178
Subhi Saleh kimi mütəfəkkir alimlərin özlərini məhdudiyyətlə qarşı-qarşıya qoy-
maları və qiraətlər arsındakı fərqləri yeddi qisimdə qruplaşdırmalarının səbəbi
nədir? Halbuki, onlar yaxşı bilirlər ki, qiraətlər arasındakı fərqlər ən azı 10-dan
çox qisimdə qruplaşdırılmışdır. Bəli, onlar da Quranın “yeddi hərf”də nazil oldu-
ğunu bəyan edən hədislərin mütəvatir olduğunu qəbul edənlər kimi – Siyutinin
qeyd etdiyinə görə, iyirmidən çox səhabə bu hədisi Peyğəmbərdən (s) nəql etmiş-
dir – “yeddi” sayına təəssüb göstərmişlər.
Fəslin əsas mətləbləri:
1. Əhli-sünnə qaynaqlarında Quranın “yeddi hərf”də nazil olduğuna dair
müxtəlif hədislər mövcuddur.
2. Şiə alimləri Əhli-beyt İmamlarının (ə) hədislərinə istinad edərək Quranın bir
“hərf”də və bir qiraətdə nazil olduğunu bildirirlər. İmam Baqir (ə) və İmam Sadiqdən
(ə) nəql edilən hədislər Quranın “yeddi qiraət”də nazil olduğunu inkar edir.
3. Quranın “yeddi hərf”də nazil olduğunu bəyan edən hədislər şiə qaynaqların-
da olan bəzi hədislərdə “Quranın bəyan və xitablarının təsnifatı və növləri” kimi
şərh edilmişdir, o cümlədən: əmr, zəcr, tərğib, tərhib, cədəl, məsəl, qəsəs.
4. “Əhrufu-səb`ə” hədisləri mötəbər hədislər deyildir, çünki Əhli-beyt İmamla-
rı (ə) onları inkar edirlər. Bu hədislər arasında çoxlu ziddiyyətlər vardır. “Əhrufu-
səb`ə” ifadəsinin şərhi və mənası barədə Zərkeşi “əl-Burhan” əsərində 53 məna və
Siyuti “əl-İtqan” əsərində 35 məna qeyd etmişdir. Bundan əlavə, əhli-sünnə hədis
qaynaqlarında olan bəzi hədislərdə Quranın bir qiraətdə nazil olduğu qeyd edilir.
5. Baxmayaraq ki, əhli-sünnə alimlərinin əksəriyyəti “əhrufu-səb`ə” ifadəsində
“luğat və ləhcələr”in nəzərdə tutulduğunu bildirmişlər, lakin ləhcələrin sayın-
da və onların hansı luğat və ləhcə olduğunda o qədər fikirayrılığı vardır ki, bu,
sözügedən hədisə istinad etmək zəminində tərəddüd doğurur.
6. Bəzilərinin nəzərinə görə, qiraətlər arasındakı fərqləri yeddi qisimdə qrup-
laşdırmaq olar.
7. Bu mövzuda nəzər sahibi olan dörd alim - İbn Şazan, İbn Quteybə, İbn Cəzri
və Subhi Saleh – arasında İbn Şazan və Subhi Saleh “qiraətlərin ümumi qayda-
ları” (ﺕﺍءﺍﺮﻗ ﻝﻮُﺻُﺍ) zəminində müxtəlif ləhcələr arasında olan fərqləri, qiraətlər
arasında olan fərqlərin bir qismi hesab etmişlər.
8. Qiraətlər arasındakı fərqlər ümumi bir bölgüdə belə yeddi qisimdən çoxdur.
Amma “əhrufu-səb`ə” hədisinin vurğunları sanki bu fərqləri yeddi qisimdə qrup-
laşdırmaq məcburiyyətində qalmışlar.
9. Qiraət elminin terminində Quranın bütün kəlmələrinin qiraətində ümumi
qaydaları bəyan edən qaydalara “ﺕﺍءﺍﺮﻗ ﻝﻮُﺻُﺍ” və müyyən məqamlarda qiraətlər
arasındakı fərqlərə “ﻑﻭﺮﺤﻟﺍ ﺵﺮﻓ” deyilir.
179
Dördüncü fəsil
Yeddi qiraət
Müqəddimə
Birinci fəsildə hicri-qəməri 3-cü əsrə qədər Quranın qiraətinin keçdiyi
mərhələləri müxtəsər şəkildə nəzərdən keçirdik və qeyd etdik ki, hicri-qəməri
2-ci əsrdə qiraət sahəsində ustad qarilərin meydana gəlməsi ilə bu sahə özünün
çiçəklənmə dövrünü yaşadı. Müxtəlif qiraətlərin yayılması bais oldu ki, elə ikinici
əsrin sonlarında qiraətlərin qaydaları, eləcə də, qiraətlər arasındakı fərqlər barədə
əsərlər qələmə alınsın. Hicri üçüncü əsr boyunca bu sahədə müxtəlif əsərlər ya-
zıldı. Amma zaman keçdikcə qiraətlər arasındakı fərqlər hədsiz çoxaldı. Birinci
fəsildə qiraətlər arasında yaranan fərqlərin bir sıra səbəblərini açıqladıq. Lakin
bunu da nəzərdən qaçırmaq olmaz ki, şagirdlik dövrünü bitirib, Quran qiraətində
ustad səviyyəsinə yüksələn bəzi qarilər özlərini rəy və nəzər sahibi qələmə
verməkdən ötrü yeni qiraətlər ortaya çıxarırdılar.
