— 159 —
bütöv Şirvan aşıq sənətində özünü bariz şəkildə göstərən sintezi
dissertasiyada geniş şəkildə təhlil olunmuş və bunun Şirvan
mədəniyyət mühitinin spesifikası ilə bağlı tərəfləri aşkarlanmış-
dır.
Monoqrafiyada aşkarlanmışdır ki, Aşıq Əhmədin auditori-
yası – dinləyiciləri təkcə saz-aşıq sənətinin dinləyiciləri (həm
də biliciləri) olmayıb, eyni zamanda klassik muğam sənətinin
dinləyici- publika səviyyəsində daşıyıcılarıdır. Bu baxımdan,
tarixən formalaşmış sənət ənənələrinə görə, Şirvan aşığı bu sə-
nətin yalnız (təkcə) tarixən ona məxsus olmuş ənənələri ilə pub-
likanın qabağına çıxa bilməzdi. Hər bir aşıq mühitində olduğu
kimi, Şirvan mədəni mühitində də dinləyici və sənətkarın mə-
dəni düşüncəsinin formalaşması, təbii-dialektik olaraq, bir-bi-
rini qarşılıqlı şəkildə şərtləndirən proses olmuşdur. Buna görə
də saz-aşıq mədəniyyət ilə muğam sənəti ənələrinin sintezi mə-
dəniyyət daşıyıcılarını istisnasız olaraq bütövlükdə (sənətkar-
ifaçı) əhatə etmişdir. Publika qabağına çıxan aşığın sənəti, eyni
zamanda dinləyicinin həm də muğama köklənmiş zövqünün
fövqünə qalxmalı idi. Belə olmasaydı, Şirvan aşığı publika qar-
şısında heç vaxt duruş gətirə bilməz və müəyyən zaman ərzində
publikanın zövqünü oxşamayacaq, onun estetik tələbrini ödə-
məyəcək hadisə kimi aradan gedəcəkdi. Şirvan aşıq sənəti isə
nəinki aradan getdi, əksinə, o elə bir səviyyəyə çatdı ki, bu sə-
viyyə bütövlükdə Azərbaycan aşıq sənəti üçün zirvə məqamı
idi. Çünki Azərbaycan aşıq sənətinin yalnız Şirvan zirvəsi
özündə Azərbaycan mədəniyyətinin klassik muğam ənənələrini
sintez edə bilmişdir. Bu həm də Azərbaycan aşıq sənətinin Şir-
van aşıq sənətinin simasında yaşandığı, zamanın fövqünə qalx-
maq qabiliyyətinin göstəricisidir.
Aşıq Əhməd sənəti və yaradıcılığının böyüklük və ululuğu
öz qaynağını ilk növbədə mühitdən almışdır. Tədqiqatın Aşıq
Əhmədin bioqrafiyası və sənətkar statusunun öyrənilməsinə
— 160 —
həsr edilmiş birinci fəslində onun bir sənətkar kimi formalaş-
masında mühitin roluna xüsusi diqqət verilmişdir.
Aşıq Əhmədin poeziyasının məna və forma aləminin araş-
dırılmasına həsr edilmiş ikinci fəslində bu sənətkarın poetik ir-
sinin, xüsusilə Şirvanda məşhur olmasının səbəblərinin elmi
əsasları təhlil edilmişdir. Aydın olmuşdur ki, Aşıq Əhməd poe-
ziyası mövzu, janr, bədii məna sistemi baxımından çox zəngin
hadisədir. Onun şeirlərinin mövzu əhatəsi dini-ruhani, ictimai-
siyasi, məhəbbət və s. mövzular baxımından təhlil edilmiş və
aşkarlanmışdır ki, o, müasir aşıq poeziyasında klassik poetik
ənənələrin görkəmli davamçısı, yaşadıcısı və yaradıcısıdır. Aşıq
Əhmədin poeziyasında mövzu baxımından klasik ənənələrlə
müasirlik birləşir və yaranışından həyat gözəlliklərinin tərən-
nümçüsü olan aşıq sənəti onun yaradıcılığının simasında öz ta-
rixi-estetik «missiyasını» yüksək səviyyədə davam etdirir.
Tədqiqat nəticəsində aydın oldu ki, Aşıq Əhmədin poetik
yaradıcılığı aşıq poeziyası ənənələrinin təkcə mükəmməl bədii
«tətbiqindən» ibarət olmayıb, sözün həqiqi mənasında, orijinal
yaradıcılıq hadisəsidir. O, Azərbaycan aşıq poeziyasının mövzu
dairəsinin bütün mütərəqqi ənənələrini davam etdirməklə bəra-
bər, onu orijinal sənətkar duyumu və istedadının məhsulu olan
şeir inciləri ilə zənginləşdirmişdir. Bu mənada, tədqiqat Aşıq
Əhməd poeziyasının, xüsusilə Şirvan aşıq mühitində, o cümlə-
dən el arasında məşhurluğunun səbəblərinin də buna bağlı oldu-
ğunu aşkarlamışdır.
Şirvan aşıq mühiti tarixən poeziya ənənələri ilə zəngin ol-
muşdur. Bu mühitdə öz poetik sözü ilə seçilmək çətin məsələ-
dir. Çünki Şirvanda poeziyanın tarixən formalaşmış zəngin fon-
du və bu fond əsasında formalaşmış, yüksək tələblərə malik ta-
maşaçı – dinləyici zövqü var. Bu zövqün tələbləri səviyyəsinə
qalxıb, onu ödəyəcək əsərlər qoşaraq məşhurlaşmış Aşıq
— 161 —
Əhməd poeziyası poetik istedadın məhsulu kimi Azərbaycan el-
aşıq poeziyası tarixində özünə əbədi yer tutmuşdur.
