkişaf etməkdə olan
ölkələrin sənayeləşməsi üçün bütün lazımi tədbirləri görməlidir və bu, məqsədlə:
inkişaf etmiş ölkələr yardım çərçivəsində inkişaf etməkdə olan ölkələrin sənaye
layihələrinin maliyyələşdirilməsi ilə bağlı sorğularına müsbət cavab verməlidirlər;
inkişaf etmiş ölkələr inkişaf etməkdə olan ölkələrdə sənaye istehsalı layihələrinə
kapital qoyan əmanətçiləri dəstəkləməli və stimullaşdırmalıdırlar;
inkişaf etməkdə olan ölkələrin dünya sənaye istehsalında payını artıracaq yeni
beynəlxalq iqtisadi strukturun bərqərar edilməsi üçün inkişaf etmiş ölkələr inkişaf
etməkdə olan ölkələrdə yeni sənaye güclərinin yaradılmasına yardım etməlidirlər;
dünya ictimaiyyəti inkişaf etməkdə olan ölkələrə texniki yardıma istiqamətlənmiş
proqramları davam etdirməli və genişləndirməlidir.
IV.
Texnologiyaların ötürülməsi. Bu bölümdə göstərilir ki, aşağıdakıları həyata keçirmək
üçün bütün səylər göstərilməlidir:
inkişaf etməkdə olan ölkələrin ehtiyaclarına cavab verən texnologiyaların
ötürülməsi sahəsində beynəlxalq kodeksin hazırlanması;
444
inkişaf etməkdə olan ölkələrin daha sərfəli şərtlərlə müasir texnologiyaları əldə
etmələri üçün şərait yaratmaq;
elmi tədqiqat proqramları çərçivəsində inkişaf etmiş ölkələrin inkişaf etməkdə
olan ölkələrə yardımını əhəmiyyətli dərəcədə gücləndirmək;
texnologiya ötürülməsini tənzimləyən kommersiya praktikasının inkişaf etməkdə
olan ölkələrin ehtiyaclarına uyğun olaraq razılaşdırılması.
V.
Çoxmilli şirkətlərin fəaliyyətinin tənzimlənməsi və onlar üzərində nəzarət. Çoxmilli
şirkətlər üzrə beynəlxalq kodeksin hazırlanması, qəbul edilməsi və həyata keçirilməsi
üçün bütün səylər göstərilməlidir və bu məqsədlə aşağıdakılar zəruridir:
çoxmilli şirkətlərin fəaliyyət göstərdikləri ölkələrin daxili işlərinə qarışmalarının
qarşısının alınması;
məhdudlaşdırıcı işgüzar praktikanın aradan qaldırılması üçün çoxmilli şirkətlərin
fəaliyyətinin tənzimlənməsi;
çoxmilli şirkətlər tərəfindən inkişaf etməkdə olan ölkələrə yardımın, texnologiya
və idarəetmə təcrübəsinin ədalətli və əlverişli şərtlərlə ötürülməsi;
çoxmilli şirkətlərin əldə etdikləri gəlirlərin onların fəaliyyət göstərdikləri
ölkələrdən çıxarılmasının tənzimlənməsi;
çoxmilli şirkətlərin əldə etdikləri gəlirləri inkişaf etməkdə olan ölkələrdə təkrar
investisiya etmələri üçün stimullaşdırılmaları.
VI.
Dövlətlərin İqtisadi Hüquqları və Öhdəlikləri Xartiyası. Bu bölümdə qeyd olunur ki,
hazırlanmaqda olan xartiyanın BMT Baş Assambleyasının növbəti sessiyasında
qəbul edilməsi zəruridir.
VII.
İnkişaf etməkdə olan ölkələr arasında əməkdaşlığa dəstək. Bu bölümdə qeyd olunur
ki, inkişaf etməkdə olan ölkələr arasında artan əməkdaşlıq onların yeni beynəlxalq
iqtisadi qayda çərçivəsində rollarını daha da gücləndirəcək. Inkişaf etməkdə olan
ölkələr regional, subregional və regionlararası səviyyələrdə əməkdaşlığı
genişləndirmək üçün aşağıdakı addımları atmalıdırlar:
onlar tərəfindən ixrac edilən əmtəələrin qiymətlərinin mövcud müdafiə
mexanizminin təkmilləşdirilməsi;
malik olduqları təbii resurslar üzərində daimi suverenitet hüququnun müdafiə
edilməsi;
445
regional və subregional səviyyələrdə iqtisadi inteqrasiyanı dəstəkləmək və
gücləndirmək;
digər inkişaf etməkdə olan ölkələrdən idxalın səviyyəsini əhəmiyyətli dərəcədə
yüksəltmək;
inkişaf etməkdə olan ölkələrin inkişaf etmiş ölkələrə daha əlverişli idxal rejimi
verməmələrinin təmin edilməsi;
maliyyə, kredit münasibətləri və valyuta məsələləri sahəsində səx əməkdaşlığın
stimullaşdırılması;
sənaye, elm və texnika, nəqliyyat, dəniz yükdaşımaları və kütləvi informasiya
vasitələri sahəsində əməkdaşlığın səmərəli vasitələrinin yaradılması və
dəstəklənməsi.
Bu bölümdə həmçinin bildirilir ki, inkişaf etmiş ölkələr inkişaf etməkdə olan
ölkələrin regional, subregional və regionlararası əməkdaşlıq təşəbbüslərinə hərtərəfli
dəstək verməlidirlər.
VIII.
Dövlətlərin təbii resursları üzərində daimi suverenitetinin həyata keçirilməsinə
yardım. Bunun üçün:
hər bir dövlətin malik olduğu özünün təbii resursları üzərində tam və daimi
suverenitet hüququnun sərbəst və səmərəli həyata keçirilməsinə maneçilik
törədən cəhdlərin qarşısının alınması;
inkişaf etməkdə olan ölkələrin milliləşdirilmiş istehsal vasitələrinin istismarı ilə
əlaqədar yardım göstərilməsi barədə xahişlərinə BMT sisteminin səlahiyyətli
qurumlarının müsbət cavab vermələrinin təmin edilməsi.
IX.
Birləşmiş Millətlər Təşkilatı sisteminin beynəlxalq iqtisadi əməkdaşlıq sahəsində
rolunun gücləndirilməsi. Burada qeyd olunur ki, bütün üzv dövlətlər bu proqramı
həyata keçirmək və yeni beynəlxalq iqtisadi qaydanı bərqərar etmək üçün Birləşmiş
Millətlər Təşkilatı sistemindən tam istifadə etməli, bununla da onun ümumdünya
əməkdaşlığında rolunu gücləndirməlidirlər.
X.
Xüsusi Proqram. Bu hissədə Baş Assambleya inkişaf etmiş ölkələri, Beynəlxalq
Valyuta Fondunu, Dünya Bankı Qrupunu təxirəsalınmadan bir sıra tədbirləri həyata
keçirməyə çağırır, həmçinin proqramın həyata keçirilməsi üzrə Xüsusi Fond və
xüsusi Komitə yaradılması təklifini irəl sürür.
Dostları ilə paylaş: |