___________________________________________________163
rılmasına daim xüsusi diqqət yetirir və buna böyük əhəmiyyət
verirəm.
Amerika Konqresinin 1992-ci ildə qəbul etdiyi 907-ci düzəlişin bu
əməkdaşlığın sürətli inkişafına maneçilik törətdiyini bir daha nəzərə
çarpdıraraq həmin düzəlişin aradan qaldırılmasının vacib olduğunu
xüsusi vurğulamaq istərdim.
Əmin olduğumu bildirirəm ki, ikitərəfli Amerika-Azərbaycan
əlaqələri son illər ərzində, cənab prezident, Sizinlə birgə yaranmış
möhkəm dostluq və əməkdaşlıq təməlinə söykənərək daim uğurlu
olacaq, xalqlarımızın mənafelərinə xidmət edəcək, onların rifah
halının yüksəlməsinə, ölkələrimizin iqtisadi dirçəlişinə kömək edəcək,
bütün Qafqaz regionunda sülhün, sabitliyin və əmin-amanlığın
bərqərar olunması üçün böyük imkanlar açacaqdır.
Azərbaycan ilə Amerika arasında həm enerji sektorunda, həm də
digər sahələrdə qarşılıqlı surətdə faydalı
əlaqələrin
möhkəmləndirilməsi, iqtisadi münasibətlərin daha da sıxlaşdırılması
ilə bağlı məsələlərin bu gün müzakirə edilməsi sözsüz ki,
əhəmiyyətli nəticələr verəcəkdir. ATƏT-in İstanbul zirvə görüşünün
tarixi sənədlərində irəli sürülmüş müddəaların həyata keçirilməsi
sahəsində qarşıda duran vəzifələr barədə söhbətimiz, eləcə də
beynəlxalq aləmdə, Qafqazda vəziyyət, regionda əməkdaşlığın
perspektivləri və hər iki ölkəni maraqlandıran bir sıra digər məsələlər
haqqında da fikir mübadiləmiz Amerika - Azərbaycan əlaqələrinin
möhkəmlənməsində, regionda sülhün bərqərar olması üçün xüsusi
əhəmiyyətə malikdir.
___________________________________________________164
AVROPA KOMİSSİYASININ SƏDRİ
POMANO PRODİ İLƏ
GÖRÜŞDƏKİ SÖHBƏTDƏN
İstanbul, «Çırağan sarayı»
19 noyabr 1999-cu il
Heydər Əliyev: Hörmətli cənab Prodi, Sizinlə bir daha
görüşməyimə çox şadam. Sizi Avropa komissiyasının sədri seçilməniz
münasibətilə ürəkdən təbrik edirəm. Avropa Birliyinin Strukturları ilə
Azərbaycan arasında əlaqələrin genişlənməsinə və sıx əməkdaşlığa
böyük əhəmiyyət verirəm. Tarixi İpək yolunun bərpası və TRASEKA
proqramları üzrə əməkdaşlığın genişlənməsi çox mühüm hadisədir.
Əminəm ki, Avropa ilə Asiya arasında nəqliyyat
kommunikasiyalarının inkişafında bu layihələr xüsusi rol
oynayacaqdır.
Avropa Birliyinin ölkəmizə humanitar və texniki yardımlarını
minnətdarlıqla qeyd etmək istərdim. Ermənistan-Azərbaycan, Dağlıq
Qarabağ münaqişəsi nəticəsində işğaldan azad edilmiş rayonlarımızın
bərpasında Avropa komissiyasının TASİS proqramı çərçivəsində
köməyini yüksək qiymətləndirir və cənab Romano Prodi, Sizin
rəhbərliyinizlə bu proqramların müvəffəqiyyətlə davam etdiriləcəyinə
əmin olduğumu bildirirəm.
Romano Prodi: Hörmətli cənab prezident! Avropa komissiyasının
sədri seçilməyim münasibətilə səmimi təbriklərinizə görə Sizə
təşəkkür edirəm. Avropa Birliyi ölkənizlə əməkdaşlığa böyük
əhəmiyyət verir. Avropa strukturları Cənubi Qafqaz regionu ilə təkcə
iqtisadi əlaqələrə deyil, bütün sahələrdə hərtərəfli əməkdaşlığa maraq
göstərir.
___________________________________________________165
Böyük tarixi İpək yolunun bərpasına dair 1998-ci ilin sentyabrında
Bakıda keçirilmiş beynəlxalq konfrans yüksək qiymətə layiqdir.
Regionun inkişaf strategiyasının müəyyən edilməsində bu tədbir
böyük əhəmiyyət daşıdığını xüsusi qeyd etmək istərdim.