Aşıq Əhməd poeziyasının janr keyfiyyətinin öyrənilməsi
göstərdi ki, onun yaradıcılığı janr baxımından da çox zəngin
hadisədir. O, aşıq yaradıcılığının bütün janrlarında şeir qoşmuş
və bununla həm aşıq poeziyasını zənginləşdirmiş, həm də özü-
nün şairlik istedadını, söz demək qüdrətini bu janrlar vasitəsi ilə
gerçəkləşdirmişdir. O, ayrı-ayrı janrların poetik təbiətinə dərin-
dən bələd olan sənətkar kimi aşıq şeirinin hər bir janrının for-
ma-şəkil imkalarından sonacan istifadə etmişdir. Buna görə də,
Aşıq Əhməd yaradıcılığında janrlardan istifadə problemi ayrıca
mövzu kimi diqqəti cəlb etmişdir. Təhlil onun ayrı-ayrı janrlara
münasibətdə yaradıcılıq nümayiş etdirdiyini aşkarlamışdır. Poe-
ziyasından hər bir janra aid səciyyəvi şeirlərin öyrənilməsi gös-
tərmişdir ki, Aşıq Əhməd el-aşıq poeziyasının poetik-forma
strukturuna qarşı çox həssasdır. Bu formalar onun poetik ruhun-
da yaşayır. Onun istifadə etdiyi janrlar milli poetik düşüncənin
ümumi janr fondunu bütövlükdə əhatə etməklə aşığın yaradıcı-
lığına ənənə hadisəsi olaraq daxil olmuş və Aşıq Əhmədin poe-
tik istedad və yaradıcılıq qüdrəti ilə bədii söz incilərinə çevril-
mişdir.
Aşıq Əhməd janrın forma xüsusiyyətlərinə qarşı həssas ol-
muşdur. Belə ki, onun şeirlərində forma-şəkil elementlərinin
«mexaniki tətbiqinə» rast gəlinmir. Yaratdığı hər bir şeirin janr
xüsusiyyətlərini təşkil edən forma elementləri məzmunu, mə-
nanı, bədiiliyi, estetizmi şərtləndirən (təşkil edən) elementlərlə
poetik vəhdətə girərək yüksək bədii estetizmə xidmət etmişdir.
Sənətkarın poeziyasının yüksək bədii səviyyəsi dissertasi-
yada bu məsələyə xüsusi diqqət verilməsini şərtləndirmişdir.
Tədqiqat aşkarlamışdır ki, Aşıq Əhməd poeziyasında bədiiliyi
şərtləndirən amillərin sırası genişdir. Təhlil aşağıdakı amilləri
ortaya çıxartmışdır:
— 162 —
a) Aşıq sənəti ənənəsindən gələn bədiilik layı:
Aşıq Əhməd poeziyası ilk növbədə «varisi», yetirməsi ol-
duğu Şirvan aşıq mühitinin poeziya faktıdır. Bu baxımdan, o, öz
yaradıcılığında Şirvan el-aşıq poeziyasının ən mütərəqqi ənənə-
lərini davam və inkişaf etdirmişdir. Ustadlardan, ululardan əxz
etdiyi bədiilik ənənələri onun poeziyasında daha da cilalanmış,
Aşıq Əhməd nəfəsinə məxsus bədiiliyin xüsusiyyətlərini şərtlən-
dirmişdir.
b) Şirvan ədəbi mühitindən gələn bədiilik layı:
Şirvan el-aşıq poeziyası, ümumiyyətlə, Şirvanda çox qədim
və yüksək ənənələrə malik poeziya ənənələri ilə həmişə qarşı-
lıqlı təsirdə olmuşdur. Bu mühitdə aşıq sənəti heç vaxt məhəlli,
mühitin mədəni-ədəbi həyatından təcrid olunmuş, yaxud müəy-
yən zümrəyə məxsus sənət və yaradıcılıq hadisəsi olmamışdır.
Bu baxımdan, Şirvanda aşıq yaradıcılığı dövrün yazılı ədəbi
ənənələri ilə daim qarşılıqlı təsirdə olmuşdur. Aşıq Əhməd poe-
ziyası da Şirvan aşıq mühitinin qabaqcıl, öndə olan poetik hadi-
səsi kimi mühitdəki bu proseslərin fövqündə durmuşdur. Yəni
onun poeziyasına Şirvanda çox güclü olan yazılı poeziya
ənənələrinin təsiri olmuşdur. Aşıq Əhməd yaradıcılığının heç
də məhəlli hadisə olmaması onun mühitin poetik ənələrinin hər
cür mütərəqqi təsirlərinə qarşı həssas olduğunu aydın şəkildə
göstərir.
c) Sənətkarın fərdi istedad və yaradıcılıq qüdrəti:
Aşıq Əhməd poeziyasının yüksək bədii estetizminin əsasın-
da, təbii ki, yuxarıda sadalanan iki amillə yanaşı onun poetik is-
tedadı dayanır. Yaradıcılığının bədii mahiyyətinin tədqiqatda
geniş şəkildə təhlili göstərir ki, onun poeziyasının məşhurlaş-
ması, müasir aşıq poeziyasının qabaqcıl hadisəsinə çevrilməsi
Aşıq Əhmədin ənənə ilə fərdi poetik istedadının ecazkar vəhdə-
tindən doğmuşdur.