Üçüncü əsrdə fərqli qiraətlər olduqca çoxaldı. Bu dövrdə bəzi ustadlar qiraətləri
qeydə alıb əsər qələmə aldılar. İlk dəfə Əbu Ubeyd Qasim ibn Səlam (vəfat tarixi:
hicri 224-cü il) müxtəlif qiraətləri bir kitabda topladı və qarilərin sayını 25 nəfər
qeyd etdi. Ondan sonra Antakya sakini Əhməd ibn Cubeyr ibn Məhəmməd Kufi
(vəfat tarixi: hicri 258-ci il) öz kitabında beş qiraəti qeydə aldı və hər şəhərdən
bir qarini tanıtdırdı. Üçüncü şəxs Qazi İsmayıl ibn İshaq Maliki (vəfat tarixi: hicri
281-ci il) idi və o, öz kitabında 20 nəfərin qiraətini, o cümlədən, “yeddi qarinin”
qiraətini qeydə aldı. Dördüncü şəxs Cərir Təbəri (vəfat tarixi: hicri 310-cu il) idi
və o, “Cami” adlı kitabında 20-dən çox qiraəti qeydə aldı. Beşinci şəxs Əbu Bəkr
Məhəmməd ibn Əhməd ibn Ömər Dacuni (vəfat tarixi: hicri 314-cü il) idi və o,
qiraətlər barədə kitab qələmə almışdır.
1
Qiraətlər arasında olan bu qədər fərqlər camaatı nigaran vəziyyətdə qoymuşdu
və onlar bu məsələnin öz həllini tapması intizarında idilər. Nəhayət, hicri dördün-
cü əsrdə Quran qiraətləri sahəsində inqilab baş verdi.
1
“ən-Nəşru fil-qiraa l-əşr”, c.1, s.34; “Quran və fehrest-e mənabe”, s.259-260.
180
İbn Mücahidin təşəbbüsü
İbn Mücahid adı ilə tanınan Bağdadın böyük qarisi Əbu Bəkr Əhməd ibn Musa
ibn Abbas (h.q. 245-324-cü il) “yeddi qiraət”i rəsmiləşdirən ilk şəxs oldu. Qiraət
elmində İbn Mücahidin ustadı Əbuz-Zə`ra Əbdurrəhman ibn Əbdus olmuşdur və
İbn Mücahid dəfələrlə Quranı onun yanında Nafe, Əbu Əmr, Həmzə və Kəsainin
qiraətində xətm etmişdir. O, öz müasirləri Məhəmməd ibn Cərir Təbəri (v. t.: hic-
ri 310-cu il), İbn Əbu Davud Sicistani (v. t.: hicri 316-cı il), Əbu Bəkr Dacuni
(v. t. hicri 324-cü il) və hətta Əbu Bəkr Nəqqaşdan (v. t.:hicri 351-ci il) fayda-
lanmaqdan çəkinməmişdir. İbn Mücahid Bağdadın qiraət heyətlərində yüksək
dərəcələrə yetişdi və dövrünün qarilərindən yüksəkdə dayandı. Kufənin tanınmış
nəhv ustadı Sə`ləb bu əqidədədir ki, hicri-qəməri 286-cı ildə Allahın kitabında
İbn Mücahiddən biliklisi olmamışdır. İbn Mücahidin şöhrəti onun ətrafına çoxlu
tələbələr topladı və deyilənlərə görə, heç bir qiraət ustadının onun qədər tələbəsi
olmamışdır. İbn Mücahidin bir tərəfdən yüksək elmi səviyyəsi, digər tərəfdən
hökumət başçıları ilə əlaqəsi cəmiyyətdə onun nüfuzlu şəxs kimi tanınmasına
zəmin yaratdı. O, İbn Miqsəm və İbn Şənbuzu hicri 322-ci ildə qiraət məsələləri
xüsusunda mühakiməyə çəkdi və onları tövbə etməyə məcbur etdi.
1
İbn Mücahid və yeddi qiraət
Hicri üçüncü əsrdə qələmə alınan əsərlərə nəzər saldıqda görürük ki, sözügedən
“yeddi qiraət”, digər qiraətlərin kənarında yer almış, onlara xüsusi bir önəm və
üstünlük verilməmişdir. İbn Mücahiddən qabaq qiraətlər zəminində əsər qələmə
alan ustadlar, o cümlədən, Əbu Ubeyd Qasim ibn Səlam, Əbu Hatəm Sicistani,
İsmail ibn İshaq Qazi və Məhəmməd ibn Cərir Təbəri öz əsərlərində geniş yayı-
lan iyirmidən çox qiraəti qeydə almışlar. Əslində, qiraətlərin beşiyi sayılan beş
şəhərdən – Mədinə, Məkkə, Kufə, Bəsrə və Dəməşqdən bir nümayəndə seçməyi
qərara alan ilk müəllif Əhməd ibn Cubeyr Əntaki (v. t: hicri 258-ci il) olmuşdur
və o, öz əsərində beş qarinin qiraətini qeydə almışdır.
Əntakinin bu işini İbn Mücahid tərəfindən qiraətlərin “yeddi qiraət”də inhisar-
laşdırlması işinə müqəddimə hesab etmək olar. İbn Mücahid qarilərin seçimində
Kufə qarilərinə xüsusi önəm verdi və Kufədən bir qari deyil, üç qari seçdi.
2
İbn Mücahid hər bir şəhərdən o qarini seçdi ki, həmin şəhərin camaatı onun
qiraətinin daha üstün qiraət olduğunu yekdilliklə qəbul edirdi. Lakin Kufə
1
“Böyük İslam ensiklopediyası”, c.4, s.582.
2
“Böyük İslam ensiklopediyası”, c.4, s.583.
Dostları ilə paylaş: |