Heydər Əliyev: Bu həqiqətən də belədir, cənab Prodi. Onu da
deməliyəm ki, müstəqillik yolu ilə inamla irəliləyən Azərbaycan
Respublikasında demokratikləşmə prosesi və islahatlar uğurla həyata
keçirilir. Xəzərin enerji ehtiyatlarının istifadəyə verilməsi və nəqli
sahəsində görülən işlər də uğurla həyata keçirilir. Bildiyiniz kimi,
ölkəmiz bu layihələrin təşəbbüskarıdır. 1994-cü ildə Bakıda böyük
səylər hesabına imzalanmış «Əsrin müqaviləsi» adlanan ilk neft
müqaviləsi sonrakı genişmiqyaslı neft layihələrinin həyata
keçirilməsində böyük əhəmiyyət daşıyır.
Xəzər neftinin dünya bazarlarına çıxarılması üçün Bakı-
Novorossiysk kəməri ilə yanaşı, bu ilin aprel ayında Bakı-Supsa boru
xətti də istifadəyə verilmişdir. Neft nəqlinin etibarlılığının təmin
edilməsi üçün əsas ixrac boru kəməri kimi Bakı-Tbilisi-Ceyhan
xəttinin inşası üçün İstanbulda imzalanmış sənədlərin böyük tarixi
əhəmiyyətini xüsusi vurğulardım. Bu yolda bizim qarşımıza çox
maneələr çıxıb. Ölkəmizə təzyiqlər göstərililə, region dövlətlərində
qeyri-sabitlik yaratmaq cəhdləri olub. Bütün bu çətinliklərə
baxmayaraq Bakı-Tbilisi-Ceyhan kəmərinin inşasının reallaşması
məndə məmnunluq duyğusu yaradır.
Onu da deyim ki, Xəzərin zəngin enerji ehtiyatlarının hasilatında
ölkəmizin xarici şirkətlərlə geniş əməkdaşlığı karbohidrogen
yataqlarının işlənilməsində İtaliyanın «ENİ-ACİP» Şirkətinin də fəal
iştirakını məmnuniyyət hissi ilə qeyd etdi.
Müstəqillik yolu ilə irəliləyən Azərbaycan dövlətinin qarşılaşdığı
ən böyük problem olan Dağlıq Qarabağ münaqişəsi 12 ildən bəri
davam edir, erməni silahlı qüvvələrinin təcavüzü nəticəsində
___________________________________________________166
torpaqlarımızın beşdə bir hissəsi işğal olunub, bir milyon soydaşımız
qaçqın vəziyyətinə düşərək çadır şəhərciklərində ağır şəraitdə yaşayır.
Bütün bunlara baxmayaraq ölkəmiz Ermənistan-Azərbaycan
münaqişəsinin sülh yolu ilə həllinə tərəfdardır. Beş ildən bəri atəşkəs
rejiminə əməl edilir. Münaqişənin həlli ilə məşğul olan ATƏT-in
Minsk qrupu 1992-ci ildən fəaliyyət göstərir, lakin arzu etdiyimiz
nəticələr hələ də əldə olunmayıb.
Azərbaycan və Ermənistan prezidentləri arasında son vaxtlar bir
neçə görüş keçirilib. Münaqişəni nizamasalma prosesi, eyni zamanda
ATƏT-in Minsk qrupu çərçivəsində davam etdirilməsi olduqca
zəruridir.
Ermənistan-Azərbaycan, Dağlıq Qarabağ münaqişəsinin həllində
və onun nəticələrinin aradan qaldırılmasında ölkəmiz beynəlxalq
birliyin köməyinə ümid bəsləyir.
Romano Prodi: Hörmətli cənab prezident! Mən Xəzər dənizinin
enerji ehtiyatlarının hasilatının və dünya bazarlarına nəqlinin
əhəmiyyətini yüksək dəyərləndirirəm.
Bakı-Ceyhan əsas ixrac boru kəmərinin inşası ilə bağlı sənədlərin
və digər layihələrin imzalanması münasibətilə Sizin başçınızı səmimi-
qəlbdən təbrik edirəm.
Azərbaycan ilə Avropa Birliyi arasında tərəfdaşlığın və
əməkdaşlığın inkişafı üçün geniş perspektivlər açılıb. Mənim rəhbərlik
etdiyim təşkilat bölgədə sülh və sabitlik yaranmasına hər cür kömək
göstərməyə hazırdır.
Hörmətli cənab prezident! İcazə versəniz mən bu göruşdən və
maraqlı söhbətdən məmnun qaldığımı bildirərdim.
Dostları ilə paylaş: |